Ordes - PREZO PÚBLICO POR ASISTENCIA A CURSOS DE EDUCACIÓN DE ADULTOS
1.- Concepto.
A actividade obxecto do presente prezo público está constituída pola realización de cursos destinados á formación de adultos coa finalidade de preparar os exames para a obtención do título de que se trate e que periodicamente convoca a Xunta de Galicia.
2.- Obrigados ao pagamento.
Están obrigados ao pagamento do prezo público regulado nesta ordenanza os/as solicitantes ou beneficiarios da prestación do servizo.
3.- Contía.
O importe dos prezos públicos será de 18 euros por mes.
4.- Normas de xestión.
A obriga de pagamento do prezo público nace no momento no que se inicie a prestación do servizo, debendo achegar a orde de domiciliación bancaria para o abono das cotas mensuais. O pagamento realizarase por meses anticipados dentro dos primeiros oito días de cada mes.
O mes de inicio e o de remate do curso correspondente ratearase o prezo por quincenas.
No caso de baixa na actividade esta producirá efectos a partires do día 1 do mes natural seguinte á data de presentación da comunicación correspondente.
A falta de pagamento dunha mensualidade implicará a baixa automática na actividade correspondente, sen prexuízo de que dita débeda poda esixirse polo procedemento administrativo de constrinximento. En todo o que non estea aquí previsto acudirase a ordenanza xeral de prezos públicos do Concello de Ordes.