Carballo - ORDENANZA XERAL SOBRE CIRCULACIÓN E UTILIZACIÓN DAS VÍAS PÚBLICAS DO CONCELLO DE CARBALLO

Exposición de motivos

Título Preliminar.- Obxecto e ámbito de aplicación

Título Primeiro.- A circulación urbana

Capítulo Primeiro.- Normas xerais

Capítulo Segundo.- Sinalización

Capítulo Terceiro:.- A parada e o estacionamento

Sección Primeira.- A parada

Sección Segunda.- O estacionamento.

Sección Terceira.- Das tarxetas de estacionamento para minusválidos.

Sección Cuarta.- Do estacionamento con horario limitado na zona azul.

Título Segundo.- Das actividades na vía pública

Capítulo Primeiro.- Obras

Capítulo Segundo.- Obstáculos na vía pública

Capítulo Terceiro.- Carga e descarga

Sección Primeira.- Procedemento de outorgamento de tarxetas de autorización de estacionamento en zonas reservadas á carga e descarga de mercadorías e noutros lugares habilitados ao efecto.

Sección Segunda.- Réxime de circulación e de horarios dos vehículos adicados á carga e descarga e de uso e establecemenot das zonas reservadas e lugares habilitados.

Sección Terceira.- Infraccións e sancións. Réxime sancionador.

Capítulo Cuarto.- Transporte de mercadorías perigosas

Capítulo Quinto.- Paradas de autobuses.

Sección Primeira.- Procedemento de establecemento de zonas de reserva de estacionamento para paradas de autobuses.

Sección Segunda.- Outorgamento de autorizacións de uso das zonas de parada.

Sección Terceira.- Réxime de uso das paradas. paradas fóra de zona reservada.

Sección Cuarta.- Infraccións e réxime sancionador.

Título Terceiro.- Utilización privativa da vía pública

Capítulo Primeiro.- Das autorizacions para entrada e salida de vehículos (vaos)

Capítulo Segundo.- Das reservas de espazo en vía pública

Capítulo Terceiro.- Das terrazas de hostalería.

Título Cuarto.- Medidas cautelares

Capítulo Primeiro.- Inmovilización do vehículo

Capítulo Segundo.- Retirada de vehículos da vía pública

Título Quinto.- Da responsabilidade

Título Sexto.- Procedemento sancionador

Disposición Derrogatoria

Disposición Transitoria

Disposición Derradeira

Anexo I: Sinalización Zona Azul

Anexo II.- Cadro de infraccións e sancións.

As Entidades Locais gozan de autonomía para a xestión dos intereses que lles son propios. A Lei Reguladora das Bases de Réxime Local e o seu Texto Refundido establecen que a ordenación do tráfico de vehículos e persoas nas vías urbanas será competencia das Entidades Locais, a cal será exercida dentro do límite establecido pola lexislación do Estado e das Comunidades Autónomas.

A manifestación desta competencia, en materia de circulación, reflíctese na elaboración dunha Ordenanza que regule os aspectos relacionados coa mesma dentro do Municipio.

O feito da circulación vial é hoxe en día consubstancial ao ser humano, sendo a actividade que máis se prodiga e a que máis vincula á poboación xa sexa na súa faceta condutora ou meramente peonil, razón pola que require unha lexislación concreta e adecuada ás súas especiais circunstancias.

A capacidade normativa das Administracións Locais debe enfocarse cara á regulación das facetas específicas que constitúen a idiosincrasia do Municipio, atendendo á variedade e pluralidade do seu tecido social, co fin de mellorar a calidade de vida dos seus cidadáns.

Este Concello regula mediante a presente Ordenanza diversas cuestións en materia de tráfico co fin de exercer as competencias atribuídas aos Municipios polo artigo 7 do Real Decreto Lexislativo 339/1990, de 2 de marzo, polo que se aproba o texto articulado da Lei sobre Tráfico, Circulación de Vehículos a Motor e Seguridade Vial e normativa concordante e complementar así a lexislación estatal e autonómica neste ámbito. Igualmente, regula determinados aspectos relativos ao réxime de utilización privativa ou aproveitamentos especiais sobre as vías públicas que, incidentalmente, gardan relación coa regulación do tráfico, a circulación de vehículos e a seguridade vial.

Artigo 1.- Competencia.

1.- A presente Ordenanza dítase en exercicio das competencias atribuídas aos Municipios en materia de ordenación do tráfico de persoas e vehículos nas vías urbanas pola Lei de Bases do Réxime Local e a Lei sobre Tráfico, Circulación de Vehículos a Motor e Seguridade Vial.

2.- Naquelas materias non reguladas expresamente nesta Ordenanza aplicaranse directa e subsidiariamente os preceptos da Lei de Seguridade Vial e os Regulamentos ou outras normas que a desenvolvan ou podan desenvolvela nun futuro.

Artigo 2.- Obxecto.

É obxecto da presente Ordenanza:

a) A regulación dos usos das vías urbanas e travesías, de acordo coas fórmulas de cooperación ou delegación con outras Administracións, facendo compatible a equitativa distribución dos aparcamentos entre todos os usuarios; compatibilizar a necesaria fluidez do tráfico rodado e co uso peonil das rúas, así como fomentar a seguridade vial e a prevención de accidentes.

b) O establecemento de medidas de limitación do estacionamento, co fin de garantir a rotación dos aparcamentos, prestando especial atención ás necesidades das persoas que teñen reducida a súa mobilidade e que utilizan vehículos e favorecer así a súa integración social.

c) Establecer os importes das sancións pecuniarias correspondentes ás distintas infraccións, respectando os límites legais na normativa con rango de Lei.

Artigo 3.- Ámbito de aplicación.

1.- As normas contidas nesta Ordenanza obrigarán aos titulares e usuarios das vías e terreos públicos urbanos e os interurbanos cuxa competencia fose cedida ao Concello, que sexan aptos para a circulación ou que, sen ter tal aptitude, sexan de uso común e, en defecto doutras normas, aos titulares das vías e terreos privados que sexan utilizados por unha colectividade indeterminada de usuarios.

Mediante esta Ordenanza regúlase o uso das vías urbanas do Termo Municipal para a circulación de persoas e vehículos e será de obrigado cumprimento para todos aqueles que fan uso das mesmas.

2.- Enténdese por usuarios da vía a peóns, condutores, ciclistas e calquera outra persoa que realice sobre a vía ou utilice a mesma para o desenvolvemento de actividades de natureza diversa, que precisarán para o seu exercicio de autorización municipal.

Artigo 4.- Usuarios.

Os usuarios das vías están obrigados a comportarse de forma que non entorpezan indebidamente a circulación nin causen perigo, prexuízos ou molestias innecesarias ás persoas, ou danos aos bens.

Artigo 5.- Normas de comportamento dos peóns.

1.- Os peóns transitarán polas beirarrúas, as plataformas ou os paseos, preferentemente pola súa dereita, de forma que non obstrúan ou dificulten a circulación por elas doutros viandantes, gozando sempre de preferencia as persoas de mobilidade reducida. Nas vías urbanas sen beirarrúas ou con beirarrúas que non permitan o paso simultáneo de dúas persoas, pero que estean abertas ao tráfico de vehículos, os peóns han de extremar as precaucións e circular cerca das fachadas dos edificios, polo lugar más afastado do centro da calzada no resto das vías según normativa de tráfico.

2.- Os peóns utilizarán os pasos sinalizados para cruzar as calzadas e, nos lugares que carezan destes, farano polos extremos das mazás, perpendicularmente á calzada, asegurándose antes da non proximidade dalgún vehículo.

3.- Ao chegar a unha praza ou rotonda, os peóns deberán rodeala, salvo que estea habilitado un paso para cruzala.

4.- Nos pasos de peóns regulados por semáforo, os peóns deberán respectar as súas sinais ou fases que lles afecten, así como calquera outro tipo de sinalización específica da vía pública.

5.- Os peóns deberán respectar as sinales dos Axentes da Autoridade encargados da vixilancia do tráfico, e seguir as súas indicacións.

Artigo 6.- Zonas peonís.

1.- O Concello poderá establecer illas ou zonas peonís nas que, como norma xeral, será prioritaria a circulación de peóns, e restrinxirase total ou parcialmente a circulación e o estacionamento de vehículos excepto nas zonas especialmente autorizadas.

2.- As illas ou zonas peonís disporán da sinalización correspondente á entrada e á saída. Nas sinales indicaranse as limitacións e os horarios, se procede, sen prexuízo de que se poidan utilizar outros elementos móbiles ou telemáticos que impidan a entrada e a circulación de vehículos na rúa ou zona afectada.

3.- A prohibición de circulación e de estacionamento nas illas ou zonas peonís poderá establecerse con carácter permanente ou referirse unicamente a unhas determinadas horas do día ou a uns determinados días, e poderá afectar a todas ou só algunhas das vías da zona delimitada.

4.- As limitacións de circulación e de estacionamento que se establezan nas illas ou zonas peonís non afectarán aos seguintes vehículos:

a) Os do servizo de prevención e extinción de incendios, dos Corpos e Forzas de Seguridade, ambulancias e transporte sanitario e a aqueles outros vehículos de servizos públicos de limpeza, reparación ou similares, para a prestación do servizo correspondente.

b) Os que trasladen enfermos ou persoas discapacitadas con domicilio ou atención dentro da área.

c) Os que accedan ou salgan de garaxes e estacionamentos autorizados, durante o horario que fixe a licenza correspondente.

d) Os vehículos comerciais ou industriais terán acceso durante o tempo imprescindible para cargar ou descargar, dentro do horario establecido. As tarefas de carga e descarga realizaranse nos espazos indicados ao efecto.

e) Os vehículos destinados a operacións de mudanzas de mobles e pertenzas terán acceso á zona e permiso para estacionar nas condicións e horarios establecidos, para cada caso, na autorización municipal correspondente, segundo dispón o artigo 48.4 desta Ordenanza.

f) Os vehículos destinados ao transporte escolar, nos itinerarios e paradas fixados ao efecto pola Autoridade municipal, de conformidade co establecido no artigo 24 desta Ordenanza.

5.- O Concello poderá ordenar a utilización de distintivos para identificar aos vehículos autorizados a circular nas zonas restrinxidas, que deberán colocarse en lugar visible, preferentemente no parabrisas.

Artigo 7.- Zonas de prioridade invertida e regulación de tráfico en circunstancias especiais.

1.- A Administración Municipal poderá establecer zonas nas cales as condicións de circulación de vehículos queden restrinxidas a favor da circulación e uso da calzada por parte dos peóns.

2.- Cando circunstancias especiais así o requiran, a Autoridade Municipal, por medio da Policía Local, poderá tomar as medidas que sexan oportunas para a adecuada regulación do tráfico, tales como:

a) A restrición ou prohibición da circulación de vehículos en xeral ou dunha categoría en particular por determinadas zonas de poboación.

b) A canalización do tráfico por determinadas vías.

c) A reordenación, restrición ou prohibición da parada ou o estacionamento en determinadas vías.

Artigo 8.- Control do vehículo e outras obrigas do condutor.

1.- Os condutores deberán estar en todo momento en condicións de controlar os seus vehículos. Ao aproximarse a outros usuarios da vía, deberán adoptar as precaucións necesarias para a súa seguridade, especialmente cando se trate de nenos, anciáns, invidentes ou outras persoas manifestamente impedidas.

2.- O condutor dun vehículo está obrigado a manter a súa propia liberdade de movementos, o campo necesario de visión e a atención permanente á condución, que garantan a súa propia seguridade, a do resto dos ocupantes do vehículo e a dos demais usuarios da vía. A estes efectos, deberá coidar especialmente de manter a posición adecuada e que a manteña o resto dos pasaxeiros e a adecuada colocación dos obxectos ou animais transportados, de forma que non haxa interferencia entre o condutor e calquera deles.

3.- Considérase incompatible coa obrigatoria atención permanente á condución o uso polo condutor, co vehículo en movemento, de dispositivos tales como pantallas con acceso a internet, monitores de televisión e reprodutores de vídeo ou DVD. Exceptúanse, a estes efectos, o uso de monitores que estean á vista do condutor e cuxa utilización sexa necesaria para a visión de acceso ou baixada de pasaxeiros ou para a visión en vehículos con cámara de manobras traseiras, así como o uso de dispositivo GPS.

4.- Queda prohibido conducir e utilizar cascos ou auriculares conectados a aparatos receptores ou reprodutores de son, excepto durante a correspondente ensinanza e a realización das probas de aptitude en circuíto aberto para a obtención do permiso de condución de motocicletas de dúas rodas, cando así o esixa o Regulamento Xeral de Condutores.

5.- Prohíbese, durante a condución, a utilización de dispositivos de telefonía móbil e calquera outro medio ou sistema de comunicación, agás cando o desenvolvemento da comunicación teña lugar sen empregar as mans nin usar cascos, auriculares, ou instrumentos similares. Quedan exentos desta prohibición os Axentes da Autoridade, os condutores de vehículos especiais e de acompañamento destes, de furgóns de transporte de fondos e de escolta debidamente acreditados, no exercicio das funcións que teñan encomendadas.

6.- Prohíbese que nos vehículos se instalen mecanismos ou sistemas, se leven instrumentos ou se acondicionen de forma encamiñada a eludir a vixilancia dos Axentes de tráfico e que se emitan ou fagan sinais con dicha finalidade, así como a utilización de mecanismos de detección ou inhibición de radares.

7.- Prohíbese levar abertas as portas do vehículo, abrilas antes da súa completa inmobilización e abrilas ou apearse do mesmo sen terse asegurado previamente de que elo non implica perigo ou entorpecemento para outros usuarios, especialmente cando se refire a condutores de bicicletas.

8.- Queda prohibido circular con menores de doce anos situados nos asentos dianteiros do vehículo salvo que utilicen dispositivos homologados ao efecto. Así mesmo, queda prohibido circular con menores de doce anos como pasaxeiros de ciclomotores ou motocicletas con ou sen sidecar, por calquera clase de vía. Excepcionalmente permítese esta circulación a partir dos sete anos, sempre que os condutores sexan os pais ou as nais, titores ou persoa maior de idade autorizada por eles, utilicen casco homologado e se cumpran as condicións específicas de seguridade establecidas regulamentariamente.

Artigo 9.- Circulación de motocicletas e ciclomotores.

As motocicletas e os ciclomotores non poden circular polas beirarrúas, plataformas, paseos nin carril bici.

Artigo 10.- Circulación de bicicletas.

1.- As bicicletas deberán estar dotadas dos elementos reflectantes debidamente homologados que regulamentariamente se determinen e que deberán posuír estes vehículos con arranxo a dita normativa. Cando sexa obrigatorio o uso de alumeado, os condutores de bicicletas deberán, ademais, levar colocada algunha prenda reflectante, se circulan por vía interurbana.

2.- As bicicletas circularán polos carrís especialmente reservados, respectando a preferencia de paso dos peóns que os crucen. De circular pola calzada por non haber vial reservado, o efectuarán preferiblemente polo carril da dereita, salvo que teñan que realizar un xiro próximo á esquerda.

3.- Agás en momentos de aglomeración, as bicicletas, poderán circular por zonas peonís, paseos, e zonas de prioridade invertida sen carril bici, nas seguintes condicións:

1. Respectarán a preferencia dos peóns.

2. Adecuaran a velocidade á dos peóns sen superar os 10 Km/h.

3. Absteranse de zigzaguear ou realizar calquera outra manobra que poida afectar á seguridade dos peóns.

4.- Cando os ciclistas circulen en grupo polas vías urbanas deberán respectar individualmente a sinalización semafórica que lles afecte.

5.- De forma excepcional, e agás os casos de aglomeración de peatóns, as bicicletas poderán circular por beirarrúas que teñan alomenos tres metros de anchura, cuando non exista un paso alternativo, se respete a prioridade e a seguridade dos viandantes, e sempre pola parte máis próxima á calzada.

Artigo 11.- Velocidade dos vehículos que circulen por núcleo urbano.

1.- O límite máximo autorizado de velocidade a que poderán circular os vehículos por vías urbanas será de 50 Km/h, salvo para os vehículos que transporten mercancías perigosas, que circularán como máximo a 40 km/h, sen prexuízo de que a Autoridade municipal, vistas as súas características peculiares, poida establecer en certas vías e/ou zonas límites inferiores ou superiores.

Nas rúas peonís ou con grande aglomeración de persoas os vehículos non poderán exceder a velocidade de 10 Km/h.

2.- Todo condutor estará obrigado a respectar os límites de velocidade establecidos. Co fin de adecuar a velocidade do vehículo de maneira que sempre poida deter a marcha do mesmo dentro dos límites do seu campo de visión e ante calquera obstáculo, deberá ter en conta, ademais:

1. As propias condicións físicas e psíquicas.

2. As características e estado da vía, do vehículo e da súa carga.

3. As condicións meteorolóxicas, ambientais e de circulación.

4. En xeral, todas aquelas circunstancias en cada momento concorrentes.

3.- Poderase circular por debaixo dos límites mínimos de velocidade nos casos de transportes e vehículos especiais, ou cando as circunstancias do tráfico impidan o mantemento dunha velocidade superior á mínima sen risco para a circulación, así como nos supostos de protección ou acompañamento a outros vehículos, nas condicións que regulamentariamente se establezan.

Artigo 12.- Actividades que afecten á seguridade da circulación.

1.- A realización de obras, instalacións, colocación de contedores, mobiliario urbano ou calquera outro elemento ou obxecto de forma permanente ou provisional nas vías obxecto desta Ordenanza necesitará a previa autorización municipal e rexeranse polo disposto nesta norma e nas leis de aplicación xeral. As mesmas normas serán aplicables á interrupción das obras, en razón das circunstancias ou características especiais do tráfico que poderá levarse a efecto a petición da Autoridade municipal.

2.- Prohíbese arroxar, depositar ou abandonar sobre a vía substancias ou materiais que poidan entorpecer a libre circulación, parada ou estacionamento, facelo perigoso ou deteriorar aquela ou as súas instalacións, ou producir na mesma ou nas súas inmediacións efectos que modifiquen as condicións apropiadas para circular, parar ou estacionar. Así mesmo, prohíbese arroxar á vía ou nas súas inmediacións calquera obxecto que poida dar lugar á produción de incendios ou, en xeral, poñer en perigo a seguridade vial.

Os vehículos, especialmente cando se incorporen á vía pública procedentes de obras, desmontes ou fincas de labranza adoptarán as medidas necesarias para manter as vías limpas de terra, barro ou outros materiais, obxectos e aparatos.

3.- Quen creara sobre a vía algún obstáculo ou perigo deberán facelo desaparecer o antes posible, adoptando mentres as medidas necesarias para que poida ser advertido aos demais usuarios e para que non se dificulte a circulación.

4.- Prohíbese ocupar unha vía de dominio público por causa de actividades ou instalacións sen autorización municipal.

5.- Prohíbese expresamente a limpeza, lavado ou reparación de vehículos na vía pública.

Artigo 13.- Emisión de perturbacións e contaminantes.

1.- Non poderán circular polas vías obxecto desta Ordenanza os vehículos con niveis de emisión de ruído superiores aos regulamentariamente establecidos; así como tampouco emitindo gases ou fumes en valores superiores aos límites establecidos e nos supostos de ser obxecto dunha reforma de importancia non autorizada.

Todos os condutores de vehículos quedan obrigados a colaborar nas probas regulamentarias de detección que permitan comprobar as posibles deficiencias e reformas indicadas.

2.- Tanto nas vía públicas urbanas como nas interurbanas prohíbese a circulación de vehículos a motor e ciclomotores co chamado escape libre, sen o preceptivo silenciador das explosións.

Prohíbese, así mesmo, a circulación dos vehículos mencionados cando os gases expulsados polos motores, en lugar de atravesar un silenciador eficaz, saian desde o motor a través dun incompleto, inadecuado, deteriorado ou a través de tubos resoadores e a dos de motor de combustión interna que circulen sen acharse dotados dun dispositivo que evite a proxección descendente ao exterior de combustible non queimado ou lancen fumes que poidan dificultar a visibilidade aos condutores doutros vehículos ou resulten nocivos.

Os axentes da autoridade poderán inmobilizar o vehículo no caso de que supere os niveis de gases, fumes e ruídos permitidos regulamentariamente, segundo o tipo de vehículo, conforme ao artigo 70.2 do texto articulado da Lei sobre Tráfico, circulación de vehículos a motor e seguridade vial.

3.- Queda prohibida a emisión dos contaminantes a que se refire o apartado 1 producida por vehículos a motor por encima das limitacións previstas nas normas reguladoras dos vehículos.

4.- Igualmente queda prohibida a dita emisión por outros focos emisores de contaminantes distintos dos producidos por vehículos a motor, calquera que fose a súa natureza, por encima dos niveis que o Goberno estableza con carácter xeral.

Quedan prohibidos, en concreto, os vertedoiros de lixo e residuos dentro da zona de afección das estradas, en todo caso, e fora dela cando exista perigo de que o fume producido pola incineración do lixo ou incendios ocasionais poida alcanzar a estrada.

Artigo 14.- Sinalización.

1.- A sinalización das vías urbanas corresponde á Autoridade municipal. A Alcaldía ou o Concelleiro Delegado ordenarán a colocación, retirada e substitución dos sinais que en cada caso proceda, así como a autorización de sinais temporais por motivo de obras ou outras circunstancias.

2.- Todos os usuarios das vías obxecto desta Ordenanza estarán obrigados a obedecer os sinais da circulación que establezan unha obrigación ou unha prohibición e a adaptar o seu comportamento ao mensaxe do resto dos sinais regulamentarias que se encontren nas vías polas que circulen.

A estes efectos, cando o sinal impoña unha obrigan de detención, non poderá renovar a súa marcha o condutor do vehículo así detido ata ter cumprido a finalidade que o sinal establece.

Artigo 15.- Alteración.

1.- A instalación, retirada, traslado ou modificación da sinalización requirirá a previa autorización municipal. A autorización determinará a ubicación, modelo e dimensións das sinales a implantar.

2.- Prohíbese modificar o contido dos sinais ou colocar sobre elas ou ao lado destas, placas, carteis, marquesiñas, anuncios, marcas ou outros obxectos que poidan inducir a confusión, reducir a súa visibilidade ou eficacia, cegar aos usuarios da vía ou distraer a súa atención.

3.- O Concello procederá á retirada inmediata de toda aquela sinalización que non estea debidamente autorizada ou non cumpra as normas en vigor, e isto tanto no que concirne aos sinais non regulamentarias como se é incorrecta a forma, colocación ou deseño do sinal.

Artigo 16.- Sinalización de entradas.

1.- Os sinaIs de tráfico preceptivas instaladas nas entradas dos núcleos de poboación, rexerán para todo o núcleo, salvo sinalización específica para un tramo de rúa ou zona.

2.- Os sinais instaladas nas entradas das zonas peonís e demais áreas de circulación restrinxida ou de estacionamento limitado, rexen en xeral para a totalidade do viario interior do perímetro.

Artigo 17. Orde de prioridade.

1.- A orde de prioridade entre os distintos tipos de sinais é o seguinte:

1. Sinais e ordes dos Axentes encargados da vixilancia do tráfico.

2. Sinalización circunstancial que modifique o réxime de utilización normal da vía pública.

3. Semáforos.

4. Sinais verticais de circulación.

5. Marcas viais.

2.- No suposto de que as prescricións indicadas por diferentes sinales parezan estar en contradición entre si, prevalecerá a prioritaria, segunda a orde a que se refire o apartado anterior, ou a máis restritiva se se trata de sinales do mesmo tipo.

Artigo 18. Modificación temporal.

A Autoridade municipal, en casos de emerxencia ou ben pola celebración de actos deportivos, culturais ou de calquera outra natureza, susceptibles de producir grandes concentracións de persoas ou vehículos, poderá modificar temporalmente a ordenación do tráfico existente e adoptar, no seu caso, todas as medidas preventivas necesarias para garantir a seguridade das persoas e vehículos e unha maior fluidez na circulación.

Sección Primeira.- A parada

Artigo 19.- Parada.

Enténdese por parada toda inmobilización dun vehículo durante un tempo inferior a dous minutos, sen que o condutor poida abandonalo.

Non se considerará parada a detención accidental ou momentánea por necesidade da circulación nin a ordenada polos axentes da Policía Local ou por circunstancias de urxencia que sexan imprevisibles e inaprazables.

Artigo 20.- Lugar de parada.

1.- A parada deberá efectuarse de tal maneira que o vehículo non obstaculice a circulación nin constitúa un risco para o resto dos usuarios da vía, coidando especialmente a colocación do mesmo.

En todo caso, a parada terá que facerse situando o vehículo o máis cerca posible do borde dereito segundo o sentido da marcha, aínda que en vías dun só sentido de circulación, se a sinalización non o impide, tamén poderá realizarse situando o vehículo o máis cerca posible do borde esquerdo, adoptándose as medidas necesarias para evitar o entorpecemento da circulación.

2.- Os pasaxeiros terán que baixar polo lado correspondente á beirarrúa. A persoa condutora, se ten que baixar, poderá facelo polo outro lado, sempre que previamente se asegure que pode facelo sen ningún tipo de perigo.

Artigo 21.- Modo de parada

1.- En todas as zonas e vías públicas, a parada efectuarase nos puntos onde se produzcn menos dificultades na circulación. Exceptúanse os casos nos que os pasaxeiros sexan persoas enfermas ou impedidas, ou se trate de vehículos dos servizos públicos de urxencia que se encontren de servizo, os das Forzas e Corpos de Seguridade ou de camións do servizo de limpeza ou recollida de lixo.

2.- Nas paradas en rúas urbanizadas sen beirarrúa, deixarase unha distancia mínima dun metro desde a fachada máis próxima.

Artigo 22.- Parada de taxis

Os auto-taxi e vehículos de gran turismo pararán nos lugares establecidos polo Concello.

Artigo 23.- Parada de autobuses.

1.- Os autobuses, tanto de liñas urbanas como interurbanas, unicamente poderán deixar e recoller viaxeiros nas paradas expresamente determinadas ou sinalizadas pola Autoridade municipal.

2.- Os demáis aspectos sobre o réxime de uso e establecemento das zonas de paradas de autobuses serán os regulados no Capítulo Cuarto do Título Segundo desta Ordenanza.

Artigo 24.- Itinerarios.

A Autoridade municipal poderá requirir aos titulares de centros docentes que teñan servizo de transporte escolar para que propoñan itinerarios para a recollida de alumnos. Unha vez aprobados estes, dita Autoridade poderá fixar paradas dentro de cada ruta, quedando prohibida a recollida de alumnos fora de ditas paradas, consonte ao procedemento establecido no Capítulo Cuarto do Título Segundo.

Artigo 25.- Prohibicións.

Ademais dos supostos contemplados no artigo 94 do Regulamento Xeral de Circulación, aprobado por Real Decreto 1428/2003, de 21 de novembro, prohíbese a parada nos casos e lugares seguintes:

a. Onde o prohiban as sinais correspondentes.

b. Sobre os refuxios, illas, medianas, zonas de protección e demais elementos canalizadores do tráfico.

c. Cando se obstaculice a utilización normal do paso de entrada ou saída de vehículos e persoas. Así como cando se encontre sinalizado o acceso de vehículos co correspondente vao.

d. Sobre as beirarrúas, paseos e demais zonas destinadas ao paso de peóns e zonas sinalizadas para uso exclusivo de diminuídos físicos.

e. A menos de cinco metros dunha esquina, cruce, intersección ou bifurcación, salvo que a parada se poida realizar en chafráns ou fora destes sen constituír obstáculo ou causar perigo para a circulación.

f. Nas pontes, pasos a nivel, túneles, e debaixo dos pasos elevados, salvo sinalización en contrario.

g. Nos lugares onde a detención impida a visión da sinalización aos usuarios aos que vaia dirixida ou obrigue a facer manobras.

h. h. Na proximidade de curvas ou cambios de rasantes, cando a visibilidade sexa insuficiente para que os demais vehículos poidan pasar sen perigo ao que estea detido.

i. Nos espazos sinalizados como reservados para vehículos de servizo público, organismos oficiais e servizos de urxencia.

j. Nos carrís, paradas ou pasos reservados para determinados vehículos, como autobuses de transporte público de pasaxeiros, taxis ou bicicletas.

k. Nos rebaixes da beirarrúa para o paso de persoas de mobilidade reducida.

l. Cando se obstaculicen os accesos e saídas de emerxencia debidamente sinalizadas pertencentes a colexios, edificios, locais ou recintos destinados a espectáculos ou actos públicos, nas horas de celebración dos mesmos.

m. En medio da calzada, aínda no suposto caso de que a anchura da mesma o permita, salvo que estea expresamente autorizado.

n. Nas vías públicas declaradas de atención preferente por Resolución municipal, salvo que a parada se poida realizar nos chafráns.

ñ.. Cando se impida a outros vehículos un xiro autorizado.

o. Cando produzan obstrución ou perturbación grave na circulación de peóns ou vehículos.

Sección Segunda.- O estacionamento.

Artigo 26.- Estacionamento.

Enténdese por estacionamento toda inmobilización dun vehículo cuxa duración exceda de dous minutos, sempre que non estea motivada por imperativo da circulación, polo cumprimento de calquera requisito.

Artigo 27.- Modo de estacionamento.

1.- O estacionamento deberá efectuarse de tal maneira que o vehículo non obstaculice a circulación nin constitúa un risco para o resto dos usuarios da vía coidando especialmente a colocación do mesmo situándoo o máis cerca posible do borde da calzada segundo o sentido da marcha e o evitar que poida poñerse en movemento en ausencia do condutor. A tal obxecto os condutores terán que tomar as precaucións adecuadas e suficientes e serán responsables das infraccións que se poidan chegar a producir como consecuencia dun cambio de situación do vehículo ao poñerse en marcha espontaneamente ou pola acción de terceiros, salvo que neste último caso haxa existido violencia manifesta.

2.- O estacionamento efectuarase de forma que permita aos demais usuarios a mellor utilización do restante espazo libre.

Artigo 28.- Tipos de estacionamento. Estacionamento con limitación temporal.

1.- O estacionamento pode ser:

a. En fila ou cordón, aquel no que os vehículos están situados uns detrás doutros e de forma paralela ao borde da beirarrúa.

b. En batería, aquel no que os vehículos están situados uns ao costado doutros e de forma perpendicular ao borde da beirarrúa.

c. En semibatería, aquel no que os vehículos están situados uns ao costado doutros e oblicuamente ao borde da beirarrúa.

Como norma xeral o estacionamento farase sempre en fila. A excepción a esta norma, terase que sinalizar expresamente.

2.- Nos estacionamentos con sinalización no pavimento, os vehículos deberán colocarse dentro do perímetro marcado.

3.- O estacionamento con limitación temporal regúlase na Sección Cuarta deste Capítulo.

Artigo 29.- Parte de estacionamento.

1.- Nas vías de dobre sentido de circulación, o estacionamento cando non estivera prohibido, efectuarase no lado dereito do sentido da marcha.

2.- Nas vías dun só sentido de circulación e sempre que non exista sinal en contrario o estacionamento efectuarase no sentido da marcha e en ambos lados da calzada sempre que se deixe unha anchura para a circulación non inferior a tres metros.

Artigo 30.- Maneira de estacionar.

1.- Os condutores deberán estacionar os vehículos tan cerca do borde como sexa posible, deixando un espazo de entre vinte e dez centímetros entre o borde da beirarrúa e a superficie exterior das rodas do vehículo, para permitir a limpeza desta parte da calzada. Ademais os condutores non poderán estacionar un vehículoaolado doutro a unha distancia inferior a 30 centímetros en línea e 40 centímetros en batería. Tampouco poderá estacionarse un vehículo a máis de 1 metro dos vehículos dianteiro e traseiro.

2.- Os condutores deberán estacionar os vehículos tan cerca do borde como sexa posible, deixando un espazo de entre vinte e dez centímetros entre o borde da beirarrúa e a superficie exterior das rodas do vehículo, para permitir a limpeza desta parte da calzada.

3.- Os vehículos de dúas rodas deberán respectar, ademais as seguintes normas de estacionamento:

a) Estacionarán en batería cun ángulo tal que, en ningún caso, ocupen máis de 1,5 metros ao longo da calzada nos lugares de libre aparcamento, sen prexuízo de que se existiran espazos reservados para este tipo de vehículos a menos de 100 metros deberán utilizalos inescusablemente.

b) Non poderán estacionar entre dous vehículos de forma que impidan o normal acceso a estes ou obstaculicen as manobras de estacionamento. Tampouco poderá estacionarse se se dificulta a incorporación destes vehículos á circulación.

c) Non poderán encadear ou atar estes vehículos entre si ou a calquera outro elemento non destinado a tal fin, tales como árbores, farolas, postes de sinalización, bancos e demais mobiliario urbano, ou de forma que o estacionamento ocasione molestias aos demais usuarios da vía.

Artigo 31.- Servizo colectivo

Os vehículos destinados ao transporte de viaxeiros ou de mercancías con Masa Máxima Autorizada (MMA) superior a 3.500 Kg, así como calquera outro tipo de vehículos que polo seu volume oculten a fachada dos edificios ou podan facilitar a escalada ao interior destes, non poderán estacionar nas vías públicas urbanas salvo nos lugares expresamente autorizados polo Concello.

Artigo 32.- Estacionamento limitado

O Concello poderá establecer medidas de estacionamento limitado, co fin de garantir a rotación dos aparcamentos.

Artigo 33.- Prohibicións.

Ademais dos supostos contemplados no artigo 94 do Regulamento Xeral de Circulación, queda prohibido o estacionamento nos casos e lugares seguintes:

a. Onde o prohiban os sinais correspondentes.

b. Nun mesmo lugar da vía pública durante máis de 30 días consecutivos.

c. Nas zonas sinalizadas como de reserva para carga e descarga de mercancías, nos días e horas en que estea en vigor a reserva e por tempo superior aos 5 minutos, excepto se se trata de vehículos de persoas con mobilidade reducida, debidamente identificados e polo tempo máximo de 20 minutos, debendo deixar no vehículo un indicativo da hora de estacionamento.

d. Nas zonas reservadas para estacionamento de vehículos de servizo público e organismos oficiais, servizos de urxencia ou policía.

e. Cando o vehículo estacionado deixe para a circulación rodada unha anchura libre inferior á dun carril de tres metros.

f. Nas rúas de dobre sentido de circulación nas cales a anchura da calzada só permita o paso de dúas columnas de vehículos.

g. Cando se obstaculice a utilización normal dos pasos rebaixados para persoas de mobilidade reducida.

h. En condicións que dificulten a saída doutros vehículos estacionados regulamentariamente.

i. Nos lugares habilitados pola Autoridade municipal como de estacionamento con limitación horaria, sen colocar o distintivo que o autoriza na parte interna do parabrisas, de maneira que sexa totalmente visible e lexible desde o exterior.

j. Nos lugares habilitados pola Autoridade municipal como de estacionamento con limitación temporal, cando colocando o distintivo que o autoriza se manteña estacionado o vehículo en exceso sobre o tempo máximo permitido pola Ordenanza reguladora desta clase de estacionamento.

k. Diante dos lugares reservados para contedores do servizo municipal de limpeza, impedindo o acceso a eles ou a súa retirada.

l. Nas vías públicas, os remolques, separados do vehículo motor.

m. De forma distinta a como se indica nas marcas e liñas de estacionamento ou fora dos límites do perímetro marcado.

n. En dobre fila, en calquera suposto.

ñ. Vehículos en exposición, exhibindo carteis para a súa venta en vía pública. Considerarase que está en dicha situación, cando permaneza con carteis anunciadores e durante un tempo superior a 24 horas nas vías públicas do termo.

o. Na calzada, de maneira diferente á determinada no artigo 28 desta Ordenanza.

p. Nos lugares debidamente sinalizados temporalmente con tal prohibición, debido a actos públicos, obras ou outras causas.

q. Onde estea prohibida a parada.

r. Nos vaos, sinalizados como tales mediante placa de licenza municipal, ocupándoos total ou parcialmente.

Sección Terceira.- Das tarxetas de estacionamento para persoas con minusvalidez.

Artigo 34.- Tarxeta de persoas con minusvalidez.

1.- O Concello, no exercicio das competencias que lle atribúe o artigo 7 da Lei de Seguridade Vial, e en virtude do disposto no artigo 60 da Lei 13/1982 de 7 de abril, adoptará as medidas necesarias para a concesión da tarxeta de aparcamento para persoas discapacitadas con problemas graves de mobilidade e para a efectividade dos dereitos que da mesma se derivan, tendo en conta a Recomendación do Consello da Unión Europea sobre a creación dunha tarxeta de estacionamento para diminuídos físicos e a lexislación sectorial da Comunidade Autónoma.

2.- O Concello expedirá a tarxeta de aparcamento especial para persoas con mobilidade reducida segundo o modelo determinado regulamentariamente e terá validez para todo o territorio nacional. Dita tarxeta permitirá ao titular de vehículo autorizado estacionar nos lugares especialmente reservados para persoas con mobilidade reducida, salvo nos que estean destinadas a un vehículo determinado ou nos debidamente sinalizados para estacionamento regulado con limitación temporal, carga e descarga e entrada e saída de vehículos.

3.- As tarxetas expedidas con anterioridade á entrada en vigor desta disposición normativa poderán seguir usándose ata a súa substitución.

Sección Cuarta.- Do estacionamento con horario limitado na Zona Azul.

Artigo 35.- Ámbito de aplicación das limitacións de Zona Azul.

1.- Ao abeiro do previsto no artigo 7.b) do Texto articulado sobre da Lei de tráfico, circulación de vehículos a motor e seguridade vial aprobada por Real decreto lexislativo 339/1990, do 2 de marzo, no Concello de Carballo existirán zonas de estacionamento con limitación temporal, denominada Zona Azul, co fin de garantir a debida rotación dos vehículos en lugares de especial dificultade para o estacionamento.

2.- O ámbito espacial de aplicación das limitacións que se conteñen nos artigos seguintes será o das seguintes vías:

1.- Rúa Cervantes, números 1 ao 10.

2.- Rúa Colón, números 1 ao 9.

3.- Rúa Desiderio Varela.

4.- Rúa Valle Inclán.

5.- Rúa Gran Vía, dos números 1 ata o 61 -marxe esquerda-.

6.- Rúa Gran Vía -marxe dereita-, dos números 2 ao 112.

7.- Praza de Galicia.

8.- Rúa Martín Herrera.

9.- Rúa Vázquez de Parga, ata o número 27.

10.- Rúa Barcelona.

11.- Rúa Fomento -marxe dereita- dos números 14 ao 54.

12.- Rúa Pontevedra, dos números 1 ao 7, e na marxe dereita desde a esquina da antiga estación de autobuses ata a confuencia coa R/Vázquez de Parga.

13.- Rúa Estrela: Dos números 1 ao 29, e dos números 2 ao 8.

14.- Rúa Vitoria.

15.- Rúa Ponte.

16.- Av. Fisterra: Marxe dereita, dos números 2 ao 8.

17.- Rúa Río Anllóns: Marxe esquerda dos números 1 ao 19.

18.- Rúa Igrexa: beira par, dos números 2 ao 32.

19.- Rúa San Xoan: numeración par, ata o número 8.

20.- Rúa Rosalía de Castro.

21.- Rúa Sol.

22.- Rúa Cemiterio vello: marxe esquerdo, dos números 1 ao 17.

23.- Rúa Río Miño: números 2 ao 8 e 1 ao 3.

24.- Rúa Álvarez de Sotomaior, na marxe esquerda -numeración impar-.

25.- Rúa Gravador Facal, na marxe dereita -numeración par-.

26.- Rúa Luís Calvo, na marxe esquerda desde o nº 11 -intersección coa R/Saúde- ata o número 23.

3.- Dentro da zona azul crearánse prazas de aparcamento exclusivas para residentes. O ámbito de aplicación da zona de residentes, denominado Zona Verde, fíxase nas seguintes vías:

- Rúa Colón, marxe esquerda

Os residentes deberán acreditar a súa condición mediante unha tarxeta que será expedida polo concello, previa acreditación de residencia.

Nos espacios reservados a residentes poderán aparcar unicamente as persoas que acrediten a súa residencia en

¿ Rúa Colón

¿ Rúa Desiderio Varela

¿ Rúa Coruña

¿ Rúa Hórreo

¿ Cervantes

O propietario ou conductor de todo vehículo estacionado nas zonas para residentes colocará a tarxeta acreditativa nun lugar visible dentro do vehículo.

Artigo 36.- Limitacións da Zona Azul.

1.- Dentro da Zona Azul e durante o seu funcionamento, non hai libre aparcamento, senón que todos os espazos están suxeitos ao réxime de estacionamento limitado, salvo que estea reservado ou prohibido expresamente, pois en tal caso estarán sometidos ao réxime xeral de prohibición.

2.- Dentro da Zona Verde permitiráse o libre aparcamento para os residentes autorizados.

Artigo 37.- Competencias.

Corresponde ao Pleno da Corporación a fixación e modificación do perímetro da Zona Azul e da zona de residentes.

Artigo 38.- Sinalización vertical e horizontal.

1.- Sinalización vertical da zona Azul:

a) Todas as entradas e saídas estarán indicadas mediante sinais verticais e específicos de comenzo e fin da Zona Azul.

b) O formato dos sinais verticais mecionados no apartado anterior será o establecido no Anexo I desta Ordenanza.

2.- En canto á sinalización horizontal, os espacios estarán delimitados mediante liñas discontinuas de cor azul.

3.- A zona verde sinalizaráse horizontalmente mediante liñas continuas de cor verde.

Artigo 39.- Disco de control.

1.- Dentro da zona azul o conductor, ao estacionar, ten a obriga de colocar o disco de control no parabrisas do seu vehículo, no lado máis próximo á beirarrúa, ou calquera outro medio indicador que permita comprobar a hora de chegada.

2.- O disco de control consiste nunha pequena roda de 11 x 11 cm apróximadamente, onde na ventá da esquerda deberá figurar a hora de chegada que fixará o conductor ao xirar o disco e automaticamente aparecerá na ventá da dereita a hora límite á que ten que abandonar o lugar, dacordo coa franxa horaria establecida na presente Sección.

Artigo 40.- Horario e datas de estacionamento:

O horario de limitación comprenderá de 9:00 a 20:00 horas, agás os domingos, festivos e a tarde dos sábados, nos que non haberá limitación.

Na zona verde só poderán estacionar os residentes, sin limitación de horario.

Artigo 41.- Estacionamentos prohibidos na Zona Azul. Vehículos exentos de limitación.

1.- Non poderán estacionar na Zona Azul nin na zona verde:

a) Os vehículos de P.M.A. superior a 3.500 Kg., salvo autorización expresa.

b) Os vehículos que realicen operacións de carga e descarga, salvo que tiveran lugar nos espazos expresamente habilitados a tal fin ou o fixeran coa oportuna autorización municipal.

c) Os días de mercado e domingos de feira, ningún vehículo nas zonas da R/Colón, de 09:00 a 13:30 horas.

2.- Están exentos das limitacións de estacionamento de Zona Azul.

a) Os vehículos que dispoñan de título habilitante especial outorgado polo Concello.

b) Aqueles vehículos que tiveran licenza municipal para actividades específicas de ocupación de vía pública.

c) Os vehículos oficiais do Estado, Comunidades Autónomas e Entidades Locais adscritos á defensa nacional ou á seguridade cidadá.

d) Os vehículos de representacións diplomáticas, oficinas consulares, axentes diplomáticos e funcionarios consulares de carreira acreditados en España, que sexan súbditos dos respectivos paises, externamente identificados e a condición de reciprocidade na súa extensión e grado.Asímesmo, os vehiculos de Organismos Internacionais con sede u oficina en España e de seus funcionaros con estatuto diplomático.

e) As ambulancias e vehículos dos servizos de urxencia, cando se atopen cumprindo tales servizos.

Artigo 42.- Infraccións. Procedemento sancionador.

1.- Considéranse Infraccións a esta Ordenanza:

a) Estacionar en zona limitada e sobrepasar o tempo máximo autorizado reflectado no disco de control.

b) Estacionar en zon limitada sen ter colocado no vehiculo o disco de control, ou elemento que o substitúa á vista.

c) Estacionar en zon limitada e ter o disco de control, ou elemnto que o substitúa colocado de forma non lexible.

d) Estacionar en zona limitada e modificar o horario no disco de control ou elemento que o substitúa, cun horario distinto ao da chegada efectiva.

e) Estacionar en zona limitada e modificar o horario no disco de control, ou elemento que o substitúa sen retirar o vehiculo a máis de 250 mts. do lugar de chegada.

f) Estacionar en zona verde sen colocar a tarxeta de residente á vista dentro do vehículo.

g) Estacionar un vehículo en zona verde con tarxeta de residente que non corresponde ao propietario ou conductor do vehículo.

2.-O procedemento sancionador aplicable ás infraccións desta Ordenanza será o establecido no Título VI desta Ordenanza.

Artigo 43 .- Medidas cautelares.

1.- Sen perxuízo da denuncia correspondiente, o Concello poderá adpptar, nos supostos de infracción previstos no apartado 1 do artigo anterior, as medidas cautelares seguintes:

a) A inmobilización do vehiculo en tanto non se identifique ao seu conductor.

b) A retirada do vehículo da vía pública e u seu traslado ao depósito Municipal.

2.- Os axentes encargados da vixilancia en zona azul poderán requerir o servizo do guindastre municipal ou, se é o caso, do privado, para retirar o vehículo que incumpra as normas na presente ordenanza, cando se dea un dos seguintes supostos:

a) Sobrepasar no dobre o tempo máximo autorizado segundo a hora reflectida no disco de control ou noutro medio que o substitúa.

b) Carecer de disco de control á vista, ou doutro medo que osubstitúa.

Artigo 44.- Cadro de Infraccións e multas.

Establécese o seguinte cadro de infraccións e multas.

Artigo 45.- Dos contedores e da carga e descarga en obras.

1.- Nas obras de construción ou remodelación de edificacións, o Concello poderá autorizar:

a) Vaos provisionais, sempre e cando se dispoña dun espazo no interior do solar ou inmoble, susceptible de ser utilizado para realizar labores de carga e descarga.

b) Reservas de espazo provisionais na vía pública, cando carezan de espazos interiores suficientes, para realizar actividades de carga e descarga ou colocación de contedores para materiais de construción ou retirada de escombros e similares.

2.- A colocación de contedores por obras na vía pública, requirirá autorización previa do Concello. A colocación dos mesmos realizarase de acordo coas condicións que estableza o documento de autorización.

3.- Cando por razóns de interese público se deberan realizar obras, operacións de limpeza ou acontecementos de índole diversa, limitarase o uso ou goce da licenza ou autorización concedida, cando así se requira.

Artigo 46.- Elementos móbiles e fixos.

1.- Queda prohibida a colocación de elementos móbiles ou fixos na vía pública, entre outros, postes, bolardos, arcos, maceteiros ou similares, calquera que sexa a súa finalidade, sen obter a previa autorización municipal.

2.- A ocupación da vía pública por contedores de lixo, de limpeza viaria ou de reciclaxe, entre outros, realizarase naqueles puntos determinados pola Autoridade Municipal, procurándose a súa colocación nas zonas non destinadas a circulación de vehículos ou viandantes, así como tampouco en pasos de peóns, nin en aqueles espazos reservados para o servizo de determinados usuarios. Cando se considere conveniente pola autoridade competente, cercarase o lugar de colocación mediante elementos fixos, que eviten sexa alterada a súa ubicación.

3.- Queda prohibido cambiar de ubicación os contedores, ciclomotores ou motocicletas, ao obxecto de aparcar vehículos no lugar destes.

4.- Non poderán colocarse obstáculos sobre a vía pública para reservarse o uso da mesma.

Artigo 47.- Retirada de obstáculos.

1.- A Autoridade Municipal poderá ordenar a retirada de obstáculos na vía pública cando:

a) Non se obtivera a correspondente autorización.

b) Entrañen perigo para os usuarios da vía.

c) A súa colocación deviñera inxustificada.

d) Haxa transcorrido o tempo autorizado ou non se cumpriren as condicións fixadas na autorización.

e) Se estime conveniente atendendo ao interese xeral.

2.- Os seus responsables estarán obrigados á retirada dos obstáculos colocados cando así sexan debidamente requiridos para elo e, de non facelo no prazo concedido, serán desmontados polos Servizos Técnicos Municipais, repercutindo a costa de aqueles os gastos que se produciran.

Artigo 48.- Normas xerais.

1.- Con carácter xeral, está prohibido parar ou estacionar nas zonas debidamente sinalizadas como de reserva para operacións de carga e descarga. Non obstante, os vehículos debidamente identificados das persoas con mobilidade reducida poderán estacionar nas devanditas zonas durante un tempo máximo de 20 minutos, debendo deixar no vehículo, en zona visible do parabrisas dianteiro, un indicativo coa hora de estacionamento.

2.- As operacións de carga e descarga de mercadorías ou análogas nas zonas urbanas do termo municipal de Carballo precisarán, en todo caso, previa autorización municipal, consonte ao previsto neste Capítulo.

3.- Os labores de carga e descarga realizaranse en vehículos adicados ao transporte de mercadorías ou naqueles que estean debidamente autorizados para elo, dentro das zonas reservadas a tal efecto e durante o horario establecido e reflectido nas autorizacións correspondentes.

4.- As operacións excepcionais de carga e descarga ou análogas ás mesmas -amoblamento, mudanzas, etc...- que afecten á circulación e/ou ao estacionamento, estarán igualmente sometidas á previa autorización municipal, podendo realizarse fóra das zonas delimitadas para a carga e descarga, segundo o previsto neste Capítulo.

Sección Primeira.- Procedemento de outorgamento de tarxetas de autorización de estacionamento en zonas reservadas á carga e descarga de mercadorías e noutros lugares habilitados ao efecto.

Artigo 49.- Destinatarios.

1.- Son destinatarios desta regulación todas aquelas persoas físicas e xurídicas que, tendo calquera clase de título sobre dos vehículos de transporte, distribución ou carga e descarga de mercadorías, pretendan realizar un aproveitamento especial das zonas delimitadas coma de carga e descarga, e así o soliciten a efectos da concesión da preceptiva autorización municipal.

2.- Igualmente, serán destinatarios da mesma todos aqueles que realicen labores que precisen o establecemento de reservas puntuais fóra das zonas delimitadas coma tales.

Artigo 50.- Solicitudes.

1.- Os interesados no outorgamento da tarxeta de autorización, deberán presentar a seguinte documentación:

a) A solicitude propiamente dita, debidamente cumprimentada segundo as instruccións que constan ao dorso do modelo oficial.

b) Fotocopia do permiso de circulación do vehículo.

c) Fotocopia do NIF da persoa interesada na obtención da autorización.

d) Fotocopia do xustificante de ter pagado o último recibo do imposto sobre actividades económicas da Administración da imposición, ou certificado de exención do mesmo.

2.- Na solicitude, o interesado deberá facer constar, en todo caso:

a) NIF, nome e apelidos, e domicilio a efectos de notificacións.

b) Matrícula/s do/s vehículo/s para o/s que se solicita autorización.

c) Zona/s de estacionamento reservado para as que a solicita, identificando a clave da zona, ou, no seu defecto, a súa situación co nome da vía e número da altura á que se sitúa, ou referencia suficiente para a súa identificación.

d) Horarios de uso das zonas de carga e descarga (día, hora e minutos).

e) Frecuencia de uso (diaria, semanal, alterna -especificada-).

f) Percorrido urbano que desexa realizar para chegar ás zonas de traballo.

g) Tempo medio estimado das operacións habituais a realizar -por cada zona solicitada-.

h) Tipo de material habitualmente transportado para carga/descarga.

i) Número de persoas habitualmente ocupadas das operacións de carga/descarga (só o propio conductor, máis un acompañante, etc...).

k) Data e sinatura do interesado.

3.- As tarxetas-autorización deberán ser renovadas anualmente polos interesados, presentando solicitude de renovación da mesma, á que debe xuntar a documentación que variase do apartado primeiro deste artigo, e, en todo caso, a esixida na letra d) referida ao ano que remata, facendo constar na solicitude os datos actualizados dispostos no parágrafo segundo deste mesmo precepto.

4.- As solicitudes de renovación deberán presentarse antes do día 28 de decembro do ano anterior ao exercicio para o que se solicita que surtan efectos.

5.- En ningún caso se tramitará a concesión dunha autorización por urxencia ou fóra de zona cando o interesado teña pendente o pagamento das respectivas taxas por autorizacións anteriores.

Artigo 51.- Procedemento de outorgamento.

1.- A solicitude, debidamente cumprimentada -que pode ser recollida nas dependencias do Concello e na Policía Local-, xunto con toda a documentación a achegar, deberá ser presentada no Rexistro Xeral do Concello, sito na Casa do Concello-Pza. do Concello, 1, 15100 Carballo-, ou ben nas dependencias da Policía Local -sitas no mesmo inmoble-, iniciándose o expediente a instancia do interesado.

2.- O expediente impulsarase de oficio en todos os seus trámites, e, completado o mesmo, o Alcalde-Presidente, ou órgano ou persoa na que delegue, emitirá a resolución que proceda, outorgando ou denegando a tarxeta solicitada. A dita resolución será notificada ao interesado ou seu representante legal segundo o sinalado nos arts. 58 e ss. da Lei 30/1992, do 26 de novembro, do réxime xurídico das Administracións Públicas e do procedemento administrativo común.

3.- Logo de concedida, a tarxeta deberá ser asinada polo seu titular e colocada, para desfrutar dos dereitos derivados da mesma, nun lugar visible do parabrisas dianteiro do vehículo ao que se refira. A falla de exhibición da mesma nos termos anteriores provocará que se entenda coma indebidamente efectuado o desfrute da reserva.

4.- No caso de tarxetas provisionais, o procedemento de instancia será o mesmo, debendo facer constar o interesado na súa solicitude o período do ano para o que solicita a reserva.

5.- En caso de urxencia que non permita a tramitación sinalada no apartado anterior, bastará a comunicación por calquera medio á Policía Local, que estenderá tarxeta provisional sen necesidade do anterior procedemento, que poderá ser retirada nas dependencias da mesma. Non obstante, non poderán ser autorizadas 3 ou máis tarxetas provisionais de urxencia a un mesmo vehículo ou persoa física ou xurídica no prazo de 30 días naturais, entendéndose, cando se supere esa cifra de tarxetas, que se produce un suposto de fraude de Lei, tramitándose, entón, coma unha tarxeta provisional ordinaria por prazo determinado. A fraude de lei poderá ser apreciada, xustificándose debidamente, incluso fóra deste suposto. Deberase dar conta á Alcaldía destas autorizacións no prazo dos 5 días naturais seguintes.

6.- En caso de necesidade de carga/descarga de calquera clase de elementos desde a vía pública fóra das zonas delimitadas ao efecto, deberase realizar solicitude por escrito, cos requisitos do artigo anterior, con alomenos 48 horas de antelación á data do desfrute solicitado, dirixida ao Departamento de Tráfico. Nestes casos, corresponde ao dito Departamento conceder ou denegar a autorización, e proceder ao valado ou peche da zona concedida, no seu caso, así coma verificar o adecuado uso da autorización concedida. Se nas labores de carga/descarga fora preciso empregar calquera clase de aparello auxiliar -grúas, elevadores, etc...- desde a vía pública, requerirase autorización expresa ao efecto. Darase conta á Alcaldía das mesmas nas 48 horas seguintes á súa concesión.

7.- Non se dará trámite ás solicitudes que non acrediten estar ao día no pagamento dos tributos municipais esixibles sobre da actividade económica ou os vehículos no Concello de Carballo. Tampouco naqueles supostos nos que sexa esixible a autoliquidación ou pagamento previos de calquera tributo municipal relativo a feitos impoñibles derivados das obrigas desta Ordenanza.

Sección Segunda.- Réxime de circulación e de horarios dos vehículos adicados á carga e descarga e de uso e establecemenot das zonas reservadas e lugares habilitados.

Artigo 52.- Suxeción a autorización municipal.

1.- Os vehículos que desexen realizar labores de carga e/ou descarga de toda clase de mercadorías ou artículos, incluindo as operacións de mudanza ou asimiladas, deberán utilizar as zonas especialmente habilitadas ao efecto, xa sexa de xeito fixo ou accidental, e respectar os horarios que o Concello estableza para a realización dos labores de carga/descarga e os horarios de utilización das respectivas zonas habilitadas.

2.- Igualmente, os vehículos anteditos deberán respectar as rutas ou percorridos de tránsito polo centro urbano que o Concello estableza, xa sexa na propia autorización ou mediante bando ou resolución da Alcaldía, ou seguindo as indicacións que puntualmente realicen os membros da Policía Local de Carballo.

Artigo 53.- Ámbito espacial e temporal.

1.- As tarxetas de autorización terán eficacia tan só nas zonas para as que foran concedidas. Na tarxeta farase constar a clave alfanumérica e/ou cromática de identificación das zonas nas que desprega a súa eficacia, clave que constará, asimesmo, na sinalización, vertical ou horizontal, da mesma zona.

2.- As tarxetas poderán ter eficacia nunha ou máis zonas, según nelas se especifique. No caso de teren eficacia en máis dunha zona, entenderanse concedidas tantas autorizacións coma zonas habilitadas, sen prexuízo de que consten nunha única tarxeta.

3.- As tarxetas son individuais, de xeito que tan só poderá existir unha tarxeta por vehículo, non podendo estender os seus efectos a vehículos distintos ao da matrícula que consta na propia tarxeta.

4.- As tarxetas autorizan tan só á carga e descarga nos horarios que nelas constan para cada unha das zonas nas que sexa efectiva, sen prexuízo de que o Departamento de Tráfico, en situacións excepcionais, poida limitar aínda máis seus efectos.

5.- A tarxeta terá validez de 1 de xaneiro de cada ano ata o 31 de decembro do mesmo ano, salvo nos casos de alta, onde surtirá efectos desde o día seguinte ao da súa concesión.

6.- Poderanse, nembargantes, outorgar tarxetas provisionais, por prazo inferior, incluso cando os usos sexan meramente accidentais, seguindo para elo o procedemento sinalado no artigo 51.

7.- Con carácter xeral, os vehículos beneficiarios da tarxeta, non poderán permanecer estacionados nas zonas de carga e descarga máis có tempo preciso para finalizar os labores de carga/descarga, sen superar o prazo de 30 minutos de estacionamento, salvo causa xustificada. Na tarxeta poderanse establecer dispensas que prolonguen o tempo máximo de labores cando así se solicite na instancia, xustificando debidamente os motivos. A efectos de control destes límites, os usuarios autorizados das zonas deberán deixar no parabrisas dianteiro do vehículo un identificativo visible coa hora exacta de inicio da ocupación.

8.- Poderanse outorgar tarxetas cun prazo de estacionamento superior cando existan razóns debidamente acreditadas que así o aconsellen.

Artigo 54.- Réxime de establecemento.

As zonas de carga e descarga poderán ser establecidas de oficio polo Concello ou ben a solicitude de interesados.

Artigo 55.- Establecemento de oficio.

1.- Corresponde á Alcaldía-Presidencia, ou ao organo ou persoa en quen delegue, autorizar o establecemento de zonas de carga e descarga nas zonas de estacionamento integrantes do dominio público local.

2.- Nestes casos, previo informe do Departamento de Tráfico do Concello, establecerase a zona de reserva de estacionamento para carga e descarga, facendo constar a situación da mesma -rúa e altura da mesma á que se sitúa- en plano de situación oficial, a súa lonxitude, a referencia alfanumérica de identificación e os horarios inicialmente previstos de autorización de uso das mesmas.

3.- Unha vez establecida, será convenientemente sinalizada polo Departamento de Tráfico, colocando a sinalización horizontal e vertical pertinente, facendo constar, en todo caso a referencia identificativa da zona e os horarios en que rexe a reserva.

4.- Fóra dos horarios de reserva, as zonas de carga e descarga poderán ser utilizadas para estacionar polos demáis vehículos, estando obrigados, non obstante, a retiralos antes do inicio dos períodos reservados para a carga e descarga.

5.- Os horarios inicialmente establecidos coma de reserva poderán ser modificados polo Departamento de Tráfico cando se dean circunstancias que así o aconsellen, debendo ser ratificados estes actos pola Alcaldía ou órgano/persoa na que teña delegado as súas competencias, cando a duración da modificación puntual de horarios supere o prazo de 7 días naturais.

6.- Corresponde, igualmete, á Alcaldía, ou órgano/persoa en que delegue, acordar a supresión das zonas cando así se estime convinte, previo informe do Departamento de Tráfico.

Artigo 56.- Establecemento a solicitude de interesados.

1.- Poderán establecerse zonas de reserva de estacionamento para carga e descarga a solicitude de persoas interesadas, cando así se considere oportuno.

2.- Teñen a condición de interesados:

a) As persoas físicas ou xurídicas que sexan titulares dunha explotación económica que implique a realización de tarefas de carga/descarga de mercadorías desde a vía pública ata o interior dos locais dos seus establecementos.

b) As persoas físicas ou xurídicas que realicen actividades de transporte ou distribución que precisen de labores de carga e descarga de calquera clase de materiais ou mercadorías, incluso de mudanza e similares.

c) As asociacións ou entidades que agrupen a calquera dos anteriormente sinalados.

d) As entidades públicas que así o precisen para o funcionamento das instalacións afectas aos servizos públicos que teñan encomendados.

3.- A implantación das zonas non supón gravame fiscal algún, polo que os sinalados anteriormente non serán os suxeitos pasivos dos tributos que graven o aproveitamento, salvo que coincidan cos así cualificados na Ordenanza Fiscal nº 19 do Concello de Carballo.

4.- Para o establecemento das zonas, serán criterios de obrigado cumprimento:

a) A preferencia do uso das zonas de estacionamento polo común dos vehículos, de xeito que as zonas de carga e descarga deberán ser utilizadas en franxas horarias moi reducidas, dando absoluta prioridade ao uso común das zonas.

b) A inexistencia doutra zona próxima que poida cumprir as mesmas funcións.

c) O volume de actividade de carga/descarga da zona.

d) O número de actividades económicas que orixinen a necesidade.

e) Que non se vexa gravemente mermada a disponibilidade de suficientes prazas de estacionamento de automóviles de turismo na zona, de xeito que, en todo caso, será preferente o uso de estacionamento ordinario de vehículos, polo que os horarios de uso para carga e descarga serán, en todo caso, inferiores aos de uso polo común dos vehículos.

f) Que non afecte ás reservas de vados permanentes existentes na zona, nin a calesquera outras entradas/saídas de garaxes.

g) Que non supoña perigo nin repercuta negativamente no tráfico rodado nin de peóns na zona.

h) Que sexa adecuado ás condicións de firme e sinalización da vía, así coma á anchura e lonxitude da mesma.

i) Que non se refiran á carga/descarga de mercadorías perigosas, que se regulará pola súa normativa específica.

k) Que o aproveitamento sexa periódico e intensivo, en aras a evitar a creación de zonas de escasa utilización.

l) Que non se atopen situadas nas proximidades das interseccións de vías e de zonas semafóricas.

Sección Terceira.- Infraccións e sancións. Réxime sancionador.

Artigo 57.- Infraccións específicas en materia de carga e descarga.

1.- A realización de labores de carga/descarga fóra das zonas habilitadas específica ou accidentalmente ao efecto, segundo o sinalado nesta Ordenanza, poderá constituir, ademáis das infraccións tipificadas neste artigo pola utilización indebida do dominio público local, unha infracción da normativa vixente sobre tráfico e seguridade vial, sen prexuízo da demáis normativa que resulte aplicable. Será de aplicación preferente, en caso de conflito, a normativa sancionadora de tráfico.

2.- Constitúen infraccións leves:

a) O depósito provisional das mercadorías que constitúen a carga na beirarrúa ou na vía no curso das operacións de carga/descarga, cando supoña un obstáculo ao tráfico de peóns ou vehículos.

b) Continuar a utilizar as zonas de carga e descarga máis aló dos 10 días seguintes á extinción da autorización sen ter solicitado en prazo a súa renovación.

3.- Constitúen infraccións graves:

a) A utilización das tarxetas por vehículos distintos aos que nelas figuran coma autorizados.

b) O uso das zonas de reserva sen autorización concreta para a mesma.

c) Estacionar nas zonas de carga e descarga. A estes efectos, presúmese que un vehículo se atopa estacionado cando non se atopa seu conductor nas proximidades, ou cando permanece durante máis de 15 minutos na zona sen realizar operacións de carga/descarga.

d) Deixar a carga ocupando prazas de estacionamento nas zonas de carga/descarga durante un prazo superior aos 5 minutos, sexa durante a realización das operacións ou antes ou despois das mesmas.

e) Situar os aparellos auxiliares de carga/descarga ocupando prazas de estacionamento ou entorpecendo a utilización da zona a outros usuarios.

f) Incumprir os horarios establecidos coma de reserva, realizando operacións de carga/descarga nas zonas autorizadas fóra dos límites horarios impostos.

g) Realizar labores de carga e descarga sen a preceptiva autorización municipal.

h) Non respectar os percorridos establecidos.

i) A comisión, nun prazo de 6 meses, de máis de 3 infraccións simples.

4.- Constitúen infraccións moi graves:

a) A falsificación das tarxetas-licenza que autorizan ao uso das zonas reservadas.

b) A reproducción fraudulenta da sinalización vertical ou horizontal das zonas, establecendo nas vías públicas zonas sen estaren debidamente establecidas nos termos desta ordenanza.

c) A comisión, nun período de un ano, de máis de 3 infraccións graves.

Artigo 58.- Sancións específicas en materia de carga e descarga. Procedemento sancionador.

1.- O procedemento sancionador rexerase polo disposto no R.D. 1398/1993, do 4 de agosto, polo que se aprobou o Regulamento do procedemento para o exercicio da potestade sancionadora, sempre e cando non resulte aplicable a normativa específica sobre tráfico e seguridade vial, e sen prexuízo das consecuencias tributarias das mesmas conductas, que se calificarán segundo a normativa tributaria.

2.- As infraccións leves serán sancionadas con multa pecuniaria fixa de 60 €.

3.- As infraccións graves serán sancionadas con multa pecuniaria de ata 1.500 €. En concreto, para algunhas das conductas, serán as seguintes:

a) Pola utilización das tarxetas por vehículos distintos aos que nelas figuran coma autorizados: 150 €

b) Por deixar a carga ocupando prazas de estacionamento nas zonas de carga/descarga durante un prazo superior aos 5 minutos: 120 €

c) Por situar os aparellos auxiliares de carga/descarga ocupando prazas de estacionamento ou entorpecendo a utilización da zona: 120 €

d) Por incumprir os horarios establecidos coma de reserva: 120 €

e) Realizar labores de carga e descarga sen autorización: 180 €

f) Non respectar os percorridos establecidos: 150 €

g) Cometer tres infraccións simples en 6 meses: 120 €

4.- As infraccións moi graves serán sancionadas con:

a) Multa pecuniaria de ata 3.000 €.

b) As conductas tipificadas no art. 47.4 a) e b), ademáis, coa inhabilitación para a concesión e desfrute de calquera reserva regulada nesta ordenanza por prazo de 2 anos.

c) A multa pecuniaria aplicarase na súa metade superior cando esta sanción constitúa a segunda moi grave nos derradeiros 4 anos.

d) A multa pecuniaria aplicarase na súa metade superior da metade superior cando constitúa a terceira moi grave nos derradeiros 4 anos.

Artigo 59.- Réxime tributario.

A utilización das reservas -fixas, provisionais ou accidentais-, dentro ou fóra das zonas delimitadas, constitúe o feito impoñible da Ordenanza Fiscal nº 19 do Concello de Carballo, que rexerá en todos os aspectos tributarios derivados desta regulación.

Artigo 60.- Mercadorías perigosas.

Terán a consideración de mercadorías perigosas, aquelas cun contido susceptible de inflamarse, estourar, producir corrosión ou calquera acción química que poida ocasionar deterioro da saúde das persoas ou danos ás cousas.

Artigo 61.- Transporte de mercaderías perigosas.

O transporte de mercaderías perigosas someterase ao establecido no Real decreto 74/1992 que aproba o Regulamento nacional de transporte de mercadorías perigosas e ás regulamentacións de carácter xeral e autonómico, e efectuarase en vehículos habilitados para este fin, esixíndose que conten coas revisións técnicas que correspondan, que leven na carrozaría os paneis indicativos do material. Este transporte levarase a cabo de acordo coas seguintes condicións:

1.- O tránsito de mercadorías perigosas esixirá o correspondente permiso municipal, que deberá de solicitarse cunha antelación mínima de 24 horas co obxecto de que a Policía poida tomar as medidas necesarias.

2.- Os vehículos que realicen subministracións de combustibles ou doutros materiais perigosos dentro do termo municipal deberán solicitar o preceptivo permiso municipal tamén cun mínimo de 24 horas de antelación. É facultade municipal autorizalo nas horas ou días que determine, así como sinalar as características dos vehículos e medidas de seguridade adicionais que deben tomarse. Os permisos municipais poderán ser temporais ou anuais dependendo dos vehículos que o soliciten.

Artigo 62.- Itinerarios.

O transporte de mercadorías perigosas en tránsito empregarán os itinerarios determinados pola autoridade municipal.

Artigo 63.- Estacionamento.

Os vehículos que transportan mercadorías perigosas só poderán estacionar nas intalacións das empresas titulares ou contratantes do servizo, sempre que reúnan as condicións de seguridade legalmente admitidas.

Artigo 64.- Obxecto.

1.- O presente Capítulo ten por obxecto a ordenación do procedemento de establecemento de zonas de reserva de estacionamento para paradas de autobuses nas vías locais nos núcleos urbanos do Concello de Carballo, a regulación do procedemento de concesión das autorizacións para a súa utilización, as condicións dos usos das mesmas, así coma as condicións xerais de circulación dos vehículos autobuses polos núcleos urbanos do Concello de Carballo, ao abeiro do disposto nos arts. 4. 1. a) e 25. 2. b) da Lei 7/1985, do 2 de abril, reguladora das bases do réxime local, e no art. 7 a), b) e c) do Real decreto lexislativo 339/1990, do 2 de marzo, polo que se aprobou o texto articulado da Lei sobre tráfico, circulación de vehículos a motor e seguridade vial, así coma do disposto na demáis normativa reguladora do tráfico e da seguridade vial.

Sección Primeira.- Procedemento de establecemento de zonas de reserva de estacionamento para paradas de autobuses.

Artigo 65.- Réxime de establecemento.

As zonas de reserva de estacionamento para paradas de autobuses poderán ser establecidas de oficio polo Concello ou ben a solicitude de interesados. En todo caso, estará suxeita a autorización previa e expresa a utilización dos espacios reservados.

Artigo 66.- Establecemento de oficio.

1.- Corresponde á Alcaldía-Presidencia, ou ao organo ou persoa en que delegue, autorizar o establecemento de zonas reservadas para paradas de autobuses nas zonas de estacionamento integrantes do dominio público local.

2.- Nestes casos, previo informe do Departamento de Tráfico do Concello, establecerase a zona de reserva de estacionamento para parada de autobuses, facendo constar a situación da mesma -rúa e altura da mesma á que se sitúa- en plano de situación oficial, a súa lonxitude, a referencia alfanumérica de identificación e os horarios inicialmente previstos de autorización de uso das mesmas.

3.- Unha vez establecida, será convenientemente sinalizada polo Departamento de Tráfico, colocando a sinalización horizontal e vertical pertinente, facendo constar, en todo caso a referencia identificativa da zona e os horarios en que rexe a reserva. As ditas zonas deberán ter unha lonxitude e anchura adecuada ao tipo de vehículos para os que se reservan.

4.- Fóra dos horarios de reserva, as zonas de paradas de autobuses poderán ser utilizadas para estacionar polos demáis vehículos, estando obrigados, non obstante, a retiralos antes do inicio dos períodos reservados para a realización de paradas.

5.- Os horarios inicialmente establecidos coma de reserva poderán ser modificados polo Departamento de Tráfico cando se dean circunstancias que así o aconsellen, debendo ser ratificados estes actos pola Alcaldía ou órgano/persoa na que teña delegado as súas competencias, cando a duración da modificación puntual de horarios supere o prazo de 7 días naturais.

6.- Corresponde, igualmete, á Alcaldía, ou órgano/persoa en que delegue, acordar a supresión das zonas cando así se estime convinte, previo informe do Departamento de Tráfico.

Artigo 67.- Establecemento a solicitude de interesados.

1.- Poderán establecerse zonas de reserva de estacionamento para carga e descarga a solicitude de persoas interesadas, cando así se considere oportuno.

2.- Teñen a condición de interesados:

a) As persoas físicas ou xurídicas que sexan titulares da explotación dunha liña regular de transportes de viaxeiros por estrada debidamente concedida pola Administración correspondente, e que deban prestar o servicio cruzando a través das entidades de poboación do Concello onde rixa esta Ordenanza. Igualmente, os transportistas de viaxeiros en liñas de autobuses que se adiquen a tarefas de transporte escolar e desexen realizar movementos de pasaxe nas ditas zonas.

b) As asociacións/entidades que agrupen a calquera dos anteriormente sinalados.

c) Os veciños de calquera núcleo do Concello, de xeito individual ou colectivo, cando o establecemento redunde no seu beneficio.

d) As institucións públicas, cando redunde no beneficio dos seus intereses lexítimos ou dos servizos que teñan encomendados.

3.- A implantación das zonas non supón gravame fiscal algún, dado que serán os titulares das entidades que realicen os transportes e desfruten, no seu propio beneficio, da reserva do solo nas vías públicas locais para a mellor captación de clientes, os suxeitos pasivos nos termos que contemple a respectiva Ordenanza Fiscal do Concello.

4.- Para o establecemento das zonas, serán criterios de obrigada observancia na toma de decisión pertinente:

a) A inexistencia doutra zona próxima que poida cumprir as mesmas funcións.

b) O volume de actividade de poboación da zona.

c) O número de liñas de transporte afectadas.

d) Que non se vexa gravemente mermada a disponibilidade de suficientes prazas de estacionamento de automóviles de turismo na zona.

e) Que non afecte ás reservas de vados permanentes existentes na zona, nin a calesquera outros accesos a garaxes. Non poderán establecerse zonas de reserva de estacionamento para paradas de autobuses que obstrúan saídas de garaxes debidamente autorizadas.

f) Que non supoña perigo nin repercuta negativamente no tráfico rodado nin de peóns na zona.

g) Que sexa adecuado ás condicións de firme e sinalización da vía, así coma á anchura e lonxitude da mesma.

h) Que a beirarrúa ofreza condicións mínimas para a espera e acumulación de peóns-pasaxeiros á espera do transporte.

i) Que o aproveitamento sexa periódico e intensivo, en aras a evitar a creación de zonas de escasa utilización.

k) Que non se atope situada na proximidade das zonas semafóricas nas que poida repercutir negativamente no tráfico de vehículos.

5.- Os interesados no establecemento dunha parada de autobuses solicitarano por escrito dirixido á Alcaldía-Presidencia, ao que se xuntará unha pequena memoria explicativa da necesidade e das condicións que estimen oportunas para o establecemento da mesma.

6.- Corresponde á Alcaldía, motivadamente, decidir sobre a conveniencia do establecemento das ditas zonas.

Sección Segunda.- Outorgamento de autorizacións de uso das zonas de parada.

Artigo 68.- Beneficiarios.

1.- Son beneficiarios do outorgamento destas autorizacións todas aquelas persoas físicas e xurídicas, ou asimiladas, titulares dos vehículos-autobuses de transporte de viaxeiros, ou vehículos análogos, que pretendan realizar un aproveitamento especial das zonas delimitadas coma de carga e descarga, e así o soliciten a efectos da concesión da preceptiva autorización municipal.

2.- Igualmente, serán beneficiarios das mesmas todos aqueles que realicen labores que precisen o establecemento de reservas puntuais fóra das zonas delimitadas coma tales.

3.- Para poder ser beneficiario da utilización das zonas reservadas, deberase estar en posesión da tarxeta-autorización municipal expedida ao efecto.

Artigo 69.- Solicitude de autorización de utilización das paradas.

1.- Os interesados no outorgamento da autorización, deberán presentar a seguinte documentación:

a) A solicitude propiamente dita, debidamente cumprimentada segundo as instruccións que constan ao dorso do modelo oficial.

b) Certificación da titularidade de concesión de transporte de viaxeiros de detalle da liña á que se refire expedida pola Administración competente.

c) Fotocopia do NIF da entidade interesada na obtención da licenza.

d) Fotocopia do xustificante de ter pagado o último recibo do imposto sobre actividades económicas, ou de se atopar exento do mesmo.

e) Memoria explicativa dos percorridos urbanos que se desexe realizar polos vehículos autobuses ao paso polos núcleos urbanos do Concello, adxuntando plano explicativo das rotas habituais dos mesmos, e as zonas de parada que se solicitan.

f) Memoria explicativa e detallada dos horarios de parada de cada autobús cada un dos días da semana en cada unha das zonas de parada solicitadas, sinalando asimesmo os horarios de saída/chegada á Estación de Autobuses de Carballo, de ser o caso.

g) Memoria detallada dos reforzos das liñas habituais en eventos periódicos (feiras e mercados, etc...), así coma dos itinerarios de entrada/saída do casco urbano de Carballo e as zonas extra de paradas utilizados neses casos.

2.- Na solicitude, o interesado deberá facer constar, en todo caso:

a) NIF, nome e apelidos, e domicilio a efectos de notificacións.

b) Matrícula/s do/s vehículo/s para o/s que se solicita licenza.

c) Zona/s de estacionamento reservado para as que a solicita.

d) Horarios de uso das zonas (día, hora e minutos).

e) Frecuencia de uso (diaria, semanal, alterna -especificada-).

f) Tempo medio estimado das operacións de trasbordo de pasaxeiros.

g) Data e sinatura do interesado.

Artigo 70.- Procedemento de outorgamento.

1.- A solicitude, debidamente cumprimentada -que pode ser recollida nas dependencias do Concello e nas do Departamento de Tráfico-, xunto con toda a documentación a achegar, deberá ser presentada no Rexistro Xeral do Concello, ou ben nas dependencias do Departamento de Tráfico, iniciándose o expediente a instancia do interesado.

2.- Tamén se poderá iniciar o expediente de oficio, en aras á regularización daquelas situacións fraudulentas que se teñan detectado, todo elo sen prexuízo dos expedientes de regularización tributaria que procedan.

3.- O expediente impulsarase de oficio en todos os seus trámites, e, completado o mesmo, o Alcalde-Presidente, ou órgano ou persoa na que delegue, emitirá a resolución que proceda, outorgando ou denegando a autorización solicitada. A dita resolución será notificada ao interesado ou seu representante legal segundo o sinalado nos arts. 58 e seguinjtes da Lei 30/1992, do 26 de novembro, do réxime xurídico das Administracións Públicas e do procedemento administrativo común.

4.- Logo de concedida a autorización, faráselle entrega ao interesado dunha tarxeta acreditativa da concesión, que deberá ser asinada polo seu titular e colocada, para desfrutar dos dereitos derivados da mesma, nun lugar visible dos parabrisas dianteiros dos vehículos aos que se refira. A falla de exhibición da mesma provocará que se entenda coma indebidamente efectuado o desfrute da reserva, podendo ser sancionado.

5.- No caso de tarxetas provisionais, o procedemento de instancia será o mesmo, debendo facer constar o interesado na súa solicitude o período do ano para o que solicita a reserva.

6.- En caso de urxencia que non permita a tramitación sinalada no apartado anterior, bastará a comunicación por calquera medio ao Departamento de Tráfico, que estenderá tarxeta provisional sen necesidade do anterior procedemento, que poderá ser retirada nas dependencias da mesma. Non obstante, non poderán ser autorizadas 3 ou máis tarxetas provisionais de urxencia a un mesmo vehículo ou persoa física ou xurídica no prazo de 60 días naturais, presumíndose entón, salvo proba en contra, que se produce un suposto de fraude de Lei, tramitándose, entón, coma unha tarxeta provisional ordinaria por prazo determinado. A fraude de lei poderá ser apreciada, xustificándose debidamente, incluso fóra deste suposto, cando se aprecie que se utilizan de xeito indebido os procedementos de urxencia para ocultar utilizacións previsibles e/ou programadas de antemán.

7.- En caso de necesidade de realizar operacións de trasbordo de pasaxeiros fóra das zonas delimitadas ao efecto, deberase realizar solicitude por escrito, cos requisitos do artigo anterior, con alomenos 48 horas de antelación á data do desfrute solicitado, dirixida ao Departamento de Tráfico. Nestes casos, corresponde ao dito departamento conceder ou denegar a autorización, e proceder ao valado, peche, ou calquera outro método de reserva provisional da zona concedida, no seu caso, así coma verificar o adecuado uso da autorización concedida.

8.- Non se dará trámite ás solicitudes que non acrediten estar ao día no pagamento dos tributos municipais esixibles sobre da actividade económica ou os vehículos no Concello de Carballo. Tampouco naqueles supostos nos que sexa esixible a autoliquidación ou pagamento previos de calquera tributo municipal relativo a feitos impoñibles derivados das obrigas desta Ordenanza.

Artigo 71.- Ámbito espacial e temporal.

1.- As tarxetas de autorización terán eficacia tan só nas zonas para as que foran concedidas. Na tarxeta farase constar a clave alfanumérica de identificación das zonas nas que desprega a súa eficacia, clave que constará, asimesmo, na sinalización, vertical ou horizontal, da mesma zona.

2.- As tarxetas poderán ter eficacia nunha ou máis zonas, según nelas se especifique. No caso de teren eficacia en máis dunha zona, entenderanse concedidas tantas licenzas coma zonas habilitadas, sen prexuízo de que consten nunha única tarxeta.

3.- As tarxetas son comúns ás liñas de explotación, de xeito que unha mesma tarxeta outorga dereito a parar na zona a todos os vehículos autobuses da mesma entidade de transporte de viaxeiros. A tal efecto, entregaráselles ás mesmas un exemplar por cada vehículo que as utilice. Esta nota de comunidade esténdese aos efectos fiscais, pois só existirá unha licenza por parada, aínda que conste en varias tarxetas, pois poden ser varios os vehículos da mesma compañía que utilicen a parada.

4.- As tarxetas autorizan tan só á realización de paradas nos horarios que nelas constan para cada unha das zonas nas que sexa efectiva, sen prexuízo de que o Departamento de Tráfico, en situacións excepcionais, poida limitar aínda máis seus efectos.

5.- A tarxeta terá validez de 1 de xaneiro ata o 31 de decembro de cada ano, salvo nos casos de alta, onde surtirá efectos desde o día seguinte ao da súa concesión. Salvo manifestación expresa en contra que conste na solicitude, entenderase prorrogada a autorización -para o ano seguinte- de xeito automático ao chegar ao 31 de decembro do ano para o que foi inicialmente concedida, sen necesidade de renovación da mesma. Do contrario, a renuncia deberá ser solicitada antes do día 31 de decembro do ano inmediatamente anterior a aquel para o cal deba surtir efectos a súa prórroga.

6.- Poderanse, nembargantes, outorgar tarxetas provisionais, por prazo inferior, incluso cando os usos sexan meramente accidentais, seguindo para elo o procedemento sinalado no artigo 70.

Artigo 72.- Tributación.

O desfrute das reservas, con ou sen autorización, constitúe o feito impoñible da Ordenanza Fiscal nº 19 do Concello de Carballo, e rexerase, en todo, polo disposto na mesma.

Sección Terceira.- Réxime de uso das paradas. Paradas fóra de zona reservada.

Artigo 73.- Réxime de utilización das zonas reservadas.

1.- Con carácter xeral, os vehículos beneficiarios da tarxeta-autorización, non poderán permanecer estacionados nas zonas de reserva de parada.

2.- Tan só poderán realizar paradas durante o tempo mínimo imprescindible para realizar os labores de trasbordo de viaxeiros, sen superar o prazo de dez minutos de parada, salvo causa xustificada.

3.- Durante os labores de suba e baixada de pasaxeiros, os conductores deberán, en todo caso, permanecer nas proximidades do autobús. Se este se atopara co motor en marcha, o conductor estará obrigado a permanecer sentado na cabina do vehículo. Se tuvera que baixar do mesmo, procederá ao apagado do motor en todo caso.

4.- Os labores de carga/descarga de mercadorías e bultos nas zonas habilitadas ao efecto nos vehículos deberán ser realizados do xeito que menos incomode ao tráfico de peóns polas beirarrúas adxacentes e de vehículos polas vías.

5.- Se os conductores colaborasen na colocación da mercadoría no autobús, abandoando a cabina, deberán apagar o motor.

6.- Prohíbese a acumulación de bultos/mercadorías nas beirarrúas aos pasaxeiros cando esto supoña un obstáculo para a circulación dos restantes peóns polas mesmas.

7.- Para a realización da parada, os autobuses deberán achegarse todo o posible ao borde da beirarrúa, sen sobresaíren nunca fóra das zonas habilitadas e sinaladas horizontalmente, so pena de incurrir en infracción.

8.- Para realizar a saída das zonas de paradas, os autobuses velarán pola seguridade dos demáis vehículos, procurando sinalizar convenientemente todas as súas manobras, utilizando para elo todos os medios ao seu alcance.

Artigo 74.- Paradas fóra das zonas.

1.- Con carácter xeral, queda prohibida a realización de paradas para trasbordo de pasaxe fóra das zonas especialmente reservadas ao efecto, salvo causa xustificada.

2.- Non obstante, cando, xustificadamente, deban realizarse estas paradas, deberán seguirse as seguintes regras:

a) Na medida do posible, deberase realizar a parada fóra dos carrís de circulación, preferentemente nas zonas de estacionamento de vehículos que se atopen libres. De haber sitio á dereita do sentido da circulación, nas zonas de estacionamento, non haberá causa algunha xustificativa da parada fóra dos mesmos, salvo forza maior.

b) Se a parada houbera de se realizar no carril de circulación, será sempre no situado máis á dereita da vía, e por un espacio de tempo non superior a un minuto.

c) Prohíbese absolutamente a parada nas inmediacións das zonas semafóricas, sexa no arcén ou zona de estacionamento de vehículos ou sexa no propio carril de circulación.

3.- A inobservancia do anterior constituirá infracción administrativa, e sancionarase dacordo co previsto na Sección Cuarta.

Artigo 75.- Circulación dos autobuses polas zonas urbanas.

1.- O Concello poderá sinalar as rutas que os autobuses poden realizar polo casco urbano, segundo se considere máis axeitado para o tráfico no mesmo.

2.- A tales efectos, os cambios dos percorridos habituais deberán ser postos en coñecemento da Administración Municipal, solicitando autorización para os mesmos.

Sección Cuarta.- Infraccións e réxime sancionador.

Artigo 76.- Infraccións.

1.- Constitúe infracción leve:

a) A utilización de zonas de reserva de estacionamento para parada distintas das que consten na autorización.

b) A superación, sen causa xustificada, do tempo máximo de 10 minutos de parada.

c) A ausencia do conductor do vehículo da cabina nas paradas se o motor do mesmo permanece en marcha.

d) A ausencia do conductor das proximidades do vehículo durante as operacións de trasbordo de pasaxe, se tuvera o motor apagado.

e) A obstrucción do tráfico de vehículos e peóns pola acumulación de bultos ou polas operacións de carga/descarga dos mesmos.

2.- Son infraccións graves:

a) A utilización de zonas de reserva de estacionamento para parada distintas das que consten na autorización dun xeito reiterado que demostren un cambio de percorrido do vehículo non autorizado.

b) A utilización das zonas de reserva de estacionamento para parada carecendo absolutamente de autorización para ningunha delas.

c) O estacionamento dos vehículos autobuses nas zonas de reserva para parada.

d) A realización de maniobras perigosas nas mesmas, sen prexuízo da súa cualificación segundo a normativa de seguridade vial e tráfico.

e) A parada fóra das zonas habilitadas sen autorización nin causa xustificada, sen prexuízo da súa tipificación segundo a normativa de tráfico.

f) A comisión, nun período de 3 meses, de máis de 3 infraccións simples.

g) A parada non autorizada en lugares non habilitados para este fin.

h) O cambio dos percorridos urbanos dos vehículos que non foran comunicados á Administración municipal.

3.- Son infraccións moi graves:

a) A comisión, nun período de 3 meses, de máis de 2 infraccións graves ou de máis de 6 infraccións simples.

b) A falsificación e utilización de tarxetas falsas.

c) O establecemento ilegal de paradas (pintado horizontal, etc...).

4.- Cando exista confluencia nun feito que poidera ser calificado como infracción pola presente Sección e como infracción en materia de tráfico e seguridade vial-, terá preferencia a súa calificación como infracción de tráfico, seguíndose, entón, o procedemento sancionador regulado no Título Sexto.

Artigo 77.- Réxime sancionador.

1.- O procedemento sancionador será o disposto no R.D. 1398/1993, do 4 de agosto, polo que se aprobou o Regulamento do procedemento para o exercicio da potestade sancionadora, sempre e cando non resulte aplicable a normativa específica sobre tráfico e seguridade vial, e sen prexuízo das repercusións tributarias das conductas, que se rexerán pola súa normativa específica.

2.- As infraccións leves serán sancionadas con multa pecuniaria fixa de 100 €.

3.- As infraccións graves serán sancionadas con multa pecuniaria de ata 1.500 €.

4.- As infraccións moi graves serán sancionadas con multa pecuniaria de ata 3.000 €.

Artigo 78.- Vaos.

1.- Está suxeito a autorización municipal o acceso de vehículos ao interior de inmobles cando sexa necesario cruzar beirarrúas ou outros bens de dominio e uso público ou que supoña un uso privativo ou unha especial restrición do uso que corresponda a todos os cidadáns respecto a todos estes bens ou impida o estacionamento ou parada doutros vehículos na fronte pola que se realiza o acceso.

2.- Queda prohibida a saída de vehículos en chafráns dos edificios, debendo gardar unha distancia mínima de cinco metros á esquina máis próxima agás excepcións xustificadas técnicamente.

3- É obrigatorio dispoñer de cinco metros como mínimo nun plano horizontal dentro do local e antes de saír ao exterior na liña de fachada, salvo excepcións xustificadas.

4.- As portas de garaxe non excederán na súa apertura a liña de fachada.

Artigo 79.- Obrigas do titular do vao

Ao titular do vao ou á comunidade de propietarios correspondente, seranlle de aplicación as seguintes obrigas:

a) A limpeza dos accesos ao inmoble de graxa, aceites ou outros elementos producidos como consecuencia da entrada e saída de vehículos.

b) Colocar as sinais de vao permanente en zona visible da porta de entrada ou saída do inmoble.

c) Á adquisición das sinais de vao aprobadas polo Concello.

d) A abonar os gastos que ocasione a sinalización, así como as obras necesarias, nos termos establecidos no art. 73.2.

Artigo 80.- Autorización.

1.- A autorización de entrada e saída de vehículos será concedida pola Alcaldía ou Concellería Delegada competente, a proposta dos servizos municipais correspondentes.

2.- A autorización de entrada e saída de vehículos poderá ser solicitada polos propietarios e os posuidores lexítimos dos inmobles aos que se haxa de permitir o acceso, así como polos promotores ou contratistas no suposto de obras.

Artigo 81.- Documentación.

O expediente de concesión de autorización de entrada e saída de vehículos iniciarase previa petición dos interesados que deberá de acompañar a seguinte documentación:

A) Garaxes de menos de cinco vehículos.

- Solicitude. Na mesma deberá constar que o garaxe dispón de alumeado de emerxencia, de extintor de 6Kg (eficacia 21ª-113B) e ventilación natural permanente.

- Plano de planta e número de prazas existentes por planta.

B) Garaxes de máis de cinco vehículos ou 100 m2

- Solicitude.

- Copia da licenza de apertura.

Artigo 82.- Tipos de vaos.

1.- As autorizacións para entradas e saídas de vehículos poden ser dos seguintes tipos:

1) Permanentes:

a) Garaxes privados ou de comunidades de propietarios cunha superficie mínima de  35 m2, en solo urbano consolidado residencial intensivo.

b) Garaxe público con capacidade superior a dez prazas e talleres con cabida superior a dez vehículos, sempre e cando acrediten que prestan servizos permanentes de urxencia.

c) Garaxes destinados a vivenda unifamiliar, en solo urbano consolidado residencial extensivo e solo de núcleo rural

d) Edificios ou instalacións de equipamentos comunitarios de carácter sanitario, hospitais e ambulatorios.

e) Gasolineiras, estacións de servizo, venta de carburantes.

f) Aparcamentos de promoción pública.

g) Edificios destinados a organismos oficiais, cando a natureza do mesmo o esixe.

2) Laborais:

a) Concesionarios de automóbiles, compraventa de vehículos usados e aluguer sen condutor.

b) Actividades de características distintas as de garaxe, estación de servizos e estación de autobuses, sempre que se xustifique que non prestan servizo permanente de urxencia.

c) Obras de construción, derribo, reforma e reparación de edificios (vados de obras)

O horario laboral, establécese con carácter xeral de 07:00 a 20:30 horas, con excepción de domingos e festivos.

Artigo 83.- Sinalización.

1.- As entradas e saídas de vehículos que se autoricen sinalizaranse e delimitaranse simultaneamente con dous tipos de sinais:

a) Vertical: Placa de prohibición de estacionamento axustado ao modelo oficial, que será facilitada polo Concello previo abono das taxas correspondentes.

A placa deberá instalarse en zona visible da porta de entrada ou saída do inmoble, preferentemente no lateral dereito ou no seu defecto, na zona central superior da fachada da porta. Excepcionalmente, naqueles inmobles con accesos de longo recorrido, permitirase que se coloque en barra vertical.

b) Horizontal: Franxa amarela de lonxitude correspondente á do ancho da entrada, pintada no borde ou na calzada xunto ao borde.

As ramplas colocaranse obligatoriamente na calzada, non permitíndose os rebaixes dos bordillos da beirarrúa. Serán metálicas e non sobresairán máis de 30 cm con respecto ao bordillo.

A sinalización horizontal, agás informe contrario do técnico municipal, estará centrada con respecto ao portal de acceso dos vehículos e sinalizarase tendo en conta o ancho, o tráfico e o sentido da vía.

No suposto de que o interesado necesite realizar algunha obra de adaptación do vao deberá pedir o correspondente permiso de obra.

2.- Os gastos que ocasione a sinalización descrita no apartado anterior, así como as obras necesarias, serán a conta do solicitante, que virá obrigado a manter a sinalización tanto vertical como horizontal nas debidas condicións durante todo o período de vixencia da autorización.

Artigo 84.- Responsabilidade polo uso.

Os desperfectos ocasionados en beirarrúas con motivo do uso especial que comporta a entrada e saída de vehículos con ocasión da autorización concedida serán responsabilidade dos titulares de dita autorización, quen virán obrigados á súa reparación, a requirimento da Autoridade municipal, dentro do prazo que ao efecto se outorgue. O incumprimento desta obrigación dará lugar á execución forzosa nos termos regulados na Lei de Réxime Xurídico das Administracións Públicas e do Procedemento Administrativo Común.

Artigo 85.- Suspensión de autorización.

O Concello poderá suspender temporalmente, por razóns do tráfico, obras en vía pública ou outras circunstancias extraordinarias, os efectos da autorización de entrada e saída de vehículos, ofrecendo solucións alternativas aos titulares da autorización e usuarios afectados durante o tempo que dure a alteración.

Artigo 86.- Revogación.

1.- As autorizacións poderán ser revogadas polo órgano que as ditou nos seguintes casos:

a) Por ser destinadas a fins distintos para os que foron outorgadas.

b) Por desaparecer as causas ou circunstancias que deron lugar ao seu outorgamento.

c) Por non abonar a cota anual correspondente.

d) Por incumprir as condicións relativas aos horarios ou carecer da sinalización adecuada.

e) Por causas motivadas relativas ao tráfico ou circunstancias da vía pública.

2.- A revogación da autorización dará lugar á obriga do titular da mesma de retirar a sinalización, reparar o borde da beirarrúa ao seu estado inicial e entregar a placa identificativa no Concello.

3.- O expediente de revogación iniciarase de oficio ou a instancia de parte.

Artigo 87.- Baixa ou anulación do vao.

Cando se solicite a baixa ou anulación da autorización de entrada de vehículos que se viña gozando por deixar de usar o local como aparcamento, deberase suprimir toda a sinalización indicativa da existencia da entrada, reparación do borde da beirarrúa ao estado inicial e entrega da placa nos servizos municipais correspondentes. Previa comprobación do cumprimento destes requisitos polos servizos municipais correspondentes, procederase á concesión da baixa solicitada.

Artigo 88.- Concepto

1.- Enténdese por reserva de espazo en vía pública, a acotación dunha determinada zona de estacionamento na calzada para un aproveitamento privativo por parte dos usuarios autorizados, o cal está suxeito ao previo pago dos dereitos determinados pola Ordenanza Fiscal correspondente.

2.- As reservas de espazo en vía pública, poderán ser permanentes ou de horario limitado, segundo o réxime aplicado aos vaos.

3.- Os usuarios autorizados virán obrigados a colocar as tarxetas que ao efecto se concedan pola Autoridade Municipal, sobre o salpicadero dianteiro do vehículo, perfectamente visible na súa parte esquerda.

Artigo 89.- Sinalización da reserva de espazo.

A zona acotada como reserva de espazo será sinalizada mediante marcas amarelas en zig-zag e delimitada por sendas sinais verticais de prohibición do estacionamento. Estas deberán indicar se se trata de reserva permanente ou de reserva con horario limitado, sinalando neste caso os días e tramo horario reservado.

Artigo 90.- Utilización das vías públicas para actividades hostaleiras.

1.- A instalación de terrazas, mesas, cadeiras, expositores, barras móviles, ou elementos análogos nas vías integrantes do dominio público local, xa sexa nas beirarrúas ou nas calzadas, necesitará a previa autorización municipal e rexerase polo disposto nesta norma e nas leis de aplicación xeral.

2.- A dita autorización terá carácter discrecional, e someterase ás regras contidas nesta Ordenanza.

Artigo 91.- Prohibición de ocupación das vías.

1.- Prohíbese colocar sobre a vía obxectos que poidan entorpecer a libre circulación de vehículos ou peóns, a súa parada ou estacionamento, ou facelos perigosos ou deteriorar aquela ou as súas instalacións, ou producir na mesma ou nas súas inmediacións efectos que modifiquen as condicións apropiadas para circular, parar ou estacionar, ou a realización dos usos propios das vías públicas.

2.- A ocupación das vías cos elementos descritos neste capítulo, ou con calquera outro análogo, requerirá previa autorización expresa municipal, e non poderá realizarse en tanto non exista autorización expresa do Concello. A falta de resposta expresa á solicitude de ocupación ou utilización da vía suporá que se entenda desestimada a solicitude, consonte ao previsto no art. 43.2 da Lei 30/1992, do 26 de novembro, do réxime xurídico das Administracións Públicas e do procedemento administrativo común, por canto suporía a traslación ao particular de facultades sobre do dominio público.

Artigo 92.- Procedemento de concesión de autorizacións.

1.- As persoas que desexen ocupar o dominio público local con terrazas ou outros elementos obxecto deste Capítulo deberán solicitar a preceptiva autorización municipal mediante instancia por escrito dirixida ao Sr. Alcalde-Presidente do Concello, na que deberá constar, en todo caso:

a) NIF, apelidos e nome do solicitante.

b) En caso de representar a persoas xurídicas, poder ou escritura onde conste o apoderamento do solicitante.

c) Nome comercial do establecemento ao que se refire a solicitude.

d) Identidade completa do titular no Imposto sobre Actividades Económicas do establecemento mercantil ao que se refire a solicitude.

e) Emprazamento do establecemento (rúa e número).

f) Referencia catastral do local que ocupa o establecemento.

g) Identificación do titular da licenza de apertura do establecemento.

h) Superficie que se pretende ocupar, en metros cadrados.

i) Prazo polo que se pretende ocupar o dominio público local.

j) Se se pretende incorporar sistemas de música ou son na terraza.

2.- Á dita instancia deberá acompañarse, en todo caso:

a) Croquis da distribución prantexada da terraza.

b) Copia da licenza municipal de apertura do establecemento.

c) No caso de precisar estrutura para o soporte dunha cuberta, deberáse estar ao seguinte:

- Se a superficie a ocupar fose igual ou inferior aos 20 m2, deberase acompañar memoria cos planos da mesma e xustificación da solidez dos elementos da cuberta, atopándose a instalación suxeita a licenza de obra menor.

- Se a superficie fose superior aos 20 m2, entenderase suxeita a licenza de obra maior.

3.- A solicitude, unha vez presentada con toda a documentación e contido arriba descritos, será resolta polo Sr. Alcalde-Presidente ou persoa ou órgano en quen delegue. O procedemento a seguir será o ordinario establecido na Lei 30/1992, do réxime xurídico das Administracións Públicas e do procedemento administrativo común. Será preciso, en todo caso, informe previo da Policía Local sobre a ocupación solicitada no relativo á seguridade do tráfico.

4.- A falta de resposta á petición, no prazo de UN MES desde a súa presentación, suporá que se entenda desestimada por silencio administrativo.

5.- En tanto non se dea resposta á solicitude, está terminantemente prohibida a colocación de terrazas de hostalería, ou de elementos auxilares propios das mesmas -barras desmontables, barrís, etc¿-, no dominio público local.

6.- A autorización non se concederá por mesas, senón por unidades de superficie, establecéndose un máximo de mesas.

7.- Estas unidades agruparanse en módulos de 2 x 2 metros, correspondendo a unha mesa e catro sillas. A instalación de barrís ou mesas sen sillas estimarase que ocupa 2,50 metros cadrados.

8.- As autorizacións poderán ser:

a) Anuais, entendéndose por tales as que autorizan a instalación desde o 1 de xaneiro ao 31 de decembro. Estas autorizacións enténdense por tempo indefinido, renovándose, automáticamente, o día 1 de xaneiro do exercicio seguinte, salvo renuncia expresa do interesado, que deberá ser comunicada, en todo caso, antes do día en que se entenda renovada. A solicitude de calquera modificación na autorización concedida deberá ser presentada no mesmo prazo.

b) Por temporada. Entenderanse por autorizacións de temporada as que vaian desde o 1 de xuño ata o 30 de setembro, ambos os dous inclusive.

c) Por días soltos. Enténdese por esta modalidade a solicitude de ocupación por días soltos, que non poderán abarcar, para un mesmo establecemento, máis dun total de 60 días naturais ao ano. Esta modalidade é compatible coas anteriormente citadas para solicitar un aumento da ocupación concedida por un certo número de días.

9.- A efectos de conseguir un reparto equitativo das zonas, as solicitudes de autorizacións de temporada deberán ser presentadas antes do día 30 de abril do ano respectivo. As presentadas fóra dese prazo perderán o dereito ao reparto equitativo da súa zona, en caso de concurrir con outros locais na zona solicitada.

10.- Se existen problemas en relación coa autorización por queixas razoadas dos veciños ou pedimento motivado dos servicios municipais, incumprimento das obrigas do titular ou outras circunstancias de interese xeral como pode ser a ordenación do tráfico, etc., o Concello resérvase o dereito de revogar ou anular a autorización sen dereito de indemnización ningunha.

11.- Non se dará trámite ás solicitudes que non acrediten estar ao día no pagamento dos tributos municipais esixibles sobre da actividade económica ou naqueles supostos nos que sexa esixible a autoliquidación ou pagamento previos de calquera tributo municipal relativo a feitos impoñibles derivados das obrigas desta Ordenanza.

12.- En todo caso, os titulares das terrazas, antes da colocación da mesma, deberán presentar á administración municipal xustificación da suscrición de póliza de responsabilidade civil que inclúa a dita instalación por calquera dano derivado da mesma, sexa por usos normais ou anormais. A dita póliza deberá manterse en tanto dure a ocupación coa instalación.

Artigo 93.- Condicións das ocupacións.

1.- A ocupación nunca poderá impedir o tránsito dos peóns polas beirarrúas, debendo deixar, como mínimo, un paso de 1,50 metros de ancho totalmente libre de mesas ou cadeiras dentro da beirarrúa, garantindo o paso simultáneo de dúas persoas.

2.- Se a ocupación ocupase a calzada, e existise desnivel entre a beirarrúa e a mesma, deberá colocarse unha tarima desmontable ao mesmo nivel có da beirarrúa, para protección das persoas que utilicen a terreza, e para impedir o estacionamento de vehículos no espacio reservado á terraza. En ningún caso se poderá autorizar a ocupación de parte dos carrís de circulación de vehículos na calzada. Nos supostos nos que se considere preciso, poderase esixir a colocación de elementos reflectantes para acotar o perímetro autorizado, a fin de mellorar a súa visibilidade polos vehículos.

3.- En todo caso, deberanse colocar mamparas decorosas, delimitando o perímetro máximo de ocupación autorizada da terraza, salvo na parte que linde coa beirarrúa.

4.- Deberanse colocar papeleiras-cinceiro suficientes na terraza para os usuarios da mesma.

5.- O titular da autorización deberá manter limpa a zona da terraza e a beirarrúa entre esta e o establecemento.

6.- Ao remate de cada xornada segundo o horario autorizado pola normativa en función do tipo de establecemento, antes do peche do establecemento, deberán ser retiradas as mesas, cadeiras e outros elementos auxiliares (parasoles, barras móviles, etc...) da terraza, sempre que sexan separables da mesma e poideran ser substraidos ou utilizados como elementos arroxadizos. Os elementos separables das terrazas non poderán ser gardados ou depositados, unha vez recollidos, no dominio público, salvo autorización expresa. O Sr. Alcalde-Presidente, mediante Resolución-Bando, poderá establecer dispensas xerais para lugares e períodos determinados, nos días de festas, limitada á duración das mesmas.

7.- Non se poderá pintar sobre da vía pública para delimitar o establecemento. Asimesmo, a instalación de anclaxes ou a perforación do solo de dominio público, ou de calquera elemento que voe sobre do mesmo, precisará de previa autorización expresa do Concello.

8.- En todo caso, a autorización quedará supeditada ás indicacións que a Policía Local poida realizar para garantir unha maior seguridade da circulación.

9.- En ningún caso se poderá outorgar a autorización a establecementos que carezan de licenza de apertura. A solicitude de autorización por quen careza de licenza de actividade poderá considerarse coma proba indiciaria da existencia dunha actividade sen licenza, podendo dar lugar á instrucción do correspondente expediente para regularizar a situación así detectada.

10.- A instalación de equipos de son na terraza requerirá informe favorable dos Servicios Técnicos Municipais, e suxeitarase ás condicións particulares que para cada autorización se sinalen en vista das concretas características da zona, en cumprimento da normativa vixente sobre ruidos.

11.- En ningún caso se poderán instalar na vía pública, sexa na beirarrúa, nos estacionamentos ou na calzada, aparellos de cociña que provoquen fumes ou cheiros, tales coma barbacoas, parriñas, etc..., salvo dispensa expresa en períodos de festas, outorgada pola Alcaldía, que non poderá superar os 8 días.

12.- En principio, poden instalarse as mesas na totalidade da anchura da fachada do establecemento se outras circunstancias (paso de peóns, paradas de autobuses, saídas de emerxencia, etc.) non o impiden.

13.- Non se poderán instalar as mesas fóra da liña de fachada do establecemento, salvo que os establecementos lindantes non sexan de hostalería, suposto no que se poderá prolongar a ocupación ao frente dos mesmos, debendo, non obstante, deixar en todo caso expedito o acceso ás vivendas e locais comerciais, cun espacio mínimo, neste caso, de 2,50 metros entre as mesas máis próximas e a fronte dos establecementos. Nestes casos, de ningún xeito se poderán instalar na terraza elementos que impidan ou obstrúan a visión dos escaparates e accesos ás tendas (parasoles, mamparas excesivamente altas...).

14.- No caso de confluencia de solicitudes sobre dun mesmo espacio, repartirase equitativamente o mesmo, salvo nos supostos previstos no artigo 92.9.

15.- En todo caso, os establecementos que conten con autorización para a instalación dos elementos regulados na presente disposición deberán exhibir no seu exterior, en lugar ben visible -a ser posible nos elementos fixos da terraza, de existiren-, un exemplar simplificado da autorización, debidamente plastificada para evitar o seu deterioro, que será facilitada polo Concello segundo o modelo que se aprobe ao efecto mediante resolución da Alcaldía, como medida para facilitar o control do uso do espazo público por parte dos axentes da autoridade municipal.

Artigo 94.- Infraccións e sancións. Procedemento sancionador.

1.- Constitúen infraccións leves:

a) A extralimitación, en menos dun 25 %, da superficie de ocupación autorizada.

b) A falta de colocación de papeleiras-cinceiro.

c) A falta de limpeza na zona da terraza.

2.- Constitúen infraccións graves:

a) A extralimitación nun 25 % ou máis da superficie de ocupación autorizada.

b) A falta de colocación das mamparas delimitadoras.

c) A falta de colocación da tarima nos casos en que sexa obrigada.

d) Non respectar o paso de 1,50 metros para peóns nas beirarrúas.

e) O pintado sobre da vía pública.

f) A colocación de aparatos de son sen autorización.

g) A superación dos niveis de ruido polos aparatos de son cando estes estiveran autorizados.

h) Non retirar as mesas e cadeiras ao remate da xornada.

i) Prolongar a ocupación coa terraza entre as 0:00 horas e as 08:00 horas.

j) A comisión de 3 infraccións leves no prazo de un ano.

3.- Constitúen infraccións moi graves:

a) A colocación de elementos das terrazas ocupando parte do carril de circulación das calzadas.

b) A ocupación total dunha beirarrúa que impida o paso dos peóns e os obrigue a circular pola calzada.

c) A ocupación do dominio público local sen autorización, pois supón a posta en perigo dos peóns pola falta de verificación municipal das súas condicións.

d) A colocación na vía pública de aparellos de cociña que provoquen fumes ou cheiros, ao se tratar dunha actividade molesta e perigosa.

e) A comisión de 3 infraccións graves nun ano.

4.- A comisión de infraccións será sancionada con:

a) Infraccións leves: multa pecuniaria fixa de 120 €.

b) Infraccións graves: multa pecuniaria de ata 1.500 €.

c) Infraccións moi graves: multa pecuniaria de ata 3.000 €.

5.- O procedemento para sancionar será o establecido no R.D. 1398/1993, do 4 de agosto, polo que se aprobou o Regulamento do procedemento para o exercicio da potestade sancionadora, e as sancións graduaranse segundo os criterios contidos no dito texto, atendendo ás circunstancias previstas no Título XI da Lei 7/1985, segundo redacción operada pola Lei 57/2003.

Artigo 95.- Supostos.

1.- A Policía Local poderá inmobilizar os vehículos que se encontren nos seguintes supostos:

a) O vehículo careza de autorización administrativa para circular, ben por non tela obtido ou porque fose obxecto de anulación, declarada a súa perda de vixencia.

b) O vehículo presente deficiencias que constitúan un risco especialmente grave para a seguridade vial.

c) O condutor ou pasaxeiro non fagan uso do casco de protección, nos casos en que fose obrigatorio.

d) Teña lugar a negativa a efectuar as probas ás probas para a comprobación do grao de impregnación alcohólica, do consumo de psicotrópicos, estupefacientes, estimulantes ou substancias análogas, ou cando o resultado da proba sexa superior á taxa regulamentariamente establecida. O vehículo careza de seguro obrigatorio.

e) Se observe un exceso nos tempos de condución ou unha minoración nos tempos de descanso que sexan superiores ao 50 por cento dos tempos establecidos regulamentariamente, salvo que o condutor sexa substituído por outro.

f) Se produza unha ocupación excesiva do vehículo que supoña aumentar nun 50 por cento o número de prazas autorizadas, excluída a do condutor.

g) O vehículo supere os niveis de gases, fumes e ruido permitidos regulamentariamente segundo o tipo de vehículo.

h) Existan indicios racionais que poñan de manifesto a posible manipulación nos instrumentos de control.

i) Se detecte que o vehículo está dotado de mecanismos ou sistemas encamiñados a eludir a vixilancia dos Axentes de Tráfico e dos medios de control a través da captación de imaxes.

2.- A inmobilización levantarase no momento no que cese a causa que a motivou. Nos supostos previstos no apartado 1, parágrafos g) h) e i) , a inmobilización só se levantará no suposto de que, trasladado o vehículo a un taller designado polo Axente da Autoridade, se certifique por aquel a desaparición do sistema ou manipulación detectada ou xa non se superen os niveis permitidos.

3.- A inmobilización do vehículo producirase no lugar sinalado polos Axentes da Autoridade. Para estes efectos, o Axente poderá indicar ao condutor do vehículo que continúe circulando ata o lugar designado.

4.- Os gastos que se orixinen como consecuencia da inmobilización do vehículo serán por conta do condutor que cometeu a infracción. No seu defecto, serán por conta do condutor habitual ou do arrendatario e, a falta de estes, do titular. Os gastos deberán ser aboados como requirimento previo a levantar a medida de inmobilización, sen prexuízo do correspondente dereito de defensa e da posibilidade de repercutilos sobre a persoa responsable que dera lugar a que a Administración adoptara a dita medida.

Artigo 96.- Retirada de vehículos.

1.- A Autoridade encargada da xestión do tráfico poderá proceder, se o obrigado a iso non o fixera, á retirada do vehículo da vía e ao seu depósito no lugar que se designe nos seguintes casos:

a) Sempre que constitúa perigo, cause graves perturbacións á circulación de vehículos ou peóns ou deteriore algún servizo ou patrimonio público.

b) En caso de accidente que impida continuar a súa marcha.

c) Cando, procedendo legalmente a inmobilización do vehículo, non houbese lugar acaído para practicala sen obstaculizar a circulación de vehículos ou persoas.

d) Cando, inmobilizado un vehículo de acordo co disposto no artigo 95, non cesasen as causas que motivaron a inmobilización.

e) Cando un vehículo permaneza estacionado en lugares habilitados pola autoridade municipal como zonas de aparcamento reservado para o uso de persoas con discapacidade sen colocar o distintivo que o autoriza.

f) Cando un vehículo permaneza estacionado nos carrís ou partes das vías reservados exclusivamente para a circulación ou para o servizo de determinados usuarios e nas zonas reservadas á carga e descarga.

g) Cando un vehículo permaneza estacionado en lugares habilitados pola autoridade municipal como de estacionamento con limitación horaria -ou de usos específicos reservados, coma a carga e descarga, taxis ou buses- sen colocar o distintivo que o autoriza, ou cando se rebase o triple do tempo permitido establecido na Ordenanza reguladora do estacionamento de horario limitado na que se denomina zona azul.

2.- Salvo nos casos de sustracción ou outras formas de utilización do vehículo en contra da vontade do seu titular, debidamente xustificadas, os gastos que se orixinen como consecuencia da retirada á que se refire o apartado anterior serán por conta do titular, do arrendatario ou do condutor habitual, segundo o caso, que deberá aboalos como requirimento previo á devolución do vehículo, sen prexuízo do dereito de recurso que o asiste e da posibilidade de repercutilos sobre o responsable do accidente, do abandono do vehículo ou da infracción que dese lugar á retirada.

Artigo 97.- Perigo para a circulación.

Considerarase que un vehículo se encontra estacionado orixinando unha situación de perigo para o resto de peóns e condutores cando se efectúe:

a) Nas curvas ou cambios de rasantes.

b) Nas interseccións de rúas e nas súas proximidades, producindo unha diminución da visibilidade.

c) Nos lugares nos que se impida a visibilidade das sinales de circulación.

d) De maneira que sobresaia do vértice da esquina da beirarrúa, obrigando ao resto de condutores a variar a súa traxectoria, ou dificultando o xiro dos vehículos.

e) Cando se obstaculice a saída de emerxencia dos locais destinados a espectáculos públicos e entretemento durante as horas de apertura dos mesmos.

f) Na calzada, fora dos lugares permitidos.

g) Nas medianas, separadores, illotes ou outros elementos de canalización do tráfico.

h) En zonas do pavimento sinalizadas con franxas brancas.

Artigo 98.- Perturbación da circulación.

Entenderase que o vehículo se encontra estacionado en lugar perigoso ou que obstaculiza gravemente a circulación cando constitúa un risco ou obstáculo á circulación nos seguintes supostos:

a) Cando a distancia entre o vehículo e o borde oposto da calzada ou unha marca lonxitudinal sobre ela que indique prohibición de atravesala sexa inferior a tres metros ou, en calquera caso, cando non permita o paso doutros vehículos.

b) Cando se impida incorporarse á circulación a outro vehículo debidamente parado ou estacionado.

c) Cando obstaculice a utilización normal do paso de saída ou acceso a un inmoble de persoas ou animais, ou de vehículos nun vao sinalizado correctamente.

d) Cando se obstaculice a utilización normal dos pasos rebaixados para diminuídos físicos.

e) Cando se efectúe nas medianas, separadores, illotes ou outros elementos de canalización do tráfico.

f) Cando se impida o xiro autorizado pola sinal correspondente.

g) Cando o estacionamento teña lugar nunha zona reservada a carga e descarga, durante as horas de utilización.

h) Cando o estacionamento se efectúe en dobre fila sen condutor.

i) Cando o estacionamento se efectúe nunha parada de trasporte público, sinalizada e delimitada.

k) Cando o estacionamento se efectúe en espazos expresamente reservados a servizos de urxencia e seguridade.

l) Cando o estacionamento se efectúe en espazos prohibidos en vía pública cualificada de atención preferente, especificamente sinalizados.

m) Cando o estacionamento se efectúe en medio da calzada.

n) Cando, sen estar incluídos nos parágrafos anteriores, constitúan un perigo ou obstaculicen gravemente o tráfico de peóns, vehículos ou animais.

Artigo 99.- Obstaculización dun servizo público.

Entenderase que o estacionamento obstaculiza o funcionamento dun servizo público cando teña lugar:

a) Nos carrís, paradas ou zonas reservadas aos vehículos de transporte público.

b) Nas zonas reservadas para a colocación de contedores de residuos ou outro tipo de mobiliario urbano.

c) Nas saídas reservadas a servizos de urxencia e seguridade.

d) Nas zonas de carga e descarga, sen autorización.

Artigo 100.- Perda ou deterioro do patrimonio público.

Entenderase que o estacionamento orixina perda ou deterioro do patrimonio público cando se efectúe en xardíns, sebes, zonas arboradas, fontes e outras partes da vía destinadas ao ornato e decoro do Municipio.

Artigo 101. Situación de abandono.

1.- A Autoridade municipal poderá presumir razoablemente que un vehículo se encontra en situación de abandono nos seguintes casos:

a) Cando transcorran máis de dous meses desde que o vehículo fora depositado trala súa retirada da vía pública pola Autoridade competente.

b) Cando permaneza estacionado por un período superior a un mes no mesmo lugar e presente desperfectos que fagan imposible o seu desprazamento polos seus propios medios ou lle falten as placas de matriculación. Neste caso, terá o tratamento de residuo sólido urbano de acordo coa normativa ambiental correspondente.

2.- No suposto a) contemplado no apartado anterior e en aqueles vehículos que, aínda tendo signos de abandono, manteñan a placa de matriculación ou dispoñan de calquera signo ou marca visible que permita a identificación do seu titular, requirirase a este, unha vez transcorridos os correspondentes prazos, para que no prazo de quince días retire o vehículo do depósito, coa advertencia de que en caso contrario, procederase ao seu tratamento como residuo sólido urbano.

Artigo 102.- Suspensión da retirada dun vehículo.

A retirada dun vehículo da vía pública suspenderase inmediatamente, se o condutor comparece antes de que a grúa iniciase a súa marcha co vehículo enganchado e toma as medidas necesarias para facer cesar a situación irregular na que se encontraba, previo abono da taxa que, no seu caso, proceda por desprazamento de grúa e/ou inmobilización.

Artigo 103.- Retirada de obxectos da vía pública.

1.- Serán retirados inmediatamente da vía pública polo Concello todos aqueles obxectos que se encontren na mesma e non haxa persoa algunha que se faga responsable dos mesmos, os cales serán trasladados ao lugar de depósito autorizado máis próximo.

2.- De igual forma se actuará no caso de que o obxecto entorpeza o tráfico de peóns ou de vehículos, así como se o seu propietario se negara a retiralo de inmediato.

Artigo 104.- Autoría.

1.- A responsabilidade das infraccións ao disposto na Lei de Seguridade Vial, nos seus regulamentos e na presente Ordenanza, recaerá directamente no autor do feito en que consista a infracción. Non obstante:

a) O condutor dunha motocicleta, dun ciclomotor, dun vehículo de tres ou catro rodas non carrozados ou de calquera outro vehículo para o que se esixa o uso de casco por condutor e pasaxeiro será responsable pola non utilización do casco de protección polo pasaxeiro, así como por transportar pasaxeiros que non conten coa idade mínima esixida.

b) Igualmente, o condutor do vehículo será responsable pola non utilización dos sistemas de retención infantil, coa excepción prevista no artigo 11.4 da LTCVMSV cando se trate de condutores profesionais.

c) Cando a autoría dos feitos cometidos corresponda a un menor de dezaoito anos, responderán solidariamente con el seus pais, titores, acolledores e gardadores legais ou de feito, por esta orde, en razón ao incumprimento da obriga imposta a estes que implica un deber de previr a infracción administrativa que se impute aos menores. A responsabilidade solidaria quedará referida estritamente á pecuniaria derivada da multa imposta.

d) Nos supostos nos que non teña lugar a detención do vehículo e este tivese designado un condutor habitual, a responsabilidade pola inracción recaerá neste, salvo no suposto de que acreditase que era outro o condutor ou a substracción do vehículo.

e) Nos supostos nos que non teña lugar a detención do vehículo e este non tivese designado un condutor habitual, será responsable o condutor identificado polo titular ou o arrendatario a longo prazo, de acordo coas obrigas impostas no artigo 9 bis da LTCVMSV.

f) Nas empresas de arrendamento de vehículos a curto prazo será responsable o arrendatario do vehículo. No caso de que este manifestase non ser o condutor, ou fose persoa xurídica, corresponderanlle as obrigas que para o titular establece o artigo 9 bis da LTCVMSV. A mesma responsabilidade alcanzará aos titulares dos talleres mecánicos ou establecementos de compra-venda de vehículos polas infraccións cometidas cos vehículos mentres se atopen alí depositados.

g) O titular, ou o arrendatario a longo prazo, no suposto de que constase no Rexistro de Vehículos, será en todo caso responsable das infraccións relativas á documentación do vehículo, aos recoñecementos periódicos e ao seu estado de conservación, cando as deficiencias afecten a condicións de seguridade do vehículo.

h) O titular ou o arrendatario, no suposto de que constase no Rexistro de Vehículos, será responsable das infraccións por estacionamento, salvo nos supostos nos que o vehículo tivese designado un condutor habitual ou se indique un condutor responsable do feito.

2.- O disposto no presente artigo entenderase para os únicos efectos da determinación da responsabilidade no ámbito administrativo polas infraccións tipificadas na Lei de seguridade vial.

Artigo 105.- Órgano competente.

Será competencia da Alcaldía, ou da Concellería na que aquela delegue, a imposición das sancións por infracción ás normas de circulación cometidas en vías urbanas, así como os preceptos contidos na presente Ordenanza, podendo delegar esta facultade de acordo coa lexislación vixente.

Artigo 106.- Valor probatorio das denuncias dos axentes.

As denuncias dos Axentes da Policía Local, cando exerzan funcións de vixilancia e control da circulación vial darán fe, salvo proba en contrario, dos feitos denunciados e da identidade de quenes os cometeran, así como, no seu caso, da notificación da denuncia, sen prexuízo do deber de aqueles de achegar todos os documentos probatorios que sexan posibles sobre o feito denunciado.

Artigo 107.- Denuncias dos cidadáns.

Calquera persoa poderá formular denuncia das infraccións aos preceptos da presente Ordenanza que puidera observar. A dita denuncia non terá presunción de veracidade, pero se é ratificada polo denunciante adquirirá a consideración de proba, que será valorada polo órgano instrutor do expediente.

Artigo 108.- Procedemento administrativo.

1.- O procedemento administrativo para a imposición de sancións por infracción dos preceptos recollidos nesta Ordenanza rexerase polo que ao respecto establece a Lei sobre Tráfico, Circulación de Vehículos a Motor e Seguridade Vial, na súa redacción dada por Lei 18/2009, do 23 de novembro, o Regulamento de Procedemento Sancionador en materia de Tráfico, Circulación de Vehículos a Motor e Seguridade Vial e normativa concordante. O órgano encargado da instrucción destes expedientes sancionadores será a Unidade de instrucción de Sancións Municipais de Tráfico da Deputación Provincia da Coruña, con domicilio na Rúa Archer Milton Huntington, nº 17, 15071-A Coruña, en virtude de adhesión expresa deste concello ás Bases para a prestación de servizos en materia de sancións de tráfico publicadas no Boletín Oficial da Provincia nº 85 do 05/05/2011.

2.- As infraccións á normativa de utilización do domino público que non se rixa pola normativa citada no parágrafo anterior serán sancionadas seguindo o procedemento previsto no Título IX da Lei 30/1992, do 26 de novembro, do réxime xurídico das Administracións Públicas e do procedemento administrativo común, e no Real Decreto 1398/1993, do 4 de agosto, polo que se aprobou o Regulamento do procedemento para o exercicio da potestade sancionadora, e as sancións graduaranse segundo os criterios contidos nesas normas, atendendo ás circunstancias previstas no Título XI da Lei 7/1985, segundo redacción operada pola Lei 57/2003. Neses supostos, o órgano encargado será a unidade administrativa correspondente do Concello de Carballo.

Artigo 109.- Alegacións, escritos e recursos en materia de tráfico e seguridade vial.

1.- Ademáis de nos rexistros, oficinas e dependencias previstos no apartado cuarto do artigo 38 da Lei 30/1992, do 26 de novembro, as alegacións, escritos e recursos que se deriven dos procedementos sancionadores en materia de tráfico poderán presentarse nos rexistros, oficinas e dependencias expresamente designados na correspondente denuncia ou resolución sancionadora. As alegacións, escritos e recursos que se deriven dos procedementos sancionadores material e territorialmente competencia deste concello poderán presentarse nas oficinas de Rexistro da Deputación Provincial da Coruña e decretaranse á Unidade de instrucción de Sancións Municipais de Tráfico do devandito organismo. Cando se presenten nos rexistros, oficinas ou dependencias non designados expresamente na denuncia ou resolución sancionadora, estes remitiranos á Unidade de instrucción de Sancións Municipais de Tráfico da Deputación Provincial da Coruña o máis axiña posible.

2.- Cando se siga o procedemento sancionador abreviado establecido no artigo 80 do texto articulado da Lei sobre tráfico, circulación de vehículos a motor e seguridade viaria, na súa redacción dada por Lei 18/2009, do 23 de novembro, por realizar o pago voluntario da multa dentro do prazo de vinte días naturais contados desde o día seguinte ao da súa notificación, terase por concluído o procedemento sancionador con, entre outras, as seguintes consecuencias:

a) Termina o procedemento sen necesidade de ditar resolución expresa o día en que se realice o pago.

b) Esgótase a vía administrativa sendo recorrible unicamente ante a orde xurisdicional contencioso-administrativa.

c) O prazo para interpor o recurso contencioso-administrativo iniciarase no día seguinte a aquel en que teña lugar o pago.

d) A firmeza da sanción na vía administrativa desde o momento do pago, producindo plenos efectos desde o día seguinte.

3.- Contra as resolucións sancionadoras ditadas pola Alcaldía ou, no seu caso, órgano en quen delegue, cando se siga o procedemento sancionador ordinario disposto no artigo 81 do texto articulado da Lei sobre tráfico, circulación de vehículos a motor e seguridade viaria, na súa redacción dada pola Lei 18/2009, do 23 de novembro estarase ao establecido nos seguintes apartados, segundo dispón o artigo 82 da devandita norma:

a) A resolución sancionadora porá fin á vía administrativa e a sanción poderase executar desde o día seguinte a aquel en que se notifique ao interesado, producindo plenos efectos ou, no seu caso, unha vez transcorra o prazo de 30 días naturais.

b) Contra as resolucións sancionadoras, poderá interporse recurso de reposición, con carácter potestativo, no prazo dun mes contado desde o día seguinte ao da súa notificación. O recurso interporase ante o órgano que ditou a resolución sancionadora, que será o competente para resolvelo.

c) A interposición do recurso de reposición non suspenderá a execución do acto impugnado nin a da sanción. No caso de que o recorrente solicite a suspensión da execución, esta entenderase denegada transcorrido o prazo dun mes desde a solicitude sen que se resolvera.

d) Non se terán en conta na resolución do recurso feitos, documentos e alegacións do recorrente que se puidesen achegar no procedemento orixinario.

e) O recurso de reposición regulado neste artigo entenderase desestimado se non recae resolución expresa no prazo dun mes, quedando expedita a vía contencioso-administrativa.

4.- Se o presunto infractor non formula alegacións nin paga con redución no prazo de 20 días naturais, a denuncia correctamente notificada produce efecto de acto resolutorio do procedemento nos supostos establecidos polo artigo 81.5 LSV. A terminación do procedemento pon fin á vía administrativa e a sanción poderase executar desde o día seguinte ao transcurso de trinta días naturais desde a notificación da denuncia, polo que quedará aberta a vía contencioso-aministrativa.

5.- Sen prexuízo do disposto nos apartados anteriores, os interesados poderán interpor calquera outro recurso que estimen procedente.

Artigo 110.- Prescrición e caducidade en materia de tráfico e seguridade vial.

1.- O prazo de prescrición das infraccións previstas na Lei de Tráfico, Circulación de Vehículos a Motor e Seguridade Vial, será o de tres meses para as infraccións leves e o de seis meses para as infraccións graves e moi graves. O prazo de prescrición cóntase a partir do día en que os feitos se cometeran.

2.- A prescrición interrompese por calquera actuación administrativa da que teña coñecemento o denunciado ou estea encamiñada a pescudar a súa identidade ou domicilio e se practiquen con proxección externa á dependencia en que se orixine. Tamén se interrompe a prescrición pola notificación efectuada de acordo co establecido nos artigos 76, 77 e 78 da Lei de Seguridade Vial. O prazo de prescrición renovarase se o procedemento se paraliza durante máis dun mes por causa non imputable ao denunciado.

3.- Se non se produciu a resolución sancionadora transcorrido un ano desde a iniciación do procedemento, producirase a súa caducidade e procederase ao arquivo das actuacións, a solicitude de calquera interesado ou de oficio polo órgano competente para ditar resolución.Cando a paralización do procedemento se producise a causa do coñecemento dos feitos pola xurisdicción penal, o prazo de caducidade suspenderase e, unha vez adquira firmeza a resolución xudicial, renovarase o cómputo do prazo de caducidade polo tempo que restaba no momento de acordar a suspensión.

4.- O prazo de prescrición das sancións consistentes en multa pecuniaria será de catro anos e o das demáis sancións será dun ano, computados desde o día seguinte a aquel no que adquira firmeza en vía administrativa a resolución pola que se impoña a correspondente sanción. O cómputo e interrupción do prazo de prescripción do dereito da Administración para esixir o pago das sancións consistentes en multas pecuniarias se rexirán polo disposto na Lei Xeral Tributaria.

Artigo 111.- Contía das multas en materia de tráfico e seguridade vial..

1.- As infraccións que puideran cometerse en materia de tráfico e seguridade vial contra o disposto na presente Ordenanza serán sancionadas coas multas previstas na Lei Tráfico, Circulación de Vehículos a Motor e Seguridade Vial, na súa redacción dada pola Lei 18/2009, do 23 de novembro.

No Anexo II desta Ordenanza recóllense, de acordo con dita norma, aquelas infraccións máis comúns contra o Real Decreto Lexislativo 339/1990, de 2 de marzo, polo que se aproba o Texto Articulado da Lei sobre Tráfico, Circulación de Vehículos a Motor e Seguridade Vial, modificada pola Lei 18/2009, de 23 de novembro e contra o Real Decreto 1428/2003, de 21 de novembro, polo que se aproba o Regulamento Xeral de Circulación para a aplicación e desenvolvemento do Texto Articulado, así como contra a presente Ordenanza, así como o importe das sancións que corresponde ás mesmas, sen prexuízo do establecido no parágrafo anterior.

2.- Aquelas infraccións que non estando explicitamente previstas no Anexo da presente Ordenanza, atópense tipificadas na lexislación sobre tráfico, circulación de vehículos a motor e seguridade vial ou nas súas normas de desenvolvemento e resultasen de competencia municipal polo tipo de vía en que se cometen e pola materia sobre a que versan, serán sancionadas pola Autoridade municipal da seguinte forma, salvo que na citada normativa se indique expresamente outra cosa:

a) Infraccións leves: multa de 100 euros.

b) Infraccións graves: multa de 200 euros.

c) Infraccións moi graves: multa de 500 euros.

3.- Naqueles supostos nos que o titular dun permiso ou licenza de condución sexa sancionado en firme en vía administrativa pola comisión de algunha das infraccións que, de conformidade coa lexislación vixente a dito efecto, leve aparellada a perda de puntos, comunicarase á Xefatura Provincial de Tráfico, órgano competente para a súa detracción.

4.- A competencia para impor a suspensión do permiso ou licenza de conducción ou circulación corresponde, en todo caso, ao xefe provincial de Tráfico.

Artigo 112.- Redución e residencia en materia de tráfico e seguridade vial.

1.- As multas impostas en aplicación da normativa sobre tráfico e seguridade vial poderán facerse efectivas cunha redución do 50% sobre a contía que se consignara correctamente no Boletín de denuncia polo axente ou, no seu defecto, na notificación posterior de dita denuncia realizada polo instrutor do expediente, sempre que dito pago se efectúe durante os vinte días naturais seguintes a aquel no que teña lugar a citada notificación. O abono anticipado coa redución anteriormente sinalada implica a renuncia a formular alegacións e a terminación do procedemento sen necesidade de ditar resolución expresa. Asimesmo implica o agotamento da vía administrativa, sendo recurrible únicamente ante o orde xurisdiccional contencioso-administrativo.

2.- Cando o infractor non acredite a súa residencia legal en territorio español, o Axente denunciante fixará provisionalmente a contía da multa e, de non depositarse o seu importe, inmobilizará o vehículo.

Artigo 113.- Pago das multas de tráfico e seguridade vial.

1.- En virtude da delegación de competencias en materia de recadación de sancións de tráfico acordada na sesión ordinaria do Pleno da Corporación do Concello de Carballo de data 25/04/2011, en favor da Deputación Provincial da Coruña, aceptado en sesión ordinaria do Pleno da institución provincial celebrada o 29/04/2011 -e publicado no D.O.G. nº 7, do 11/01/2012, páxina 1875-, o pago das multas en materia de tráfico e seguridade vial, tanto ordinario como anticipado, farase efectivo, ante o Servizo de Recadación da Deputación Provincial da Coruña, a través das entidades bancarias colaboradoras del, a través da Oficina Virtual Tributaria no enderezo web www.dicoruna.es ou nas redes de caixeiros habilitados para o pago, así como en calquera outros lugares e medios de pago que habilite o devandito organismo para o pago dos ingresos de dereito público.

2.- As multas que non se aboen durante o procedemento deberanse facer efectivas dentro dos quince días naturais seguintes á data da firmeza da sanción.

3.- Vencido o prazo de ingreso establecido no apartado anterior sen que se satisfixera a multa, a súa exacción levarase a cabo polo procedemento de prema. Para ese efecto, será título executivo a providencia de constrinximento notificada ao debedor, expedida polo órgano competente da administración xestora.

DISPOSICIÓN DERROGATORIA.-

Unha vez entre en vigor a presente norma, quedarán derrogadas as seguintes Ordenanzas municipais:

a) A Ordenanza Xeral municipal sobre tráfico, circulación de vehículos a motor e seguridade vial, aprobada definitivamente na sesión ordinaria do Pleno da Corporación celebrada o 27/09/2010 -B.O.P. nº 194, páx. 125, do 11/10/2010.

b) A Ordenanza reguladora do establecemento, outorgamento de autorizacións e utilización das zonas de reserva de estacionamento para paradas de autobuses e reguladora da circulación dos mesmos polos núcleos urbanos do Concello, aprobada polo Pleno da Corporación na súa sesión ordinaria de 28/06/2004 -B.O.P. nº 238, do 15/10/2004-.

c) A Ordenanza reguladora das operacións de carga e descarga de mercadorías en Carballo e da circulación dos vehículos que realizan tales operacións, aprobada na sesión ordinaria do Pleno da Corporación do 28/06/2004 - B.O.P. nº 238, do 15/10/2004-.

d) A Ordenanza Xeral de ocupación do dominio público local con terrazas de hostalería, aprobada na sesión ordinaria do Pleno da Corporación do 28/06/2004 - B.O.P. nº 238, do 15/10/2004-.

e) A Ordenanza reguladora do estacionamento en horario limitado na que se denomina Zona Azul, aprobada na sesión do Pleno da Corporación do 26/03/2002 -aprobación definitiva en B.O.P. nº 139, do 19/06/2002, páx. 5415-, modificada en sesións do Pleno de 26/09/2003, 25/10/2005, 31/07/2006, 28/04/2008 e 28/09/2009.

DISPOSICIÓN TRANSITORIA.-

Os procedementos iniciados en aplicación da normativa que se derroga coa presente Ordenanza seguiranse a tramitar consonte á normativa anterior, agás no relativo ao se réxime sancionador, no que se aplicará aquel que resulte máis favorable ao presunto responsable.

DISPOSICIÓN DERRADEIRA

Esta Ordenanza entrará en vigor unha vez sexa publicado o texto íntegro da mesma no Boletín Oficial da Provincia e transcorra o prazo de 15 días previsto no artigo 65.2 da lei 7/1985, de 2 de abril reguladora das bases de réxime local.

O formato das sinais verticales consisten nunha placa de 0,60 x 0,90 cm., na que estará inscripta o sinal de prohibición, unha banda de cor amarelo coa lenda Zona Azul e un símbolo que fai referencia a Zona Azul, na parte baixa as indicacións específicas e horario de funcionamento.

PLACA QUE ESTA ENFUNCIONAMENTO

A lenda do sinal será a seguinte (non a que se reflicte na fotografía):

Indique a hora de chegada:

De luns a venres de 9:00 a 13:30 e de 15:30 a 20:00 h.

Sábados de 9:00 a 13:30 h.

Estacionamento limitado máximo: 1,30 h.

LENDA:

Norm: Disposición na que figura a tipificación:

CIR: Real Decreto 1428/2003, do 21 de novembro, Regulamento Xeral de Circulación.

CON: Real Decreto 818/2009, do 8 de maio, Regulamento Xeral de Condutores.

CRC: Real Decreto 170/2010, do 19 de febreiro, Regulamento de centros de recoñecemento para verificar as aptitudes psicofísicas dos condutores.

EPC: Real Decreto 1295/2003, do 17 de outubro, Regulamento das Escolas Particulares de Condutores.

LSV: Real Decreto Lexislativo 339/1990, do 2 de marzo, Texto articulado da Lei de Tráfico, Circulación de Vehículos a Motor e Seguridade Vial.

SOA: Real Decreto Lexislativo 8/2004, do 29 de outubro, Texto refundido da Ley sobre responsabilidade civil e seguro na circulación de vehículos a motor.

VEH: Real Decreto 2822/1998, do 23 de decembro, polo que se aproba o Regulamento Xeral de Vehículos.

Art: Número de artigo.

Ap.: Apartado do artigo.

Inc.: Letra do inciso dentro da enumeración do apartado do artigo.

Opc: Descrición do feito concreto realizado dentro dos descritos no apartado e inciso -aos meros efectos internos de tramitación do expediente-.

Hecho: feito realizado.

Vigencia: Data de vixencia da tipificación.

Importe: Importe da sanción non reducida.

Ptos.: Deducción de puntos asociada.

LSV: Tipificación en artigo do R.D.L. 339/1990, Lei de Seguridade Vial.

Gravedad: Artigo e clase de infracción: Leve (L), grave, (G) ou moi grave (M G).

Resp.: Persoa responsable da infracción.