Touro - ORDENANZA ADMINISTRACIÓN ELECTRÓNICA

Artigo 1.-Obxecto.

1. De acordo co artigo 103 e disposicións conexas da Constitución, a Lei 11/2007, do 22 de xuño, o acceso dos cidadáns aos servizos públicos electrónicos (LAE) e do dereito administrativo xeral vixente, a presente Ordenanza regula o uso de medios electrónica no campo da administración do Concello de Touro.

2. Para estes efectos, a presente Ordenanza ten por obxecto:

a) Establecer os dereitos e deberes que rexen as relacións por medios electrónicos entre os cidadáns e a administración municipal.

b) Fixar o marco xeral de actuación para a implantación, impulso e desenvolvemento da Administración electrónica no ámbito municipal.

c) Regular as condicións e os efectos xurídicos do uso dos medios electrónicos nos procedementos administrativos, de acordo coas vixentes normas reguladoras do réxime xurídico das administracións públicas e do procedemento administrativo común.

Artigo 2.-Ámbito subxectivo.

1. A presente Ordenanza aplícase ás seguintes entidades que integran a Administración municipal:

a) Os órganos administrativos integrantes do Concello.

b) Os organismos autónomos e entidades públicas empresarias constituídas polo Concello.

c) As sociedades e as entidades concesionarias de servizos públicos municipais cando así o determine o título de concesión, ou así o aproben os seus órganos de goberno, no marco da prestación de servizos públicos municipais.

2. Esta Ordenanza aplícase ós cidadáns, entendendo como tales ás persoas físicas e xurídicas e ás entidades sen personalidade xurídica ás que a lei confire tal condición ós efectos previstos nesta Ordenanza.

Artigo 3.-Ámbito subxectivo.

Esta Ordenanza será de aplicación ás actuacións realizadas pola Administración municipal que se refiran ou afecten a:

1. As súas relacións cos cidadáns que teñan carácter xurídico-administrativo.

2. As súas relacións con outras administracións públicas, sempre que non se desenvolven en réxime de dereito privado.

3. A consulta pola cidadanía da información pública administrativa e dos datos administrativos que obren en poder da administración municipal.

4. A realización dos trámites e procedementos administrativos accesibles por vía electrónica.

5. O tratamento da información obtida pola Administración municipal no exercicio das súas potestades.

6. A xestión da documentación e información obtida e producida pola Administración municipal no exercicio das súas potestades, así como su preservación e acceso.

Artigo 4.-Sede electrónica.

1. A sede electrónica municipal é o enderezo electrónico dispoñible para os cidadáns, correspondente á dirección de referencia ¿https://sede.concellosdacoruna.es/Touro". Esta é accesible directamente, a través do portal do Concello http://www.concellodetouro.com, así como a través da Sede Electrónica dos Concellos da provincia de A Coruña ¿https://sede.concellosdacoruna.es, que se encontra no portal da Deputación Provincial ¿http://www.dicoruna.es"

2. O titular da sede electrónica municipal é o Concello de Touro a través do seu representante legal, o alcalde do Concello de Touro, que asume a responsabilidade respecto á información e os servizos ós que pode accederse a través damesma, correspondendo o seu aloxamento e administración á Deputación Provincial de A Coruña no exercicio das súas competencias de colaboración e asistencia ós concellos. Neste asentido, a Deputación Provincial de A Coruña pon a disposición dos concellos da provincia de A Coruña unha Plataforma de administración electrónica, a fin de dar cumprimento ás previsións da Lei 11/2007, do 22 de xuño, de acceso electrónico dos cidadáns ós servizos públicos que sustenta a Sede electrónica dos concellos da provincia de A Coruña, coa información e servizos compartidos, así como as sedes electrónicas municipais coa información e servizos particulares do Concello.

3. A identificación da Sede electrónica dos concellos da provincia de A Coruña levarase a cabo mediante certificado da sede, consistente en certificado do servidor onde se aloxa a información, baseado en certificados de dispositivo seguro ou medio equivalente.

4. Corresponde á Deputación Provincial a titularidade e custodia do certificado da sede electrónica. Todo iso sen prexuízo de que este Concello poida ter outras sedes complementarias.

5. A sede electrónica estará dispoñible a todos os cidadáns de forma gratuíta e permanente. En particular, tamén será accesible a través do punto de acceso xeral da Administración Xeral do Estado previsto no artigo 8.2.b) da Lei 11/2007, do 22 de xuño.

6. A data e hora oficial da Sede electrónica corresponde á de España peninsular conforme ó que establece o Esquema Nacional de Interoperabilidade (art. 15 do Real Decreto 4/2010, do 8 de xaneiro, polo que se regula o Esquema Nacional de Interoperabilidade no jámbito da Administración Electrónica).

7. A Sede electrónica municipal dispoñerá do seguinte contido mínimo:

a) Identificación da sede, así como do órgano ou órganos titulares e responsables da xestión e dos servizos postos a disposición na mesma.

b) Información necesaria para a correcta utilización do sitio web.

c) Sistema de verificación dos certificados da sede, que estará accesible de forma directa e gratuíta.

d) Relación de sistemas de sinatura electrónica que, conforme ó previsto nesta ordenanza sexan admitidos ou utilizados na sede.

e) Información relacionada coa protección de datos de carácter persoal.

8. A sede electrónica municipal dispoñerá dos seguintes servizos a disposición dos cidadáns:

a) Presentación telemática de solicitudes.

b) Ligazón para a formulación de suxestións e queixas ante o órgano competente.

c) Acceso, no seu caso, á relación de expedientes do cidadán e ós trámites que se iniciaron de forma telemática.

d) No seu caso, publicación electrónica de actos e comunicacións no taboleiro de anuncios ou edictos, indicando o carácter substitutivo ou complementario da publicación electrónica.

e) Verificación dos selos electrónicos que se utilicen na sede.

f) Comprobación da autenticidade e integridade dos documentos emitidos e que teñan sido autenticados mediante código seguro de verificación.

Artigo 5.-Os dereitos dos cidadáns.

1. Os cidadáns teñen dereitos recoñecidos pola lexislación aplicable na materia, así como pola presnte ordenanza, e, en especial, os seguintes:

a) Dereito a relacionarse coa Administración municipal a través de medios electrónicos, presentar documentos, facer trámites e procedementos e, en xeral, exercer os dereitos e facultades que lles recoñece o ordenamento xurídico administrativo, con total validez e seguridade, salvo nos casos en que unha lei estableza a utilización dun medio electrónico.

b) Dereito a esixir da Administración municipal que se lles dirixa a través destes medios, e a obter documentos a través de formatos electrónicos.

c) Dereito a non presentar documentos que se encontren en poder da Administración municipal, ou doutras administracións públicas coas cales o Concello teña un convenio de intercambio de información, ós efectos previstos na normativa básica estatal nesta materia.

d) Dereito de acceso á documentación e información administrativa , rexistros e arquivos, a través de medios electrónicos, e a dispoñer de contidos electrónicos de calidade, accesibles, transparentes e comprensibles.

e) Dereito a acceder e utilizar a administración electrónica con independencia dos condicionantes de discapacidade..

f) Dereito a acceder e utilizar a administración electrónica con independencia dos medios tecnolóxicos utilizados.

g) Dereito á confidencialidade e protección dos seus datos persoais, e o resto dos dereitos protexidos pola normativa de protección de datos.

h) Dereito á privacidade e seguridade das súas comunicacións coa Administración municipal, e das comunicacións que poida efectuar o Concello en que consten os datos do interesado, de acordo coa lei.

i) Dereito á conservación en formato electrónico, por parte da Administración municipal, dos documentos electrónicos que formen parte dun expediente, e garantir o seu acceso.

2. O exercicio efectivo, a aplicación e a interpretación sobre o contido destes dereitos realizarase nos termos previstos na normativa aplicable, e de acordo coas previsións da presente ordenanza.

Artigo 6.-Deberes dos cidadáns.

1. Xunto cos dereitos que a presente ordenanza recoñece e protexe no marco da utilización dos medios electrónicos, na actividade administrativa e nas súas relacións coa Administración municipal, a cidadanía está suxeita na súa actuación ó cumprimento dos seguintes deberes:

a) Deber de utilizar os servizos e procedementos de administración electrónica de boa fe e evitando o seu abuso.

b) Deber de facilitar á Administración municipal, nas materias obxecto desta ordenanza, unha información veraz e completa, adecuada ás finalidades para as cales se solicita.

c) Deber de identificación ante a Administración municipal, nos termos establecidos na vixente normativa.

d) Deber de custodia de aqueles elementos identificativos persoais e intransferibles, utilizados nas relacións administrativas por medios electrónicos coa Administración municipal.

e) Deber de respectar o dereito de privacidade, confidencialidade e seguridade e outros dereitos en materia de protección de datos.

2. O Concello valará polo cumprimento destes deberes no marco do previsto na normativa aplicable e das previsións desta ordenanza.

Artigo 7.-Principios rectores da administración electrónica no ámbito da Administración municipal.

A administración municipal, no marco da utilización de medios electrónicos na actividade administrativa, está suxeita ós principios enunciados na normativa reguladora do acceso dos cidadáns ós servizos públicos.

Artigo 8.-Principios de organización da administración electrónica.

1. A Administración municipal impulsará o acceso electrónico á información, ós trámites e ós procedementos administrativos, en aras dunha máis eficaz implantación dos princijpios constitucionais de transparencia administrativa, proximidade e servizos ós cidadáns.

2. A tal efecto, guiará a súa actividade de acordo cos principios de simplificación administrativa, impulso dos medios electrónicos, neutralidade tecnolóxica, interoperabilidade, confidencialidade, seguridade e protección de datos, transparencia e participación.

Artigo 9.-Principios xerais de acceso dos cidadáns ó procedemento administrativo.

1. A realización electrónica dos trámites administrativos no marco da Administración municipal, rexerase polos principios de non discriminación por razón do uso de medios electrónicos, trazabilidade dos procedementos e documentos administrativos, proporcionalidade e intermodalidade de medios, de modo que, nos termos previstos nesta ordenanza ou nas súas normas de desenvolvemento, un procedemento iniciado por un medio poderase continuar por outro diferente, sempre que se asegure a integridade e seguridade xurídica do procedemento.

2. Os trámites e os procedementos accesibles por vía electrónica poderanse realizar, a elección do cidadán, a través dos canles e medios electrónicos que estean dispoñibles nese momento.

Artigo 10.-Principios informadores de fomento e promoción da cooperación interadministrativa en materia de administración electrónica.

1. A Administración municipal guiará a súa actividade en materia de administración electrónica de acordo cos principios de colaboración, cooperación e información mutua, e de acceso e dispoñibilidade limitada.

2. A administración municipal deberá facilitar o acceso das restantes administracións públicas ós datos que dispoñan dos interesados que se encontran en soporte electrónico, especificando, en todo caso, as condicións, os protocolos e os criterios funcionais ou técnicos necesarios para acceder ós datos coas máximas garantías de seguridade e integridade, e limitándose estrictamente ós que as administracións p¿jublicas requiran no exercicio das súas funcións. O acceso ós datos mencionados estará condicionado a que o interesado teña prestado o seu coñecemento ou a que unha norma con rango legal así o autorice.

Artigo 11.-Instrumentos de identificación e acreditación da vontade dos cidadáns.

1. As persoas físicas poderán usar para relacionarse coa Administración municipal os sistemas de sinatura electrónica incorporados ó Documento Nacional de Identidade, en todo caso, e os sistemas de sinatura electrónica avanzada admitidos pola lei.

2. As persoas xurídicas e entidades sen personalidade xurídica poderán utilizar sistemas de firma electrónica de persoa xurídica, ou de entidades sen personalidade xurídica,para todos aqueles procedementos e actuacións para os que se admitan. En caso de non admisión, a sede electrónica municipal deberá facilitar sistemas alternativos que permitan o exercicio do dereito a relacionarse electronicamente coa administración municipal.

3. O Concello admitirá cantos outros sistemas de sinatura electrónica estiveran autorizados legalmente, e que sexa adecuados para garantir a identificación dos cidadáns, e, se procede, a autenticidade e a integridade dos documentos electrónicos.

4. O Concello poderá admitir os sistemas de sinatura electrónica utilizados ou admitidos por outras administracións públicas, de conformidade cos principios de recoñecemento mutuo e de reciprocidade.

5. O Concello publicará na súa sede electrónica a relación de sistemas de sinatura electrónica admitidos nas súas relacións cos cidadáns.

Artigo 12.-Requisitos de identificación no acceso dos cidadáns á información administrativa electrónica.

1. Será libremente accesible aos cidadáns, sen necesidade de identificación, a seguinte información:

a) Procedementos do Concello: Información, descarga de impresos e instancias.

b) Verificación de documentos e certificados.

c) Calendario oficial do Concello.

d) Información xeral sobre a sede: normativa, hora oficial, avisos sobre interrupcións, etc.

e) Información xeral sobre utilidades como, por exemplo, sinatura electrónica.

f) Enlaces útiles.

g) Noticias relacionadas coa administración electrónica.

h) Outras informacións sobre a organización municipal e os servizos de interese xeral.

2. De acordo cos parágrafos 2, 3, 5 e 6 do artigo 37 da Lei 30/1992, do 26 de novembro, de réxime xurídico das administracións públicas e do procedemento administrativo común, o acceso ós documentos nominativos, ós documentos que conteñan datos relativos á intimidade das persoas, ós expedientes non finalizados e ós expedientes e arquivos referidos nos apartados 5 e 6 do artigo 4 da Lei 30/1992, queda reservado ás persoas que acrediten as condicións que alei prevea en cada caso.

3. Para garantir que o dereito de consulta dos documentos sinalados no apartado anterior é exercido polas persoas que estea legalmente habilitados para facelo, os servizos municipais esixirán a identificación por medio de calquera procedemento electrónico de identificación de entre os admitidos no artigo 11 desta ordenanza.

Artigo 13.-Requisitos de identificación e de acreditación da vontade dos cidadáns na presentación de escritos.

1. A utilización de sinatura electrónica, nos termos previstos no artigo 11 da presente ordenanza, será un requisito suficiente para identificar e entender acreditada a vontade dos cidadáns que presenten, por vía electrónica, un escrito no procedemento debe ser unha condición suficiente para identificar e comprender imputado a vontade dos cidadáns a presentar, por vía electrónica, un escrito no procedemento ou trámite de que se trate.

2. O Concello admitirá, de acordo coa lei, outros tipos de sinatura electrónica que permitan garantir a seguridade e a integridade na identificación e a acreditación da vontade dos cidadáns, atendendo ós criterios seguintes:

a) As características das canles electrónicas que foron activadas para a realización do trámite.

b) A proporcionalidade entre o requisito imposto e a transcendencia que poida ter o trámite en concreto na esfera xurídica da cidadanía.

c) A esixencia formal de que a sinatura do escrito presentado polo interesado polo interesado cumpra a normativa de procedemento administrativo xeral.

d) A dispoñibilidade da tecnoloxía e os recursos do Concello.

3. De conformidade co disposto no artigo 71 da Lei 30/1992, a Administración municipal requirirá dos particulares as emendas de calquera defecto formal, ocasionado polo incumprimento dos requisitos de identidade, integridade e autenticidade que prevé este artigo.

4. No suposto de que os cidadáns non dispoñan dos instrumentos electrónicos de identificación ou acreditación da vontade, que prevé esta ordenanza, a identificación ou acreditación da súa vontade poderá facer de forma válida un funcionario municipal a través do uso do sistema de sinatura electrónica do que estea dotado. O interesado terá que identificarse e prestar o seu consentimento expresa, e deberá quedar constancia para os casos de discrepancia ou litixio.

Artigo 14.-Información sobre a organización e os servizos de interese xeral.

1. A administración municipal facilitará por medios electrónicos e, como mínimo a través da súa sede electrónica, información sobre:

a) Os procedementos administrativos que tramite, precisando tanto os requisitos esenciais e os prazos de resolución e notificación, como tamén o sentido do silencio.

b) Os datos de localización, como enderezo postal, teléfono e correo electrónico.

2. Poderase difundir a través demedios electrónicos calquera outra informaqción relativa a asuntos ou cuestións de interese xeral para os cidadáns, como noos ámbitos de sanidade, saúde, cultura, educación, servizos sociais,medio ambiente, transporte, comercio, deporte e ocio.

3. A información facilitada fará constar o órgano administrativo proveedor da información e as datas de actualización.

Artigo 15.-Información administrativa.

A administración municipal facilitará a través de medios electrónicos toda a información administrativa que por prescrición legal ou resolución xudicial se teña que facer pública, especificando en calquera caso o órgano administrativo autor do acto ou disposición publicados.

Artigo 16.-Calidade e seguridade na sede electrónica.

1. Os servizos da sede electrónica estarán operativos 24 horas ó día, todos os días do ano. Cando por razóns técnicas se prevea que a sede electrónica ou algún dos servizos poidan non estar operativos, terase que comunicar ós usuarios e ás usuarias coa máxima antelación que sexa posible, indicando os medios alternativos que estea dispoñibles.

2. A sede electrónica cumprirá os estandares de accesibilidade de conformidade coa normativa aplicable e, en particular, garantirase que sexa accesible desde os principais navegadores e sistemas operativos de código aberto.

3. As entidades incluídas no artigo 2 desta ordenanza comprométense a velar pola calidade da información contida na súa sede electrónica municipal, se ben non se considerarán responsables en ningún caso da información que se poida obter a través das fontes externas nas entidades mencionadas, nin tampouco das opinións que poidan expresar, a través das páxinas web municipais, persoas que non estean vinculadas.

Artigo 17.-Taboleiro de edictos electrónico.

1. A publicación de actos e comunicacións que, por disposición legal ou regulamentaria, sexa necesario publicar no taboleiro de anuncios municipal, poderá ser substituída ou complementada pola súa publicación no taboleiro de anuncios electrónico.

2. O acceso ó taboleiro de anuncios electrónico non requirirá ningún mecanismo especial de acreditación da identidade do cidadán ou cidadá.

3. O taboleiro de anuncios publicarase na sede electrónica do Concello, e poderase consultar desde as terminais instaladas no mesmo e noutros puntos de acceso que se determinen. Dispoñerá dos sistemas e mecanismos que garanten a autenticidade, a integridade e a dispoñibilidade do contido, de acordo co artigo 45.5 da Lei 30/1992.

4. O taboleiro de anuncios electrónico estará dispoñible todos os días do ano e durante as vinte e catro horas do día. Cando por razóns técnicas se prevea que o taboleiro non pode estar operativo, deberase anunciar ós usuarios coa máxima antelación posible, indicando os medios alternativos dispoñibles.

Artigo 18.-Procedementos tramitados por vía electrónica.

1. O Concello garante o exercicio do dereito a relacionarse coa administración a través de medios electrónicos, e os demais dereitos recoñecidos no artigo 5 desta ordenanza, con relación ós trámites e ós procedementos que se tramiten por medios electrónicos.

2. No marco da lexislación vixente e dos principios desta ordenanza, o Concello poderá determinar os supostos e as condicións en que será obrigatorio comunicarse coa administración municipal a través de medios electrónicos, cando os interesados sexan persoas xurídicas ou colectivos de persoas físicas que, por razóns de capacidade económica ou técnica, dedicación profesional ou outros motivos acreditados, teñan garantidos o acceso a medios tecnolóxicos adecuadas e a dispoñibilidade destes medios.

Artigo 19.-Identificación e acreditación da vontade dos órganos administrativos.

1. As entidades integradas na Administración municipal poderán utilizar os sistemas seguintes, para a súa identificación electrónica e para a autenticación dos documentos electrónicos que produzan:

a) Sistemas de sinatura electrónica baseados na utilización de certificados de dispositivo seguro, ou un medio equivalente, que permita identificar a sede electrónica do Concello e o establecemento de comunicacións seguras.

b) Sinatura electrónica do persoal ó servizo da administración municipal.

c) Sistemas de sinatura electrónica para a actuación administrativa automatizada.

d) Intercambio electrónico de datos en contornos cerrados de comunicación.

2. A sede electrónica do Concello utilizará, para identificarse e garantir unha comunicación segura, sistemas de firma electrónica baseados en certificados de dispositivo seguro ou un medio equivalente.

3. Os actos administrativos das entidades integradas na Administración municipal poderanse ditar de forma automatizada, sempre que se dea o cumprimento dos requisitos establecidos para os actos administrativos pola normativa administrativa aplicable e nesta ordenanza. A estes efectos, as entidades integradas na Administración municipal poderán determinar para cada suposto a utilización dos sistemas de sinatura electrónica seguintes:

a) Selo electrónico do órgano ou entidade de dereito público correspondente, baseado nun certificado electrónico que reúna os requisitos esixidos pola lexislación de sinatura electrónica.

b) Código seguro de verificación vinculado ó órgano ou entidade de dereito público correspondente e, se procede, á persoa asinante do documento.

4. A identificación e o exercicio da competencia das entidades integradas na Administración municipal farase mediante os sistemas de sinatura electrónica dos que estea provisto o persoal o seu servizo, de acordo coas previsións da normativa aplicable.

5. O intercambio de datos electrónicos transmitidos en contornos cerrados de comunicación, será válido de conformidade coas condicións e garantías que acorde o Concello, as cales terán que garantir a integridade e o non repudio dos datos electrónicos transmitidos.

Artigo 20.-Iniciación.

Para o inicio dun procedemento administrativo por medios electrónicos a solicitude do interesado, o Concello poñerá a súa disposición na sede electrónica os cvorrespondentes modelos ou sistemas electrónicos de solicitude. No caso de que no0n houbera modelo específico de solicitude, existirá un modelo xenérico que reunirá os requisitos esixidos na lexislación para as solicitudes.

Artigo 21.-Esixencia e acreditación de representación.

1. Os cidadáns poderán actuar por medio de representantes nos procedementos e trámites administrativos que fagan ante a administración municipal por medios electrónicos, de acordo co que prevén a lexislación xeral e esta ordenanza. Nestes supostos, a validez das actuacións realizadas estará suxeita á acreditación da representación.

2. O procedemento de acreditación da representación, cando se fagan actuacións por medios electrónicos, poderase levar a cabo a través de calquera dos procedementos alternativos seguintes:

a) Mediante a presentación de apoderamento en soporte electrónico.

b) Mediante os certificados de sinatura electrónica que inclúan a relación de representación e que sexan aceptados polo Concello, de conformidade co que se establece nesta ordenanza.

c) Mediante a declaración de apoderamento por parte do representante e a posterior comprobación da representación nos rexistros da Administración municipal, ou doutras administracións ou entidades coas que o Concello teña asinado un convenio de colaboración.

d) Calquera outro sistema de acreditación de representación que habilite o Concello no marco da lei e desta ordenanza.

3. Cando o procedemento o permita e se considere conveniente, a Administración municipal poderá, en calquera momento, pedir ó apoderado ou apoderada a xustificación do apoderamento.

Artigo 22.-Tramitación por vía electrónica dos procedementos.

1. Os programas, as aplicacións e os sistemas de información que en cada caso se utilicen para a realización por medios electrónicos dos trámites administrativos, terán que garantir o control dos prazos, a constancia da data e hora e a identificación das persoas responsables das actuacións, aparte da consideración da orde de tramitación dos expedientes.

2. A persoa interesada, previa comprobación electrónica da súa identidade por calquera dos medios regulados nesta ordenanza, poderán solicitar e obter información sobre o estado da ramitación dos procedementos administrativos que se estean xestionando electronicamente na súa totalidade, de acordo coas condicións do servizo de acceso restrinxido establecido a tal efecto. A información sobre o estado da tramitación do procedeemnto comprenderá a relación dos actos de trámite realizados, con indicación do seu contido, así como a data en que se dictaron.

3. O Concello poderá remitir á persoa interesada avisos sobre o estado da tramitación, nas direccións telemáticas de contacto que indicara o interesado.

Artigo 23.-Presentación de documentos e declaración responsable.

1. Non será necesario aportar documentos que estean en poder da administración municipal ou doutras administracións públicas coas cales o Concello teña asinado un convenio de colaboración. O exercicio deste dereito farase de acordo coa normativa aplicable a cada procedemento e, en especial, coa protección de datos de carácter persoal.

2. As entidades comprendidas no ámbito de aplicación desta ordenanza, promoverán a substitución da achega de documentos acreditativos do cumprimento de requisitos por unha declaración responsable da persoa interesada que exprese a concorrencia dos requisitos mencionados, e o compromiso de aportar os xustificantes a requirimento da administración.

3. A comprobación da información contida nestas declaracións poderase efectuar nos rexistros da administración municipal ou nos doutras administracións coas que o Concello teña asinado un convenio de colaboración.

Artigo 24.-Certificados administrativos electrónicos e transmisión de datos.

1. De acordo cos principios de simplificación administrativa e interoperabilidade entre administracións, o Concello promoverá a eliminación de certificados e, en xeral, de documentos en papel, que se substituirán, sempre que ase poida, por certificados e documentos electrónicos ou por transmisións de datos. Tanto no caso de certificados electrónicos e documentos electrónicos como no de transmisións de datos, a súa expedición, tratamento e efectos rexeranse polo que dispón esta ordenanza, con suxeición estrita á normativa de protección de datos de carácter persoal, así como ó resto da normativa aplicable ó procedemento administrativo.

2. O Concello comprométese a facilitar o acceso a outras administracións públicas ós datos relativos ós interesados que estean no seu poder e se encontren en soporte electrónico. En todo caso, estableceranse as máxima s garantías de seguridade, integridade e dispoñibilidade, de conformidade co que dispón a normativa aplicable á protección de datos de carácter persoal.

3. No marco dos principios regulados por esta ordenanza, o Concello promoverá o establecemento de convenios coas entidades públicas ou privadas, tanto emisoras como receptoras, de certificados ou documentos administrativos, para simplificar a obtención, a transmisión e, se procede, a convalidación de documentos ou certificados electrónicos para transmisións de datos.

4. O Concello poderá establecer os mecanismos necesarios para a elaboración de certificados administrativos electrónicos, que terán os mesmos efectos que os expedidos en soporte papel. O contido de aqueles poderase imprimir en soporte papel, e a sinatura manuscrita substituirase por un código de verificación xerado electronicamente, que permita comprobar a autenticidade accedendo telematicamente ós arquivos do órgano ou organismo emisor.

a) O Concello, a petición dos cidadáns, emitirá certificados electrónicos sobre os datos que figuran no seu poder.

b) Os cidadáns, en substitución dos certificados en papel, poderán presentar ante a administración municipal certificados en soporte electrónico doutras administracións, obtidos telematidcamente ou ben mediante a compulsa electrónica do certificado en papel.

Artigo 25.-Compulsas electrónicas e traslado de documentos en soporte papel.

1. A compulsa electrónica de documentos electrónicos e en soporte papel farase a través dun procedemento de dixitalización seguro, que inclúa, nos termos do artigo 19 desta ordenanza, a sinatura electrónica do persoal ó servizo da administración municipal que fixera a compulsa, e que garante a autenticidade e a integridade da copia. Os documentos compulsados electronicamente terán a consideración de copias auténticas, ós efectos que prevé o artigo 46 da Lei 30/1992.

2. A incorporación, no seu caso, de documentos en soporte papel nos trámites e procedementos administrativos que se tramiten por vía electrónica, farase mediante a compulsa electrónica destes documentos.

3. Cando un procedemento iniciado electronicamente non se tramite totalmente en soporte electrónico, o órgano competente poderá reproducir en soporte papel as solicitudes, comunicacións e outros documentos electrónicos, mediante compulsa ou outros sistemas de verificación, que permitan contrastar a súa autenticidade mediante compulsa ou outros sistemas de verificación, que permitan contrastar a súa autenticidade mediante o acceso ós arquivos electrónicos da administración emisora.

Artigo 26.-Expediente electrónico.

1. O expediente electrónico é o conxunto de documentos electrónicos correspondentes a un procedemento administrativo, sexa cal sexa o tipo de información que conteñan e o formato no que foran creados. Terán esta consideración as agrupacións de documentos que formen unidades básicas do sistema de xestión documental.

2. Os expedientes electrónicos deberán conter os metadatos imprescindibles para coñecer o contexto, o contido e a estrutura que os forman, así como a súa xestión ó longo do tempo..

3. A remisión de expedientes poderase substituír, a todos os efectos, pola posta a disposición do expediente electrónico, e a persoa interesada ten dereito a obter unha copia, nas condicións fixadas nesta ordenanza.

Artigo 27.-Terminación.

1. Os procedementos que se tramiten e se terminen en soporte electrónico, garantirán a identificación e o exercicio da competencia por parte do órgano que, en cada caso, estea recoñecido como competente.

2. O acto ou resolución que poña fin a un procedemento cumprirá co esixido no artigo 89 da Lei 30/1992, e irá avalado por algún dos sistemas de sinatura electrónica previstos nesta ordenanza.

3. O traslado de documentos electrónicos, incluíndo os que teñen que figurar nos libros de resolucións e nos libros de actas, mentres non teñan o formato en soporte electrónico, farase de acordo co previsto nesta ordenanza.

Artigo 28.-A notificación por medios electrónicos.

1. A notificación practicarase utilizando medios electrónicos cando a persoa interesada sinalase estes medios como preferentes, ou exprese o seu consentimento para a súa utilización, nos procedementos administrativos para os que se habilite este sistema de notificación. O Concello fará pública esta circunstancia na súa sede electrónica.

2. A práctica da notificación por medios electrónicos poderá efectuarse nas modalidades previstas regulamentariamente, ou noutros medios de notificación electrónica que poidan establecerse, sempre que quede constancia da recepción polo interesado, no prazo e nas condicións que se establezan na súa regulación específica.

3. A aceptación por parte dos interesados poderá ter carácter xeral para todos os trámites que os relacionan coa administración municipal, ou para un ou diversos trámites, segundo o que se teña manifestado.

4. Para a eficacia do que se dispón neste artigo, toda persoa interesada que manifeste expresamente a súa vontade de ser notificada por medios electrónicos, terá que dispor dunha dirección electrónica que cumpra os requisitos legalmente previstos.

5. A dirección de correo electrónico terá vixencia indefinida como dirección válida, a efectos de notificación, excepto nos supostos en que a persoa titular solicite a revogación ou a modificación, por defunción da persoa física ou extinción da personalidade xurídica, cando unha resolución administrativa ou xudicial o ordene, ou polo transcurso de tres anos sen que se utilice para a práctica das notificacións. Neste caso, comunicarse á persoa interesada para que poida expresar o seu interese en mantela activa; de non facelo, inhabilitarase como medio electrónico de notificación.

6. A notificación entenderase practicada, a todos os efectos legais, no momento en que se produza o acceso o seu contido a través da dirección de correo electrónico. O sistema de notificación terá que acreditar a data e a hora en que se produza a recepción da notificación, na dirección electrónica da persoa interesada, oe o acceso ó contido do acto notificado por parte do cidadán ou cidadá, así como calquera causa técnica que imposibilite algunha das circunstancias anteriores.

7. Cando se teña constancia da posta a disposición da notificación na dirección electrónica, e transcorran dez días naturais sen que se acceda o seu contido, entenderase que a notificación foi rexeitada, a efectos do que prevé o artigo 59 da Lei 30/1992, excepto que, de oficio ou a instancia da persoa interesada, se comprobe a imposibilidade técnica ou material de acceso a súa dirección electrónica.

8. Durante a tramitación dos procedementos, a persoa interesada poderá requirir ó órgano ou entidade correspondente que as notificacións sucesivas non se practiquen por medios electrónicos. Neste caso, será necesario utilizar calquera outro medio admitido polo artigo 59 da Lei 30/1992.

9. O acceso electrónico por parte das persoas interesadas ó contido das actuacións administrativas correspondentes, terá os efectos propios da notificación por comparecencia, sempre que quede constancia deste acceso. A notificación por comparecencia requirirá, en todo caso, o cumprimento dos seguintes requisitos:

a) Con carácter previo ó acceso o seu contido, o interesado deberá visualizar un aviso de carácter de notificación da actuación administrativa que terá dito acceso.

b) O sistema de información correspondente deixa¿ra constancia de dito acceso, con indicación da data e hora.

Artigo 29.-Rexistro telemático.

1. Crease o Rexistro telemático do Concello de Touro.

2. O Rexistro telemático poderá ser regulado por unha ordenanza municipal específica.

3. O Rexistro telemático integrarase a todos os efectos no Rexistro Xeral do Concello, e terá carácter voluntario para os administrados, excepto nos supostos de utilización obrigatoria establecidos por lei. O acceso ó Rexistro telemático poderase facer durante as 24 horas do día, todos os días do ano. A data de entrada e/ou saída, acreditarase mediante un servizo de consignación electrónica de data e hora. Ós efectos de cómputo de prazos, a recepción de documentos no día inhábil entenderase efectuada o primeiro día hábil seguinte. O Rexistro telemático rexerase pola data e a hora oficiais.

4. A presentación de solicitudes, escritos ou comunicacións no Rexistro telemático, terá os mesmos efectos que a presentación efectuada polo resto de medios admitidos polo artigo 38.4 da Lei 30/1992.

5. O Rexistro telemático non admitirá a presentación de solicitudes, escritos ou comunicacións que non cumpran as instrucións e os mecanismos de identificación e de acreditación da vontade dos cidadáns que fixe o Concello, de conformidade coas previsións desta ordenanza e outras normas específicas.

6. O Rexistro telemático emitirá automaticamente un recibo firmado electronicamente co contido previsto na Lei 11/2007, do 22 de xuño, de acceso electrónico dos cidadáns ós servizos públicos.

7. Cando, por razóns técnicas, se poida prever que o Rexistro telemático non vai estar operativo, anunciarase ós usuarios coa máxima antelación posible, e mentres permaneza nesta situación.

Artigo 30.-A xestión documental e a conservación dos documentos administrativos.

1. O Concello promoverá unha xestión documental integrada na xestión administrativa xeral, fundamentada na análise da produción, tramitación e valor da documentación, e dirixida á planificación, o control, o uso, a transferencia e a conservación ou eliminación da documentación. A tal efecto garantirase a xestión da documentación electrónica orixinal, recibida, producida e tratada no desenvolvemento dos seus procesos administrativos, así como a súa conservación ó longo do se ciclo de vida, e protexerá o exercicio dos dereitos de acceso, rectificación, cancelación e oposición, de acordo coa normativa de protección de datos.

2. Os documentos públicos electrónicos terán garantida a autenticidade, fiabilidade, integridade e dispoñibilidade, en iguais condicións que os documentos noutros soportes.

3. O concello poderá aprobar un protocolo de xestión documental e arquivos, regulador das condicións técnicas e organizativas de clasificación funcional, seguridade e disposición dos documentos administrativos, desde o inicio do procedemento, así como os órganos competentes para a conservación e transformación.

4. A documentación electrónica do Concello xestionarase mediante unha aplicación informática corporativa, que permita o control do ciclo de vida dos documentos e expedientes, o control da súa consulta, a xestión dos repositorios dixitais, o intercambio de arquivos e documentos de forma segura entre órganos ou entes, ademais de permitir a súa adaptación ós cambios organizativos.

Artigo 31.-Arquivo electrónico de documentos.

1. A Administración municipal poderá arquivar por medios electrónicos todos os documentos producidos ou recibidos no exercicio das súas competencias e actuacións administrativas, nun arquivo electrónico incorporado ó sistema de xestión de documentos do

Concello, que debe garantir a autenticidade, fiabilidade, integridade e dispoñibilidade dos documentos electrónicos, conservados de acordo cos estándares aprobados ó efecto, e de acordo co disposto no arti9go 45.5 da Lei 30/1992, e conforme á lexislación de arquivo que resulte de aplicación.

2. No suposto de documentos emitidos orixinariamente en papel, dos cales se teñan efectuado copias electrónicas de acordo co que dispón a normativa aplicable, poderase proceder á destrución de orixinais, nos termos e coas condicións que, de acordo coa lei, estableza o Concello.

3. O concello poderá establecer convenios ou acordos con outras entidades para o arquivo definitivo dos seus documentos electrónicos, sempre que se garante a integridade, a autenticidade, a confidencialidade, a calidade, a protección e a conservación dos documentos arquivados.

Artigo 32.-Preservación e acceso ós rexistros e ós arquivos administrativos electrónicos.

A preservación e o acceso ós documentos almacenados en medios electrónicos, rexerase polas previsións desta ordenanza, relativas ó acceso á información, e polos principios e normas aplicables á protección da confidencialidade e a privacidade de datos.

A efectos da presente ordenanza, enténdese por:

a) Actuación administrativa automatizada: actuación administrativa producida por un sistema de información adecuadamente programado sen necesidade de intervención dunha persoa física en cada caso singular. Inclúe a produción de actos de trámite ou resolutorios de procedementos, así como de meros actos de comunicación.

b) Aplicación: programa ou conxunto de programas cuxo obxecto é a resolución dun problema mediante o uso da informática.

c) Aplicación de fontes abertas: aquela que se distribúe cunha licenza que permite a liberdade de executala, de coñecer o código fonte, de modifcal ou mellorala e de redistribuír copias o outros usuarios.

d) Autenticación: acreditación por medios electrónicos da identidade dunha persoa ou ente, do contido da vontade expresada nas súas operacións, transaccións e documentos, e da integridade e autoría destes últimos.

e) Canles: estruturas ou medios de difusión dos contidos e servizos, incluíndo a canle presencial, o telefónico e o electrónico, así como outros que existan na actualidade ou poidan existir no futuro (dispositivos móbiles, TDT, etc.)

f) Certificado electrónico: segundo o artigo 6 da Lei 59/2003, do 19 de decembro, de sinatura electrónica, documento asinado electronicamente por un prestador de servizos de certificación que vincula uns datos de verificación de sinatura a un asinante e confirma a súa identidade.

g) Certificado electrónico recoñecido; segundo o artigo 11 da Lei 59/2003, son certificados recoñecidos os certificados os certificados electrónicos expedidos por un prestador de servizos de certificación que cumpra os requisitos establecidos nesta Lei en canto á comprobación da identidade e demais circunstancias dos solicitantes e a fiabilidade e as garantías dos servizos de certificación que presten.

h) Cidadán: calquera persoa física, persoa xurídica ou ente sen personalidade que se relacione, o sexa susceptible de relacionarse, coas administracións públicas.

i) Dirección electrónica: identificador dun equipo ou sistema electrónico desde o que se proporciona información ou servizos nunha rede de comunicación.

j) Documento electrónico: información de calquera natureza en forma electrónica, arquivada nun soporte electrónico segundo un fomrato determinado e subsceptible de identificación e tratamento diferenciado.

k) Estándar aberto: aquel que reúna as seguintes condicións:

1. Sexa público e a súa utilización sexa dispoñible de maneira gratuíta a un custo que non supoña unha dificultade de acceso.

2. O seu uso e aplicación non estea condicionado ó pago dun dereito de propiedade intelectual ou industrial.

l) Sinatura electrónica: segundo o artigo 3 º da Lei 59/2003, conxunto de datos en formato electrónico, consignados xunto a outros ou asociados con eles, que poidan ser utilizados como medio de identificación do asinante.

m) Sinatura electrónica avanzada: segundo o artigo 3 º da Lei 59/2003, sinatura electrónica que permite identificar ó asinante e detectar calquera cambio ulterior dos datos asinados, que estea vinculada ó asinante de maneira única e os datos a que se refire e que fora creada por medios que o asinante poida manter baixo o seu exclusivo control.

n) sinatura electrónica recoñecida: segundo o artigo 3 º da Lei 59/2003, sinatura electrónica avanzada baseada nun certificado recoñecido e xerada mediante un dispositivo seguro de creación de firma.

o) Interoperabilidade: capacidade dos sistemas de información, e por ende dos procedementos ós que estes dan soporte, de compartir datos e posibilitar o intercambio de información e coñecemento entre eles.

p) Medio electrónico: mecanismo, instalación, eqipo ou sistema que permite producir, almacenar ou transmitir documentos, datos e finfrormacións, incluíndo calquera rede de comunicación aberta ou restrinxida, como Internet, telefonía fixa e móbil ou outras.

q) Punto de acceso electrónico: conxunto de páxinas web agrupadas nun dominio de internet cuxo obxectivo é ofrecer ó usuario, de forma fácil e integrada, o acceso a unha serie de recursos e de servizos dirixidos a resolver necesidades específicas dun grupo de persoas ou o acceso á información e servizos dunha institución pública.

r) Sistema de sinatura electrónica: conxunto de elementos intervinientes na creación dunha sinatura electrónica. No caso da firma electrónica baseada en certificado electrónico, compoñen o sistema, ó menos, o certificado electrónico, o soporte, o lector, a aplicación de sinatura utilizada e o sistema de interpretación e verificación utilizado polo receptor do documento asinado.

s) Selado de tempo: acreditación a cargo dun terceiro de confianza da data e hora de reaqlizaciónj de calquera operación ou transacción por medios electrónicos.

t) Espazos comúns ou portelos únicos: modos ou canles (oficinas integradas, atención telefónica, páxinas en internet e outros) ós que a cidadanía poden dirixirse para acceder ás informacións, trámites e servizos públicos determinados por acordo entre varias administracións.

u) Actividade do servizo: calquera actividade económica por conta propia, prestada normalmente a cambio dunha remuneración.

v) Prestador de actividade de servizo: calquera persoa física ou xurídica que ofreza ou preste unha actividade de servizo.

DISPOSICIÓN ADICIONAL ÚNICA.

Creación doutras sedes electrónicas.

Sen prexuízo do disposto nesta ordenanza, or órganos e as entidades integrantes da administración municipal, definidos no artigo 2 desta ordenanza, poderá crear outras sedes electrónicas para o exercicio das súas competencias.

DISPOSICIÓNS TRANSITORIAS

Primeira.-Sede electrónica.

A sede electrónica do Concello entrará en funcionamento desde o momento da entrada en vigor desta ordenanza.

Segunda.-Procedementos en curso.

Esta ordenanza non se aplicará ós procedementos iniciados con anterioridade a súa entrada en vigor.

Terceira.-Rexistro telemático.

O Rexistro telemático do Concello entrará en funcionamento desde o momento da entra en vigor desta ordenanza.

Cuarta.-Notificación electrónica.

O Concello poñerá en marcha a notificación electrónica, para os procedementos e trámites que o requiran, cando se teñan posto en marcha os sistemas e as tecnoloxías correspondentes.

Quinta.-Arquivo electrónico.

O arquivo electrónico do Concello entrará en funcionamento cando o Concello poña en marcha os sistemas e as tecnoloxías correspondentes, así como a implantación da xestión documental integral.

DISPOSICIÓNS FINAIS

Primeira.-Regulación de novos procedementos e trámites.

A partir da entrada en vigor desta ordenanza, calquera regulación que se efectúe de novos procedementos e trámites administrativos, ou modificación dos existentes, axustarase ás condicións e os requisitos previstos nesta ordenanza.

Segunda.-Adaptación á normativa municipal.

O Concello comprométese a adaptar a normativa municipal ás previsións desta ordenanza.

Terceira.-Entrada en vigor.

Esta ordenanza entrará en vigor ós vinte días hábiles seguintes ó da publicación da súa aprobación definitiva."

A ordenanza dispón a súa entrada en vigor ós 20 días seguintes a súa publicación no B.O.P., pero se debe ter en conta que o artigo 70.2 da Lei 7/1985, de 2 de abril , reguladora das Bases do Réxime Local establece que:

...Las ordenanzas, incluídos el articulado de las normas de los planes urbanísticos, así como los acuerdos correspondientes a éstos cuya aprobación definitiva sea competencia de los entes locales, se publicarán en el Boletín Oficial de la provincia y no entrarán en vigor hasta que se haya publicado completamente su texto y haya transcurrido el plazo previsto en el artículo 65.2 salvo los presupuestos y las ordenanzas fiscales que se publican y entran en vigor en los términos establecidos en la Ley 39/1988, de 28 de diciembre, Reguladora de las Haciendas Locales..... (desde el 10 de marzo de 2004 RDL 2/2004, de 5 de marzo).

Artigo 65.2: El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo.