Oroso - Ordenanza fiscal reguladora da taxa por prestación de servizo de recollida e tratamento de residuos sólidos urbanos

En uso das facultades concedidas polos artigos 133.2 e 144 da Constitución, polo art. 106 da Lei 7/85 de 2 de abril reguladora das bases do réxime local e o artigo 58 da lei 39/1988 reguladora das facendas locais, e de conformidade co disposto nos artigos 15 a 19 da Lei 39/1988, o Concello de Oroso establece a Taxa por prestación do servicio de recollida e tratamento de residuos sólidos urbanos, a que se refire o artigo 20.4 s) da Lei 39/88, que se rexerá pola presente Ordenanza fiscal.

1. Constitúe o feito impoñible da taxa a prestación do servizo de recepción obrigatoria de recollida, clasificación, almacenamento, transporte, valorización e eliminación, incluída a vixilancia dos lugares de depósito ou vertido, despois do seu peche, dos residuos urbanos ou municipais xerados nos domicilios particulares, comercios, oficinas e servizos sitos dentro do termo municipal do Oroso segundo as definicións contidas no artigo 4 da lei 10/2008 de residuos de Galicia.

1. Son suxeitos pasivos contribuíntes as persoas físicas ou xurídicas e as entidades a que se refire o artigo 33 da Lei Xeral Tributaria, que ocupen ou utilicen as vivendas e locais ubicados nos lugares, prazas, rúas ou vías públicas no se preste o servicio, xa sexa a título de propietario ou de usufructuario, habitacionista, arrendatario ou, incluso de precario.

2. Terá a consideración de suxeito pasivo substituto do contribuínte, o propietario das vivendas ou locais, que poderá repercutir, no seu caso, as cotas satisfeitas sobre os usuarios de aquelas, beneficiarios do servizo.

1. A cota tributaria consistirá en unha tarifa fixa, por unidade de vivenda ou local, cunha contía que se determinará en función do uso do inmoble segundo as circunstancias que se indican nos epígrafes seguintes:

1.A.- Tarifas domésticas:

1.B.- Tarifas de locais de negocio:

2. Cando nun mesmo local se veñan desenvolvendo actividades que tributen en distintos conceptos, pagarase a tarifa correspondente á actividade cuxa tarifa sexa maior.

3. As actividades que non coticen ou non teñan epígrafe no IAE serán asimiladas ó concepto co que garde maior similitude.

4. As tarifas expresadas no apartado 1 do presente artigo refírense ao importe anual da taxa, se ben a liquidación e abono das mesmas por parte dos suxeitos pasivos efectuarase con carácter semestral.

1. Devéngase a taxa e nace a obriga de contribuír dende o momento en que se inicie a prestación do servizo, entendéndose iniciada, dada a natureza de recepción obrigatoria do mesmo, cando se den simultaneamente as seguintes circunstancias:

a) Estea establecido e en funcionamento o servizo municipal de recollida de lixo domiciliario nas rúas ou lugares onde figuren as vivendas ou locais utilizados polos contribuíntes suxeitos á Taxa. Nos núcleos rurais e, en xeral, no ámbito rural enténdese que está establecido o servizo cando exista un contedor de recollida nun radio de 200 metros contados a partir de calquera punto do edificio, construción ou local onde se ubica a vivenda ou se realiza a actividade.

b) Respecto os inmobles, se atopen nos seguintes casos:

No caso de vivendas, as mesmas considerense habitables. Consideraranse habitables todas aquelas que ou ben dispoñan de licencia de primeira ocupación ou ben estean dadas de alta no Padrón catastral do Imposto de Bens Inmobles, mentres non estivesen declaradas legalmente en ruínas.

No caso de locais, se iniciasen as actividades que os encadren na correspondente tarifa. A tal efecto, consideraranse iniciadas cando se conceda a preceptiva licenza de apertura.

2. Establecido e en funcionamento o servizo, o período impositivo terá carácter semestral coincidindo co primeiro día do mes natural de cada semestre (1 de xaneiro e 1 de xullo de cada ano), salvo cando nos supostos de inicio do uso do servizo, o día de comezo non coincida co semestre natural en cuxo suposto as cotas calcularanse proporcionalmente ó número de trimestres naturais que restan para finaliza-lo ano, incluído o de comezo de uso do servizo.

Así mesmo, e no caso de cese no uso do servizo, as cotas serán prorrateadas por trimestres naturais, excluído aquel en el que se produza o devandito cese. A tal fin os suxeitos pasivos poderán solicita-la devolución da parte da cota correspondente aos trimestres naturais nos que non se utilizase o servizo nun prazo máximo de tres meses dende o cese da utilización do servizo, transcorrido o cal, non haberá lugar á devolución. Nembargantes, se o cese da actividade puidera alegarse no prazo do recurso de reposición trala preceptiva exposición pública do padrón semestral, non procederá a devolución cando transcorrese o devandito prazo.

No haberá lugar ó prorrateo nos supostos de cambios de titularidade en vivendas e actividades.

1. A taxa xestionase a partires dun padrón constituído polo censo comprensivo dos obrigados tributarios, domicilio fiscal, inmobles e tarifas aplicables o cal será aprobado semestralmente polo concello.

2. Os suxeitos pasivos están obrigados a notificar ó concello calquera variación nos datos do Padrón, e a tal efecto teranse en conta as seguintes circunstancias:

- Altas.-As altas no Padrón poderán producirse:

- De oficio: Cando ó concello lle conste a existencia de actividades constitutivas do feito impoñible por calquera medio.

- A instancia dos suxeitos pasivos: Os suxeitos pasivos están obrigados a presentar a correspondente declaración de alta ó obte-la correspondente licencia de apertura ou de primeira ocupación.

- Baixas.-As baixas poderán producirse:

- De oficio: Cando ó concello lle conste por algún medio, no caso de vivendas a desaparición, destrución, derribo e revogación da licencia de primeira ocupación ou supostos asimilados. No caso de actividades en locales, por cese no exercicio da actividade (baixa de licencia de apertura e Imposto sobre Actividades Económicas).

- A instancia dos suxeitos pasivos: Os suxeitos pasivos están obrigados a presentar a correspondente declaración de baixa ó obte-la correspondente licencia de demolición dos inmobles ou a baixa de licencia de apertura e Imposto de Actividades Económicas no caso de actividades.

3. As altas, baixas e variación de datos serán notificados ó suxeito pasivo; non obstante cando o contido de tales actos se desprenda das declaracións de alta, baixa ou variación presentados polos suxeitos pasivos, tales actos entenderanse notificados no momento da presentación. A notificación poderá realizarse conxuntamente cos actos de liquidación da taxa.

4. As declaracións de altas, baixas e en xeral de variación de datos referentes a un período impositivo surtirán efectos no Padrón do semestre inmediatamente posterior.

5. As cotas da taxa serán recadadas:

- Con carácter xeral mediante recibo derivado do Padrón. A tal efecto as liquidacións serán practicadas semestralmente ós suxeitos pasivos cos requisitos esixidos na lei xeral tributaria e normativa de desenvolvemento na materia.

- No caso de altas,

- As realizadas por declaración do suxeito pasivo, farase por autoliquidación conxunta coa declaración de alta.

- As realizadas de oficio, por liquidación xirada pola propia administración.

A inspección e recadación do imposto realizarase de acordo co previsto na Lei Xeral Tributaria e nas demais leis do Estado reguladoras da materia, así como nas disposicións ditadas para o seu desenvolvemento.

En todo o relativo á cualificación de infraccións tributarias, así como a determinación das sancións que polas mesmas correspondan en cada caso, aplicarase o réxime regulado na Lei Xeral Tributaria e nas disposicións que a complementan e desenvolven.

Disposición adicional

As referencias contidas na presente Ordenanza á Lei 39/88 reguladora das facendas locais (actualmente derrogada) entenderanse feitas ao Real Decreto Lexislativo 2/2004, de 5 de marzo, polo que é aprobado o texto refundido da Lei Reguladora das Facendas Locais.

Disposición derrogatoria

Quedan derrogadas calquera outras normas sobre a Taxa por prestación do servicio de recollida e tratamento de residuos sólidos urbanos aprobadas por este concello en data anterior a presente.

Disposición transitoria

As variacións que sexan comunicadas no primeiro semestre de 2023 surtirán efectos no padrón do segundo semestre de 2023.

Disposición final

A presente modificación da Ordenanza entrará en vigor día 1 de xullo de 2023, logo da súa publicación íntegra no Boletín Oficial da Provincia e logo da súa aprobación definitiva polo Pleno da Corporación municipal, e estará en vigor ata a súa derrogación expresa.