Muxía - Prezo público por actividades ConciliaMux

No uso das facultades concedidas polo artigo 106.1 da Lei 7/1985, de 2 de abril, reguladora das Bases do Réxime Local, e artigo 127 do R.D.L. 2/2004, de 5 de marzo, polo que se aproba o texto refundido da Lei Reguladora das Facendas Locais, e de conformidade co disposto nos artigos 41 a 47, ambos inclusive, do R.D.L. 2/2004, establécese o Prezo público CONCILIAMUX

Os prezos públicos regulados nesta ordenanza constitúen prestacións patrimoniais de carácter público que se satisfarán polos usuarios que voluntariamente soliciten algunha das actividades lúdicas organizadas polo Concello , neste caso CONCILIAMUX, sempre que a mesma non sexan de solicitude ou recepción obrigatoria polos usuarios e non estean reservadas a entidade local ou as actividades culturais, deportivas ou sociais que estes realicen baixo a dirección do Concello.

Están obrigados ao pago do prezo público regulado nesta ordenanza quen se beneficie das actividades prestadas por este Concello as que se refire o artigo anterior.

En base ao informe previo do Servizo correspondente dos custos soportados polo Concello , o Pleno salvo delegación establecerá as tarifas concretas de cada actividade que conforme o artigo 44.1 do R.D.L. 2/2004, deberán cubrir como mínimo o coste do servizo prestado ou da actividade a realizar.

Non obstante o anterior, conforme ao disposto no artigo 44.2 do R.D.L. 2/2004, cando existan razóns sociais, benéficas, culturais ou de interese público que así o aconsellen, debidamente acreditadas mediante informe técnico do Servizos correspondentes, o Pleno da Corporación ( u órgano en quen delegue) poderá fixar un prezo que non cubra o coste do mesmo. Nestes supostos deberán consignarse nos presupostos da Entidade as dotacións oportunas para a cobertura da diferenza resultante se a houbera.

CUANTÍA:

(EUROS POR PERSOA PARA A PARTICIPACION NA ACTIVIDADE);

NADAL 50€

ENTROIDO 16€

SEMANA SANTA 16€

VERÁN 192€

Acordadas as tarifas de cada actividade o acordo será exposto no Boletín oficial da Provincia e no taboleiro de edictos do Concello a efectos da súa publicidade.

1. A obriga de pago do prezo público regulado nesta ordenanza nace dende que se solicite a participación na actividadepolos medios telemáticas establecidos polo Concello ou no seu defecto na tesourería municipal (Ou donde ésta indique).

Non se prestará o servizo solicitado sen a presentación do xustificante de ter ingresado o correspondente prezo público.

No suposto de que por causas non imputables ó interesado deixara de realizarse a actividade solicitada procederase a devolución do depósito constituído.

As débedas por prezos públicos poderán esixirse polo procedemento de apremio.

A presente Ordenanza Fiscal entrará en vigor, unha vez aprobada pola Xunta de Goberno Local do Concello, ó día seguinte da súa publicación no Boletín Oficial da Provincia, permanecendo en vigor ata a súa modificación ou derogación expresas.