Boimorto - Ordenanza fiscal nº 4, reguladora da taxa por expedición de documentos

En uso das facultades concedidas polos artigos 133.2 e 142 da Constitución e polo artigo 106 da Lei 7/85, do 2 de abril, reguladora das Bases de Réxime Local, e de conformidade co disposto nos artigos 15 a 19 en relación co 20 da Lei 39/88, de 28 de decembro, reguladora das facendas locais, establecese a taxa por expedición de documentos que se rexerá pola presente Ordenanza Fiscal.

1.-Constitúe o feito imponible a taxa da actividade administrativa de tramitación, a instancia de parte, de toda clase de documentos que expida e expedientes dos que entenda a administración ou as autoridades municipais.

2.-Entenderase tramitada a instancia de parte calquera documentación administrativa que sexa provocada por un particular ou redunde no seu beneficio, aínda que non medie solicitude expresa do interesado.

3.-Non estará suxeita a esta taxa a tramitación de documentos e expedientes necesarios para o cumprimento de obrigas fiscais así como as consultas tributarias. Os expedientes de ingresos indebidos, os recursos administrativos contra resolucións municipais de calquera clase e os relativos á prestación de servicios ou realización e a utilización privativa ou o aproveitamento especial de bens do dominio público municipal, que estean gravados por outra taxa municipal.

Son suxeitos pasivos en concepto de contribuíntes as persoas físicas ou xurídicas e as entidades ás que se refire o artigo 33 da Lei Xeral Tributaria que soliciten, provoquen ou teñan interese na tramitación do documento ou expediente de que se trate.

1.-Responderán solidariamente das obrigacións tributarias do suxeito pasivo as persoas físicas e xurídicas a que se refiren os artigos 38.1 e 39 da Lei Xeral Tributaria.

2.-Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Estarán exentos da presente taxa os contribuíntes nos que concorra algunha das seguintes circunstancias:

- Que soliciten documentos administrativos para aportar ós servicios de asistencia social.

- Que obtiveran beneficio de xustiza gratuíta, no que respecta ós documentos administrativos que estean directamente relacionados co procedemento xudicial no que se declare o dereito.

1.-A cota tributaria determinarase por unha cantidade fixa, sinalada segundo a natureza do documento ou expediente a tramitar de acordo coa tarifa contida no artigo seguinte.

2.-A cota de tarifa corresponde á tramitación completa, en cada instancia, do documento ou expediente de que se trate, desde a súa iniciación ata a súa resolución final, incluída a certificación e notificación ó interesado.

3.-As cotas resultantes por aplicación da tarifa incrementarase nun 50 por 100 cando os interesados soliciten con carácter urxente a tramitación dos expedientes que motiven a retribución.

A tarifa á que se refire o artigo anterior estructurase nos seguintes epígrafes:

1.-Certificacións e informes expedidos pola Secretaría ou Alcaldía:

- Sobre datos relativos a padróns e expedientes vixentes: 1,20 euros.

- Sobre datos relativos a expedientes concluídos e padróns anteriores ó vixente: 3 euros.

- Sobre datos relativos a expedientes con máis de 5 anos de antigüidade: 6 euros.

2.-Certificacións ou informes urbanísticos:

-Se non requiren desprazamento do técnico municipal: 6 euros.

-Se requiren desprazamento do técnico municipal: 30 euros.

3.-Outros documentos:

-Fotocopias de folio A-4: 0,10 euros.

-Fotocopias de folio A-3: 0,20 euros.

-Dilixencia de cotexo: 2 euros.

-Por cada comparecencia ante a Alcaldía para calquera finalidade, con constancia por escrito, solicitada polo interesado: 6 euros.

4.-Para outros expedientes ou documentos non especificados na tarifa aplicaráselle os epígrafes da mesma que resulten análogos.

Non se concederá bonificación ningunha dos importes das cotas tributarias sinaladas na tarifa desta taxa.

1.-Retribúese a taxa e nace a obrigación de contribuír cando se presente a solicitude que inicia a tramitación dos documentos e expedientes suxeitos ó tributo.

2.-Nos casos a que se refire o número 2 do artigo 2º ., a retribución prodúcese cando teña lugar as circunstancias que provean a actuación municipal de oficio ou cando esta se inicie sen previa solicitude do interesado pero redunde no seu beneficio.

1.-A taxa esixirase en réxime de autoliquidación.

2.-Os escritos recibidos que non veñan debidamente reintegrados, serán admitidos provisionalmente, pero non poderán dárselles curso sen que emende a deficiencia, a tal fin requirirase ó interesado para que, no prazo de dez días abone as cotas correspondentes co apercibimento de que, transcorrido dito prazo sen efectualo, teranse os escritos por non presentados e será arquivada a solicitude.

3.-As certificacións ou documentos que expida a administración municipal en virtude de oficio de Xulgado ou Tribunais para toda clase litixios, non se entregarán nin remitirán sen que previamente se satisfaga a correspondente cota tributaria.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 77 e seguintes da Lei Xeral Tributaria.

A presente ordenanza fiscal entrará en vigor o mesmo día da súa publicación no Boletín Oficial da Provincia, e será de aplicación a partir do 1 de xaneiro de 2004, permanecendo en vigor ata a súa modificación ou derrogación expresa.