Carral - ORDENANZA FISCAL DA TAXA POR OCUPACIÓN DE TERREOS DE VÍA PÚBLICA CON POSTOS PARA AS FEIRAS NO CONCELLO DE CARRAL

Este Concello, conforme ao autorizado polo artigo 106 da Lei 7/85 do 2 de abril, reguladora das bases do réxime local, e de acordo co previsto no artigo 57 do Real decreto lexislativo 2/2004, do 5 de marzo, polo que se aproba ou Texto refundido da Lei de facendas locais, establece a taxa pola ocupación da vía pública con postos para as feiras a celebrar no Concello de Carral.

1. Constitúe o feito impoñible da taxa a ocupación da vía pública con postos con mnotivo da celebración das feiras no Concello de Carral.

Son suxeitos pasivos desta taxa, en concepto de contribuíntes, as persoas físicas e xurídicas, así coma as herdanzas xacentes, comunidades de bens e demais entidades que, carentes de personalidade xurídica, constitúan unha unidade económica ou un patrimonio separado susceptible de imposición, que se beneficien da ocupación.

En materia de responsabilidade aplicaranse os artigos 42 e seguintes da Lei 58/2003, do 17 de decembro, xeral tributaria.

Tomarase como base para determinar a cota tributaria da presente taxa, a superficie de ocupación total tanto do posto como dos anexos ao mesmo, incluíndo vehículos e o armazón do mesmo, expresada en metros cadrados.

A cota tributaria consistirá na cantidade resultante de aplicar a tarifa de 9 euros por metro cadrado ocupado e ano (0,25 euros por metro cadrado e día), de acordo cos conceptos e importes nel establecidos.

Non se recoñece exención ou bonificación algunha, agás as expresamente previstas en normas con rango de Lei e as derivadas da aplicación de Tratados internacionais.

A

A taxa devengarase o primeiro día do período impositivo.

O período impositivo coincidirá, para os postos permanentes, co ano natural, salvo nos casos de alta ou cesamento de utilización, nos que a cota se prorrateará por trimestres naturais.

A cota tributaria resultante, anual ou prorrateada por trimestres naturais (nos casos en que proceda tal prorrata), poderá aboarse en periodo de recadación voluntaria:

Coma pagamento único anual:

Entre o 1 de xaneiro e o 1 de marzo de cada anualidade.

Ou coma pagamento semestral:

1º semestre (con natureza de pagamento a conta), entre o 1 de xaneiro e o 1 de marzo.

2º semestre entre o 1 de xullo e o 1 de setembro.

Os pagamentos deberán realizarse mediante domiciliación bancaria ou en efectivo nas entidades nas que existen contas de titularidade do Concello de Carral designadas para tales ingresos, e deberá presentarse nas dependencias municipais, durante estes períodos, os recibos xustificativos da realización do pagamento.

O tributo liquidarase por cada aproveitamento solicitado e conforme ás zonas fixadas e ás condicións sinaladas na Ordenanza reguladora da venda ambulante do Concello de Carral.

Esta taxa esíxese en réxime de autoliquidación, debendo o suxeito pasivo, no momento de presentar a correspondente solicitude, acreditar o ingreso do importe total estimado da cota tributaria na Entidade Bancaria habilitada a tal efecto.

Cando por causas no imputables ao suxeito pasivo, a actividade administrativa que constitúe o feito impoñible da taxa non se preste ou desenvolva, procederá a devolución do importe da cota correspondente.

Non se tramitará o expedente correspondente, se non se acredita a autoliquidación e o pagamento da presente taxa

A calificación das infraccións tributarias e as correspondentes sancións rexiranse polo establecido nos artigos 183 e seguintes da Lei Xeral Tributaria e polo regulado no capítulo V da Ordenanza municipal reguladora de venda ambulante publicada no BOP nº 61, de 30 de marzo de 2011, na que se aproba definitivamente.

Esta Ordenanza, unha vez aprobada definitivamente polo Pleno da Corporación, entrará en vigor o mesmo día da súa publicación no Boletín Oficial Provincial.