De conformidade co previsto no artigo 100 do RD2/2004, do 5 de marzo, constitúe o feito impoñible a realización, dentro do termo municipal de calquera construción, instalación ou obra para a que se esixa a obtención da correspondente licenza de obras urbanísticas, obtivérase ou non a dita licenza sempre que a súa expedición corresponda a este concello.

Artigo 2º

1. Son suxeitos pasivos deste imposto, a título de contribuínte, as persoas físicas ou xurídicas e as entidades a que se refire o artigo 35.4 da Lei xeral tributaria, propietarios dos inmobles sobre os que se realicen as construcións, instalacións e obras sempre que sexan donos das obras; nos demais casos, considérase contribuínte quen ostente a condición de dono da obra.

Artigo 3º

1. A base impoñible deste imposto está constituída polo custe real e efectivo da construción, instalación ou obra.

2. A cota do imposto será o resultado de aplicar á base impoñible o tipo de gravame.

3. O tipo de gravame será:

- O 2,8% para as obras menores.

- O 3,8% para as obras maiores.

4. O imposto devéngase no momento de iniciarse a construción, instalación ou obra, aínda cando non se obtivera a correspondente licenza.

5. Establécese unha bonificación de ata o 95 % a favor das construcións, instalacións ou obras que sexan declaradas de especial interese ou utilidade municipal por concorrer circunstancias sociais, culturais, histórico artísticas ou de fomento do emprego que xustifiquen tal declaración. Corresponderá a dita declaración ao Pleno da Corporación e acordarase, logo da solicitude do suxeito pasivo, por voto favorable da maioría simple dos seus membros.

Artigo 4º

4.1. Os suxeitos pasivos virán obrigados a presentar solicitude de licenza urbanística, declaración responsable ou comunicación previa, acompañada dos correspondentes orzamentos, nos casos e modos que sinala a normativa aplicable ao solo e á edificación, tanto estatal, como autonómica e local. A solicitude de licenza urbanística, declaración responsable ou comunicación previa terá o valor de declaración tributaria, por canto do orzamento que se acompaña a aquela deducirase a base impoñible do imposto, ben sexa orzamento visado polo Colexio Oficial correspondente cando isto constitúa un requisito preceptivo, ou, orzamento estimado presentado polo interesado calculado neste caso segundo o listado de prezos que figuran como Anexo a esta ordenanza.

4.2 Establécese o réxime de autoliquidación do presente imposto. Así, o suxeito pasivo está obrigado a presentar xunto ca solicitude de licenza urbanística, declaración responsable ou comunicación previa a autoliquidación no modelo normalizado facilitado polo concello e o xustificante de ter ingresado nas contas municipais a cota resultante. No suposto de que na autoliquidación presentada se detectaran erros aritméticos, formais ou de aplicación dos elementos determinantes da base impoñible ou do tipo de gravame a Administración tributaria poderá ditar unha liquidación complementaria modificando a citada autoliquidación.

4.3. O pagamento da autoliquidación presentada ou modificada terá caracter provisorio e será a conta da liquidación definitiva que se practique unha vez realizadas as construcións, instalacións ou obras. Así, unha vez rematadas estas, e tendo en conta a obra realizada e o seu custo real e efectivo, o concello, mediante a oportuna comprobación administrativa, poderá modificar, no seu caso, a base impoñible a que se refire o apartado primeiro deste artigo, facendo a correspondente liquidación definitiva, e esixindo ou reintegrado ao suxeito pasivo a cantidade que resulte.

Artigo 5º

A inspección e recadación do imposto realizarase de acordo co previsto na Lei xeral tributaria e nas demais leis do Estado reguladoras da materia, así como nas disposicións ditadas para o seu desenvolvemento.

Artigo 6º

En todo o non relativo á cualificación das infraccións tributarias así como á determinación das sancións que por estas correspondan en cada caso, aplicarase o réxime regulado na Lei xeral tributaria e nas disposicións que complementan e desenvolvan.

Artigo 7º

No expresamente previsto na presente ordenanza, rexerán os preceptos contados na subsección 5º, da sección 3ª, do capítulo II do título II do R.D. 2/2004, do 5 de marzo concordantes e complementarios desta, e nas demais leis do Estado reguladoras da materia, así como nas disposicións ditadas para o seu desenvolvemento.

Disposición derradeira

A presente ordenanza,entrará en vigor ao día seguinte da súa publicación no Boletín Oficial da Provincia, permanecendo en vigor ata a súa modificación ou derrogación expresas.

ANEXO

1.- OBRA MENOR:

Relación de prezos medios de execución material definida polos Servizos técnicos municipais achegada á presente ordenanza.

	Descrición	Euros
	1. - DEMOLICIÓNS
1.1	Demolición de muros	18 Euros/m2
1.2	Demolición de tabiques	6 Euros/m2
1.3	Demolición de sollados	6 Euros/m2
1.4	Demolición de alicatados e revestimentos:	7 Euros/m2
1.5	Demolición de cuberta de tella	6 Euros/m2
1.6	Demolición de cuberta de fibrocemento	5 Euros/m2
1.7	Roza e limpeza manual do terreo	6 Euros/m2
	2. - MOVEMENTO DE TERRAS
2.1	Escavación de gabias	13 Euros/m3
2.2	Escavación de baleirado	11 Euros/m2
2.3	Recheo de gabias	9 Euros/m3
2.4	Recheo de ceo aberto	8 Euros/m3
2.5	Carga e transporte de terras a vertedoiro	4 Euros/m3
2.6	Explanación de terreo	3 Euros/m3
	3. - PECHES
3.1	Peche de estacas e arame	5 Euros/m2
3.2	Peche de tea metálica	16 Euros/m
3.3	Peche de tea metálica de 1 m con postes metálicos	27 Euros/m
3.4	Peche de fábrica e tela metálica revestida	34 Euros/m
3.5	Peche de fábrica revestida dun metro de altura	45 Euros/m
3.6	Peche de fábrica revestida e celosía	57 Euros/m
3.7	Peche bloque de formigón	25 Euros/m2
3.8	Peche de cachotería	90 Euros/m2
3.9	Cimentación de formigón	80 Euros/m2
3.10	Peche cachotería e celosía	72 Euros/m
3.11	Peche cachotería e reixa	102 Euros/m
3.12	Peche de forxa de ferro	100 Euros/m2
3.13	Peche con balaústre de aceiro	150 Euros/m2
3.14	Peche de balaústre de aluminio	90 Euros/m2
3.15	Peche elementos vexetais	9 Euros/m
3.16	Rehabilitación de muro de pedra	45 Euros/m2
3.17	Colocación de columna para contador de luz e/ou auga	212 Euros/ud
3.18	Cancela	130 Euros/m2
	4. - CUBERTAS
4.1	Cuberta de fibrocemento	16 Euros/m2
4.2	Cuberta de tella	25 Euros/m2
4.3	Cuberta de lousa	50 Euros/m2
4.4	Cuberta de tella, fibrocemento e substitución de viguetas	80 Euros/m2
4.5	Substitución de cuberta con estrutura de vigas ou cimbros, pontóns ou cangos de madeira con protección antiinsectos. Medida en planta	88 Euros/m2
4.6	Entaboado de madeira sobre viguetas de forxado, cangos de cuberta ou pontóns, incluído protector, cravado con cravos de aceiro	44 Euros/m2
4.7	Estrutura de listóns de piñeiro vermello tratado de 20x40 mm cravado con puntas de aceiro para cuberta de lousa. Medición en planta	9 Euros/m2
4.8	Cuberta de tella cerámica curva, sobre placas de fibrocemento, incluso vertentes de estrutura de madeira con protección antiinsectos. Medida en planta	178 Euros/m2
4.9	Cuberta de lousa de 3-4cm. De espesor aproximado sobre ripas, incluso vertentes de estrutura de madeira con protección antiinsectos. Medida en planta	130 Euros/m2
4.10	Reparación de cuberta de tella vella curva ou plana, procedente de demolición, achegando un 40% das pezas	22 Euros/m2
4.11	Cuberta de chapa ondulada en almacéns de máis de 125 m2	26 Euros/m2
4.12	Baixante de PVC	22 Euros/m
4.13	Baixante de zinc-cobre-titanio	30 Euros/m
4.14	Baixante de chapa de aceiro prelavado de 0,6 mm de espesor, ou aluminio	16 Euros/m
4.15	Gardacanos de chapa de fundición de ata 2m de altura para protección de baixantes	130 Euros/ud
4.16	Cano de PVC	12 Euros/m
4.17	Cano de chapa de zinc-cobre-titanio	34 Euros/m
4.18	Cano de chapa de aceiro prelavado ou alumino	30 Euros/m
4.19	Impermeabilización. Tela asfáltica	34 Euros/m2
4.20	Impermeabilización. Lámina sintética pvc	8.64 Euros/m2
4.21	Illamento térmico. Polistireno extruído	13 Euros/m2
4.22	Illamento térmico. La de vidro	5 Euros/m2
4.23	Illamento térmico. La de roca	13 Euros/m2
4.24	Illamento térmico. Poliuretano proxectado	8 Euros/m2
4.25	Instalación e retirada de estadas de obra	6 Euros/m2
	5. - CARPINTERÍA
5.1	Porta de entrada de madeira maciza, incluídas ferraxes de seguridade	654 Euros/ud
5.2	Porta de entrada, en aluminio lacado, incluído acristalamento e ferraxes de seguridade	400 Euros/ud
5.3	Porta de entrada, en PVC, incluído acristalamento e ferraxes de seguridade	610 Euros/ud
5.4	Porta balconeira de madeira con contraventá, acristalada con dobre vidro con cámara sobre marco de madeira incluídos ferraxes	270 Euros/m2
5.5	Porta de balcón de PVC ou aluminio lacado, incluído acristalamento dobre con cámara	208 Euros/m2
5.6	Carpintería de aluminio lacado en ventás ou galerías, incluído acristalamento	217 Euros/m2
5.7	Carpintería de PVC en ventás ou galerías, incluído acristalamento	280 Euros/m2
5.8	Galería de madeira de castiñeiro, teca, cedro con módulos de dimensións de ata 1,10 m x 3,0 m, con parte fixa ata 90 cm e ventás de guillotina con vidro sinxelo, con protección antiparasitaria de madeira totalmente instalada	882 Euros/mod
5.9	Peche de balcóns e terrazas con galería	205 Euros/m2
5.10	Fiestra ou xanela, sen especificar	205 Euros/m2
5.11	Ventá ou porta de balcón de madeira de castiñeiro ou teca, para pintar ou vernizar sobre cerco de pedra, das mesmas características que a existente, con vidro sinxelo de 4 mm sen bordón, colocado con masilla ó exterior	262 Euros/m2
5.12	Ventá con contraventá, de madeira para pintar ou vernizar, incluído acristalamento sobre marco de madeira	280 Euros/m2
5.13	Venta xiratoria de madeira para vertente de cuberta con dobre acristalamento con cámara	294 Euros/m2
5.14	Revestimento sobre carpintería exterior da madeira con pintura ó aceite ou tipo lasur, logo de decapaxe de pinturas existentes, lixadura, selaxe, relixadura e imprimación con tratamento protector	52 Euros/m2
5.15	Revestimento sobre carpintería exterior de aceiro con pintura sintética para intemperie, unha man de imprimación antioxidante e dúas de acabamento logo de preparación da superficie	12 Euros/m2
5.16	Reixa de seguridade	50 Euros/m2
5.17	Portalón de chapa de ferro galvanizada ou aluminio	135 Euros/m2
	6. -PINTURA E REMATES FACHADA
6.1	Peza especial, peaña, perpiaño, bufarda, cornixa, escudo, etc, incluíndo estadas e medios auxiliares necesarios. O prezo desta unidade, xustificarase, mediante orzamento específico.
6.2	Cachotería con espesor de 25 cms	104 Euros/m2
6.3	Encintaxe de fábricas de pedra de fachadas, con argamasa de cemento 1:3 ou argamasa bastarda, segundo o tipo de pedra da zona	10 Euros/m2
6.4	Raxadura mestreado e fratasado de fachadas de 12 a15 mm, de espesor, con argamasa bastarda e posterior pintado con pintura exteriores	23 Euros/m2
6.5	Limpeza de fachadas de pedra, con emprego de auga a presión, solucións disolventes, funxicidas, cepillos de arame e/ou raíces, etc.	9 Euros/m2
6.6	Picado de raxaduras de argamasa de cemento ou bastardos, sobre fachadas	9 Euros/m2
6.7	RebRevocaduraocadura de fachadas de argamasa monocapa continua de 15mm. De espesor medio	22 Euros/m2
6.8	Revestimento de fachadas con pintura exteriores. Deduciranse os ocos maiores de 1 m2	11 Euros/m2
	7. -EDIFICACIÓNS AUXILIARES
7.1	Alboio de bloque de formigón ou ladrillo revestido	190 Euros/m2
7.2	Alboio de madeira	95 Euros/m2
	8. -ALBANELERÍA
8.1	Formigón en masa	87 Euros/m3
8.2	Soleira	18 Euros/m2
8.3	Muro de cachotería	114 Euros/m2
8.4	Muro de bloque de formigón	23 Euros/m2
8.5	Muro de ladrillo	15 Euros/m2
8.6	Cerramento de dobre folla de ladrillo	45 Euros/m2
8.7	Fábrica de ladrillo cerámico oco dobre colocado de canto tomado con argamasa de cemento, raxadura mestreado previo, revestido por unha das súas caras con azulexo, e pintado pola outra cara, en baños e cociñas	63 Euros/ m2
8.8	Celosía, balaustrada	68 Euros/ m2
8.9	Alicatado	30 Euros/ m2
8.10	Sollado	31 Euros/ m2
8.11	Enfuscado	10 Euros/ m2
	9. -INSTALACIÓNS
9.1	Arqueta de saneamento	61 Euros/ud
9.2	Fosa séptica prefabricada, prefiltro incorporado, capacidade de 12 persoas: instalación soterrada cun volume de 2,2 m3, segundo NTE/ISD-4 con certificado do fabricante ou distribuidor da correcta montaxe	1438,24 Euros/ud
9.3	Substitución de desaugadoiro para lavadora ou lavalouzas á rede saneamento con tubo PVC sanitaria serie C diámetro exterior 40 mm	26 Euros/ud
9.4	Depósito de auga con capacidade de mil litros que non sexa visible dende o exterior	396 Euros/ud
9.5	Substitución de auga fría e quente dunha vivenda con cociña e un baño	1011 Euros/ud
9.6	Substitución de auga fría e quente dunha vivenda con cociña e dous baños	1395 Euros/ud
9.7	Substitución de fontanería e saneamento en aseo (sen aparatos) e sen conexión exterior	187 Euros/ud
9.8	Substitución de fontanería e saneamento en baño (sen aparatos)	237 Euros/ud
9.9	Substitución de fontanería e saneamento en cociña (sen aparatos)	203 Euros/ud
9.10	Substitución de lavabo con billas monomando, incluso conexións	183 Euros/ud
9.11	Substitución de bañeira con billas monomando, incluídas conexións	200 Euros/ud
9.12	Substitución de bidé con billas monomando, incluídas conexións	157 Euros/ud
9.13	Substitución de inodoro	200 Euros/ud
9.14	Substitución de quentador instantáneo de auga quente de gas, de caudal mínimo 10l/min, 60 l. de capacidade, incluída instalación necesaria e boletín de instalador	366 Euros/ud
9.15	Substitución de termo eléctrico de aceiro inoxidable para produción e acumulación de auga quente, min. 60l de capacidade, incluída instalación eléctrica e proba de estanquidade	494 Euros/ud
9.16	Pozo de barrena	1443 Euros/ud
9.17	Pozo artesán	1899 Euros/ud
9.18	Substitución de instalación de gas no interior da vivenda, incluído boletín de instalador	305 Euros/ud
9.19	Substitución de instalación eléctrica en vivenda para un grao de electrificación medio, conforme os vixentes regulamentos e normas da compañía subministradora: Incluso entrega do boletín	24 Euros/ m2
9.20	Adaptación de instalación eléctrica para calefacción por tarifa nocturna, consistente en circuíto eléctrico para acumuladores, adaptación do cadro de distribución, reloxo dobre tarifa	697 Euros/ud
9.21	Acumulador, composto polo menos por material cerámico de acumulación, regulador electrónico de carga e limitador de seguridade	697 Euros/ud
	10.-ILLAMENTO TÉRMICO E ESTANQUIDADE
10.1	Formación de cámara de aire, composta por fábrica de ladrillo cerámico oco dobre colocado a panderete e tomado con argamasa de cemento, illamento con prancha de polistireno expandido de densidade 20 kg/m3 e 40 mm de espesor	19 Euros/m2
10.2	Impermeabilización de terraza ou balcón existente con lámina asfáltica de betume en quente, incluído o illamento	39 Euros/m2
10.3	Acristalamento dobre tipo climalit, formado por dous cristais de 6 mm e cámara de aire	59 Euros/m2
10.4	Illamento mediante espuma de poliuretano proxectada ata 3 cm de espesor	8 Euros/m2
	11.-ACABAMENTOS INTERIORES
11.1	Porta de paso trillaxe de madeira e taboleiro contrachapado de madeira, incluídas ferraxes de colgadura e peche	154,26 Euros/ud
11.2	Porta de paso de taboleiro aglomerado de media densidade rechazado en madeira, para vernizar ou pintar, incluídas ferraxes de colgadura e peche	202 Euros/m2
11.3	Sollado ou banzos de escaleira de madeira de tarima ou parque, incluído vernizado e rodapé	53 Euros/m2
11.4	Pavimento ou banzos de escaleira de baldosas, de gres porcelánico, incluso rodapé do mesmo material	45 Euros/m2
11.5	Pavimento ou banzos de escaleira de baldosas de terrazo, incluso rodapé do mesmo material	37 Euros/m2
11.6	Falso teito de latas de madeira de piñeiro, cravadas sobre rastreis de madeira, vernizado	52 Euros/m2
11.7	Falso teito de escaiola referido a zonas rehabilitadas	11 Euros/m2
11.8	Pintura en paramentos interiores, en dependencias rehabilitadas	5 Euros/m2
11.9	Alicatado de paramentos interiores con azulexo	22 Euros/m2
	12. -URBANIZACIÓN
12.1	Explanación e rasanteo de caixa, incluso retirada de material sobrante a vertedoiro	4 Euros/m3
12.2	Sub-base granular estendida e compactada	13 Euros/m3
12.3	Beirarrúa formada por baldosa hidráulica de 30x30 ou similar, colocada en cama de formigón, incluso parte proporcional de colocación de bordo, totalmente rematada segundo indicacións	50 Euros/m
12.4	Escavación de gabia ou pozos en toda clase de terreo e roca, con entibación, achique e transporte de sobrante a vertedoiro	15 Euros/m3
12.5	Recheo e compactación de gabia con material seleccionado	10 Euros/m3
12.6	Tubo de saneamento de formigón ou plástica de 300 mm de diámetro colocada en gabia incluso p.p. de pezas especiais e elementos de conexión e recheo, totalmente rematada segundo indicacións	35 Euros/m
12.7	Pozo de rexistro totalmente executado segundo indicacións. Incluso tampa e aro de 60 cm	171 Euros/ud
12.8	Sumidoiro sinfónico con reixa de 40x60, ou similar, totalmente instalado	102 Euros/ud
12.9	Formigón H-250 en formación de pavimento na rúa, botado en caixa, estendido e barroteado	91 Euros/m3
12.10	Pavimento asfáltico formado por dobre rego asfáltico e rego de selado	9 Euros/ m2
12.11	Pavimento de aglomerado asfáltico en quente formado por acondicionamento mediante grava, rego asfáltico e mestura bituminosa en quente de mínimo 6cm	12 Euros/m2
	13. -VARIOS
13.1	Cartel/valo publicitario	80 Euros/m2
13.2	Antena parabólica	300 Euros/ud
13.3	Pista deportiva	30 Euros/m2

2. - OBRA MAIOR: Relación de prezos medios de execución material:

-Vivenda exenta unifamiliar: 528 euros/m2 construído

-Vivenda apegada unifamiliar: 484 euros/m2 construído

-Vivenda plurifamiliar: 440 euros/m2 construído.

-Vivenda V.P.O.-A: 400 euros/m2 construído.

-Trasteiros, soportais, terrazas abertas: 154 euros/m2 construído.

-Local libre en p. baixa/garaxe-aparcadoiro: 176 euros/m2 construído.

-Naves industriais e talleres: 144 euros/m2 construído.

-Terciario de oficinas e servizos: 400 euros/m2 construído.

-Centro comercial en edificio exclusivo: 384 euros/m2 construído.

-Piscinas abertas: 291 euros/m2 construído.

-Local comercial e industria-escaparate: 312 euros/m2 construído

- Muros de contención e zapata realizados con formigón armado incluíndo parte proporcional de baleirado e drenaxe: 180.00 euros/m2 construído

- Muros de contención realizados en dique, cachotería, pedraplens, gabións incluído baleirado e drenaxe: 75.00 euros/m2 construído.

Nota do Servizo de Asistencia Económica a Municipios

BOP nº 142 de 29/07/2014:

Corrección de erros no edicto publicado no BOP número 118, do 23 de xuño de 2014, relativos a modificación da ordenanza fiscal.