Ordes - ORDENANZA FISCAL Nº 2, REGULADORA DO IMPOSTO SOBRE ACTIVIDADES ECONÓMICAS

O imposto sobre actividades económicas rexerase neste municipio:

a) Polas normas reguladoras do mesmo, contidas no Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais; e polas demais disposicións legais e regulamentarias que complementen e desenrolen dita Lei.

b) Pola presente ordenanza fiscal.

Sobre as cotas municipais, provinciais ou nacionais fixadas nas tarifas do imposto aplicarase, en todo caso, un coeficiente de ponderación, determinado en función do importe neto da cifra de negocios do suxeito pasivo.

O dito coeficiente determinarase de acordo co seguinte cadro:

Aos efectos da aplicación do coeficiente ao que se refire este artigo, o importe neto da cifra de negocios do suxeito pasivo será o correspondente ao conxunto de actividades económicas exercidas por el e determinarase de acordo co previsto no artigo 82.1.c) do Real decreto lexislativo 2/2004, do 5 de marzo.

Sobre a cota do imposto se aplicarán as seguintes bonificacións:

1. As cooperativas, así como as unións, federacións e confederacións de aquelas e as sociedades agrarias de transformación terán a bonificación do 95% prevista na Lei 20/1990, de 19 de decembro, sobre réxime fiscal de cooperativas.

2. Unha bonificación do 50 % da cota correspondente, para os que inicien o exercicio de calquera actividade profesional, durante os cinco anos de actividade seguintes á conclusión do segundo período impositivo de desenvolvemento de aquela. O período de aplicación da bonificación caducará transcorridos cinco anos desde a finalización da exención prevista no artigo 82.1.b do Real decreto lexislativo 2/2004, de 5 de marzo.

3. Os suxeitos pasivos que tributen por cota municipal e teñan incrementado o seu número de traballadores con contrato indefinido medio anual durante o período impositivo inmediato anterior ao da aplicación da bonificación, en relación co período anterior a aquel, gozarán da seguinte bonificación sobre a cota tributaria:

Os suxeitos pasivos que, cumprindo os requisitos que se establecen, poidan gozar desta bonificación, deberán presentar a correspondente solicitude dirixida ao Excmo. Sr. presidente da Deputación da Coruña, antes do 31 de marzo do ano correspondente ao período impositivo no que pretendan que teña efecto, achegando a seguinte documentación:

- Memoria comprensiva dos contratos indefinidos subscritos en cada un dos períodos impositivos anteriores ao que deba xurdir efecto a bonificación, referidos, de ser o caso, a cada centro de traballo ou domicilio de actividade a que se refiren as declaracións tributarias sobre as que versa a solicitude de bonificación.

- Copia dos contratos indefinidos comprendidos na citada memoria.

- Certificado/s da Tesourería Xeral da Seguridade Social acreditativos dos extremos sinalados.

A bonificación regulada neste parágrafo aplicarase á cota resultante de aplicar, de ser o caso, as bonificacións sinaladas nos apartados 1 e 2 do presente artigo.

4. De conformidade co establecido no artigo 88.2, letra e), do Real decreto lexislativo 2/2004, do 5 de marzo, polo que se aproba o texto refundido da Lei reguladora das Facendas Locais, establécese unha bonificación de ata o 95% da cota correspondente para aqueles suxeitos pasivos que tributen por cota municipal e que desenvolvan actividades económicas que sexan declaradas de especial interese ou utilidade municipal por concorrer circunstancias de fomento do emprego que xustifiquen a dita declaración.

Esta bonificación será de aplicación unicamente a aqueles supostos de implantación dunha nova actividade económica ou empresarial, así como a aqueles outros que consistan nunha ampliación das instalacións sempre e cando impliquen creación de emprego.

A gradación da porcentaxe de bonificación aplicarase do xeito seguinte:

 De ata un 95% pola creación de máis de 20 postos de traballo.

 Cando menos o 75% pola creación de entre 11 e 20 postos de traballo.

 Cando menos o 50% pola creación de ata 10 postos de traballo.

Para o cálculo dos postos de traballo estes deben supoñer a ocupación permanente de postos de traballo de nova creación a tempo completo. No caso de seren a tempo parcial o seu cálculo levarase a cabo mediante a equivalencia destes con postos de traballo a tempo completo.

A creación de novos postos de traballo acreditarase mediante a presentación por parte dos interesados das correspondentes altas da Seguridade Social:

 No réxime xeral, cando se trate de contratación por conta allea.

 No réxime especial de traballadores por conta propia ou autónomos, cando se trate de autoemprego.

No caso de que a creación de novos postos de traballo non poida xustificarse no momento de alta ou no momento de ampliación da actividade no Imposto sobre Actividades económicas xustificarase no prazo máximo de seis meses dende o devandito feito.

O emprego comprometido deberá manterse, cando menos, un período de tres anos desde o inicio ou ampliación da actividade polo suxeito pasivo. Tal circunstancia deberá ser acreditada por este ante os servizos tributarios do Concello dentro dos 15 días hábiles seguintes ao remate de cada ano natural no que se gozou da bonificación. O incumprimento dos requisitos indicados dará lugar ao inicio do correspondente expediente de reintegro

Considerarase implantación dunha nova actividade aquelas actividades que inicien o exercicio da súa actividade no municipio.

A bonificación empezará a contarse a partires do período impositivo no que se produza a alta da actividade no IAE. No suposto de ampliación das instalacións no período impositivo seguinte. A dita bonificación aplicarase por un período de 3 anos.

A dita bonificación concederase a petición do interesado, a cal poderase efectuar en calquera momento anterior á terminación dos 3 períodos impositivos de duración da mesma, e terá efectos no seu caso, dende o período impositivo no que se solicite.

A bonificación regulada neste apartado non será compatible con calquera outra bonificación no imposto.

Corresponderá ao Pleno da Corporación a dita declaración e se acordará previa solicitude do suxeito pasivo polo voto favorable da maioría simple dos seus membros.

5. Os suxeitos pasivos que instalen sistemas para o aproveitamento de enerxías renovables no local onde se desenrole a actividade económica poderán beneficiarse dunha bonificación sobre a base do custo efectivo da dita instalación, sempre e cando a súa instalación non sexa obrigatoria a tenor da normativa específica na materia.

Ao obxecto da aplicación desta bonificación consideraranse como instalacións de aproveitamento de enerxías renovables as contempladas e definidas como tales no Plan de fomento das enerxías renovables.

A contía desta bonificación será do 10% do custe real da instalación do sistema de aproveitamento, podéndose repartir ao longo dos cinco anos seguintes aos da súa instalación, respectando, en calquera caso, o límite do 25% da cota anual correspondente. Nos casos de inicio de actividade o período sinalado neste parágrafo poderá estenderse aos cinco exercicios posteriores aos de exención do imposto.

A bonificación deberá solicitarse antes do 31 de marzo do exercicio no que deba xurdir efecto.

Xunto coa solicitude, o suxeito pasivo deberá achegar a correspondente factura detallada da instalación, expedida a nome do titular da actividade, un certificado asinado por técnico competente e visado polo respectivo colexio profesional onde se recolla que a instalación non é obrigatoria pola normativa específica na materia

1. O período impositivo coincidirá co ano natural, agás cando se trate de declaracións de alta, caso no que abranguerá dende a data de comezo da actividade ata o final do ano natural.

2. O imposto será esixible dende o primeiro día do período impositivo e as cotas serán irredutibles, agás cando, nos casos de declaración de alta, o día de comezo da actividade non coincida co ano natural. Neste suposto, as cotas calcularanse proporcionalmente ao número de trimestres naturais que resten para finalizar o ano, incluído o do comezo da actividade.

Así mesmo, e no caso de baixa por cese no exercicio da actividade, as cotas serán prorrateables por trimestres naturais, excluído aquel no que se produza o dito cese. A tal fin os suxeitos pasivos poderán solicitar a devolución da parte da cota correspondente aos trimestres naturais nos que non se exercera a actividade.

3. Tratándose de espectáculos, cando as cotas estean establecidas por actuacións illadas, o devengo prodúcese pola realización de cada unha delas, debéndose presentar as correspondentes declaracións na forma que se estableza regulamentariamente.

Para todo o relativo a cualificación de infraccións tributarias e a imposición das sancións correspondentes, rexerá o disposto nos artigos 178 e seguintes da Lei 58/2003, do 17 de decembro, xeral tributaria.

A presente ordenanza fiscal que consta de cinco artigos, foi aprobada polo Pleno en sesión celebrada o 29 de outubro de 2007, entrará en vigor o día 1 de xaneiro de 2008, permanecendo en vigor até a súa modificación ou derrogación expresa.

1. Rúas de 1ª categoría:

A Abastos, Praza de

Acibro, rúa

Aleixandre Bóveda, rúa

Alfonso Senra, rúa

Alfredo Brañas, rúa

Antonio Concheiro, rúa

B Boavista, rúa

C Camilo José Cela, rúa

Campeiras, rúa de

Campeiras, Travesía de rúa de

Campomaior, rúa

Camposanto, rúa

Canteira, rúa

Carnota, rúa

Casabella, rúa

Casabella, Travesía

Castiñeiro, rúa do

Ceidón, Travesía

Cerceda, rúa de

Ciudad Jardín, rúa

Compostela, rúa

Concepción Arenal, rúa

Coruña, rúa

Coruña, Travesía

Costa, rúa da

Curros Enríquez, rúa

E Eduardo Pondal, rúa

F Fábrica, rúa da

Feira, rúa da

Frades, rúa da

Francisco Asorey, rúa

Fonte, rúa da

Fonte, Travesía da

Fonte Estrei, rúa

Fonteseca, rúa de

Freixo, rúa do

G Galicia, rúa de

García Gerpe, rúa

Grande Cobián, rúa

I Iglesia, rúa da

Iván Raña Fuentes, Paseo

J Juan Díaz Porlier, rúa

Juanjo Liñares, rúa

L Lagartos, rúa dos

Lagartos, Prolongación dos

Lagartos, Travesía dos

Laranxal, rúa

Laxeiro, rúa

M Manuel Murguía, rúa

Maside, rúa

Mediodía, rúa

Mercado, rúa

Mesía, rúa

Mestre Alfonso Lesta, rúa

Mestre Nicolás del Río, rúa

Mina, rúa da

Mina, Travesía da

Mirón, rúa do

Muíño, rúa do

Mundito, rúa

N Nova, rúa

O Oroso, rúa de

P Paraíso, rúa

Parque Municipal, rúa

Pascual Veiga, rúa

Pascual Veiga, Prolongación

Penelas, rúa Travesía de

Piñeiro, rúa

Q Quintas, rúa

Quintas, travesía

R Ramón Ferreiro, rúa

Reconciliación, rúa

Recreo, rúa

Regueiro, rúa travesía do

República Argentina, rúa

Reverencia, rúa

Reverencia, travesía

Rosalía de Castro, rúa

S Severo Ochoa, rúa

T Tordoia, rúa de

Trazo, rúa de

V Vista Alegre, rúa

Vista Alegre, travesía

Viriato Lamas, rúa

Víctor González Faya, rúa

2. Rúas de 2ª categoría

- rúa A Quenlla

- rúa Campo da Feira

- rúa Roberto Forján

- rúa Santiago Apóstol

- Nacional 550.

- rúas que conforman o parque empresarial

3. O resto terán a consideración de rúas de 3ª categoría.