Boimorto - Ordenanza fiscal que regula o prezo público polo subministro de auga

De conformidade co previsto no artigo 117, en relación co 41.B) da Lei 39/88, do 28 de decembro, reguladora das Facendas Locais, o Concello de Boimorto establece o prezo público polo subministro de auga que se rexerá pola presente ordenanza.

Están obrigados ó pagamento do prezo público regulamentado nesta ordenanza, os que se beneficien do servicio municipal de subministro de auga, dende o momento en que se inicie a prestación do servicio.

O prezo público establecido nesta ordenanza axustarase ás seguintes tarifas:

a) Cota de conexión á rede municipal de abastecemento de auga: 7.500 ptas.

b) Subministro de auga:

Cota mínima mensual: 100 ptas./mes.

- Ata 20 m³ mensuais: 20 ptas./m³.

- De 20 m³ a 40 m³ mensuais: 50 ptas./m³.

- A partir de 40 m³ mensuais: 80 ptas./m³.

A estas tarifas aplicaráselle o importe do IVE correspondente.

O pagamento deste prezo público farase con periodicidade trimestral, quedando os obrigados a abonalo no momento da presentación da correspondente factura.

As débedas derivadas do prezo público poderán esixirse polo procedemento administrativo de constrinximento, conforme ó Regulamento Xeral de Recadación.

A presente ordenanza entrará en vigor unha vez publicada no BOP e teña transcorrido o prazo a que se refire o artigo 70.2, en relación co 65.2 da Lei 7/85, do 2 de abril, reguladora das Bases de Réxime Local, e será de aplicación a partir do día 1 de abril de 1998, permanecendo en vigor ata a súa modificación ou derrogación expresa.