Dodro - ORDENANZA FISCAL Nº 5 REGULADORA DA TAXA POR DOCUMENTOS QUE EXPIDAN OU DE QUE ENTENDAN O CONCELLO OU AS AUTORIDADES LOCAIS, A INSTANCIA DE PARTE

No uso das facultades concedidas polos artigos 133.2 e 142 da Constitución, polo artigo 106 da Lei 7/85, do 2 de abril, reguladora das Bases de Réxime Local, e os artigos 20 a 58 da Lei 39/88, do 28 de decembro; e de conformidade co disposto nos artigos 15 a 19 da Lei 39/88 citada, na súa nova redacción dada pola Lei 25/98, do 13 de xullo, de modificación do Réxime Xeral das Taxas Estatais e Locais e Reordenación das Prestacións Patrimoniais de Carácter Público, este Concello acorda a imposición e ordenación da taxa por documentos que expidan ou de que entendan o Concello ou as autoridades locais, a instancia de parte.

1. Constitúe o feito imponible da taxa a actividade administrativa desenvolvida con motivo da tramitación, a instancia de parte, de toda clase de documentos que expida e de expedientes de que entende a Administración ou as autoridades municipais.

2. Para estes efectos, entenderase tramitada a instancia de parte calquera documentación administrativa que fose provocada polo particular ou redunde no seu beneficio, aínda que non mediara solicitude expresa do interesado.

Son suxeitos pasivos contribuíntes as persoas físicas e xurídicas e as entidades a que se refire o artigo 33 da Lei Xeral Tributaria que soliciten, provoquen ou que no seu interese redunde a tramitación do documento ou expediente de que se trate.

1. Responderán solidariamente das obrigas tributarias do suxeito pasivo as persoas físicas e xurídicas a que se refiren os artigos 38.1 e 39 da Lei Xeral Tributaria.

2. Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

1. A cota tributaria determinarase por unha cantidade fixa sinalada segundo a natureza dos documentos ou expedientes a tramitar, de acordo coa tarifa que contén o artigo seguinte.

2. A cota da tarifa corresponde á tramitación completa, en cada instancia, do documento ou expediente de que se trate, desde a súa iniciación ata a súa resolución final, incluída a certificación e notificación ó interesado do acordo recaído.

A tarifa desta taxa será a seguinte:

1. Por certificacións de empadroamento do censo de poboación vixente ou de censos anteriores, de convivencia e de residencia: 100 pesetas.

2. Certificacións de documentos ou acordos municipais: 1.500 pesetas.

3. Polo bastanteo de poderes que teñan que producir efectos nas oficinas municipais: 1.250 pesetas.

4. Por cada certificación que se expida de servicios urbanísticos solicitada a instancia de parte: 2.500 pesetas.

5. Por cada informe que se expida sobre características de terreo, ou consulta a efecto de edificación a instancia de parte: 2.500 pesetas.

6. Por cada fotocopia en branco e negro de documentos que figuren en expedientes administrativos obrantes no Arquivo municipal, a primeira folla 100 pesetas; cada unha das follas seguintes: 20 pesetas.

7.-Por cada fotocopia en branco e negro de documentos que figuren nun expediente de contratación de obras, subministros ou servicios, a primeira folla 200 pesetas; cada unha das follas seguintes: 40 pesetas.

8.-As demais certificacións: 100 pesetas.

1. Percíbese a taxa e nace a obriga de contribuír cando se presente a solicitude que inicie a tramitación dos documentos e expedientes suxeitos ó tributo.

2. Nos casos a que se refire o número 2 do artigo 2.º , o dereito á percepción prodúcese canto teñan lugar as circunstancias que provoquen a actuación municipal de oficio ou cando esta se inicie sen previa solicitude do interesado pero redunde no seu beneficio.

1. A taxa esixirase en réxime de autoliquidación, e normalmente polo procedemento do selo municipal adherido ó escrito de solicitude da tramitación do documento ou expediente, ou nestes mesmos se aquel escrito non existise, ou a solicitude non fora expresa.

2. Os escritos recibidos polos conductos a que fai referencia o artigo 66 da Lei de Procedemento Administrativo, que non veñan debidamente reintegrados, serán admitidos provisionalmente, pero non lle poderá dar curso sen que se emende a deficiencia, e para tal fin se requirirá ó interesado para que, no prazo de dez días, aboe as cotas correspondentes, co apercibimento de que, transcorrido dito prazo sen efectualo, teranse os escritos por non presentados e será arquivada a solicitude.

3. O importe da taxa poderase esixir mediante o pagamento en efectivo, substituíndose o selo municipal por un recibo duplicado, e un dos exemplares unirase ó escrito e outro á copia que se devolva ó interesado.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 77 e seguintes da Lei Xeral Tributaria.

A presente ordenanza fiscal, cunha redacción definitiva aprobada polo Pleno da corporación en sesión celebrada con data 2-2-99, entrará en vigor o mesmo día da súa publicación íntegra no BOP e será de aplicación desde ese mesmo día, permanecendo en vigor ata a súa modificación ou derrogación expresas.