Arteixo - OCUPACIÓN DE TERREOS DE USO PÚBLICO LOCAL CON MERCADORIAS, MATERIAIS DE CONSTRUCCIÓN, REBO, VALOS, PUNTAIS, ASNILLAS, ESTADAS E OUTRAS INSTALACIÓNS ANÁLOGAS.

En uso das facultades concedidas polos artigos 133.2 e 142 da Constitución e polo artigo 106 da Lei 7/1985, de 2 de abril, reguladora das bases de réxime local e de conformidade co disposto nos artigos 15 a 19 do R.D.lexislativo 2/2004, de 5 de marzo, polo que se aproba o texto refundido da Lei reguladora das facendas locais, o Concello de Arteixo establece a TAXA POR OCUPACIÓN DE TERREOS DE USO PÚBLICO LOCAL CON MERCADORIAS, MATERIAIS DE CONSTRUCCIÓN, REBO, VALOS, PUNTAIS, ASNILLAS, ESTADAS E OUTRAS INSTALACIÓNS ANÁLOGAS, a que se refire o artigo 20.3.g) do citado R.D. lexisltativo 2/2004, de 5 de marzo, polo que se aproba o texto refundido da Lei de facendas locais, que se rexerá pola presente ordenanza fiscal, atendendo as súas normas ó disposto no artigo 57 do citado R.D. lexislativo.

Constitúe o feito impoñible desta taxa a realización da utilización privativa ou aproveitamento especial do dominio público local con:

a) Valos, guindastres, elevadores, estadas e outras instalacións semellantes.

b) Puntais, asnillas e toda clase de apeo dos edificios.

c) Ocupación con mercadorias, materiais de construcción, rebo ou outros elementos similares.

d) Cortes de rúas para ubicación de calquera dos elementos anteriores

Aplicaranse os beneficios fiscais previstos nas normas con rango de lei e nos tratados internacionais.

Son suxeitos pasivos, en concepto de contribuínte, a persoas físicas ou xurídicas, asi como as entidades a que se refire o artigo 36 da Lei 58/2003, de 17 de decembro, xeral tributaria, que resulten beneficiadas pola utilización ou aproveitamento especial do dominio público local, ben a través da oportuna licencia solicitada polo contribuínte ou ben de oficio se se constata o feito imponible desta taxa a través dos informes da inspección de tributos ou da Policía Local.

1. Responderán solidariamente das obrigas tributarias do suxeito pasivo, as persoas físicas e xurídicas a que se refiren os artigos 42 da Lei 58/2003, de 17 de decembro, xeral tributaria.

2. Serán responsables subsidiarios os administradores das sociedades e os síndicos, interventores e liquidadores de crebas, concursos, sociedades e entidades en xeral, nos supostos e co alcance que sinala o artigo 43 da Lei 58/2003, de 17 de decembro, xeral tributaria.

Tomararase como base para a determinación da cota tributaria, o tempo de duración dos aproveitamentos e a magnitude deste, expresada en metros lineais ou cadrados, segundo sexa a natureza da ocupación.

1. Valos, estadas, guindastres, elevadores, xilos e outras instalacións análogas colocados no dominio público local, por m² ou fracción ó mes: 1,40 euros

2. Puntais, asnillas e outros elementos de apeo dos edificios, por unidade e mes: 0,98 euros

3. Ocupacións con mercadorias, materiais de construcción, rebo ou outros elementos similares, mesmo cando se depositen en vagóns, colectores ou análogos, por m² ou fracción ó mes: 0,72 euros

4. Ocupación de vía pública con materiais diversos de exposición e venda, por cada m² ó mes: 1,54 euros

5. Cortes de rúas para a situación ou retirada de calquera dos elementos constructivos descitos nos parágragos anteriores, por día:

a) Con impedimento da circulación e tránsito rodado, cada 50 m/lineais ou fracción, por día: 102,6 euros

b) Sen impedimento da circulación e tránsito rodado, cada 50 m/lilneais ou fracción, por día: 76,95 euros

6. Con carácter mínimo e sempre que por aplicación das tarifas anteriores non se alcance dito importe, esixiranse: 23,09 euros

7. Da aplicación da tarifa 7.1, para os guindastres ou calquera outro elemento que ocupe o voo do dominio público local, estarase ademais ó disposto nas tarifas sinaladas na ordenanza fiscal nº 20.

8. Cando os aproveitamentos descritos se produzan en ruas distintas ás de 1ª categoría, as tarifas anteriores terán un coeficiente reductor en función da categoría da rúa, segundo o rueiro establecido para o Imposto sobre Actividades Económicas, independentemente da vixencia de dito tributo, ós efectos de determinar a cota tributaria:

- Ruas de 2ª categoría: 0,9

- Ruas de 3ª categoría: 0,8

- Ruas de 4ª categoría: 0,7

Devéngase a taxa e nace a obrigación de contribuír cando se inicie o aproveitamento ou desde o outorgamento da licencia.

O interesado deberá autoliquidar o importe da taxa, segundo as tarifas establecidas no artigo 7 da presente ordenanza. Dita autoliquidación non causará dereito ningún e non faculta para realizar a ocupación solicitada, que tan só poderán ser realizadas cando se obteña a preceptiva autorización. Non se tramitará o expediente nin se permitirá a realización das obras definitorias do feito impoñible ata que se teña efectuado o pagamento da autoliquidación.

1. As cotas sinaladas son irreducibles e a obriga de pagamento da taxa nace no momento de outorgarse a correspondente licencia ou no da iniciación da utilización privativa ou aproveitamento especial do dominio público local.

2. A licencia para a utilización privativa ou aproveitamento especial do dominio público local, solicitarase por medio de instancia dirixida á Alcaldía, achegando os documentos necesarios para valorar a solicitude.

Unha vez tramitado o expediente dictarase Resolución da Alcaldía, comprobándose a autoliquidación practicada.

3.Cando con ocasión dos aproveitamentos regulados nesta ordenanza se produciran desperfectos no pavimento ou instalacións da vía pública, os beneficiarios estarán suxeitos ó reintegro total dos gastos de reconstrucción e reparación de tales desperfeitos ou reparar os danos causados, que serán, en todo caso, independentes das autoliquidacións ou liquidacións que se practiquen polos aproveitamentos realizados.

4. A ocupación da vía publica con guindastres ou aparatos elevadores, sempre que a súa base estea ocupando o dominio público local estará suxeita ás tarifas establecidas nesta ordenanza, así como á ocupación do voo da vía publica, segundo ás tarifas establecidas na ordenanza fiscal nº 20 "Taxa pola ocupación do subsolo, solo e voo de terreos de uso público local".

5. O estipulado no artigo 7.5.a) refírese á imposibilidade total de circulación de calquera tipo de vehiculos, mentras que o sinalado no artigo 7.5.b), refirese á imposibilidade parcial de circulación de vehículos de calquera clase.

Para a cualificación das infraccións tributarias, así como das sancións que ás mesmas corresponden en cada caso, estarase ó disposto nos artigos 183 e seguintes da Lei 58/2003, de 17 de decembro, xeral tributaria.

As tarifas anteriores serán incrementadas anualmente no IPC

A presente ordenanza, que consta de 11 artigos, unha disposición adicional e unha final, foi aprobada polo Concello Pleno en sesión celebrada o día catro de setembro de 2003.

A presente ordenanza foi aprobada polo Concello Pleno, en sesión celebrada o día 29 de xullo de 2004. Entrará en vigor, logo da súa publicación no Boletín Oficial da Provincia, o 1 de xaneiro de 2005, permanecendo en vigor ata a súa modificación ou derrogación expresas.