Ponteceso - Ordenanza fiscal nº 13, reguladora da taxa pola prestación do servizo público de subministración de auga potable a domicilio

No uso das facultades que aos Concellos lles conceden os artigos 133.2 e 142 da Constitución e o artigo 106 da Lei 7/1985, do 2 de abril, reguladora das bases do réxime local, e de conformidade co que dispoñen os artigos 15 e 19 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, o Concello de Ponteceso establece a taxa por prestar o servizo de sumidoiro, que se rexerá por esta ordenanza fiscal, as normas da cal atenden ao que preve o artigo 57 do Real decreto lexislativo 2/2004.

Constitúe o feito impoñible desta taxa a prestación no Concello dos seguintes servicios:

a)  Subministración de auga potable a domicilio.

b)  Acometidas á rede xeral de abastecemento de auga.

b)  Conservación de acometidas e contadores.

1. Son suxeitos pasivos contribuíntes as persoas físicas ou as xurídicas e as entidades ás que se refire o artigo 35.4 da Lei xeral tributaria, e que soliciten, resulten beneficiadas ou sexan usuarias dos servizos que se describen no parágrafo anterior.

Serán responsables solidarios ou subsidiarios da débeda tributaria, xunto cos debedores principais, as persoas ou as entidades ás que se refiren os artigos 42 e 43 da Lei xeral tributaria.

A base do presente tributo estará constituída por:

a)  Na subministración ou distribución de auga: os metros cúbicos de auga consumida no inmoble onde estea instalado o servicio.

b)  Nas acometidas á rede xeral: a sección da rede de distribución e do ramal de conexión.

1. A contía da taxa que se regula neste texto será a que fixen as seguintes tarifas:

a) Abastecemento de auga.

Abonados domésticos:

Mínimo (12,5 m³/abonado/mes): 0.421492 euros/m³

Excesos: 0.515538 euros/m³.

Abonados industriais:

Mínimo (31.00 m³/abonado/mes): 0.515538 euros/m³

Excesos: 0.580753 euros/m³.

Cota de enganche para calquera uso (dunha soa vez): 150,25 euros.

2. As tarifas anteriores non inclúen o IVE, que o Concello engadirá en todo caso.

A presente taxa percibirase dende o momento en que se inicie a prestación do servicio, previa a correspondente solicitude ou desde que se utilice este sen ter obtido a previa licencia.

1.-Altas e baixas:

A)  Usos domésticos.-Para poder dá-la alta ó futuro abonado de usos domésticos, o interesado deberá presentar, xunto coa correspondente solicitude, o último dos recibos efectivos do imposto de bens inmobles da vivenda na que pretenda a subministración e aboa-la cota de enganche fixada no artigo 6.º .

B)  Usos industriais.-Ademais do esixido no apartado anterior, ó interesado poderáselle esixi-lo último dos recibos efectivos do imposto de actividades económicas.

C)  Usos para obras en construcción.-O interesado deberá presentar, xunto coa solicitude de enganche, a correspondente copia da solicitude da licencia de obra e aboa-la cota de enganche mencionada.

D)  No caso de que, por motivos hixiénico-sanitarios, a comisión de goberno o considere oportuno, poderá conceder altas provisionais aplicando, neste caso, a tarifa que corresponde ós usos industriais.

E)  No caso de que, para cada un dos conceptos anteriormente indicados, o interesado non presente os documentos que se citan, o Concello desestimará a solicitude.

F)  Respecto ás baixas, o Concello non outorgará baixas temporais.

2.-O pagamento desta taxa farase no momento en que se lle presente ó interesado, obrigado a realizalo, a correspondente factura, que se realizará con periodicidade trimestral.

3.-As débedas correspondentes á prestación do servicio poderán esixirse polo procedemento de constrinximento, de conformidade co establecido no Regulamento xeral de recadación.

En todo o relativo a infraccións tributarias e á súa cualificación, así como ás sancións que correspondan en cada caso, aplicaranse as normas contidas na Lei xeral tributaria.

1. A modificación desta ordenanza fiscal, a redacción definitiva da cal a aprobou o Pleno na sesión do 28.02.2005. entrará en vigor ao día seguinte en que se publique integramente no Boletín Oficial da Provincia, comenzará a aplicarse nesa data e permanecerá en vigor ata que o Concello a modifique ou a derrogue expresamente.

2. Quedan derrogados expresamente os artigos 1, 3.1, 4, 6. l.a), 6.2 e a disposición final da Ordenanza fiscal núm. 13, reguladora da laxa por subministrar auga potable que aprobou o Concello na sesión do 15 de novembro de 2001 e que se publicou integramente no Boletín Oficial da Provincia número 15, do 18.01.2002, que quedarán sen efectos no momento no que entre en vigor a presente modificación