Arteixo - ORDENANZA FISCAL REGULADORA DA TAXA POR OUTORGAMENTO DE LICENZAS DE APERTURA DE ESTABELECEMENTOS

1. Está determinado polas actuacións municipais desenvolvidas con motivo da apertura de estabelecementos, tanto se esta actividade se produce como consecuencia dunha petición do interesado, coma se se orixina por comprobacións ou inspeccións da apertura sen que o titular solicitara ou obtivera a licenza, para verificación de que os mesmos reúnen as condicións requiridas polas Ordenanzas municipais como orzamento necesario para o outorgamento da oportuna licenza.

 2. A tal efecto, terá a consideración de apertura:

 a) A instalación por primeira vez do estabelecemento para dar comezo ás súas actividades.

 b) A variación ou ampliación da actividade desenvolvida no establecemento, aínda que o titular sexa o mesmo.

 c) Os traslados de locais.

 3. Entenderase por estabelecemento, que requirirá licenza para a súa apertura:

 a) Os locais dedicados ao exercicio habitual do comercio. Presumirase dita habitualidade nos casos aos que se refire a lexislación mercantil e fiscal e, especificamente, cando a realización da actividade estea suxeita a tributación polo imposto sobre actividades económicas.

 b) Os locais nos que se desenvolva unha actividade económica de carácter comercial, industrial, de servizos, profesional ou artística.

 c) Toda edificación habitable cuxo destino principal non sexa a vivenda e que se dedique a:

- Casinos ou círculos dedicados ao esparexemento ou recreo dos seus compoñentes ou asociados. As distintas dependencias que, dentro dos locais do casino, sociedade ou círculo sexan destinados a explotacións económicas suxeitas a tributación polo Imposto sobre Actividades Económicas serán obxecto de apertura diferente á principal que se refire ao obxecto social de carácter non lucrativo.

 - Depósito ou almacén, aínda que se atope pechado ao público.

- Actividades que, tendo ou non fin lucrativo, impliquen a presencia habitual  

 de persoas no local.

 - Locais nos que se fagan usos e actuacións contempladas no Regulamento de 

 Actividades molestas, insalubres, nocivas e perigosas.

 - Locais e recintos nos que se fagan espectáculos públicos.

- Oficinas, despachos, bufetes, escritorios, consultorios ou estudos abertos ao 

 público, onde se exerzan actividades artísticas, profesionais ou de ensino con

 fin lucrativo e suxeitas a tributación polo imposto sobre actividades

 económicas.

Son suxeitos pasivos desta taxa, en concepto de contribuíntes, as persoas físicas e xurídicas e as entidades a que se refiren o artigo 36 da Lei 58/2003, de 17 de decembro, xeral tributaria, titulares da actividade que se pretenda desenvolver ou, no seu caso, que se desenvolva no estabelecemento.

1. Responderán solidariamente das obrigas tributarias do suxeito pasivo, as persoas físicas e xurídicas a que se refire o artigo 42 da Lei 58/2003, de 17 de decembro, xeral tributaria.

 2. Serán responsábeis subsidiarios os Administradores das sociedades e os síndicos, interventores ou liquidadores de crebas, concursos, sociedades e entidades en xeral, nos supostos e co alcance que sinala o artigo 43 da Lei 58/2003, de 17 de decembro, xeral tributaria.

1.- A cota tributaria determinarase por unha tarifa fixa estabelecida en función da actividade a desenvolver e modulada en función da superficie do local, a cota mínima municipal que lle corresponda a efectos do Imposto sobre Actividades Económicas, a situación do local e a condición de actividade clasificada a efectos do Regulamento de Actividades Molestas, Nocivas, Insalubres ou Perigosas.

2. Tarifa Xeral.

2.1 As tarifas aplicábeis serán as contidas na disposición adicional desta Ordenanza, segundo a actividade exercida no local. Cando nun local se exerzan varias actividades, tomarase en conta a cota máis alta, sen prexuízo do estabelecido no apartado 2.3.

Nas actividades clasificadas no Regulamento de Actividades Molestas, Nocivas, Insalubres ou Perigosas, e que se sometan ao procedemento propio das mesmas, a cota que figura na disposición adicional multiplicarase polos coeficientes que deseguido se sinalan, antes de proceder a aplicar os coeficientes e índices que se estabelecen nos apartados seguintes.

 Actividades molestas: 1,5

 Actividades insalubres: 1,6

Actividades nocivas: 1,8

Actividades perigosas: 2,0

 No suposto que unha actividades estivera comprendida en máis dun suposto dos anteriores, tomarase sempre o valor máis alto. No suposto de actividades inocuas non lles será aplicabel coeficiente ningún.

 2.2 Á cota da tarifa aplicaráselle un coeficiente en función da superficie útil do local, de acordo coa seguinte escala:

 Até 50 m2................................................. 0,7

 De 51 a 100 m2........................................ 0,8

 De 101 m2 a 200 m2................................ 0,9

 De 201 a 500 m2...................................... 1,0

 De 501 a 1.000 m2................................... 1,2

 De 1.001 m2 a 2.000 m2.......................... 1,4

 De 2.000 m2 a 10.000 m2........................ 1,6

 De 10.001m2 a 50.000 m2....................... 1,8

 De máis de 50.000 m2.............................. 2,0

 2.3 Ademais do coeficiente anterior, e sobre o resultado obtido, aplicarase un coeficiente de capacidade económica estabelecido en función da cota mínima municipal que corresponda á actividade desenvolvida no local a efectos do Imposto sobre Actividades Económicas, segundo a seguinte escala:

 Até 60,10 ¿............................................ 0,6

 De 60,11 ¿ a 180,30 ¿........................... 0,7

 De 180,31 ¿ a 360,60 ¿...........................0.8

 De 360,61 ¿ a 601,01 ¿.......................... 1.0

 De 601,02 ¿ a 1.202,02 ¿........................1,2

 De 1.202,03 ¿ a 3.005,05 ¿.................... 1,4

 De 3.005,06 ¿ a 6.010,12 ¿.....................1,6

De 6.010,13 ¿ a 30.050,60 ¿..................1,8

 De 30.050,61 ¿ a 60.101,20 ¿.................2,0

 De máis de 60.101,03 ¿.......................... 2,2

2.4. Sobre o resultado de aplicar os anteriores coeficientes, aplicarase un índice que pondere a situación do local, de acordo coa cateogoría da rúa segundo a clasificación vixente das vías públicas a efectos fiscais, segundo o seguinte cadro:

 Estabelecementos situados na rúa de :

 Primeira categoría..............................2,0

 Segunda categoría..............................1,6

 Terceira categoría............................. 1,3

 Cuarta categoría............................... 1,0

Cando nun mesmo local existan, sen discriminación no título de ocupación do mesmo, espazos destinados a vivenda e a estabelecemento suxeito á Taxa, a base deste último será a que proporcionalmente á súa superficie lle corresponda.

 Cando se trate da ampliación do estabelecemento, a base impoñíbel será a que corresponda á superficie na que se ampliou o local.

Regras de aplicación:

 1ª. Cando nun local se exerzan varias actividades comprendidas en epígrafes diferentes, tomarase a suma das diferentes cotas para a aplicación deste coeficiente.

 2ª. Cando se trate de actividades que tributen por cota provincial ou nacional, tomarase o 20% ou o 5% das cotas resultantes, respectivamente.

 3ª. Nos estabelecementos destinados a actividades non suxeitas ao imposto sobre actividades económicas, non lles será de aplicación o coeficiente reflectido no artigo 6.2.3.

 4ª.- Para a aplicación deste coeficiente non se terán en consideración as bonificacións que poidan ser aplicábeis no IAE.

 5ª. Os locais afectos tributarán pola cota que lles sexa asinada de acordo coas regras do Imposto sobre Actividades Económicas.

 6ª. No epígrafe 1.24 “Instalacións de antenas de telefonía mobil” da disposición adicional, aplicaranse os seguintes coeficientes:

- Coeficiente estabelecido segundo a actividade exercida no local ( molesta, insalubre, nociva ou perigosa)

- Coeficiente da actividade económica do suxeito pasivo estabelecido en función da cota mínima municipal que corresponda á actividade desenvolvida no local a efectos do Impostos sobre Actividades Económicas.

 3.- Nos supostos de traspasos, cesións ou transmisión da titularidade das actividades que se desenvolvan nos estabelecementos, a actividade administrativa tendente a verificar se o local ou estabelecemento obxecto de traspaso, cesión ou transmisión reúne as condicións idóneas para o fin destinado, a base imponíbel estará modulada en función do exposto nos apartados anteriores e disposición adicional, aplicándolle un índice corrector do 0,05.

1.- Devéngase a Taxa e nace a obriga de contribuír, cando se inicie a actividade municipal que contitúe o feito impoñíbel. A estes efectos, entenderase iniciada dita actividade na data de presentación da oportuna solicitude da licenza de apertura, se o suxeito pasivo formulara expresamente esta.

 2.- Cando a apertura tivera lugar sen obter a oportuna licenza, a taxa devengarase cando se inicie efectivamente a actividade municipal conducente a determinar se o estabelecemento reúne ou non as condicións esixíbeis con independencia da iniciación do expediente administrativo que poida instruírse para autorizar a apertura de estabelecemento ou decretar o seu peche, se non fora autorizábel dita apertura.

1. Ao tempo de solicitar a correspondente licenza, os interesados ou os seus representantes procederán a efectuar a correspondente autoliquidación e a ingresar o seu importe nas entidades de credito coloboradoras, que será aplicado á cota que resulte unha vez sexa concedida a correspondente licenza, procedéndose á súa devolución no caso de que, por causas imputábeis á Administración, non se prestara o servizo.

 2. Non se tramitará o expediente, se non se acredita a autoliquidación e o pagamento da presente taxa.

1.- Antes de que sexa dictado o acto administrativo sobre concesión da licenza, os interesados poderán renunciar expresamente á mesma e obter a devolución do 50% da autoliquidación ingresada.

2.- Consideranse caducadas as licenzas se, despois de concedidas, transcorren máis de seis meses sen que se produza a apertura dos locais ou, se despois de abertos, pecharan novamente por un período superior a seis meses consecutivos, agás nos casos de forza maior. Presumirase que existe esta circunstancia en tanto non trancorran os prazos concedidos para o remate das obras do edificio ou local no que se teña que situar o establecemento.

En todo o relativo á cualificación de infraccións tributarias, así como das sancións que ás mesmas correspondan, estarase ao disposto nos artigos 183 e seguintes da Lei 58/2003, de 17 de decembro, xeral tributaria.

As disposicións relativas ao Imposto sobre actividades económicas contidas na presente ordenanza (rueiro e cotas tributarias), seguirán a manterse independentemente ou non da vixencia do referido imposto.

As disposicións relativas ao Imposto sobre actividades económicas contidas na presente ordenanza (rueiro e cotas tributarias), seguirán a manterse independentemente ou non da vixencia do referido imposto.