1. Cando se outorgue a licencia municipal, será practicada unha liquidación provisoria e determinada a base imponible en función do presuposto presentado polos interesados sempre que veña visado polo Colexio Oficial que corresponda. Noutro caso, a base imponible será determinada polos técnicos municipais de acordo co custo estimado do proxecto.

2. O Concello, á vista das construccións, instalacións ou obras efectivamente realizadas e do seu custo real, mediante a oportuna comprobación administrativa, poderá modifica-la base imponible á que se refire o apartado anterior e facer unha liquidación definitiva que será esixida do suxeito pasivo.

3. De conformidade co artigo 103.2.a) do Real Decreto Lexislativo 2/2004, de 5 de marzo que aproba o Texto Refundido da Lei Reguladora das Facendas Locais, establecense as seguintes bonificacións a favor das construcións, instalacións ou obras que sexan declaradas de especial interese ou utilidade municipal por concorreren circunstancias sociais, culturais, histórico-artísticas ou de fomento do emprego que xustifiquen tal declaración:

a) Construccións , instalacions e obras promovidas polas administracións públicas para a implantación de servizos públicos ou servizos de interese comunitario, bonificación do 75% (75 por 100).

b) Construccións , instalacions e obras promovidas por entidades inscritas no Rexistro Municipal de Asociacións e destinadas a fins ou actividades non lucrativas que complementen ou suplan os servizos de competencia municipal, bonificación do 75% (75 por 100).

c) Construcción, rehabilitación ou reparación de vivendas promovidas por persoas en situación de emerxencia social, bonificación do 95% (95 por 100).

d) Dedicadas a primer establecemento ou implantación de actividades comerciais e industriais: que xeneren de cinco a dez postos de traballo de carácter fixo, bonificación do 30% (30 por 100). Que xeneren de once a trinta pastos de trabaiio de carácter fixo, bonificación do 60% (60 por 100). Que xeneren mais de trinta postos de traballo de carácter fixo, bonificación do 95% (95 por 100).

Corresponderá esta declaración ao Pleno da corporación e acordarase, previa solicitude do suxeito pasivo aportando a documentación xustificativa que proceda, por voto favorable da maioría simple dos seus membros.