Lousame - ORDENANZA FISCAL REGULADORA DA TAXA POLA PRESTACIÓN DO SERVICIO DO PUNTO DE ATENCIÓN Á INFANCIA

No uso das facultades concedidas polos artigos 133.2 e 1242 da Constitución e polo artigo 106 da Lei 7/1985, do 2 de abril e de conformidade co disposto nos artigos 15 a 27 do R.D. Lexislativo 2/2004, de 5 de marzo, polo que se aproba o texto refundido da Lei Reguladora das Facendas Locais, este Concello establece a taxa pola prestación do servicio do Punto de Atención a Infancia do Concello de Lousame (PAI), que se rexerá

Pola presente Ordenanza.

Son suxeitos pasivos:

1. Os pais ou titores en canto representantes legais dos menores que se matriculen e reciben asistencia no PAI.

2. Quen solicita a matrícula do menor.

A cota tributaria, determinarase por unha cantidade fixa, de acordo de acordo coas seguintes tarifas/mes:

a) 1 hora: 1 euro

b) 2 horas (cada día) 15 euros/mes

c) 3 horas (cada día) 25 euros/mes

d) 4 horas (cada día) 35 euros /mes

e) 5 horas (cada día) 45 euros/mes

f) 6 horas (cada día) 50 euros/mes

g) 7 horas (cada día) 60 euros/mes

h) 8 horas (cada día) 70 euros/mes

BONOS:

10 horas/mes 6 euros

20 horas/mes 12 euros

1. Segundo as circunstancias da unidade familiar, das cotas resultantes de aplicar as tarifas establecidas realizaranse os seguintes descontos:

* 20 % no caso de nenos/as que pertenzan a unha familia numerosa.

* 20 % no caso de nenos/as que pertenzan a unha unidade familiar monoparental.

* 20 % no caso de asistencia dalgún irmán ó mesmo centro. No caso de que estes irmáns naceran en parto múltiple, o desconto será dun 30% por cada neno.

* 20% no caso de nenos/as que pertenzan a unha familia beneficiaria do programa de intervención familiar.

* Cando por circunstancias sobrevidas ( solicitude fóra de prazo, traslado de residencia, etc.), o/a neno/a ingrese no centro con posterioridade ó día 15 do mes, a cota que corresponda pagar polo dito mes terá un desconto do 50%.

* No caso de familias con circunstancias económicas que impediran afrontar o pago das cotas, os gastos serán aboados por emerxencia social, previo informe de Servizos Sociais.

2. Cando varios casos de bonificación coincidan nunha mesma persoa serán acumulables.

1. As taxas devénganse e nace a obriga de contribuír dende o momento no que se inicie a prestación do servizo do punto de atención a infancia.

2. Establecido e en funcionamento o servizo , as cotas aboaranse polos suxeitos pasivos nos dez primeiros días de cada mes e serán irreducibles.

3. Non se aboará a cota do mes de vacacións correspondente o verán.

4. Non será de aplicación esta exención ás vacacións distintas ás estivais, salvo causa debidamente xustificada.

5. Se con carácter excepcional o Centro estiverse pechado durante un período superior a 15 días consecutivos non se aboará a cota correspondente a dito período.

6. A non asistencia do neno/a durante un período determinado non suporá a reducción na cota a pagar, salvo causa debidamente xustificada ou mentres non se formalice a baixa correspondente.

7. O suxeito pasivo poderá solicita-la domiciliación do pago da taxa, nestes casos ordenarase o cargo en conta bancaria durante os primeiros dez días do período de pago.

Para todo o non previsto neste texto será de aplicación a regulación contida na Lei 39/88, Reguladora das Facendas Locais, o Regulamento de Servizos dos Entes Locais, Lei 7/85, Reguladora das Bases de Réxime Local; Lei 30/92, de Réxime Xurídico das Administracións Públicas e do Procedemento Administrativo Común e Lei de Taxas e Prezos Públicos.