Melide - ORDENANZA Nº 17, REGULADORA DA TAXA POR LICENZA DE APERTURA DE ESTABLECEMENTO

Constitúe o feito impoñible da taxa a actividade municipal, tanto técnica como administrativa, tendente a unificar se os establecementos  industriais e mercantís reúnen as condicións de tranquilidade, sanidade e salubridade e calquera outra esixida  polas correspondentes ordenanzas  regulamentos municipais ou xerais para o seu normal funcionamento, como presuposto necesario e previo  para o outorgamento por este concello da licencia de apertura a que se refire o artigo 22 do Regulamento de servicios das corporacións locais.

Para tal efecto, terá a consideración de apertura:

A instalación por vez primeira do establecemento para dar comezo ás súas actividades.

A variación ou ampliación da actividade desenvolvida no establecemento, aínda que continúe o mesmo titular.

A ampliación do establecemento e calquera alteración que sexa levada a cabo neste e que afecte ás condicións sinaladas no número 1 deste artigo, esixindo nova verificación destas

O cambio de razón social permanecendo invariable a actividade.

Os traslados de locais.

Entenderase por establecemento industrial ou mercantil toda edificación habitable, estea ou non aberta ao público, que non se destine exclusivamente a vivenda e que:

Se dedique ao exercicio dalgunha actividade fabril, artesá, da construcción, comercial e de servicios que estea suxeita ao imposto sobre actividades económicas.

Responderán solidariamente das obrigas tributarias do  suxeito pasivo as persoas físicas e xurídicas a que se refiren os artigos 38.1 e 39 da Lei xeral tributaria.

Constitúe a base impoñible da taxa a renda anual que corresponda ao establecemento, a determinación da cal se fará observando algunha das seguintes regras:

Cando o suxeito pasivo sexa propietario, usufructuario ou titular dunha concesión administrativa sobre o establecemento, a renda anual  será a que resulte de aplicar o xuro básico do Banco de España ao valor catastral que o dito establecemento  sinalase  no imposto sobre bens inmobles.

Nos demais casos, a renda anual será a que se satisfaga por cada establecemento, por razón do contrato de arrendo, subarrendo, cesión ou calquera outro título que ampare a súa ocupación, con inclusión dos incrementos e cantidades asimiladas á renda, de ser o caso.

Se no contrato apareceran pactadas diferentes rendas para períodos distintos, tomarase como base a maior, aínda que corresponda a períodos anteriores ou posteriores á solicitude da licencia.

Cando a renda pactada sexa inferior á que resultase de aplicar a regra 1 anterior, tomarase como base impoñible esta última.

Cando nun mesmo local existan, sen discriminación no título de ocupación deste, espacios destinados a vivenda e a establecemento suxeito á taxa, a base deste último será a que proporcionalmente á súa superficie lle corresponda no importe total da renda anual que, conforme ás regras  precedentes, se impute ao dito local.

Cando se trate da ampliación do establecemento, a base impoñible será a renda anual que corresponda á superficie no que se ampliou o local, calculada conforme ao previsto nas regras anteriores.

A cota tributaria determinarase aplicando as tarifas do anexo ao dorso, sobre a base definida no artigo anterior e corrixindo o resultado así obtido, polo coeficiente que se sinala no apartado seguinte en función da categoría da rúa, praza ou vía pública no que estea situado o establecemento.

Establécense os seguintes coeficientes correctores segundo a categoría das rúas, prazas ou vías públicas deste municipio:

                                                                            Coeficiente corrector

Rúas categoría 1ª.............................................     -----

Rúas categoría 2ª.............................................     -----

A cota tributaria esixirase por unidade de local.

Nos casos de variación ou ampliación da actividade a desenvolver no establecemento suxeito, da cota que resulte por aplicación dos apartados anteriores deste artigo, deducirase o devengado por este concepto tributario con ocasión da primeira apertura e de anteriores variacións ou ampliacións da actividade, así como da ampliación do local. A cantidade a ingresar será a diferencia resultante.

No caso de desestimento formulado polo solicitante con anterioridade á  concesión da licencia, as cotas a liquidar serán o 50 por cento das sinaladas no número anterior, sempre que a actividade municipal se iniciara efectivamente.

Anexo a esta ordenanza figura un índice alfabético das vías públicas deste municipio con expresión da categoría que corresponda a cada unha delas.

As vías públicas que non aparezan sinaladas no índice alfabético serán consideradas de última categoría permanecendo cualificadas así ata o un de xaneiro do ano seguinte a aquel no que se aprobe polo Pleno desta corporación a categoría correspondente e a súa inclusión no índice alfabético de vías  públicas.

Non se concederá exención nin bonificación ningunha na exacción da taxa.

Devéngase a taxa e nace a obriga de contribuír cando, unha vez iniciada a actividade municipal que constitúe o feito impoñible (entendéndose iniciada a actividade na data de presentación da oportuna solicitude da licenza de apertura, de ser o caso de que o suxeito pasivo a formulase expresamente), elévase ao órgano competente para a súa aprobación definitiva.

Cando a apertura xa tivo lugar sen obter a oportuna licencia, a taxa devengarase cando se inicie efectivamente a actividade municipal conducente a determinar se o establecemento reúne ou non as condicións esixibles, con independencia da iniciación do expediente administrativo que poida instruírse para autorizar a apertura do establecemento ou decretar o peche, se non fose autorizable a dita apertura.

A obriga de contribuír, unha vez nacida, non se verá afectada, de ningún xeito, pola denegación da licencia solicitada ou pola concesión desta condicionada á modificación das condicións do establecemento, nin pola renuncia de desestimento do solicitante unha vez concedida a licencia.

As persoas interesadas na obtención dunha licencia de apertura de establecemento industrial ou mercantil presentarán previamente, no rexistro xeral, a oportuna solicitude, con especificación da actividade ou actividades a desenvolver no local, acompañada do contrato de alugamento ou título de adquisición do local, indicando neste último caso se o local non tivera asignado valor catastral, o prezo de adquisición ou o custo de construcción deste, de ser o caso.

Finalizada a actividade municipal e unha vez dictada a Resolución municipal que proceda sobre a licencia de apertura, practicarase a liquidación correspondente pola taxa, que será notificada ao suxeito pasivo para o seu ingreso directo nas arcas municipais utilizando os medios de pagamentos e os prazos que sinala o regulamento xeral de recadación.

Cando o suxeito pasivo sexa propietario, usufructuario ou concesionario do establecemento e o local non teña sinalado valor catastral, practicarase unha liquidación provisional tomando como base impoñible o valor de adquisición ou, de ser o caso, custo de construcción do referido local.

En todo o relativo á cualificación de infraccións tributarias, así  como das sancións que a estas correspondan en cada caso, estarase ao disposto nos artigos 77 e seguintes da Lei xeral tributaria.

A presente ordenanza fiscal, a redacción definitiva da cal foi aprobada polo Pleno da Corporación en sesión celebrada o 21 de xullo de 1.989, entrará en vigor o mesmo día da súa publicación no BOP e será de aplicación a partir do día 1 de xaneiro de 1.990, permanecendo en vigor ata a súa modificación ou derrogación expresa. Modificada por acordos plenarios do 18/12/1992, 18/12/1995 e 12/11/2003.

(BOP nº 263 BIS, do 16/11/1989)

(BOP nº 46, do 26/02/1993)

(BOP nº 41, do 19/02/1996)

(BOP nº 267, do 20/11/2003)

(BOP nº 299, do 31/12/2003)

(BOP nº  267 19/11/2004 e BOP nº 300, 31/12/2004)

(BOP nº 298, 30/12/2005)

(BOP nº 293, do 23/12/2006)

(BOP nº 300, do 31/12/2007)

(BOP nº 298, 29/12/2008)