Este Concello conforme ó autorizado polo artigo 106 da Lei 7/85 do 2 de abril, reguladora das Bases do Réxime Local e de acordo co previsto no artigo 20.4.0) do Texto refundido da Lei reguladora das Facendas Locais, aprobado por Real decreto 2/2004, de 5 de marzo establece a Taxa pola realización de actividades deportivas e culturais, que se regulará pola presente Ordenanza, redactada conforme ó disposto no artigo 16 do Texto refundido citado.

Artigo 2. Feito Impoñible

Constitúe o feito impoñible deste tributo:

a) a participación en actividades deportivas organizadas polo Concello de Tordoia

b) a participación en actividades culturais organizadas polo Concello de Tordoia

Artigo 3. Devengo

A obrigación de contribuír nacerá dende que se inicie a actividade

Artigo 4. Suxeitos pasivos

Son suxeitos pasivos as persoas físicas ou xurídicas que soliciten ou resulten beneficiadas das actividades que constitúen o feito impoñible desta taxa.

Artigo 5. Cota triburaria

As tarifas a aplicar serán as seguintes (en euros):

	EMPADROADOS		NON EMPADROADOS
ACTIVIDADE	PREZO ANUAL Idade ata 18 anos Máis de 65 anos	PREZO ANUAL De 18- 65 anos	PREZO ANUAL Idade ata 18 anos Máis de 65 anos	PREZO ANUAL De 18- 65 anos
Judo	35,00€	60,00€	45,00€	70,00€
Patinaxe	35,00€	60,00€	45,00€	70,00€
Fútbol-sala	35,00€	60,00€	45,00€	70,00€
Tenis	35,00€	60,00€	45,00€	70,00€
Tenis de mesa	35,00€	60,00€	45,00€	70,00€
Baile de salón	35,00€	60,00€	45,00€	70,00€
Aérobic	35,00€	60,00€	45,00€	70,00€
Ximnasia Mantemento	35,00€	60,00€	45,00€	70,00€
Ximnasia integral 3ª Idade*	35,00€		45,00€

Aqueles nenos que desexen realizar máis dunha actividade, terán un desconto do 10% na segunda, 20% terceira e a partires da cuarta actividade será gratuíta.

Para o resto dos cursos que se poidan realizar, aplicarse unha taxa de 10 euros por cada mes (ou fracción de mes) de duración que presenten.

*Ximnasia para a 3ª idade: comprenderá todas aquelas actividades físico - deportivas e de ocio dirixidas unicamente a terceira idade, como poden ser actividades de equilibrio, destreza, psicomotricidade, taller de memoria¿

Artigo 6. Normas de xestión

6.1. A solicitude de inscrición ós distintos cursos presentarase no Concello de Tordoia, en instancia dirixida ao señor alcalde, facendo constar idade e domicilio. A calidade de usuario será comunicado ao afectado, unha vez comprobado que a solicitude reúne todas as condicións esixidas e que existe cupo suficiente.

6.2. Dacordo co establecido na Lei 40/2003, do 18 de novembro, de protección ás familias numerosas, establécense as seguintes bonificacións:

	1º neno	2º neno	3º neno	4º neno
Familia numerosa	100% prezo anual	50% prezo anual	Gratuíto	Gratuíto

Se ademais, o neno participa en máis dunha actividade, a segundo será a metade de prezo e a terceira e seguintes gratuítas.

Deben acreditar a condición de familia numerosa no momento de solicitar a inscrición coa presentación do libro de familia.

6.3. Os abonados deberán satisfacer as súas cotas dentro dos primeiros cinco días hábiles dos meses de outubro e de xaneiro. As cotas ingresaranse en calquera das contas abertas polo Concello de Tordoia, en Caixa Galicia ou no Banco Español de Crédito (BANESTO).

Artigo 7. Exencións, reduccións e demais beneficios legalmente aplicables.

De conformidade co disposto no artigo 9 da Lei 39/88 do 28 de decembro, non se recoñece beneficio tributario algún, agás os que sexan consecuencia do establecido nos Tratados ou Acordos Internacionais ou veñan previstos en normas con rango de Lei.

Artigo 8. Infraccións e sancións tributarias

En todo o relativo á calificación de infraccións tributarias e sancións, ademais do previsto nesta Ordenanza, estarase ó disposto nos artigo 181 e seguintes da Lei Xeral Tributaria e demais normativa aplicable.

Disposición final

A presente Ordenanza entrará en vigor logo de se aprobar definitivamente e de se publicar no Boletín Oficial da Provincia, comezará a se aplicar a partir do día seguinte ao da súa publicación e permanecerá vixente ata a súa modificación ou derrogación expresa.