Melide - ORDENANZA FISCAL Nº 21, REGULADORA DAS TAXAS POLA PRESTACIÓN DE SERVICIOS E USO DAS INSTALACIÓNS DEPORTIVAS E CULTURAIS DO CONCELLO DE MELIDE
Artigo 1. Fundamento e natureza
No uso das facultades concedidas polos artigos 133.2 e 142 da Constitución e polo artigo 106 da Lei 7/85, do 2 de abril, reguladora das bases do réxime local, e de conformidade co disposto nos artigos 15 a 19 do Real decreto lexislativo 2/2004, do 5 de marzo, polo que se aproba o Texto refundido da Lei reguladora das facendas locais (TRLFL), este Concello establece a taxa por prestación de servizos e uso das instalacións deportivas e culturais do Concello de Melide que se rexera pola presente Ordenanza fiscal, as normas da cal atenden ao prevido no artigo 57 do TRLFL.
Artigo 2. Feito impoñible
1- O feito impoñible está constituído pola utilización das instalacións seguintes:
a) Pavillón polideportivo da Martagona.
b) Pazo de Congresos e Exposicións.
c) Auditorio municipal.
A favor das persoas físicas e/ou xurídicas que soliciten a utilización das devanditas instalacións.
2- Non estarán suxeitas, pois, as actividades e a utilización da piscina municipal, que se rexerá pola súa propia ordenanza reguladora.
3- O Concello resérvase o dereito de programar cursos ou actividades de carácter gratuíto.
Artigo 3. Suxeito pasivo
1- Son suxeitos pasivos contribuíntes as persoas físicas e xurídicas, así como as entidades ás que se refire o artigo 35 da Lei 58/2003, de 18 de decembro, xeral tributaria, a favor dos cales se conceda o aproveitamento especial das citadas instalacións.
Artigo 4. Cota tributaria
A cota tributaria da taxa regulada nesta ordenanza será a fixada na tarifa contida neste apartado para cada unha das instalacións previstas:
Por cada turno de 1 hora e 30 minutos, 2 euros.
E) Utilización da sala de exposicións:
Por cada día: 50 euros.
F) Utilización da aula de informática:
Por cada día: 50 euros.
G) Utilización do Telecentro:
Por cada día: 50 euros.
H) Utilización de aulas do edificio multiusos:
Por cada día: 30 euros.
I) Sala de conferencias do edificio multiusos:
Por cada día: 50 euros.
No caso previsto no apartado E), F), G), H) e I) por razóns de interese social e cultural, estarán exentas do pagamento das taxas as asociacións culturais, musicais e deportivas inscritas no Concello de Melide.
No caso previsto no apartado b) a tarifa incrementarase nun 50 por cento en todo tipo de actividades con despacho de billetes.
No caso previsto no apartado c) , por razóns de interese social e cultural, estará exenta do pagamento da taxa:
1) A utilización do polideportivo para a celebración de campionatos escolares, tanto durante a xornada escolar como en época de vacacións.
2) Sempre que o uso do polideportivo sexa para a celebración de actividades promovidas polo Concello por si ou a petición de entidades supramunicipais.
3) A utilización do polideportivo por equipos federados municipais.
4) As persoas cunha minusvalía nun grao superior ao 33 por cento, sempre que o acrediten con certificado do órgano competente da Comunidade Autónoma de Galicia.
Artigo 5. Devengo e ingreso
1- Devéngase a taxa e nace a obriga de contribuír no momento no que se presente a solicitude de utilización das instalacións deportivas e/ou culturais.
2- O pagamento da taxa efectuarase:
a) No caso da utilización do Pazo de Congresos e exposicións e/ou do Auditorio, na/s oficina/s bancaria/s sinaladas polo Concello unha vez notificada ao interesado a autorización para a súa utilización, e, en todo caso, antes da posta a disposición destes. Non obstante, no caso de utilización das instalacións por máis de 3 días consecutivos, poderá fraccionarse o pagamento, de forma que previa solicitude no dito senso efectuada polo obrigado ao pagamento e unha vez concedido o fraccionamento polo órgano competente, deberá abonarse o 60% no momento da solicitude e o 40% restante antes de iniciarse a actividade no 3º día da utilización, quedando paralizada a actividade en cuestión en tanto non se realice o dito pagamento.
b) No caso da utilización do pavillón polideportivo efectuarase no momento de entrar na instalación á persoa responsable deste.
Artigo 6. Infraccións e sancións tributarias
En todo o relativo a infraccións tributarias e ás súas cualificacións, así como ás sancións que correspondan, estarase ao disposto na Lei xeral tributaria e nas disposicións que a complementan e desenvolven.
Disposición final
A presente ordenanza fiscal foi aprobada polo Pleno corporativo, en sesión celebrada o día 12 de novembro, e entrará en vigor o mesmo día da súa publicación no BOP e será de aplicación a partir do día 1 de xaneiro de 2004, permanecendo en vigor ata a súa modificación ou derrogación expresa.
A partir da data da súa aplicación quedan derrogadas a ordenanza fiscal reguladora da "taxa por prestación de servicios e uso de instalacións no pavillón polideportivo do Marco ou Martagona desta vila" e o prezo público pola prestación do servicio "Conservatorio Municipal de Música".
(BOP nº 267, do 20/11/2003)
(BOP nº 299, do 31/12/2003)
(BOP nº 298, 30/12/2005)
(BOP nº 293, do 23/12/2006)
(BOP nº 300, do 31/12/2007)