Cedeira - ORDENANZA FISCAL 3.2, REGULADORA DA TAXA DE VAOS POR ENTRADAS DE VEHÍCULOS A TRAVÉS DE BEIRARRÚAS E RESERVAS DE VÍA PÚBLICA PARA APARCADOIRO EXCLUSIVO, PARADA DE VEHÍCULOS, E DE CARGA E DESCARGA DE MERCADORÍAS DE CALQUERA CLASE

No uso das facultades concedidas polos artigos 133.2 e 142 da Constitución Española e polo artigo 106 da Lei 7/85, de 2 de abril, Reguladora das Bases de Réxime Local, e de conformidade co disposto nos artigos 15 a 19 do Real Decreto Lexislativo 2/04, de 5 de marzo, polo que se aproba o Texto Refundido da Lei Reguladora das Facendas Locais, o Excmo. Concello de Cedeira establece a taxa de vaos por entradas de vehículos a través de beirarrúas e reservas de vía pública para aparcadoiro exclusivo, parada de vehículos, e de carga e descarga de mercadorías de calquera clase, ó que se refire o artigo 20.3 do propio Real Decreto Lexislativo na súa letra h), e cuxas normas atenden ó previndo no artigo 57 do citado Real Decreto Lexislativo.

Constitúe o feito impoñible da taxa a utilización privativa o aproveitamento especial do dominio público municipal con entradas de vehículos a través de beirarrúas e reservas de vía pública para aparcadoiro exclusivo, parada de vehículos, carga e descarga de mercadorías de calquera clase e outras reservas análogas.

3.1. Son suxeitos pasivos a título de contribuíntes desta taxa as persoas físicas ou xurídicas e as entidades ás que se refire o artigo 35.4 da Lei 58/03, de 17 de decembro, Xeral Tributaria, que gocen, utilicen ou aproveiten especialmente o dominio público local en beneficio particular.

3.2. En todo caso, serán substitutos do contribuínte propietarios dos terreos e locais ós que dea acceso estas entradas de vehículos, os cales poderán repercutir, no seu caso, as cotas sobre os respectivos beneficiarios.

4.1. Responderán solidariamente das obrigas tributarias do suxeito pasivo as persoas físicas e xurídicas ás que se refire o artigo 42 da Lei 58/03, de 17 de decembro, Xeral Tributaria.

4.2 Serán responsables subsidiarios as persoas ás que se refire o artigo 43 da Lei 58/03, de 17 de decembro, Xeral Tributaria.

So se admitirán os beneficios fiscais que veñan establecidos nas normas con rango de Lei ou deriven de tratados ou acordos internacionais.

As tarifas a aplicar serán as seguintes:

1. Entrada a locais destinados a garaxes públicos considerados como tales no imposto de actividades económicas, ó ano por plaza: 10,00 €.

2. Entrada a locais, destinados a garaxes individuais ou vivendas unifamiliares ó ano: 20,00 €.

3. Entrada de vehículos en aparcamentos ou garaxes colectivos (comunidades de propietarios), ó ano por plaza: 7,00 €.(Mínimo 21,00 €).

4. Entradas de vehículos en talleres ou locais comerciais ou industriais ó ano por metro lineal ou fracción: 20,00 €.

5. Reserva de espacios nas vías de e terreos de uso público.

Para carga e descarga, por cama metro lineal ou fracción ó ano:

5.1. Reservas durante 4 horas ó día como máximo: 20,00 €.

5.2. Reservas durante 8 horas ó día como máximo: 30,00 €.

5.3. Reservas durante as 24 horas do día: 40,00 €.

6. Por cada placa de vado: 30,00 €

7. Por cada placa de outras reservas de espazos: 70,00 €

7.1. A taxa devengarase cando se solicite a autorización ou concesión do aproveitamento especial, prorateándose por trimestres naturais.

7.2. Cando se producira a utilización do aproveitamento especial sen solicitar licenza, o devengo da taxa terá lugar no momento do inicio de aquel aproveitamento.

7.3. Tratándose de aproveitamentos xa autorizados e prorrogados, o día primeiro de xaneiro devengaráse a taxa, salvo os casos de baixa nos que se prorateará a cota por trimestres naturais.

8.1. Cando se trate de aproveitamentos non prorrogables a outros anos, novos aproveitamentos ou ampliacións de licenzas xa autorizadas liquidarase e esixirase a taxa en Réxime de autoliquidación no momento da solicitude. Este ingreso terá o carácter de depósito previo, de acordo co disposto no artigo 26.1 do Real Decreto Lexislativo 2/04, de 5 de marzo, polo que se aproba o Texto Refundido da Lei Reguladora das Facendas Locais, elevándose a definitivo ó concederse a autorización ou concesión da licenza correspondente.

8.2. Cando se trate de aproveitamentos prorrogados, liquidarase a taxa e esixirase mediante aprobación do correspondente padrón nos períodos que oportunamente se sinalen.

Este padrón formarase anualmente polos servizos económicos do Concello e estará constituído por censos que comprendan os suxeitos pasivos, o seu domicilio, o local onde se establece vao e as súas datas de alta e baixa.

8.3. Se se realiza o aproveitamento ou utilización do dominio público municipal sen mediar concesión ou autorización, liquidarase e notificarase a débeda tomando como data a do inicio do aproveitamento, sen prexuízo de abri-lo oportuno expediente sancionador por infracción tributaria.

8.1. Cando se trate de aproveitamentos non prorrogables a outros anos, novos aproveitamentos ou ampliacións de licenzas xa autorizadas liquidarase e esixirase a taxa en Réxime de autoliquidación no momento da solicitude. Este ingreso terá o carácter de depósito previo, de acordo co disposto no artigo 26.1 do Real Decreto Lexislativo 2/04, de 5 de marzo, polo que se aproba o Texto Refundido da Lei Reguladora das Facendas Locais, elevándose a definitivo ó concederse a autorización ou concesión da licenza correspondente.

8.2. Cando se trate de aproveitamentos prorrogados, liquidarase a taxa e esixirase mediante aprobación do correspondente padrón nos períodos que oportunamente se sinalen.

Este padrón formarase anualmente polos servizos económicos do Concello e estará constituído por censos que comprendan os suxeitos pasivos, o seu domicilio, o local onde se establece vao e as súas datas de alta e baixa.

8.3. Se se realiza o aproveitamento ou utilización do dominio público municipal sen mediar concesión ou autorización, liquidarase e notificarase a débeda tomando como data a do inicio do aproveitamento, sen prexuízo de abri-lo oportuno expediente sancionador por infracción tributaria.

O pago da taxa regulada nesta ordenanza realizarase mediante autoliquidación, liquidación ou recibo, emitido polo Concello ou Deputación Provincial da Coruña.

En todo o relativo á cualificación de infraccións tributarias, así como das sancións que a estas correspondan estarase ó disposto na Lei Xeral Tributaria e na normativa de desenvolvemento.

11.1. As persoas ou entidades interesadas na concesión ou autorización do aproveitamento do dominio público municipal ó que fai referencia esta ordenanza realizarán o ingreso da autoliquidación que terá o carácter de depósito.

No caso de existir diferenzas entre os importes declarados e os existentes, se emitirán as liquidacións complementarias que procedan, sen perxuicio da regularización polos propios suxeitos pasivos mediante autoliquidación.

11.2. No caso de denegarse a solicitude de autorización, o interesado poderá solicita-la devolución do ingreso, sempre que non se houbera efectuado dito aproveitamento.

11.3. Unha vez autorizada a licenza de aproveitamento, e no caso de que na solicitude se solicitara a prórroga da mesma, esta entenderase prorrogada mentres non se presente a declaración de baixa do interesado ou se acorde a súa caducidade polo órgano competente do Concello. As liquidacións posteriores realizaranse a través do padrón municipal.

11.4. Os aproveitamentos entenderanse sempre concedidos en precario e sen prexuízo de terceiros. O suxeito pasivo non poderá solicitar indemnización algunha cando o Concello acorde retira-la licenza por motivos de tráfico, circulación, urbanísticos ou de outra índole.

11.5. Os titulares das licenzas para vaos deberán proverse no Concello das placas regulamentarias para a sinalización do aproveitamento mediante o pago do seu custe establecido na presente ordenanza. Nas placas constará o número da licenza e o titular da mesma.

11.6. Cando finalice o aproveitamento, os suxeitos pasivos presentarán a solicitude de baixa correspondente tendo efectos tal declaración no período impositivo seguinte. A non presentación da solicitude da baixa suporá a obriga de continuar aboando a taxa.

As modificacións que introduzan na regulación desta ordenanza as Leis de Presupostos Xerais do Estado ou calquera outra Lei ou disposición e que resulten de aplicación directa, producirán, de se-lo caso, a correspondente modificación tácita da presente ordenanza fiscal.

A partir da entrada en vigor desta ordenanza queda derrogada a anterior ordenanza que regulaba a taxa por entrada de vehículos a través das beirarrúas privado e reservas de vía publica para aparcamento exclusivo, parada de vehículos, carga e descarga de mercadorías de calquera clase, publicada no Boletín Oficial da Provincia o 30 de decembro de 1998.

A presente Ordenanza Fiscal entrará en vigor o día da súa publicación no Boletín Oficial da Provincia, e será de aplicación a partir do día 1 de xaneiro de 2012, permanecendo en vigor ata a súa modificación ou derrogación expresas.