Ordes - ORDENANZA FISCAL Nº 23, REGULADORA DA TAXA POR OUTORGAMENTO DE LICENCIA DE PRIMEIRA OCUPACIÓN DE VIVENDAS.

En uso das facultades concedidas polos Artigos 133.2 e 142 da Constitución e polo art. 106 da Lei 7/85, de 2 de abril, Reguladora das Bases do Réxime Local, e de conformidade co disposto nos Artigos 15 a 19 do Real Decreto Lexislativo 2/2004, de 5 de marzo, polo que se aproba o texto refundido da Lei Reguladora das Facendas Locais, o Concello de Ordes establece a Taxa por outorgamento de licencia de primeira ocupación de vivendas e locais, a que se refire o Artigo 20.4 h) do propio Real Decreto Lexislativo, cuxas normas atenden ao prevido no art. 57 do citado Real Decreto Lexislativo.

1. Está determinado pola actividade municipal desenvolvida para a prestación de licencia de primeira ocupación de vivendas nos edificios de nova construción, cambio de uso do construído, a súa reconstrución ou reforma.

2. O carácter obrigatorio desta licencia se deriva do establecido na Lei 9/2002, de 30 de decembro, de Ordenación urbanística e protección do Medio Rural de Galicia.

3. Se devenga a taxa e nace a obriga de contribuír cando se solicite a prestación do servizo ou cando, aínda sen previa solicitude se motive a actuación da administración municipal con esta finalidade.

1. É obrigado tributario contribuínte a persoa física ou xurídica e as entidades ás que se refire o art. 35.4 da Lei Xeneral Tributaria que soliciten a prestación do servizo e os propietarios das vivendas que, aínda sen previa solicitude, motiven a actuación administrativa que constitúe o feito impoñible.

2. Serán responsables solidarios da débeda tributaria as persoas ou entidades ás que se refire o Artigo 42 da Lei Xeneral Tributaria.

3. Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que determina o art. 43 da Lei Xeral Tributaria.

Non poderán recoñecerse outros beneficios fiscais que os establecidos en normas con rango de lei e os que se deriven da aplicación de tratados internacionais.

Se tomará como base de gravame o valor da construción, que virá dado polo orzamento de execución material da mesma determinada segundo os criterios establecidos na ordenanza fiscal reguladora do Imposto sobre construcións, instalacións e obras..

1. Os propietarios dos edificios de nova construción, dos que sufriran reformas e os que vaian a modificar o uso das construcións, unha vez concluídas as obras deberán dar conta disto presentando a licencia urbanística en virtude da cal se autorizaron tales obras, se a súa obtención era preceptiva. Cumprido o dito trámite ou simultaneamente co mesmo procederán a solicitar a licencia de primeira ocupación. Se non se solicitara, o Concello, unha vez que teña coñecemento da terminación das obras ou cambios de uso de locais, requirirá ao suxeito pasivo para que a solicite, sen prexuízo de impoñer as sancións ou de adoptar as medidas que sexan procedentes.

2. Os servizos técnicos do Concello practicarán os recoñecementos oportunos, comprobando que a actuación axustouse á licencia concedida para a súa execución e que as vivendas contan cos servizos necesarios para a súa primeira utilización conforme ao destino determinado naquela licencia.

3. Esixirase o depósito previo da taxa como requisito indispensable sen o cal non se procederá á tramitación da solicitude. Cando así se determine, os suxeitos pasivos realizarán as operacións de autoliquidación da taxa.

4. Simultaneamente coa concesión da licencia, se aprobará a liquidación practicada, se procede, efectuando as liquidacións complementarias que sexan necesarias ou reintegrando ao suxeito pasivo as cantidades que resulten ao seu favor, seguindo o procedemento establecido para as devolucións de ingresos indebidos.

En todo o relativo á cualificación das infraccións e a súa sanción, estarase ao disposto nos artigos 178 e seguintes da Lei Xeral Tributaria.

As sancións que procedan por infraccións cometidas por incumprimento do disposto na presente ordenanza serán independentes das que puidesen arbitrarse por infraccións urbanísticas, de acordo co disposto na Lei 9/2002, de 30 de decembro, de ordenación urbanística e protección do medio rural de Galicia, ou normativa que a complemente ou substitúa.

A presente Ordenanza, que consta de oito artigos e unha disposición transitoria, foi aprobada polo Pleno en sesión celebrada o 29 de outubro de 2007, comezará a rexer o día 1 de xaneiro de 2008 e será de aplicación en tanto non se acorde a súa modificación ou derrogación expresa.