Mugardos - ORDENANZA FISCAL N.º 14, REGULADORA DA TAXA POLA PRESTACIÓN DE SERVIZOS SOCIOCULTURAIS, DEPORTIVOS E RECREATIVOS

Consonte co previsto no artigo 57 do RD Lexislativo 2/2004 de 5 de marzo polo que se aproba o Texto Refundido da Lei 39/1988, de 28 de decembro, Reguladora das Facendas Locais, en relación co artigo 20 da mesma Lei, e en uso das facultades concedidas polos artigos 4 e 106 da Lei 7/1985, de 2 de abril, Reguladora das Bases de Réxime Local, e artigos 15 a 19 do xa citado RD Lexislativo 2/2004 ,este Concello establece a taxa pola prestación de servizos socioculturais, deportivos e recreativos.

1. Está constituído pola realización, por persoas físicas ou xurídicas, de actividades socioculturais, deportivas e recreativas tanto en instalacións municipais coma concertadas.

2. Aos efectos da aplicación da taxa, a obriga de contribuír nace dende o momento en que se formaliza a inscrición nunha actividade e até que remate a mesma, agás cando formalicen a súa baixa na actividade en cuestión nos termos establecidos nesta ordenanza.

3. A baixa nunha actividade solicitarase no Rexistro Xeral do Concello e non eximirá do pagamento do período impositivo correspondente (día, mes ou cuadrimestre) á data de formalización da baixa.

Están obrigados ao pagamento da taxa por realización de actividades socioculturais, deportivas e de lecer;

1. As persoas físicas que formalicen a súa inscrición nas mesmas nos termos e condicións sinalados no artigo 2.2

2. As persoas físicas ou xurídicas que promovan a utilización dos locais municipais para calquera das actividades previstas nesta ordenanza.

Responderán solidariamente das obrigas tributarias do suxeito pasivo todas as persoas que sexan causantes ou colaboren na realización dunha infracción tributaria. A responsabilidade esixirase en todo caso, nos termos e consonte co procedemento previsto na nova Lei Xeral Tributaria 58/03 de 17 de decembro.

1. Tarifas.

Establécese unha matrícula por alumno/a das escolas deportivas e culturais así como unha mensualidade; as actividades puntuais e os obradoiros contan só cunha matrícula. As taxas das actividades, deportivas, culturais e de lecer son as seguintes:

As solicitudes para participar nas actividades presentaranse no Rexistro Xeral do Concello, unha vez aberto o prazo de inscrición, e se tramitarán por rigoroso orde de entrada.

A condición de inscrito nunha actividade esixirá o previo pago da matrícula. Cando se formalice a matrícula anual débese estar ó corrente dos débitos de cursos anteriores.

As cotas das actividades liquidaranse mensualmente e son obrigatorias dende o día primeiro de cada mes.

As baixas superiores a un mes eximirán do pago si se comunican a través do Rexistro Xeral do Concello dentro dos dez primeiros días do mes. As que e comuniquen a partir do día once producirán efectos no mes seguinte.

Cando, por causas non imputables ó suxeito pasivo, a actividade non se desenvolva procederá a devolución do importe correspondente.

O Concello de Mugardos establece as seguintes bonificacións destinadas a incentivar a participación dos membros da unidade familiar de convivencia nas escolas deportivas e culturais municipais. Para isto establécense as seguintes bonificacións:

(nos dous primeiros casos, co tope máximo do 100% do IPREM mensual por persoa):

Para os casos particulares previa solicitude e estudio, segundo os criterios de Servizos Sociais, a valoración económica será a seguinte:

Tendo en conta, nestes casos, que o límite se incrementa en 300 € máximo, no caso de existir aluguer ou hipoteca da vivenda habitual.

DOCUMENTACIÓN: O concello a través da área de Benestar social tramitará as exencións para o que necesitará o certificado de convivencia, IRPF ou certificado negativo dos maiores de idade, incluídos os fillos de entre 18-25.

No caso das persoas que non fagan declaración da renda, deberán ademais do certificado negativo, aportar dos fillos menores de 25 e maiores de 18 anos, vida laboral, xustificantes de ingresos do último ano (nóminas ou similar), declaración xurada de non percibir prestacións.

O órgano competente poderá non eximir do pagamento das cotas a quen, cumprindo o requisito, non teña cargas familiares ou teña ingresos adicionais que non figuren na declaración da renda e dos que sexa posible obter ingresos medíante a súa explotación. Así mesmo quen acredite unha perda substancial de ingresos con respecto á última declaración da renda poderá ser obxecto da exención.

A familia numerosa acreditarase mediante o título de familia numerosa.

Os obradoiros e outras actividades non serán de aplicación para a concesión de bonificacións de número de actividades por unidade familiar.

A partir do segundo obradoiro e por cada un deles haberá unha bonificación do 25% no prezo da hora semanal acumulable.

Ao longo do curso poderase proceder á revisión da tarifa fixada inicialmente, cando concorran e se xustifiquen variacións socioeconómicas na unidade familiar. Neste sentido, o/a usuario/a queda obrigado/a a comunicar calquera variación que se produza ao respecto.

Poderanse levar a cabo actividades acordadas con Sociedades, Clubs ou Asociacións. As condicións de financiamento das Escolas incluídas nos Convenios que se establezan coas Sociedades, Clubs ou Asociacións, determinarase ao comezo de cada curso escolar.

Considéranse partidas falladas ou créditos incobrábeis aquelas cotas que non se puidesen facer efectivas polo procedemento de prema. Para a súa declaración instruirase o oportuno expediente, de acordo co establecido no vixente Regulamento Xeral de Recadación.

As débedas por estas taxas poderán esixirse polo procedemento administrativo de prema, de acordo có establecido no vixente Regulamento Xeral de Recadación.

As infraccións e sancións en materia tributaria rexeranse polo disposto nos artigos 181 e seguintes da nova Lei Xeral Tributaria 58/03 de 17 de decembro e a súa normativa de desenvolvemento.

A presente Ordenanza, que consta de 11 artigos, entrará en vigor ao día seguinte da súa publicación no Boletín Oficial da Provincia, permanecendo en vigor até que se acorde a súa modificación ou derrogación.