Fene - ORDENANZA REGULADORA DAS AXUDAS ECONÓMICAS MUNCIPAiS PARA A ATENCIÓN DE NECESIDADES SOCIAIS

A Lei 7/1985, de 2 de abril, de Bases do Réxime Local, no seu artigo 25.2 k) atribúe ó municipio competencias en materia de prestación de servicios socialis e de promoción e reinserción social.

Pola súa banda, a Lei 13/2008, de 3 de decembro, de servicios sociais de Galicia, no seus artigos 4, 8 e 21, establece a regulamentación básica das prestacións para a Inserción Social-Emerxencias Sociais destinadas a persoas ou familias que se atopen en situación de carencias.

Será de aplicación á presente Ordenanza o disposto na Lei 38/2003, Xeral de Subvencións e regulamento de desenvolvemento, a Lei 9/2007, de 13 de xuño, de Subvencións de Galicia, e a Ordenanza Xeral de Subvencións do Concello de Fene.

Neste sentido, o artigo 17 da Lei 38/2003, Xeral de Subvencións, establece que as bases reguladoras de subvencións das corporacións locais se deberán aprobar no marco das bases de execución do orzamento, a través dunha ordenanza xeral de subvencións ou mediante unha ordenanza específica para as distintas modalidades de subvencións. A Ordenanza Xeral de Subvencións do Concello de Fene foi aprobada inicialmente, en sesión plenaria de 30 de marzo de 2007 e publicado o seu texto íntegro no Boletín Oficial da Provincia o 15 de xuño de 2007.

Esta ordenanza ten por obxecto a regulación da convocatoria e do réxime xurídico xeral das axudas municipais para a atención de necesidades sociales que otorgue o Concello de Fene figurando entre os obxectivos da presente ordenanza adaptar as disposicións de carácter xeral da Lei 38/2003 ás peculariedades do Concello de Fene establecendo esixencias mínimas, criterios e procedemento para a concesión destas axudas.

A ordenanza ten por obxecto a regulación das axudas municipais destinadas á atención de necesidades sociais, entendendo por tales o conxunto de axudas e prestacións económicas de carácter non periódico destinadas a paliar ou resolver, por si mesmas ou complementariamente con outros recursos, situacións de emerxencia social, previr situacións de exclusión social e favorecer a plena integración de sectores de poboación que carezan de recursos económicos para a atención das súas necesidades básicas.

Establécense as seguintes tipoloxías de axudas en función da necesidade plantexada e a súa valoración polos Servicios Sociais Municipais, cuxa concesión estará sempre condicionada á existencia de dispoñibilidade orzamentaria así como ó cumprimento dos requisitos xerais de acceso e específicos de cada axuda dacordo co fixado na presente ordenanza:

a) Axudas económicas de emerxencia social.

b) Axudas económicas de apoio ás familias para a atención ó menor e discapacidade.

c) Axudas económicas para o pago de taxas municipais (auga, saneamento e lixo).

A tipoloxía c) será incompatible coa concesión da exención de taxas municipais ao abeiro do recollido na Ordenanza nº7, reguladora da taxas pola subministración de auga, Ordenanza 17 reguladora da taxa polo servizo de saneamento, e ordenanza nº 18 reguladora da taxas pola recollida de residuos sólidos urbanos, tratamento e eliminación dos mesmos

Poderase cursar unha única solicitude anual de cada un dos tipos de axudas, agás certos casos en que se poda presentar unha segunda solicitude cando concorran criterios socioeconómicos obxectivables valorados a criterio técnico tales como:

- Desamparo o precariedade económica posterior á primeira solicitude.

- Urxencia na necesidade.

- Infortunio familiar.

- Outros a valorar polo equipo técnico.

Ademais, nos casos seguintes, a presentación da solicitude de axuda realizarase:

- No caso de axudas para gastos de escolarización, posteriormente ao inicio do curso escolar.

- No caso de axudas para gastos derivados do pago de Taxas Municipais, no derradeiro trimestre do ano.

Poderán ser beneficiarios destas axudas as personas ou familias residentes e empadronadas no Concello de Fene e que cumpran os requisitos establecidos para a súa concesión dacordo co seguinte:

Requisitos Xerais:

1. Ser maior de idade ou menor legalmente emancipado.

2. Ter nacionalidade española ou extranxeira con residencia legal en España. Con carácter excepcional, poderán ser tamén beneficiarias as personas extranxeiras, calesqueira sexa a súa situación administrativa en España, que se atopen nunha situación de desprotección ou en grave risco social.

3. Que exista a necesidade real e obxectiva do solicitado.

4. Estar empadroado/a no Concello de Fene e con residencia efectiva no mesmo cunha antigüidade mínima de 3 meses inmediatamente consecutivos á data da solicitude.

5. Non ter sido beneficiario/a de axudas ao abeiro desta mesma convocatoria no decurso do mesmo exercicio económico ou doutras convocatorias de organismos supramunicipais para o mesmo concepto, agás circunstancias de especial gravidade que se valorarán, e do recollido no apartado III das presentes bases.

6. Non estar incurso/a nas prohibicións para obter a condición de beneficiario/a sinaladas no art. 13 e 3 da Lei xeral de subvencións (BOE. nº 276 de 18/11/2003).

7. Non ter débedas co Concello de Fene.

8. Cumprir cos requisitos económicos para acceso ás subvencións, recollidas nas presentes bases, así como as condicións de acceso especificas para as modalidades incluídas nos apartados correspondentes.

9. Non dispoñer de máis dun vehículo (coche) na unidade familiar calquera que sexa o seu titular, agás as subvencións destinadas ao pago de taxas, que non se poderá ser titular de ningún vehículo na unidade de convivencia.

Requisitos Económicos

VI.b. 1) Ingresos regulares da unidade de convivencia:

Valorarase o conxunto de ingresos percibidos por cada unha das persoas que constitúen a unidade familiar de convivencia, e procedentes de retribucións, pensións, subsidios, prestacións, salarios ou rendas regulares e/ou irregulares de calquera natureza.

Terase en conta os ingresos líquidos, logo dos descontos correspondentes ao IRPF e seguridade social.

Para obter a contía dos ingresos anuais sumarase o conxunto de ingresos líquidos obtidos nos 6 últimos meses anteriores á data da solicitude multiplicandoos por 2 para obter o conxunto dos ingresos anuais. Desta contía descontarase os gastos derivados do pago do alugueiro e/ou amortización da vivenda, segundo corresponda. A contía resultante, dividirase entre 14 para obter os ingresos mensuais.

Nos casos nos que quede acreditado que no momento da solicitude non se cobra ningún tipo de ingresos ou a minoración destes sexa do 50 % dos ingresos que se estaban a percibir, terase en conta esta circunstancia para o cómputo dos ingresos anuais e posterior aplicación da subvención que corresponda; isto é, computaranse os ingresos actuais, do mes da solicitude, ou no seu caso, o seu defecto deles, para realizar o cálculo final que se indica no parágrafo anterior.

VI.b. 2) Capital mobiliario:

Entenderanse medios económicos suficientes no que respecta aos recursos procedentes do capital mobiliario e para a valoración da concesión das presentes axudas, os que superen os 3.000 euros en contas de aforros e/ou investimentos de toda a unidade familiar (tomarase o saldo recollido na certificación bancaria a 31 de decembro de cada ano). Exceptúanse a modalidade C) no que se limitará o saldo bancario a 2.500 euros.

VI.b. 3) Capital Inmobiliario:

Que a persoa solicitante ou calquera membro da unidade familiar, non sexa propietaria e/ou usufructuaria de bens inmobles que, polas súas características, valoración, posibilidade de venda ou calquera forma de explotación, indiquen de xeito notorio a existencia de medios materiais suficientes para atender ao gasto obxecto da solicitude, agás a propiedade referente á vivenda destinada ao uso propio sempre que a súa valoración catastral non supere 10 anualidades do Salario Mínimo Interprofesional Vixente para cada ano.

VI.b. 4) Outras condicións económicas da unidade familiar:

10. Non figurar, o/a solicitante nin outro membro da unidade familiar, como titular de industria, comercio ou calquera outro negocio con persoal asalariado.

11. Que o/a cabeza de familia que estea en situación de desemprego e se non consta na oficina do INEM, que proceda a darse de alta como demandante de emprego.

Excepcións:

O/A instructor/a do expediente poderá valorar con carácter excepcional a aquelas solicitudes que, non cumprindo algún dos requisitos ou condicións esixidas nestas bases, presenten, ao seu xuízo, circunstancias persoais, familiares ou socioeconómicas de especial gravidade que lle fagan precisar o beneficio regulado nas mesmas, previo informe.

Poderán ser perceptores das axudas:

a)Os propios solicitantes e beneficiarios das axudas.

b)As entidades ou personas designadas para a súa percepción así como os proveedores dos bens e servicios para os que se concede a axuda.

A contía das subvencións que se concedan, se establecerá en función do conxunto dos ingresos da unidade familiar de convivencia.

Asemade esta táboa marcará o acceso ou non acceso ás subvencións definidas na modalidade a), b) e c) (para o suposto de tratarse de desempregados) do artigo 2 para aquelas persoas ou familias que superen os ingresos nela establecidos.

A partir do 5º compoñente, engadiranse 100 euros ao mes por cada persoa máis que forme a unidade de convivencia, sumándose á táboa anterior de 4 membros.

A solicitude dirixida ó Sr. Alcalde do Concello de Fene acompañada da documentación requerida na presente ordenanza, se presentará no Rexistro Xeral do Concello de Fene, sen prexuízo do establecido no artigo 38 da Lei 30/1992, de Réxime Xurídico das Administracións Públicas e Procedemento Administrativo Común.

O procedemento iniciarase de oficio ou a instancia de parte. Os expedientes serán incoados de oficio cando concorran circunstancias graves, extraordinarias ou urxentes que así o aconsellen. Se se inicia de oficio deberá garantirse na súa tramitación os requisitos e circunstancias documentais fixados para o caso de que se iniciase a instancia de parte.

O prazo para a presentación de solicitudes permanecerá aberto con carácter permamente dende o 1 de xaneiro ata o 15 de novembro do ano en curso, condicionado en todo caso, á existencia de consignación orzamentaria para facer fronte ó custo das axudas en cada un dos exercicios orzamentarios.

A solicitude deberá de acompañarse a documentación xustificativa do cumprimento dos requisitos xerais e específicos para a obtención das axudas. Sen carácter restrictivo, será necesario adxuntar a seguinte documentación:

a) Fotocopia do DNI do solicitante e das personas maiores de 16 anos pertencentes á unidade de convivencia ou tarxeta de residencia (NIE) ou pasaporte, no caso de ser extranxeiros.

b) Fotocopia do libro familia e/o título de familia numerosa, no caso de existencia de menores na unidade de convivencia.

c) Fotocopia da sentencia de separación ou divorcio e/ou do convenio regulador, no seu caso. Fotocopia da demanda ou sentencia de falta de pagamento de pensións, no caso de que se solicite expresamente.

d) Fotocopia da última Declaración da Renda ou, no caso de non ter obriga de presentala, certificado negativo da Administración de Facenda cos datos fiscais de todos/as os/as convivintes maiores de 18 anos ou dezaseis se traballan.

e) Fotocopia dos 6 últimos recibos de alugamento ou amortización da vivenda, no seu caso.

f) Fotocopia do último recibo de contribución, para vivendas en propiedade.

g) Xustificantes económicos de todos/as os/as membros/as da unidade de convivencia maiores de 18 anos (ou dezaseis se traballan) e referidos ao período computable: nóminas, contratos de traballo, recibo/s de pensión/s, certificados de vida laboral, certificados do Inem, e outros, segundo se lle indique.

h) Declaración xurada de ingresos económicos da unidade de convivencia, no modelo que se achega xunto ao anexo de solicitude.

i) Certificado/s das contas bancarias que se posúan por tódolos membros da unidade familiar e referidos ao saldo existente a 31 de decembro do ano inmediatamente anterior á solicitude.

j) Certificado e/ou informe do servizo ou recurso para o que se solicite a subvención.

k) Orzamentos do gasto que se solicita, adaptados á situación de necesidade. /(Poderanse rexeitar si son elevados ou inapropiados).-

l) Declaración responsable de non estar incurso/a nas prohibicións para obter a condición de beneficiario/a sinaladas no art. 13 da lei xeral de subvencións (BOE. nº 276 de 18/11/2003).

m) Informes de IBI, urbana, rústica, IAE e IVTM, o que se comprobará de oficio, previa solicitude da/s persoa/s interesada/s.

n) Declaración xurada de non ter solicitado nin percibido ningunha axuda que cubra os mesmos conceptos para os que se solicita a subvención e de que está ao corrente nas obrigas fiscais e coa seguridade social.

o) Volante de empadroamento e convivencia, con indicación do tempo de residencia no Concello de Fene.

p) Fotocopias compulsadas dos recibos pagados de auga, saneamento e lixo, segundo corresponda correspondentes ao ano da solicitude, para as persoas que se acollan á modalidade C).

q) Autorización da persoa solicitante da axuda ou do seu representante legal ou gardador de feito e dos demais membros da unidade familiar cuxos ingresos son computables, conforme ao modelo de solicitude ao Concello de Fene, departamento de servizos sociais, para a consulta das bases de datos municipais e comprobación da veracidade dos datos declarados.

r) Calqueira outro documento que os Servicios Sociais Municipais estimen oportunos para acreditar o cumprimento dos requisitos para a percepción das axudas ou para complementar ou actualizar a información.

Aquela/s solicitude/s na/s que se observen a falla de documentación necesaria para a súa valoración, será requirida por escrito ao interesado/a para que, no prazo máximo de 10 días dende a recepción da comunicación, presente a documentación solicitada indicándoselle que, de non presentala, se lle terá por desistida a súa solicitude, previa resolución que debera ser ditada nos termos previstos no art. 71 da Lei 30/92 de 26 de novembro.

O procedemento polo cal se establece a concesión destas axudas será o de concorrencia competitiva, mediante o estudio pormenorizado de cada unha das solicitudes presentadas e a súa adaptación ós criterios de valoración establecidos na presente ordenanza.

Unha vez completada a documentación, realizarase o estudo da demanda e da situación socioeconómica do solicitante e demais membros da unidade familiar. Para iso, os Servicios Sociais terán en conta os documentos presentados, entrevistas mantidas, visitas domiciliarias ou outros extremos que foran considerados de interés polas traballadoras sociais do concello encargadas de valorar a situación de necesidade emitindo informe final no que se cuantifique o importe da axuda.

Recibidas as solicitudes de subvención, a valoración e exame das mesmas levarase a cabo polas traballadoras sociais do Concello que deberá emitir un informe no que se concrete o resultado da valoración efectuada. A traballadora social elevará informe con proposta de resolución á Alcaldía, que resolverá o expediente previo informe de fiscalización e sen prexuízo da delegación de dita competencia de conformidade coa lexislación de réxime local.

O informe con proposta de resolución emitido pola traballadora social instrutora do expediente deberá expresar:

-Finalidade da subvención.

-Importe

-Forma de pago.

-Prazo de xustificación.

-Forma de xustificación.

-Que os beneficiarios non son debedores por resolución de procedencia de reintegro doutras axudas ou fose declarada a perda do dereito ó seu cobro por algunha das causas previstas no artigo 37 da Lei Xeral de Subvencións.

-Que as anteriores axudas concedidas polo mesmo concepto, no seu caso, están totalmente xustificadas

O procedemento de concesión será resolto pola Alcaldía, sen prexuízo da delegación de dita competencia de conformidade coa lexislación de réxime local, e deberá de producirse nun prazo máximo de tres meses.

Transcorrido dito prazo sen que se producira resolución expresa e notificado a mesma, o solicitante entenderá desestimada a súa petición por silencio administrativo, segundo prevé o artigo 42 da Lei 30/1992, de RXPAC.

A resolución de concesión deberá expresar:

-Finalidade da subvención.

-Importe

-Forma de pago.

-Prazo de xustificación.

-Forma de xustificación.

Será prioritaria a resolución favorable das axudas destinadas á cobertura das necesidades básicas, entendidas como tales as que van destinadas a cubrir gastos derivados de alimentación, vivenda e outros de acordo cos criterios técnicos do equipo de servizos sociais.

A concesión das axudas estará sempre supeditada á existencia de consignación orzamentaria, por tanto poderanse desestimar por este motivo as peticións que cumpran inicialmente todos os requisitos pero que non se consideren prioritarias.

O texto íntegro da resolución adoptada será notificada ós interesados no domicilio que a efectos de notificacións figure no expediente e de conformidade co artigo 58 da Lei 30/1992, de RXPAC.

Na notificación que se practique ós beneficiarios da axuda indicarase de modo expreso cales son as condicións que debe cumplir para facer efectivo o cobro da axuda. Así mesmo, indicarase de modo expreso que se no prazo de tres meses a contar dende a recepción da notificación do acordo de concesión non cumplira as condicións establecidas se procederá por parte do Concello á revogación da axuda.

A resolución que deberá ser motivada expresará os recursos que contra a mesma se poden interpoñer.

Unha vez concedida a prestación económica os beneficiarios deberán:

a) Aplicar a prestación á finalidade para a que foi concedida.

b) Comunicar os cambios que se produzan en relación ás condicións xerais e/ou requisitos específicos das prestacións e que poideran dar lugar á modificación e extinción das mesmas, así como calquera outro cambio.

c) Reintegrar o importe das prestacións indebidamente percibidas ou en contía indebida.

d) Xustificar cos documentos e facturas oportunas a realización do gasto á finalidade que motivou a concesión da prestación económica no prazo máximo, con carácter xeral, de tres meses.

Non procederá a concesión das axudas económicas cando se dean algunha das seguintes condicións:

a) Non cumprir os requisitos esixidos.

b) Que a axuda solicitadea sexa competencia doutros organismos.

c) Que a prestación económica solicitada non constitúa unha solución adecuada ou non resolva de forma significativa a necesidade plantexada.

d) Non estar debidamente xustificada a situación de necesidade.

e) Non completar a documentación requirida.

f) Non xustificar a percepción de axudas concedidas en ocasións anteriores.

g) Que non exista crédito para a atención da solicitude.

h) Que a axuda solicitada sexa para cubrir débedas derivadas do incumprimento de obrigas tributarias con calquera Administración Pública incluída a Seguridade Social.

i) Que a axuda solicitada sexa para cubrir gastos de asistencia médica ou famacéutica susceptible de ser prestada na súa totalidade polo SERGAS.

Son causas de extinción das axudas:

a) O falecemento, renuncia do solicitante.

b) O desaparecemento das circunstancias ou situación de necesidade que motivou a concesión da axuda económica.

c) A ocultación ou falsedade nos datos subministrados e que foron tidos en conta para conceder a prestación.

d) Non adicar a axuda á finalidade para a que foi concedida.

e) A perda dalgún dos requsitos ou condicións esixidas para ser beneficiario.

f) Non xustificar a axuda concedida ou non presentar as facturas xustificativas correspondentes para acreditar o destino e emprego adecuado da mesma.

No caso de que o solicitante subministrara información falsa ou ocultara datos para obter, manter ou aumentar a prestación económica, ou se concedida esta non presentara as facturas xustificativas da axuda concedida, procederase a iniciar procedemento de reintegro polo órgano competente e poderá ser motivo da denegación en futuras solicitudes de axudas.

A falsedade ou ocultación dos datos ou documentos achegados polas persoas beneficiarias da axuda, así coma a non xustificación total ou parcial da mesma, ou destinala a un fin distinto para o que foi concedida, implicará o impedimento de solicitar unha nova axuda por un período de 1 ano, ou coas normas de aplicación baseadas na Lei 38/ 2003 de 17 de novembro, General de subvencións e na Lei 9/2007, de 13 de xuño, de subvencións de Galicia

A xustificación das cantidades recibidas acreditarase mediante factura ou documento que acredite a realización do gasto.

O/A beneficiario/a presentará a través do rexistro de entrada do concello, a conta xustificativa da subvención no modelo de impreso que será facilitado no departamento de Servicios Sociais do concello ó que deberá acompañar cos xustificantes correspondentes.

Os gastos acreditaranse mediante facturas e demais documentos de valor probatorio equivalente con validez no tráfico xurídico mercantil. Así mesmo, para os efectos da súa consideración como subvencionable, considerarase efectivamente pagado o gasto cando se xustifique o pagamento mendiante extractos ou certificacións bancarias debidamente identificados, selados ou ansinados pola persoa beneficiaria.

O pagamento das subvencións realizarase, no seu caso, na conta bancaria indicada pola/s persoa/s beneficiaria/s no momento da solicitude.

O pagamento da/s axuda/s poderá levarse, con carácter xeral, a cabo nunha das seguintes modalidades:

1º) - Con carácter xeral, o pago das subvencións abonarase na conta bancaria do/a beneficiario/a unha vez este aporte, no prazo máximo dee 3 meses dende que recibe a notificación de concesión, as facturas ou documentación xustificativa que se determine, por importe igual ou superior, segundo corresponda, á contía concedida ou ao orzamento subvencionado.

2º)- Excepcionalmente, e sempre que se xustifique no informe proposta do/a instrutor/a do expediente, o pago das subvencións poderase realizar anticipadamente, ata o 100% do importe concedido esixíndose posteriormente a xustificación, debendo aportar neste caso, no prazo máximo de 15 días dende a notificación da resolución de concesión das axudas, as facturas ou documentación xustificativa por un importe igual ou superior, segundo corresponda, á contía concedida ou ao orzamento subvencionado.

3º) Con carácter xeral, as axudas para compra de alimentos serán abonadas diretamente ó beneficiario de modo anticipado, esixíndose posteriormente a xustificación debendo aportar neste caso nun prazo máximo de 3 meses dende a notificación da resolución de concesión das axudas, ou, no seu caso, nun prazo inferior cando así se determine no informe do instructor do expediente, as facturas ou documentos con validez no tráfico xurídico mercantil por un importe igual ou superior á contia concedida.

O pagamento das axudas para a compra e alimentos de 1ª necesidade, e sempre que así se recolla no informe do instructor do expediente, poderase realizar de modo fraccionado. Neste caso, será requisito para efectuar o seguinte pagamento fraccionado da axuda, a previa xustificación polo beneficiario do anterior pago. En todo caso, o instructor do expediente revisará que se cumpriu a finalidade da subvención de modo que se destine a mesma á adquisición de alimentos de 1ª necesidade.

Para o caso de que se propoña, previo informe proposta do instructor do expediente, o pagamento das axudas para a compra de alimentos en especie, o importe do gasto abonarase na conta do establecemento comercial segundo a axuda concedida e previa a presentación da factura polo mesmo.

4º)Non obstante o anterior, cando concurran circunstancias que fagan convinte a determinación doutro modo de pagamento, poderase alterar o sistema xeral establecendo, previo informe dos Técnicos de Servicios Sociais, outras modalidades de pagamento (pago fraccionado, axudas en especie, en concepto de anticipo ou previa xustificación, por exemplo).

A modalidade de pago das subvencións e os prazos correspondentes serán recollidos no informe técnico emitido polas traballadoras sociais.

Non se concederán axudas destinadas á amortización de débedas contraídas co Concello de Fene ou outras Administracións Públicas nin para o abono de servicios prestados por estas, agás que concorran no solicitante circunstancias moi excepcionais que o fagan aconsellable ou necesario.

Non se poderá ser persoa beneficiaria simultaneamente de máis dunha prestación ou dereito á percepción económica para a mesma finalidade, calquera que sexa a Administración Pública ou privada outorgante. Poderán concederse axudas cando as prestacións económicas dos outros servizos ou administracións non cubran a totalidade do importe da prestación.

Serán os servizos sociais municipais os que realicen o seguimento das situacións de necesidade protexida polas axudas, o destino das mesmas, e poderán solicitarlle ás persoas beneficiarias a información ou documentación que cumpra para comprobar o bo uso das mesmas.

O departamento de servizos sociais en colaboración con outras administracións (Xunta, Educación, Sanidade,...) órganos privados (ACLAD, Cáritas,...) estabelecerá un sistema de coordinación e transferencia de datos necesarios co fin de realizar o seguimento das axudas concedidas ou solicitadas para garantir o bo uso das mesmas e unha boa distribución dos recursos existentes evitando a duplicidade nas concesións.

A.- SUBVENCIÓNS DE EMERXENCIA SOCIAL

1) Finalidade das subvencións:

A finalidade desta modalidade, é a concesión de axudas económicas a aquelas persoas e/ou familias en situación económica e/ou social desfavorable e que se destinarán á cobertura das necesidades básicas e/ou outras actuacións de urxente necesidade.

2) Tipoloxía das axudas e contías máximas subvencionables:

A táboa seguinte corresponde á contía máxima sobre a que se aplicará á porcentaxe de subvención correspondente para cada solicitude segundo os ingresos da unidade familiar.

Establécense, como norma xeral, as seguintes contías:

· Alimentación básica: Segundo os membros da unidade económica de convivencia o límite máximo das axudas será:

· Vestiario básico: 150 €/ano por unidade de convivencia. No caso de gastos de vestiario de menores de 18 anos ou aqueles que padezan algunha discapacidade recoñecida oficialmente con grao superior ao 33 % que teñan idade igual ou inferior a 20 anos e presenten dificultades económicas e/ou sociais para acceder aos recursos e/ou servizos necesarios cara a unha axeitada protección social dos/as menores ou discapacitados/as, será de aplicación as contías das axudas previstas no aptdo. B) do presente artigo.

· Medicación: 200 € máximo por ano, tendo en conta as enfermidades crónicas e presentando informe médico xustificativo que indique que dito medicamento non se financia polo Sergas e no caso de que sexa posible, a emerxencia social cubrirá o 40% do custo (ou porcentaxe non financiado polo SERGAS), financiándose a porcentaxe restante a través de receita médica.

· Gastos de vivenda: habitabilidade, gastos de mantemento da mesma, gastos de formalización de contrato de aluguer, pago de aluguer ou cotas de amortización. Nestes casos o importe total non poderá exceder de 600 euros no prazo máximo de 1 ano.

· Impago de suministros da vivenda (luz, gas....), o importe máximo en ningún caso excederá de 150 € no prazo máximo de un ano.

· Outros a determinar, debidamente xustificados: neste caso o importe máximo non excederá de 600 € no prazo máximo de un ano.

As axudas poderán ser en especie, e consistir tanto na adquisición e bens e servizos polo Concello como na direta prestación coa actividade, servizo, axuda ou reparación de que se trate por parte do personal municipal ou baixo a dependencia ou responsabilidade desta entidade.

B) SUBVENCIÓNS DE APOIO ÁS FAMILIAS PARA ATENCIÓN AO MENOR E DISCAPACIDADE.

1) Concepto e Finalidade:

Estas subvencións van destinadas ás familias con fillos e fillas en convivencia, menores de 18 anos ou aqueles que padezan algunha discapacidade recoñecida oficialmente con grao superior ao 33 %, teña idade igual ou inferior a 20 anos que presenten dificultades económicas e/ou sociais para acceder aos recursos e/ou servizos necesarios cara a unha axeitada protección social dos/as menores ou discapacitados/as.

As subvencións teñen por finalidade a de cubrir os gastos habituais e/ou extraordinarios que se lles presentan ás familias con menor nivel de recursos económicos derivados da atención dos seus fillos e fillas.

2) Tipoloxía de axudas e contía máxima subvencionable:

En cada solicitude so poderán ser subvencionados 2 conceptos dos sinalados a continuación, establecéndose un límite máximo para as axudas nesta tipoloxía a de 1.800 euros anuais.

Na tipoloxía da subvención por ¿gastos por nacemento de fillos/as" concederanse exclusivamente nos casos de denegación das subvencións que conceden ou poidan conceder outras Administracións por nacemento de fillos/as, ou ben por non ter acceso ás mesmas ao non cumprir requisitos básicos. Este concepto, no seu caso, concederase no primeiro ano de vida do/a menor sendo incompatible coas tipoloxías definidas no apartado de ¿emerxencias sociales".

Na tipoloxía de axudas de integración do menor, estas serán subsidiarias das que concede a Xunta de Galicia para a mesma finalidade, debendo cursar estas en primeira instancia.

3) Condicións específicas de acceso aos gastos de escolarización:

· Menores escolarizados/as no termo municipal que cursen os estudios de educación obrigatoria, e carezan de subvención ou outras axudas de idéntica natureza.

· Cubriranse os costes derivados da adquisición de libros e material escolar, e material complementario como son: diccionarios, atlas, libros de letura obrigatoria entre outros.

· En todos os casos subvencionarase o 100 % da contía máxima indicada ou gastos realizados, sempre que os gastos non sexan inferiores á contía da subvención.

· A persoa solicitante deberá realizar a solicitude posteriormente ao inicio do curso escolar achegando xunto á mesma, a relación, emitida polo centro escolar onde se cursa os estudios, dos libros que deberán comprar do curso para o que soliciten, e a/s factura/s do gasto correspondente. Para o material escolar será suficiente a aportación das facturas de adquisición do mesmo.

C) AXUDAS ECONÓMICAS DESTINADAS O PAGO DE TAXAS MUNICIPAIS (AUGA, SANEAMENTO E LIXO).

1.) Definición e finalidade das subvencións:

Estas subvencións van destinadas a cubrir os gastos dos recibos anuais de auga, saneamento e lixo para persoas e/ou familias en situación de desemprego ou pensionistas mínimos que, polas súas condicións socioeconómicas, se vexa necesaria a concesión desta subvención apoiando así a aquelas persoas e/ou familias en situación económica máis desfavorecida. As subvencións cubrirán os gastos indicados do ano natural no que se cursa a solicitude.

2) Tipoloxía, contía e forma de pago das subvencións:

Existen as seguintes tipoloxías de subvencións:

Esta solicitude deberase cursar no derradeiro trimestre de cada ano, establecéndose o prazo máximo de xustificación de tres meses dende a data de notificación da concesión da axuda.

En todo caso ás persoas e/ou familias que presenten recibos por importes inferiores ás contías máximas subvencionables, se lles aboará o 100% das mesmas.

3.) Requisitos específicos para esta modalidade de subvención,:

a)- No caso de persoas en situación de aluguer, vivenda cedida en precario ou propiedade de familiares, as persoas solicitantes deberán presentar os correspondentes recibos actualizados do pago a nome do/a dono/a da vivenda e xustificar debidamente a residencia no domicilio para o que se solicita a subvención.

En caso de dúbidas, as persoas interesadas deberán acreditar que non teñen concedida a exención a través das Ordenanzas Reguladoras correspondentes.

b) Táboa de ingresos máximos para poder acceder á subvención (Suposto de pensionistas mínimos. No caso de personas desempregadas, será de aplicación a táboa de ingresos prevista no artigo 5º).

c) Capital mobiliario: Entenderanse medios económicos suficientes no que respecta aos recursos procedentes do capital mobiliario e para a valoración da concesión das presentes axudas, os que superen os 2.500 euros en contas de aforros e/ou investimentos de toda a unidade familiar, independentemente do número de titulares das contas bancarias. (Tomarase como referencia o saldo recollido na certificación bancaria a 31 de decembro do ano inmediatamente anterior á solicitude).

Todas aquelas familias que superen este saldo bancario, aínda que reúnan o resto dos requisitos, non poderán beneficiarse destas axudas, agás casos de especial gravidade que se valorarán.

Garántese a confidencialidade dos datos obtidos na tramitación dos expedientes, de conformidade coa Lei de Servicios Sociais de Gallicia.

Igualmente, estarase ao disposto na Lei Orgánica 15/1999, de 13 de decembro, de protección de datos de carácter persoal.

O importe global máximo destas axudas será o fixado anualmente nos orzamentos xerais municipais.

As solicitudes de axudas que se atopen en trámite ou fase de recursos na data de entrada en vigor das presentes bases, resultaralles de aplicación o disposto na mesma en todo o que lle sexa favorable.

As presente ordenanza entrará en vigor trala súa publicación no BOP segundo o establecido na normativa sobre réxime local.

Para o non previsto na presente ordenanza será de aplicación o previsto na Lei 38/2003, Xeral de Subvencións e regulamento de desenvolvemento da mesma, Lei 9/2007, de 13 de xuño, de Subvencións de Galicia, e a Ordenanza Xeral de Subvencións do Concello de Fene.

BOP nº 30 DE 13-02-2015:

Rectificación de erros artigo 18 B) 2) da Ordenanza reguladora das axudas económicas municipais para a atención de necesidades sociais

BOP nº 36 de 24/02/2015:

ANUNCIO CORRECIÓN ERRO ANUNCIO 2015/1343

Advertido un erro no anuncio ¿Rectificación de erros artigo 18 B) 2) da Ordenanza reguladora das axudas económicas municipais para a atención de necesidades sociais" publicado no Boletín Oficial da Provincia da Coruña número 30, de 13 de febreiro de 2015, faise pública a seguinte correción:

onde di: ¿artigo 18 B) 2)"

debe dicir: ¿artigo 18 C) 2)"