Pobra do Caramiñal A - ORDENANZA FISCAL Nº 24, REGULADORA DA TAXA POR LICENCIAS URBANíSTICAS.

En uso das facultades concedidas polos artigos 133.2 e 142 da constitución e polo artigo 106 da Lei 7/85, do 2 de abril, reguladora das bases de réxime local, e de conformidade co disposto nos artigos 15 e seguintes do RDL 2/2004, de 5 de marzo, polo que se aproba o texto refundido da Lei reguladora das Facendas Locais, este concello establece a taxa por licencias urbanísticas que se rexerá pola presente ordenanza fiscal, que atende ó establecido no artigo 57 do citado RDL 2/2004.

1.- Constitúen o feito impoñible da Taxa a actividade municipal, técnica e administrativa, tendente a verificar se os actos de edificación e uso do chan a que se refire o art. 178 da Lei sobre réxime do solo e ordenación urbana, texto refundido aprobado polo RD 1346/76, do 9 de abril, e que se realicen no termo Municipal, se axustan ás normas urbanísticas, de edificación e policía previstas na citada Lei do solo así como nas Normas subsidiarias de planeamento deste municipio.

2.- Non estará suxeito a esta taxa as obras de simple ornato, conservación e reparación que se realicen no interior das vivendas.

1.- Son suxeitos pasivos contribuíntes, as persoas físicas ou xurídicas e as entidades ás que se refire o art. 35.4 da Lei 58/2003, de 17 de decembro, Xeral Tributaria, que sexan propietarios dos inmobles nos que se realicen as construccións ou instalacións ou se executen as obras.

2.- En todo caso, terán a condición de substitutos do contribuínte os constructores e contratistas das obras.

Responderán de forma solidaria ou subsidiaria das obrigas tributarias do suxeito pasivo as persoas físicas e xurídicas ás que se refiren os artigos 41, 42 e 43 da Lei 58/2003, de 17 de decembro, Xeral Tributaria.

1.- Constitúe a base impoñible da taxa:

a)O custo real e efectivo da obra civil, cando se trate de movementos de terras, obras de nova construcción e modificación de estructuras ou aspecto exterior das edificacións existentes.

b)O custo real e efectivo da vivenda, local ou instalación, cando se trate da primeira utilización dos edificios e a modificación do seu uso.

c)O  valor que teñan sinalados os terreos e construccións para os efectos do imposto sobre bens inmobles, cando se trate de parcelacións urbanas e de demolición de construccións.

d)A superficie dos carteis de propaganda colocados en forma visible desde a vía pública.

2.- Do custo sinalada nas letras b) e c) do número anterior, exclúese o correspondente a maquinaria e instalacións industriais e mecánicas.

En caso de desistencia formulada polo solicitante con anterioridade á concesión da licenza as cotas a liquidar serán do 100% das sinaladas no número anterior, sempre que a actividade municipal se iniciara efectivamente.

Non se concederá exención nin bonificación ningunha na exacción da taxa.

1.- A taxa ten obriga de pagamento e nace esta cando se inicie a actividade municipal que constitúe a base impoñible. Para estes efectos, entenderase iniciada dita actividade na data de presentación da oportuna solicitude de licencia urbanística, se o suxeito pasivo formulase expresamente ésta.

2.- Cando as obras se iniciaran ou executaran sen a oportuna licencia, a taxa terá obriga de pagamento cando se inicie efectivamente a actividade municipal conducente a determinar se a devandita obra é ou non autorizable, con independencia da iniciación do expedinte administrativo que poida instruírse para a autorización desas obras ou a súa demolición se non foran autorizables.

3.- A obriga de contribuír, logo de nacida, non se verá afectada de ningún xeito pola denegación da licencia solicitada ou pola súa concesión condicionada á modificación do proxecto presentado, nin pola renuncia ou desistencia do solicitante, logo de concedida a licencia.

...

4.- Esta taxa poderá esixirse en réxime de autoliquidación.

1.- Cando se trate das obras e actos ós que se refire o artigo 5º 1 a), b) e d):

a)Logo de concedida a licencia urbanística, practicarase liquidación provisional sobre a base declarada polo solicitante.

b) A Administración municipal poderá comproba-lo custo real e efectivo logo de rematada-las obras, e a superficie dos carteis declarada polo solicitante, e, á vista do resultado de tal comprobación, practicará a liquidación definitiva que proceda, con deducción do ingresado en provisional, se é o caso.

2.- No caso de parcelacións urbanas e demolición de construccións, a liquidación que se practique, logo de concedida a licencia, sobre a base impoñible que corresponda, terá carácter definitivo salvo que o valor sinalado no imposto sobre bens inmobles non teña este carácter.

3.- Tódalas liquidacións que se practiquen serán notificadas ó suxeito pasivo substituto do contribuínte para o seu ingreso directo nas arcas municipais utilizando os medios de pagamento e os prazos sinalados no Regulamento Xeral de recadación.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 181 e seguintes da Lei 58/2003, de 17 de decembro, Xeral Tributaria.

A presente ordenanza fiscal foi aprobada polo Pleno do Concello en sesión realizada o día 4 de decembro de 1989 e modificada polo mesmo órgano o 16 de novembro de 1999, 26 de decembro de 2000, 8 de novembro de 2001, 11 de novembro de 2002, 30 de outubro de 2003 e 28 de decembro de 2004, permanecendo en vigor ata a súa modificación ou derrogación expresa, permanecendo en vigor ata a súa modificación ou derrogación expresa.