Abegondo - ORDENANZA FISCAL REGULADORA DO IMPOSTO DE CONSTRUCIÓNS, INSTALACIÓNS E OBRAS

 No uso das facultades concedidas polos artigos 133.2 e 144 da Constitución, polo artigo 106 da Lei 7/85 de bases do réxime local e de acordo co previsto no artigo 59.2 do Testo refundido da Lei reguladora das facendas locais aprobado polo RDL 2/2004, de 5 de marzo, este Concello establece o Imposto sobre construcións, instalacións e obras.

 Este imposto rexerase polo disposto nos artigos 100 a 103 do Texto refundido da Lei reguladas das facendas locais aprobado polo RDL 2/2004, de 5 de marzo, polas disposicións que a desenvolvan e polo disposto na presente Ordenanza fiscal

Constitúe o feito impoñible deste imposto a realización, dentro do termo municipal de Abegondo, de calquera construción, instalación ou obra para a que se esixa a obtención de correspondente licenza de obras ou urbanística, obtivérase a mesma ou non, sempre que a súa expedición lle corresponda ó Concello de Abegondo

As construción, instalación e obras a que se refire o apartado anterior poderán consistir, entre outras actuacións, nas seguintes:

Movementos de terra

Obras de construción de edificacións e instalacións de toda clase de nova planta.

Obras de demolición

Obras nos edificios, tanto no seu interior como o seu exterior

Aliñacións e rasantes

Obras de fontanería e sumidoiros

Obras nos cemiterios

Calqueira outra construción, instalación ou obra que precise licenza de obra ou urbanística

¿ Son suxeitos pasivos deste imposto, a título de contribuíntes, as persoas físicas persoas xurídicas ou entidades do artigo 36 da Lei 58/2003, de 17 de decembro, xeral tributaria, que sexan donos da construción, instalación ou obra, sexan ou non propietarios do inmoble sobre o que se realice aquela.

Para os efectos previstos no parágrafo anterior terá a consideración de dono da construción, instalación ou obra que soporte os gastos ou o custo que comporte a súa realización.

¿ No suposto de que a construción, instalación ou obra non sexa realizada polo suxeito pasivo contribuínte terán a condición de suxeitos substitutos do mesmo quen solicite as correspondentes licenzas ou realice as construcións, instalacións ou obras.

O substituto poderá esixir do contribuínte o importe da cota tributaria satisfeita.

Dacordo co regulado no artigo 100.2 do TRLRFL, está exenta do pago dese imposto a realización de calqueira construción, instalación ou obra da que sexan donos o Estado, a Comunidade Autónoma de Galicia ou as entidades locais que, estando suxeitas a este, vaian ser directamente destinadas a estradas, ferrocarrís, portos, aeroportos, obras hidráulicas, saneamento de poboacións de súa augas residuais,aínda que a súa xestión se leve a cabo por organismos autónomos, tanto que se trate de obras de investimento novo como de conservación.

¿ Establécense unhas bonificacións a favor das construción, instalacións e obras que sexan declaradas de especial interés ou utilidade municipal por concurrir circunstacias de fomento do emprego. Corresponderá a citada declaración ao Pleno da Corporación e acordarase, no seu caso, previa solicitude do suxeito pasivo, por voto favorable da maioría simple dos seus membros e atendendo aos seguintes criterios

○ Postos de traballo netos a crear no prazo dun ano dende o inicio da actividade.

A creación dos postos de traballo deberá acreditarse coa presentación dos contratos de traballo, resolucións de alta na seguridade social e documentos de cotización

○ Estabilidade do emprego a crear

○ Estabilidade da actividade no termo municipal.

○ Incidencia social ou económica no termo muncipal

¿ O acordo plenario concedendo a bonificación poderá condicionar a mesma ao mantemento dos postos de traballo ou dunha plantila neta en cómputo anual durante o periodo que se determine.

¿ A bonificación, no seu caso, cuantificarase en función dos postos de traballo creados segundo o establecido no apartado 1.a) do presente artigo e aplicando a seguinte taboa

▪ Cando xeren ata cinco posto de traballo 10 %

▪ Cando xeren entre seis e vinte postos de traballo 25 %

▪ Cando xeren entre vinte e un e cincuenta postos de traballo 45 %

▪ Cando xeren entre cincuenta e un e cen postos de traballo 60 %

▪ Cando xeren máis de cen postos de traballo 75 %

¿ A bonificación deberá ser solicitada con anterioridade ao devengo do imposto, xuntando a documentación xustificativa da creación do número de postos de traballo dentro do proxecto de actividade.

A base impoñible do imposto está constituída polo custo real e efectivo da construción, instalación ou obra, entendese por tal, para estes efectos, o custo de execución material daquela.

Para o cálculo da base impoñible a determinar na autoliquidación terase en conta orzamento presentado polos interesados, sempre que este estivese visado polo colexio oficial correspondente, cando isto constitúa un requisito preceptivo. Noutro caso, a base impoñible determinarase en función dos prezos medios de execución material contidos no anexo desta ordenanza

Non forman parte da base impoñible:

¿ O imposto sobre o valor engadido e demais impostos análogos propios de réxime especiais

¿ As taxas, prezos públicos de demais prestacións de carácter público local relacionadas, no seu caso coa construción, instalación ou obras

¿ Os honorarios profesionais

¿ O beneficio empresarial do contratista

¿ Calquera outro concepto que non integre, estritamente o custo de execución material

¿ O imposto devéngase no intre de iniciarse a construción, instalación ou obra, aínda que non se obtivera a correspondente licenza.

¿ Aos efectos deste imposto, entenderanse en todo caso iniciadas as construccións, instalacións ou obras, salvo proba en contrario:

○ Cando teña sido concedida a preceptiva licencia municipal ao cumprirse un mes dende a data de notificación da concesión da mesma

○ Cando non teña sido concedida a preceptiva licencia municipal cando se efectue por parte do suxeito pasivo calquera clase de acto material ou xurídico tendente á realización das construccións, instalacións ou obras

¿ O imposto exisirase en réxime de autoliquidación.

¿ Os suxeitos pasivos estarán obrigados a practicar a autoliquidación polo imposto no impreso habilitado a tal efecto pola administración municipal, e a abonala en calesquera entidade colaboradora autorizada no prazo que vai dende a presentación da solicitude de licencia ata transcorrido un mes dende a notificación da concesión da mesma

¿ A cantidade ingresada terá a consideración de ingreso a conta da liquidación definitiva que se practique unha vez rematada a construción, instalación ou obra.

¿ A vista da construción e tendo en conta a obra realizada e o seu custo real e efectivo, o Concello, previa comprobación, poderá modificar a base impoñible a que se refiren os apartados anteriores, facendo a correspondente liquidación definitiva, e esixindo ou reintegrándolle ó suxeito pasivo a cantidade que resulte.

Para todo o relativo á cualificación e infraccións tributarias e a imposicións das sancións correspondentes, rexerá o disposto nos artigos 77 e seguintes da Lei xeral tributaria.

Coa entrada en vigor da presente ordenanza fiscal queda derrogada a anterior ordenanza fiscal reguladora do imposto sobre construcións, instalacións e obras dese Concello.

A presente ordenanza consta de X artigos, II anexos, unha disposición derrogatoria e unha derradeira, foi aprobada de xeito provisional polo Pleno do Concello na sesión celebrada con data , publicándose integramente no Boletín oficial da provincia número ,de data ; comezando a rexer ao día seguinte da súa publicación integra, e continuará vixente mentres non se acorde a súa modificación ou derrogación.

Manual para obter o presuposto de execución material dunha edificación aplicable á ordenanza fiscal reguladora de tasas pola prestación de servizos urbanísticos e á ordenanza reguladora do imposto sobre construcións, intalacións e obras

I) Normas xerais: crierios de valoración

a) Un traballo considerarase incluído no punto que lle corresponde de acordo co destino predominante da superficie, e incluiranse naquel as superficies con destinos minotirarios. Soamente se dividirán en varios puntos cando un dos destinos minoritarios ocupe unha superficie maior do 20% do total, nese caso valorarase independentemente.

b) A superficie total construía é a suma da superficie de cada unha das plantas do edificio, medida dentro dos límites definidos polas liñas perimetrais das fachadas, tanto exteriores como interiores, e os eixes de medianeiras compartidas, se é o caso.

II ) Estimación simplicada dos presupostos de execución material da edificación

a) Definicións:

Mb.- Módulo básico

Mc.- Módulo de construción ou de referencia.

S.- Superficie total construída en m²

Si.- Superficie construía por uso de acordo co destino predominante dela.

Ct.- Coeficiente corrector en función da tipoloxía da edificación

Cu.- Coeficiente corrector en función do uso da edificación

PEMB.- Presuposto de execución material segundo módulos básicos.

PEM.- Presuposto de execución material do proxecto.

b) Valores de aplicación.

¿ Módulo básico ( Mb) 398,81 €/m²

¿ Superficie construída por uso ( Si)

○ Un traballo considérase incluído na alínea que lle corresponde de acordo co uso predominante da superfidice; inclúese naquel as superficies con destinos minoritarios, tal e como se especifica no punto dese anexo I- a

¿ Coeficiente tipoloxias ( Ct )

○ En edificacións de nova planta e adicións:

▪ 1,20.- Edificación illada ( 4 fachadas). Vivenda unifamiliar illada

▪ 1.10.- Agrupación en fila ou fileira

▪ 1,00.- Edificio en quinteiro pechado. Edificación aberta vivenda colectiva

○ En obra de refroma e rehabilitación:

▪ 1,20.- Rehabilitación total toal que inclúe desomantaxe de fachadas.

▪ 1,00.- Adecuación interior de plantas. Rehabilitación integral do edificio conservando exclusivamente as fachadas

▪ 0,65.- Reforma interior de instalacións e acabados conservando a estrutura existente

▪ 0,50.- Reforma de elementos estruturais.

▪ 0,35.- Rehabilitación de fachadas. Substitución de carpintería e prechamentos ( aplicada á superficie de fachada)

▪ 0,30.- Reforma de pouca entidade que non afecten a elementos estruturais nin a instalacións ( acabados interiores)

▪ 0,02.- Demolicións e derribamentos ( aplicada á superficie total das plantes que se derriban)

¿ Coeficiente de usos ( Cu )

○ Edificación:

▪ 1,30.- Saldas de festas. Discotecas. Hoteis. Casas rurais

▪ 1,20.- Locais bancarios. Residencias 3º idade. Centros de día. Tanatorios. Matadoiros

▪ 1,10.- Vivenda. Hoteis ata 2 estrelas. Moteis

▪ 1,00.- Residencial VPO. Oficinas. Garderías. Restaurantes, piscinas cubertas

▪ 0,90.- Bares.

▪ 0,65.- Local comercial. Establecementos comerciais industria escaparate

▪ 0,50.- Piscinas descubertas. Cemiterios

▪ 0,40.- Garaxes e aparcadoiros. Estacións de servizo

▪ 0,35.- Locais sen uso especificio. Soportais e terrazas abertas

▪ 0,30.- Almacéns. Instalacións deportivas descubertas. Granxas

▪ 0,15.- Acondicionamento de naves con obras mínimas.

▪ 0,10.- Proxentos de urbanización ( adscritos á edificacións). Parcelas campings

c ) Obtención do presuposto de execución material segundo módulos básicos ( PEMB )

O custo da execución material de todo tipo de edificación obterase en función do módulo de construción Mc, e da superficie construída para cada uso, de acordo coas seguintes fórmulas:

¿· Módulo de construción : Mc = Mb x Ct x Cu

○ Nos casos en que un coeficiente corrector non se axuste á tipoloxía ou ós usos antes definidos, aplicarase a media entre os que máis se asemellan.

¿ Presuposto de execución material segundo módulos básicos PEMB = sumatorio (Mci x Si)

○ Mci = Módulo de construción que corresponda, de acordo co destino predominante da superficie

○ Si = Superficie construída que corresponda, de acordo co destino predominante dela

Este presuposto así obtido será o presuposto de referencia para o cálculo de autoliquidación

F O L L A D E A V A L I A C I Ó N

Obtención do presuposto de referencia segundo módulos básicos orientativos PMB

Abegondo, ..................de .............................. do ..........................

O interesado

Asinado:

Custo de execución de obras menores, aplicable á ordenanza fiscal reguladora de tasas pola prestación de servizos urbanísticos e á ordenanza reguladora do imposto sobre construcións, intalacións e obras

A. SOBRE A SUPERFICIE COMPUTABLE ( módulos)

¿ M² construción dun galpón ou alpendre 168,83.- €

¿ M² Obras de reforma en:

○ Vivendas 258,87.- €

○ Oficinas 282,72.- €

○ Locais comerciais 329,69.- €

○ Locais de hostalería 484,12.- €

B.- SOBRE UNIDADES DE OBRA (prezos unitarios )