Melide - ORDENANZA FISCAL Nº 4, REGULADORA DO IMPOSTO SOBRE CONSTRUCCIÓNS, INSTALACIÓNS E OBRAS

1. O imposto esixirase en réxime de autoliquidación, estando obrigados os suxeitos pasivos a practicar a dita autoliquidación no e a abonala previamente á retirada da licencia concedida e, en todo caso, dentro do prazo máximo dun mes contado a partir do momento en que se inicie a construcción, instalación ou obra, incluso cando non se tivera solicitado, concedido ou denegado aínda a dita licenza, sen que o pago realizado conleve ningún tipo de presunción ou acto declarativo de dereitos a favor de aqueles.

2. O pago da autoliquidación presentada terá carácter provisional e será a conta da liquidación definitiva que se practique unha vez rematada a construcción, instalación ou obra. Á vista da documentación achegada ou de calquera outra relativa a estas construccións, instalacións ou obras e das efectivamente realizadas así coma do custo real e efectivo das mesmas, o Concello, mediante a oportuna comprobación administrativa, modificará, no seu caso, a base impoñible estimada anteriormente, practicando a correspondente liquidación definitiva e esixindo do suxeito pasivo ou reintegrándolle, segundo proceda, a cantidade que resulte, sen prexuízo da imposición das sancións que sexan aplicables, de acordo co establecido na normativa reguladora ó respecto.

3. Cando se modifique o proxecto da construcción, instalación ou obra e tivera un incremento no orzamento, unha vez aceptada a modificación pola Administración municipal, os suxeitos pasivos deberán presentar autoliquidación complementaria pola diferencia entre o orzamento inicial e o modificado con suxeición ós prazos, requisitos e efectos indicados nos apartados anteriores.

4. Cando os suxeitos pasivos non tiveran abonado a correspondente autoliquidación polo imposto, nos prazos anteriormente sinalados, ou se tivera presentado e abonado aquela por cantidade inferior á cota que resulte do orzamento aportado, a Administración municipal poderá practicar e notificar unha liquidación provisional pola cantidade que proceda e incoará o correspondente procedemento sancionador.

O pedimento das bonificacións deben facerse no momento de solicitar a oportuna licenza, isto é, coa iniciación do procedemento polo suxeito pasivo.

Establécense as seguintes bonificacións fiscais na cota do imposto:

1.      Obras realizadas no  parque empresarial, bonificación do 95%.

2.      Obras realizadas no medio rural, sempre que estean subvencionadas pola Consellería de Política Territorial por rehabilitación de vivenda rural, polo Ministerio de Obras Públicas ou pola Deputación Provincial dentro do plan de recuperación de arquitectura popular  ou outro plan que puidera substituílo, gozarán dunha bonificación do 95%.

3.      Casas destinadas a turismo rural, sempre e cando as obras realizadas estean subvencionadas pola administración autonómica ou por programas comunitarios, o 95%.

4.      Fundacións e asociacións de carácter cultural declaradas de especial interese polo Pleno da corporación, bonificación do 95%.

5.      Rehabilitación e conservación de vivendas e edificios da zona histórica o 75% sempre que non requiran proxecto técnico (obra menor), no caso de obra maior a bonificación será do 50%. En ningún caso poderán acollerse á mesma as obras novas.

6.      Establécese unha bonificación do 75 por cento na cota íntegra do imposto a favor das construccións, instalacións ou obras que se realicen coa finalidade de adaptar vivendas ou locais de negocio construídos con anterioridade á lexislación de esixencia obrigatoria de accesibilidade de discapacitados a edificios para facilitar as condicións de acceso e habitabilidade destes.

A petición terá carácter rogado e deberá ser solicitada polo contribuínte con carácter previo á práctica da liquidación do imposto e comprenderá exclusivamente a parte da obra que teña por finalidade directa a adaptación do edificio á accesibilidade de discapacitados.

A acreditación destes requisitos efectuarase polo técnico director da obra.

As bonificacións contempladas nos apartados anteriores non terán carácter acumulativo.

A aprobación das anteriores bonificacións será acordada polo Pleno da Corporación, logo da solicitude do suxeito pasivo e informe do departamento de urbanismo do Concello, e no caso do punto 4 informado pola Comisión Municipal de Cultura.