Cee - ORDENANZA FISCAL REGULADORA DA TAXA POLA PRESTACIÓN DO SERVIZO DA GARDERÍA MUNICIPAL

En uso das facultades concedidas polos artigos 133.2 e 142 da Constitución e polo art. 106 da Lei 7/85, reguladora das Bases de Réxime Local, e de conformidade co disposto nos artigos 15 e 19, en relación co art. 20 do RDL 2/2004, do 5 de marzo, o Concello de Cee establece a taxa por prestación do servizo da escola infantil municipal, que se rexerá pola presente ordenanza fiscal.

Constitúe o feito impoñible da taxa a prestación do servizo da escola infantil municipal.

Son suxeitos pasivos desta taxa, en concepto de contribuíntes, as persoas que resulten beneficiadas ou afectadas pola actividade administrativa ou servicio que constitúe o feito impoñible desta taxa.

Responderán solidariamente das obrigacións tributarias do suxeito pasivo, as persoas físicas ou xurídicas que son causantes ou colaboran na realización dunha infracción tributaria.

A cota tributaria calcularase conforme aos seguinte tramos de renda:

Matrícula: 30 €

Prezo por hora a maiores: 17,50 €/mes.

Prezo por hora esporádica: 10 €.

A cota tributaria será obxecto das seguintes bonificacións cando se cumpra o requisito de familia numerosa acreditado documentalmente mediante a presentación do título de familia numerosa en vigor. As bonificacións establécense tomando como base o IPREM (último en vigor). Así :

Entre o 50% do IPREM e inferiores ao 75% do IPREM a cota tributaria reducirase nun 75%.

Entre o 75% do IPREM e inferiores ao 100% do IPREM a cota tributaria reducirase nun 60%.

Entre o 100% do IPREM e inferiores ao 125% do IPREM a cota tributaria reducirase nun 50%.

Entre o 125% do IPREM e inferiores ao 150% do IPREM a cota tributaria reducirase nun 40%.

Entre o 150% do IPREM e inferiores ao 200% do IPREM a cota tributaria reducirase nun 30%.

Superiores o 200% do IPREM a cota tributaria reducirase nun 20%.

Para o cálculo do IPREM tómase como base a renta per cápita resultante.

Ó longo do curso poderase proceder á revisión da tarifa fixada inicialmente, sempre que se produzan e xustifiquen variacións nas circunstancias económicas ou familiares.

A comisión revisará a tarifa anualmente.

A taxa retribuirase cando se inicie a prestación do servicio. O período impositivo coincide co ano natural, prorrateado por meses.

A liquidación da cota tributaria practicarase por meses naturais e deberanas aboa-los interesados nos dez primeiros días de cada mes, en calquera oficina bancaria na que teña conta este Concello ou nas oficinas municipais(so en casos excepcionais a criterio da tesourería).

As baixas durante o curso deberán notificarse ó Concello antes do día 15 do mes anterior á baixa.

Non se aboará a tarifa que corresponda ó mes en que o centro permaneza pechado por razóns de vacacións de verán. Se por calquera motivo o centro permanecese pechado durante un número superior a quince días consecutivos, non se aboará a tarifa que corresponda a este período.

A inasistencia do usuario ó centro durante un período determinado, non supón redución ningunha, nin extinción da tarifa, mentres non se formalice a baixa correspondente.

En materia de infraccións e sancións estarase ó disposto na Lei Xeral Tributaria e nas disposicións que a complementen e desenvolvan.

A presente ordenanza fiscal entrará en vigor unha vez publicada no Boletín Oficial da Provincia e comezará a rexer a partir do curso escolar 2018-2019, permanecendo vixente ata que se acorde a súa modificación ou derrogación expresa.