En uso das facultades concedidas polos artigos 133.2 e 142 da Constitución e polo artigo 106 da Lei 7/1985, do 2 de abril, reguladora das Bases de Réxime Local, e de conformidade co disposto nos artigos 15 e 20.4 r) do Real decreto lexislativo 2/2004, do 5 de marzo, polo que se aproba o texto refundido da Lei Reguladora das Facendas Locais, este Concello establece a taxa de sumidoiros, que se regula pola presente Ordenanza Fiscal segundo o previsto no artigo 57 do devandito Real decreto.

Artigo 2º. Feito Impoñible.

1. Constitúe o feito impoñible desta taxa.

a) A actividade municipal, técnica e administrativa, tendente a verificar se se dan as condicións precisas para autorizar a acometida á rede de sumidoiros principal.

b) A prestación dos servizos de evacuación de excrementos, augas pluviais, negras e residuais, a través da rede de sumidoiros municipal, e o seu tratamento para depuralas

2. Non estarán suxeitas á taxa as fincas derruídas, declaradas ruinosas ou que teñan a condición de solar ou terreo.

Artigo 3º. Suxeito pasivo.

1. Están obrigados ao pago da taxa, en concepto de suxeitos pasivos contribuíntes, as persoas físicas ou xurídicas, e as Entidades ás que se refire o artigo 35.4 da Lei 58/2003, do 17 de decembro, Xeral Tributaria seguintes:

c) Cando se trate da concesión da licencia de acometida á rede, o propietario, usufrutuario ou titular do dominio útil da finca.

d) No caso de prestación de servizos apartado 1. b) do artigo anterior, os ocupantes ou usuarios das fincas do termo municipal beneficiarias de ditos servizos, calquera que sexa o seu título: propietarios, usufrutuarios, habitacionistas ou arrendatario, incluso precario.

2. en todo caso, terá a consideración de suxeito pasivo substituto do ocupante ou usuario das vivendas ou locais ou propietario de estes inmobles, os cales poderán repercutir, no seu caso, as cotas satisfeitas sobre os respectivos beneficiarios do servizo.

Artigo 4º. Responsables.

1- Responderán solidariamente das débedas tributarias as persoas ou entidades ás que se refire o artigo 42 da Lei 58/2003, do 17 de decembro, Xeral Tributaria.

2- Serán responsables subsidiarios as persoas ou entidades ás que se refire o artigo 43 da Lei 58/2003, do 17 de decembro, Xeral Tributaria.

Artigo 5º. Cota tributaria.

1. A cota tributaria correspondente á concesión da licenza ou autorización de acometida á rede de sumidoiros esixirase por unha soa vez e consistirá na cantidade fixa de 118,08 €.

2. A unidade de acometida de auga residual formada por arqueta de saída, tubo de PVC Ø 160/5 atm. , incluída escavación, recheo, demolición e reposición de firme no seu caso, así como a conexión a colector existente para unha lonxitude máxima de 5 m. e unha profundidade máxima de 1,50 m.

Gabia en terra: 423,76 €.

Gabia en asfalto: 471,88 €

Gabia en beirarrúa: 540,69 €.

2. A cota tributaria a esixir pola prestación dos servizos de sumidoiros e depuración determinarase en función da cantidade de auga, medida en metros públicos, usada na finca.

A tal efecto aplicarase a seguinte tarifa:

a) Servizo de sumidoiros.

Por cada metro cúbico facturado en abastecemento: 0,1309 €/m³

b) Servizo de depuración de augas residuais:

o Aboados con servizo municipal de abastecemento

· Doméstico: 0,1999 €/m³

· Industrial e outros: 0,1999 €/m³

o Aboados que non o sexan do servizo municipal de abastecemento

· Doméstico: 2,5923 €/ab. mes

· Industrial e outros: 8,3748 €/ab. mes

c) Servizo de saneamento para aboados conectados á fosa séptica.

o Aboados con servizo municipal de abastecemento

· Doméstico: 0,1999 €/m³

· Industrial e outros: 0,1999 €/m³

o Aboados que non o sexan do servizo municipal de abastecemento

· Doméstico: 2,5923 €/ab. mes

· Industrial e outros: 8,3748 €/ab. mes

3. As tarifas indicadas veranse incrementadas co I.V.E. correspondente e serán revisadas anualmente consonte ao IPC de marzo a marzo.

En ningún caso poderá tomarse un consumo de auga que sexa inferior ó mínimo facturable por abastecemento.

A cota resultante da consideración deste consumo terá o carácter de mínima esixible.

Artigo 6. Devengo.

1. A taxa devéngase e nace a obriga de contribuír cando se inicie a actividade municipal que constitúe o seu feito impoñible, entendéndose a mesma:

a) Na data de presentación da oportuna solicitude da licencia de acometida, se o suxeito pasivo a formulase expresamente.

b) Dende que teña lugar a efectiva acometida á rede de sumidoiros municipal. O devengo por esta modalidade da taxa producirase con independencia de que se obtivera ou non a licencia de acometida e sen prexuízo da iniciación do expediente administrativo que poida instruírse para a súa autorización.

2. Os servizos de evacuación de excretas, augas pluviais, negras e residuais, e de depuración teñen carácter obrigatorio para todas as fincas do municipio que teñan fachada a rúas, prazas ou vías públicas nas que existan sumidoiros, sempre que a distancia entre a rede e a finca non exceda de cen metros, e devengarase a taxa aínda cando os interesados non procedan a efectuar a acometida a rede.

Artigo 7º. Declaración, liquidación e ingreso.

1. Os suxeitos pasivos substitutos do contribuínte formularán as declaracións de alta e baixa no censo de suxeitos pasivos da taxa, no prazo que media entre a data en que se produza a variación na titularidade da finca e o último día do mes natural seguinte. Estas últimas declaracións xurdirán efecto a partir da primeira liquidación que se practique unha vez finalizado o prazo de presentación de ditas declaracións de alta e baixa.

A inclusión inicial no censo farase de oficio unha vez concedida a licencia de acometida a rede.

2. As cotas esixibles por esta taxa liquidaranse e recadaranse polos mesmos períodos e nos mesmos prazos que os recibos de abastecemento e consumo de augas.

3. No suposto da licencia de acometida, o contribuínte formulará a oportuna solicitude e o concesionario do servizo, previa aprobación polo órgano competente deste concello, unha vez concedida aquela, practicarán a liquidación que proceda, que será notificada para ingreso na forma e prazos que sinala a LXT.

Artigo 8º. Infraccións e sancións.

En todo o relativo á cualificación das infraccións tributarias así como das sancións que ás mesmas correspondan en cada caso estarase ao disposto nos artigos 178 e seguintes da Lei 58/2003, do 17 de decembro, Xeral Tributaria.

Disposición derradeira.

A presente ordenanza fiscal, aprobada definitivamente polo Pleno do Concello de Ordes en sesión celebrada o 29 de outubro de 2007 entrará en vigor o mesmo día da súa publicación no Boletín Oficial da Provincia, e será de aplicación partires do 1 de xaneiro de 2008, permanecendo en vigor ate a súa modificación ou derrogación expresa.