Padrón - ORDENANZA FISCAL REGULADORA DA TAXA DA REDE DE SUMIDOIROS

No uso das facultades concedidas polos artigos 133.2 e 142 da Constitución e polo artigo 106 da Lei 7/85 de 2 de abril, Reguladora das Bases do Réxime Local, e de conformidade co disposto nos artigos 15 a 19 do Texto Refundido da Lei Reguladora das Facendas Locais, aprobado por Real Decreto Lexislativo 2/2004 de 5 de marzo, este Concello establece a taxa da rede de sumidoiros, que se rexerá pola presente Ordenanza Fiscal, cuxas normas atenden ó disposto nos artigos 20 e 57 do citado Texto Refundido da Lei Reguladora das Facendas Locais.

Quedan suxetos ó pago da taxa da rede de sumidoiros tódolos propietarios ou usufructuarios de fincas urbanas deste termo municipal que directa ou indirectamente utilicen os sumidoiros públicos.

Tamén virán suxetos ó pago da taxa todos aqueles propietarios non comprendidos no parágrafo anterior que teñan sumidoiros que evacúen na rede de sumidoiros públicos, para compensar en parte o gasto de vixilancia e inspección que sobre os mesmos exerce o Concello.

Igualmente comprende a obriga de acometer coa rede de sumidoiros públicos, ós inmobles cuxa distancia sexa inferior a 50 metros do mesmo.

A taxa virá rexida polo tipo de gravame contido nas seguintes TARIFAS:

a) A cota tributaria correspondente á concesión da licencia ou autorización de acometida á rede de sumidoiro esixirase por unha soa vez e consistirá na cantidade fixa de 31,42 €.

b) A cota tributaria a esixir pola prestación posterior dos sevizos da rede de sumidoiro determinarase en función da cantidade de auga, medida en metros cúbicos, utilizada no inmoble.

A tal efecto aplicarase o tipo de gravame do 20% sobre a facturación total da auga, impostos incluídos.

c) En ningún caso poderá tomarse un consumo de auga que sexa inferior ó mínimo facturable polo seu subministro. A cota resultante da consideración deste consumo terá o carácter de mínimo esixible.

d) Si existira un inmoble que non estivese de alta no servizo de auga a domicilio e nembargantes utilizara os servizos da rede de sumidoiro, pagará sempre o mínimo esixible segundo o apartado anterior, ó igual que os situados a unha distancia inferior a 50 metros da rede, con obriga de contribuír aínda que non teña realizada a acometida.

A cota tributaria deberá aplicárselle os coeficientes anuais de actualización, mantendo con elo o principio de equivalencia.

As cotas sinaladas na precedente tarifa cobraranse anual ou semestralmente, segundo o seu importe, efecto que formará o oportuno Padrón, que será exposto ó público quince días ós efectos de reclamacións e previo anuncio por edictos no Boletín Oficial da Provincia, e no xeito acostumado nesta localidade.

Os contribuíntes que non satisfagan as súas cotas dentro do período voluntario que se sinale, quedarán suxeitos á vía de contrixemento, con arranxo o Regulamento de Recadación vixente e demais disposicións en vigor.

Estarán exentos do dereito á taxa os edificios propiedade do Estado, a Provincia e o Municipio, os da Igrexa cando cumpran as condicións esixidas polo réxime especial concordado e demais Entidades que, en virtude de disposición legal, gocen deste beneficio.

Os actos de defraudación serán sancionados con multa do tanto ó duplo dos dereitos defraudados, sen perxuízo do cobro do importe de ditos dereitos.

As meras infraccións regulamentarias, sancionaranse con multas ata os límites autorizados pola lexislación vixente.

Responderán da presente taxa e demais establecidas na presente Ordenanza, con preferencia a calquera outro crédito, dacordo coas disposicións vixentes, os edificios e o solar onde están sitos.

Para a declaración de partidas fallidas, cando proceda, estarase ás normas xerais.

A modificación da presente Ordenanza Fiscal, que foi aprobada polo Pleno deste Concello en sesión celebrada o día 12 de Novembro de 2007, entrará en vigor o mesmo día da súa publicación no Boletín Oficial da Provincia, e será de aplicación ata que se acorde a súa modificación ou derogación expresa.