Arteixo - ORDENANZA Nº 37, PREZO PÚBLICO POLA PRESTACIÓN DO SERVIZO NAS INSTALACIÓNS ACUÁTICAS MUNICIPAIS

De conformidade co previsto nos artigos 41 e 127 do R.D. lexislativo 2/2004, de 5 de marzo, polo que se aproba o texto refundido da Lei reguladora das facendas locais e en exercicio da potestade regulamentaria recoñecida ao Concello de Arteixo, na súa calidade de Administración Pública Territorial, polos artigos 4, 49, 70.2 e concordantes da Lei 7/85, de 2 de abril, reguladora das Bases de Réxime Local, establécese o prezo público pola prestación do servizo nas instalacións acuáticas municipais.

Están obrigados ao pagamento do prezo público regulado nesta ordenanza, as persoas físicas ou xurídicas que soliciten a prestación dos servizos ou actividades descritos na presente ordenanza ou que procedan á utilización das instalacións ou bens reflectidos no artigo seguinte.

1. A contía do prezo público regulado nesta ordenanza será fixada nas tarifas contidas no apartado seguinte, para cada un dos distintos servizos ou actividades.

2. As tarifas deste prezo público serán as que figuran nos seguintes epígrafes:

As cuotas indicadas son mensuais e corresponden a unha frecuencia dunha sesión semanal. As actividades de frecuencia superior terán o custe proporcional ao número de sesións semanais de impartición da actividade.

*As tarifas propostas corresponden a usuarios abonados. Aquelas persoas que non ostenten a condición de abonados e queiran alugar ou participar en cursos de pádel, deben efectuar previamente o pago da entrada ás instalacións cada vez que se acceda para recibir a clase.

O período impositivo coincidirá, nos abonados ás instalacións acuáticas municipais, co mes natural, devengándose o primeiro día do período impositivo, sendo as cotas irreducibles por dito período.

As tarifas que deban satisfacer os non abonados ás instalacións acuáticas municipais devengaranse instantaneamente no momento de acceder ás instalacións ou de formular a solicitude, se de actividades se tratara.

O período impositivo, nos cursos impartidos nas instalacións acuáticas municipais, e naqueloutros impartidos pola entidade xestora das instalacións acuáticas municipais, coincidirá co período de desenvolvemento do curso, devengándose o primeiro día do período impositivo, sendo as cotas irreducibles por dito período.

1. Mensualmente, polos servizos encargados da xestión das instalacións acuáticas municipais, elaborarase un padrón municipal de abonados para o cobro mensual das correspondentes cotas tributarias. O impago das mesmas ocasionará a imposibilidade de acceso as instalacións acuáticas. Acumulados tres recibos pendentes de cobro, o abonado causará baixa no Padrón, debendo, no caso de nova solicitude de aboado ás instalacións acuáticas, aboar a cota de entrada correspondente e a débeda que tivera pendente.

2. O resto de servizos, pola súa propia natureza, poderanse xestionar polo sistema de tique ou entradas previas que se soliciten na taquilla correspondente.

3. A non asistencia ás actividades contempladas nesta ordenanza non xerará, á persoa obrigada ao pagamento, dereito de devolución dos prezos abonados, agás que se produza algunha das seguintes situacións:

a) Que a actividade, obradoiro, curso ou campamento, tivera alteracións na súa organización, por causas imputábeis á Administración.

b) Que a actividade, obradoiro, curso ou campamento non chegara a desenvolverse por causas imputables a esta Administración.

En todo o relativo á cualificación de infraccións tributarias, así como das sancións que ás mesmas correspondan, estarase ao disposto nos artigos 183 e seguintes da Lei 58/2003, de 17 de decembro, xeral tributaria.

A presente Ordenanza consta de seis artigos e unha disposición final.

A presente ordenanza foi aprobada polo Concello Pleno en sesión celebrada o dia 29 de febreiro de 2024. Entrará en vigor unha vez que se publique o seu texto íntegro no Boletín Oficial da Provincia e transcurra o plazo disposto no artigo 65.2 da Lei 7/1985, de 2 de abril, Reguladora das Bases do Réxime Local, permanecendo en vigor ata a súa modificación ou derogación expresa.