Curtis - ORDENANZA FISCAL REGULADORA DA TAXA POR UTILIZACIÓNS PRIVATIVAS E APROVEITAMENTOS ESPECIAIS DE DOMINIO PÚBLICO LOCAL
ARTIGO 1.-FUNDAMENTOS E NATUREZA
No uso das facultades concedidas polos artigos 133.2 e 142 da Constitución, artigo 106 da Lei 7/85, do 2 de abril, reguladora das bases do réxime local, e do artigo 15.1 do Texto Refundido da Lei reguladora das facendas locais, aprobado por Real Decreto Lexislativo 2/2004, de 5 de marzo, o concello de Curtis establece a taxa por utilizacións privativas e aproveitamentos especias do dominio público local.
ARTIGO 2.-FEITO IMPOÑIBLE
Constitúe o feito impoñible deste tributo a utilización privativa ou aproveitamento especial do subsolo, solo e voo en terreos de dominio público municipais con algún dos elementos ós que se refire o artigo 5
ARTIGO 3.-SUXEITO PASIVO
Son suxeitos pasivos das taxas, en concepto de contribuíntes, as persoas físicas e xurídicas, así como as entidades ás que se refire o artigo 35.4 da Lei 58/2003, de 17 de decembro, Xeral Tributaria, que disfruten, utilicen ou aproveiten especialmente o dominio público local en beneficio particular
ARTIGO 4.-EXENCIÓNS
O Estado, as comunidades autónomas e as entidades locais non estarán obrigados ó pago das taxas por utilización privativa ou aproveitamento especial do dominio público polos aproveitamentos inherentes aos servizos públicos de comunicacións que exploten directamente e por todos os que inmediatamente interesen á seguridade cidadán ou a defensa nacional
ARTIGO 5.-COTA TRIBUTARIA
As cotas tributarias a satisfacer polas taxas que se regulan na presente ordenanza serán as que resulte de aplicar as tarifas e cantidades seguintes:
1. Apertura de gabias, calicatas e calas en terreos de uso público local, inclusive estradas, camiños e demais vías públicas locais, para a instalación e reparación de canos, conducións e outras instalacións, así como calquera remoción de pavimento ou beirarrúas na vía pública: 1,60 euros/m2 por semana ou fracción.
2. Ocupación de terreos de uso público local con mercadorías, materiais de construción, entullos, valos, puntais, asnillas, estadas e outras instalacións análogas: 1,07 euro/m2 por mes ou fracción ata 10.000 m2 de ocupación. A partir de 1.000 m2 liquidarase 0,22 euros/m2 por mes ou fracción
3. Instalación de anuncios no pavillón polideportivo: 53,30 euros/ m2 po ano ou fracción.
Banderolas e carteis publicitarios: 1,07 euro por unidade e día.
4. Grúa utilizada na construción, se o seu brazo ou pluma ocupa voo da vía pública: 38,38 euros/ mes ou fracción.
Se calquera dos seus elementos ten apoio na vía pública: 76,75 euros/ mes ou fracción.¿
ARTIGO 6.-NORMAS DE XESTIÓN
1. No momento de presentación de solicitudes de licenzas para utilización privativa e aproveitamentos do dominio público os suxeitos pasivos ingresarán polo procedemento de autoliquidación o importe das taxas resultante da aplicación do artigo 5.
2. Non obstante o previsto no apartado anterior, se unha vez verificada a autoliquidación resultara incorrecta, practicarase a liquidación complementaria.
3. Se o tempo solicitado non resultase suficiente, deberán formular, con anterioridade ao seu vencemento, solicitude de continuación co aproveitamento e autoliquidación complementaria.
4. Non poderá disfrutarse dun aproveitamento da vía pública ata que fose ingresado o importe das taxas e fose outorgada a correspondente licenza.
5. Os titulares das licenzas deberán depositar antes de retirar a licenza fianza para responder dos posibles danos que poidan ocasionarse na vía pública na contía que se determine polos servicios técnicos do concello.
6. En caso de denegarse as autorizacións, procederá a devolución dos importes ingresados.
7. Nos supostos de falta de solicitude de licenza ou presentación de autoliquidación, practicararase a correspondente liquidación, sen perxuizo do exercicio das accións pertinentes
ARTÍGO 7.-INFRACCIÓNS E SANCIÓNS
As infraccións e sancións en materia tributaria rexeranse polo disposto nos artigos 178 e seguintes da Lei 58/2003, de 17 de decembro, Xeral tributaria
DISPOSICIÓN FINAL
A presente Ordenanza fiscal entrará en vigor o día seguinte ó da súa publicación no BOP, permanecendo en vigor ata a súa modificación ou revogación expresas.