Neda - Ordenanza nº 12, reguladora da taxa pola apertura de establecementos

En uso das facultades concedidas polos artigos 133.2 e 144 da Constitución e polo artigo 106 da Lei 7/1 985, de 2 de abril, reguladora das Bases de Réxime Local, e de conformidade co disposto nos artigos 15 a 19 do R.D.lexislativo 2/2004, de 5 de marzo, polo que se aproba o texto refundido da Lei reguladora das facendas locais, este Concello establece a Taxa por Licencias de Apertura de Establecementos, a que se refire o artigo 20.4.i) do citado R.D. lexisltativo 2/2004, de 5 de marzo, polo que se aproba o texto refundido da Lei de facendas locais, que se rexerá pola presente ordenanza fiscal, atendendo as súas normas ó disposto no artigo 57 do citado R.D. Lexislativo.

1.-Constitúe o feito impoñible da taxa a actividade municipal, tanto técnica como administrativa, tendente a verificar se os establecementos industriais e mercantís reúnen as condicións de tranquilidade, sanidade e salubridade, e calquera outra esixida polas correspondentes ordenanzas e regulamentos municipais e xerais para o seu normal funcionamento.

2.-Para tales efectos considerarase apertura:

A) A instalación por primeira vez do establecemento para dar comezo ás súas actividades.

B) A variación ou ampliación da actividade desenvolvida no establecemento, aínda que continúe o mesmo titular.

C) A ampliación do establecemento e calquera alteración que se leve a cabo neste e que afecte ás condicións sinaladas no número 1 deste artigo, esixindo nova verificación destas.

D) O cambio de razón social permanecendo invariable a actividade.

E) Os traslados de locais.

F) Os traspasos, transmisións, cesións, cambios de forma societaria, unións e fusións de empresas e cambios de denominación social.

3.-Entenderase por establecemento industrial ou mercantil toda edificación habitable, aberta ou non ó público, que non se destine exclusivamente a vivenda e que:

a) Se dedique ó exercicio dalgunha actividade empresarial fabril, artesá, da construcción, comercial e de servicios que estea suxeita ó imposto sobre actividades económicas.

b) Complemente as actividades anteriores aínda que non se dedique ó seu exercicio, ou teña relación con estas de forma que lle proporcionen beneficios ou aproveitamento, como no caso de delegacións ou sucursais de entidades xurídicas, oficinas, despachos ou estudios.

1.-Responderán solidariamente das obrigas tributarias do suxeito pasivo as persoas físicas e xurídicas a que se refiren os artigos 38.1 e 39 da Lei xeral tributaria.

2.-Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral; nos supostos e co alcance que sinala o artigo 40 da Lei xeral tributaria.

1.-A cota tributaría se determinará de acordo coa seguinte tarifa:

A) Verificación do cumprimento dos requisitos establecidos na lexislación sectorial cando se trate de actividades non suxeitas a autorización ou control previo relativo a actividades de tramitación ordinaria: 200,00 euros.

B) Verificación do cumprimento dos requisitos establecidos na lexislación sectorial cando se trate de actividades non suxeitas a autorización ou control previo relativo a actividades de tramitación especial: 300,00 euros.

A contía fixa establecida nos parágrafos A) e B) anteriores, segundo o tipo de actividade, será incrementada por un coeficiente segundo o número de metros cadrados do local onde se desenvolva a actividade:

Coeficiente

Ata 50 metros cadrados: 1.

De 51 metros cadrados a 100 metros cadrados: 1,2.

De 101 metros cadrados a 250 metros cadrados: 1,4.

De 251 metros cadrados a 500 metros cadrados: 1,6.

De 501 metros cadrados a 1000 metros cadrados: 1,8.

Máis de 1.000 metros cadrados: 2.

C) Cambios de titularidade ou calquera outro suposto de tramitación equivalente que non requira informes técnicos: 90,00 euros.

1.-A taxa devéngase e nace a obrigación de contribuír ao se iniciar a actividade municipal que constitúe o feito imponible. Para estes efectos, entenderase iniciada a dita actividade na data de presentación da comunicación previa ou da solicitude de licencia de apertura.

2.-De se facer a apertura mediante comunicación previa sen licencia previa, a taxa devengarase ao se iniciar a actividade municipal para determinar se o establecemento reúne ou non as condicións esixibles, con independencia da iniciación do procedemento administrativo que se instrúa para autorizar a apertura ou resolver o fechamento do local.

3.-En caso de desestimento formulado polo solicitante con anterioridade á concesión da licencia, as cotas a liquidar serán o 20 por cento das indicadas no artigo 51, sempre que a actividade municipal se iniciase efectivamente.

Artigo 8.º .-Normas de xestión.

1.-As persoas interesadas na apertura de establecemento industrial ou mercantil presentarán previamente a comunicación previa no Rexistro Xeral, especificando a actividade ou actividades que pretenda desenvolver no local, acompañando os documentos esixidos para cada clase de actividade polas disposicións vixentes.

2.-Se despois de efectuada a comunicación previa ou a solicitude de licencia de apertura se varía ou amplía a actividade do local, se alteran as condicións proxectadas ou se amplía o local, estas modificacións deberán comunicarse á Administración Municipal, coas mesmas características do número anterior.

3.-Unha vez comunicada o inicio da actividade, en actividades inocuas, ou adoptado o acordo de autorización, en actividades clasificadas, practicarase a liquidación provisional e os suxeitos pasivos estarán obrigados a realizar o ingreso da liquidación resultante nas oficinas da Tesourería municipal ou nas entidades bancarias debidamente autorizadas, utilizando os medios de pago e os prazos que indica o Regulamento xeral de recadación.

1.-As persoas interesadas na obtención dunha licencia de apertura de establecemento industrial ou mercantil presentarán previamente a solicitude no Rexistro Xeral, especificando a actividade ou actividades que pretenda desenvolver no local, acompañando proxecto ou documentos esixidos para cada clase de actividade polas disposicións vixentes.

2.-Se despois de efectuada a solicitude de licencia de apertura se varía ou amplía a actividade do local, se alteran as condicións proxectadas ou se amplía o local, estas modificacións deberán comunicarse á Administración municipal, coas mesmas características do número anterior.

3.-Unha vez concedida a licencia, en actividades inocuas, ou adoptado o acordo de autorización, en actividades clasificadas, practicarase a liquidación provisional e os suxeitos pasivos estarán obrigados a realiza-lo ingreso da liquidación resultante nas oficinas da Tesourería municipal ou nas entidades bancarias debidamente autorizadas, utilizando os medios de pagamento e os prazos que indica o Regulamento xeral de recadación.