En uso das facultades conferidas pola Constitución e polo art. 106 da Lei 7/85 de 2 de abril reguladora de Bases do Réxime Local, e de conformidade co disposto nos artigos 15 a 19 da Lei 39/88 reguladora das Facendas Locais, este Concello establece a "taxa pola expedición de documentos administrativos" que se rexerá pola presente ordenanza fiscal, atendendo ó prevido no art. 58 da Lei 39/88.

Artigo 2.º .-Feito imponible.

1.-Constitúe o feito imponible desta taxa a actividade administrativa desenvolvida con motivo da tramitación, a instancia de parte, de toda clase de documentos que expida e de expedientes que entenda ou coñeza a Administración municipal.

2.-Para estes efectos, entenderase tramitada a instancia de parte calquera documentación administrativa que fose provocada polo particular ou redunde no seu beneficio, aínda que non mediase solicitude expresa do interesado.

3.-Non están suxeitos a esta taxa os documentos ou certificacións que expida a Administración municipal en virtude de oficio de xulgados ou tribunais para toda clase de preitos.

Artigo 3.º .-Suxeito pasivo.

Son suxeitos pasivos contribuíntes as persoas físicas e xurídicas e as entidades ás que se refire o art. 33 da Lei Xeral Tributaria que soliciten ou provoquen a tramitación do documento ou expediente de que se trate.

Artigo 4.º .-Responsables.

Serán aplicables as normas de responsabilidade solidaria e subsidiaria establecidas nos artigos 37 e seguintes da Lei Xeral Tributaria.

Artigo 5.º .-Exencións.

Non se recoñece beneficio ou exención algunha, agás aquelas que veñan recollidas en normas con rango de lei ou as que resulten da aplicación dos tratados internacionais ratificados polo Estado.

Artigo 6.º .-Cota tributaria.

1.-A cota tributaria determinarase por unha cantidade fixa sinalada segundo a natureza dos documentos ou expedientes a tramitar, de acordo coa tarifa que contén o artigo seguinte.

Artigo 7.º .-Tarifa.

1.-A taxa esixirase aplicando as seguintes cotas tributarias:

Por dilixencias (compulsas) de documentos, por folla: 200 pesetas.

Por cada fotocopia, por folla: 10 pesetas.

Certificacións de documentos acordos municipais: 1.000 pesetas.

Informe segregación de terreos: 5.000 pesetas.

Por bastanteo de poderes que poidan producir efectos nas oficinas municipais: 500 pesetas.

Por cada contrato administrativo, que se suscriba de bens, obras ou servicios: 0,3% mín. 1000 e máx.: 25.000 pesetas.

Por actas de recepción de obras, cada unha: 1.000 pesetas.

Por obtención de cualificación urbanística: 3.000 pesetas.

Certificados sobre o estado dos edificios: 5.000 pesetas.

Certificacións de aliñacións ou de servicios urbanísticos existentes: 3.000 pesetas.

Outras certificacións urbanísticas: 3.000 pesetas.

Por solicitudes, de interese particular, e que a súa resolución esixa desprazamentos fóra da Casa Consistorial: 5.000 pesetas.

Por expediente ou documento non expresamente tarifado: 500 pesetas.

Artigo 8.º .-Criterios xenéricos de capacidade económica.

As cotas indicadas no parágrafo anterior aplicaráselles unha reducción do 90% no caso de que os contribuíntes persoas físicas teñan escasez de recursos económicos, sempre que así o acredite un informe da Asistente Social do Concello e previa solicitude do interesado.

Artigo 9.º .-Retribución.

1.-Devéngase a taxa e nace a obriga de contribuír cando se presente a solicitude que inicia a tramitación dos documentos e expedientes suxeitos ó tributo.

2.-Nos casos ós que se refire o número 2 do artigo 2.º , a retribución prodúcese cando teñan lugar as circunstancias que provean a actuación municipal de oficio ou cando esta comece sen a previa solicitude do interesado, pero redunde no seu beneficio.

3.-Non se retribuirá esta taxa cando a actividade administrativa estea suxeita a calquera outra taxa esixida por este Concello.

Artigo 10.º .-Liquidación e ingreso.

A taxa liquidarase polo funcionario que reciba a solicitude no momento de rexistra-la entrada da mesma e esixirase o pagamento nese mesmo intre. En todo caso, o pagamento será condición previa para poder retira-lo documento ou certificación solicitada.

Artigo 11.º .-Infraccións e sancións.

Para todo o relativo á cualificación de infraccións tributarias e ás correspondentes sancións, rexerá o disposto nos arts. 77 e seguintes da Lei Xeral Tributaria.

Disposición adicional.

As cotas tributarias fixadas no artigo 7 desta ordenanza modificaranse anualmente de acordo coa variación do índice de prezos ó consumo que sinale o Instituto Nacional de Estatística. O resultado da aplicación deste índice redondearase sempre por exceso ou por defecto á centena superior ou inferior.

Disposición final.

A presente ordenanza, unha vez aprobada polo Pleno da corporación, entrará en vigor o mesmo día da súa publicación no Boletín Oficial da Provincia.