En uso das facultades concedidas polos artigos 133.2 e 142 da Constitución e polo artigo 106 da Lei 7/85, de 2 de abril, reguladora das Bases de Réxime Local, e de conformidade co disposto nos art. 15 a 19 da Lei 39/88, de 28 de Decembro, Reguladora das Facendas Locais, este Concello establece a "taxa por instalación de postos, barracas, casetas de venda, espectáculos, atraccións ou recreo, situados en terreos de uso público local así como industrias na rúa e ambulantes", que se rexerá pola presente Ordenanza Fiscal, onde as súas normas atenden ó prevido no art. 58 da Lei 39/88 en relación co disposto nos artigos 20 a 27, na nova redacción dada pola Lei 25/98, de 13 de xullo, de modificación do Réxime Legal das Taxas Estatais e Locais e de Reordenación das Prestacións Patrimoniais de Carácter Público.

Artigo 2º .- Feito impoñible.

De acordo co previsto nos artigos 58 e 20.1 e 3.n) da Lei 39/88, de 28 de decembro, Lei Reguladora das Facendas Locais, constitúe o feito impoñible da taxa a utilización privativa ou o aproveitamento especial da vía pública municipal con postos, barracas, casetas de venda, espectáculos, atraccións ou recreo, industrias da rúa e ambulante.

Artigo 3º .- Suxeito pasivo.

Serán suxeitos pasivos da taxa, en concepto de contribuínte, as persoas físicas e xurídicas, e as Entidades a que se refire o artigo 33 da Lei Xeral Tributaria, a favor das cales se outorguen as licencias ou autorizacións ou quen se beneficie do aproveitamento se se procedera sen a oportuna autorización.

Artigo 4º .- Exencións e bonificacións.

Non se concederán exencións nin bonificacións, salvo as que se prevexan mediante Lei.

Artigo 5º .- Base impoñible.

Constitúe a base impoñible desta exacción a lonxitude en metros lineais do posto, barraca, caseta de venda, espectáculos, industrias da rúa e ambulantes e a lonxitude en metros cadrados no caso de tómbolas, atraccións e asimilados.

Artigo 6º .- Cota tributaria.

A cota tributaria será a resultante de aplica-las seguintes tarifas:

EPÍGRAFE 1º : Expedición de Licencia

1.1.) Expedición de licencia: (euros/ano): 20,96

EPÍGRAFE 2º : Venda Ambulante

2.1) Actividades do ramo de alimentación: (euros/m.l. e día): 1,58

2.2.) Actividades de calzado e confección: euros/m.l. e día: 1,75

2.3.) Actividades restantes: euros/m.l. e día: 1,64

EPÍGRAFE 3º : Espectáculos e atraccións

3.1.) Circos (euros/día): 20,96

3.2.) Tómbolas, atraccións e asimilados (euros/m2/día): 1,05

3.3). Outros espectáculos: (euros/día): 34,91

Artigo 7.- Período impositivo e retribución.

No caso da expedición da licencia o período impositivo comprenderá o ano natural. Nos restantes casos o período impositivo abranguerá os días da efectiva ocupación da vía pública. A taxa devengarase cando se optén a correspondente licencia municipal que autoriza o uso privativo ou o aproveitamento especial, ou dende que se realice, si non se tramitou a preceptiva licencia.

Artigo 8º .-Réxime de xestión, declaración e ingreso.

1.- As cantidades esixibles conforme as tarifas liquidaranse por cada aproveitamento solicitado ou realizado e serán irreductibles.

2.- A taxa xestionase en réxime de declaración, debendo, as persoas ou entidades interesadas na concesión dos aproveitamentos regulados nesta ordenanza, solicitar previamente a correspondente licencia e formular declaración na que conste a seguinte información:

Extensión do aproveitamento

Elementos a instalar.

Plano detallado da súa situación no termo municipal.

3.- Non se consentirá ningunha ocupación da vía pública ata que os interesados obteñan e abonen a licencia municipal correspondente.

4.- As autorizacións terán carácter persoal e non poderán ser cedidas nin subarrendadas a terceiros. O incumprimento deste mandato dará lugar á revogación da licencia, sen prexuízo das contías que corresponda aboar polos interesados.

5.- O pago xestionaras da seguinte maneira:

A) Caso de vendedores ambulantes.

A expedición da licencia conterá a contía da liquidación diaria, segundo declaración de extensión do aproveitamento, a efectos de notificación de alta.

Os vendedores autorizados serán incorporados a un padrón ou matrícula, de carácter trimestral, debendo aboarse as liquidacións trimestrais, polo número de días de mercado ambulante do trimestre, durante o primeiro mes do trimestre natural.

As liquidacións notificaranse de forma colectiva, mediante anuncio no Boletín Oficial da Provincia.

B) Caso dos demais aproveitamentos.

O pago realizarase por ingreso directo na Tesourería Municipal, unha vez notificada a correspondente liquidación e sempre con carácter previo á realización do aproveitamento.

6.- Cando a utilización privativa ou o aproveitamento especial regulado nesta Ordenanza leve aparellada a destrucción ou deterioro do pavimento ou instalacións da vía pública, o beneficiario, sen prexuízo do pago da taxa á que houbera lugar, estará obrigado ó reintegro do custo total dos respectivos gastos de reconstrucción ou reparación e o depósito previo do seu importe.

Se os danos foran irreparables o Concello será indemnizador en contía igual ó valor dos bens destruídos ou o importe do deterioro dos danados.

Baixo ningún concepto se poderá condonar total nin parcialmente as indemnizacións e reintegros a que se refire o presente apartado.
7.- Unha vez concedida ou renovada a licencia establecida no epígrafe 1º do artigo 5, os suxeitos pasivos serán incorporados a un Padron Fiscal, e a obriga de contribuir non cesará mentras os interesados non tramiten a súa baixa ante a Administración. As baixas surtirán efecto no trimestre seguinte a aquel no que se solicite, unha vez comprobado polo persoal autorizado. O cobro realizarase de forma trimestral e a notificación será colectiva mediante anuncios no BOP.

Disposición final

... A presente ordenanza foi modificada polo Pleno da Corporación en sesión celebrada o día 11 de novembro de 2003, publicada no BOP n.º ..., de data ..., e será de aplicación a partir do 1.1.2004, permanecendo en vigor ata a súa modificación ou derrogación expresa.