No uso das facultades concedidas polos artigos 133.2 e 142 da Constitución, polo artigo 106 da Lei 7/85, do 2 de abril, reguladora das Bases do Réxime Local, e os artigos 20 e 58 da Lei 39/88, do 28 de decembro, e de conformidade co disposto nos artigos 15 a 19 da Lei 39/88, do 28 de decembro, acorda a imposición e ordenación da taxa pola ocupación de terreos de uso público municipal con mercadorías, materias de construcción, refugallos, valados, puntais, asnelos, andamios e outras instalacións análogas.

Artigo 2.-Feito imponible.

Constitúe o feito imponible da taxa a utilización ou aproveitamento especial do dominio público municipal polos conceptos que se sinalan no título da taxa e outros análogos como guindastres para a construcción.

Artigo 3.-Suxeitos pasivos.

Serán suxeitos pasivos desta taxa as persoas físicas ou xurídicas e as entidades ás que se refire o artigo 33 da Lei Xeral Tributaria que gocen, utilicen ou aproveiten especialmente o dominio público local en beneficio particular, consonte algún dos supostos citados no artigo segundo.

Artigo 4.-Responsables.

- Serán responsables solidarios das obrigas tributarias dos suxeitos pasivos as persoas físicas ou xurídicas ás que se refiren os artigos 38.1 e 39 da Lei Xeral Tributaria.

- Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Artigo 5.-Cota tributaria.

A cota desta taxa será a que figura no anexo desta ordenanza.

Artigo 6.-Beneficios fiscais.

Só se admitirán os beneficios que veñan establecidos nas normas con rango de lei ou deriven de tratados ou acordos internacionais.

Artigo 7.-Percepción.

Percíbese a taxa e nace a obriga de contribuír:

- Nos servicios de retribución puntual, no momento de presenta-la solicitude de concesión ou autorización do aproveitamento.

- Nos servicios de retribución periódica, percibirase a taxa o día primeiro de cada ano natural.

Artigo 8.-Liquidación.

- Cando se trate de servicios puntuais, liquidarase e esixirase a taxa correspondente en calidade de depósito previo, en todo caso antes de iniciarse o expediente de concesión ou autorización do aproveitamento solicitado.

- Cando se trate de servicios de retribución periódica, liquidarase a taxa nos períodos que se sinalen na tarifa da taxa ou co padrón anual de exaccións municipais.

- Se se realiza o aproveitamento ou utilización do dominio público municipal sen mediar concesión ou autorización, liquidarase e notificarase a débeda, esixindo o ingreso nos prazos previstos no Regulamento Xeral de Recadación para a liquidación de contraído previo, sen prexuízo de abri-lo oportuno expediente sancionador por infracción tributaria.

Artigo 9.-Ingreso.

O pagamento desta taxa realizarse:

- Nas liquidacións de contraído previo, na Tesourería municipal ou nas entidades de depósito que na notificación se sinalen. En todo caso, o ingreso será anterior ó inicio do expediente de concesión ou autorización do aproveitamento interesado.

- Nas liquidacións por recibo ou patrón, nas datas e entidades de depósito ou oficinas que se sinalen no edicto de exposición pública do padrón.

Artigo 10.-Infraccións e sancións.

Nesta materia estarase ó disposto na Lei Xeral Tributaria e normativa e desenvolvemento.

Artigo 11.-Normas de xestión.

- As persoas ou entidades interesadas na concesión ou autorización para realiza-los aproveitamentos sobre o dominio público municipal a que fai referencia esta taxa deberán presentar unha solicitude achegándolle o plano, o detalle da superficie do aproveitamento e da súa situación dentro do término municipal. Antes da autorización ou concesión do aproveitamento, a persoa ou entidades interesadas no aproveitamento aboarán o importe da taxa en calidade de depósito previo.

- No caso de denegarse as autorizacións, os interesados poderán solicita-la devolución da taxa ingresada en calidade de depósito previo.

- Unha vez autorizada ou concedida a licencia de aproveitamento, entenderase prorrogada mentres non presente a declaración de baixa o interesado.

- Cando remate o aproveitamento, os suxeitos pasivos formularán as declaracións de baixa no censo ou padrón da taxa e producirá efectos no período natural seguinte ó de presentación da mesa, podendo, no seu caso, prorratearse por meses.

Disposición final.

A presente ordenanza fiscal, cunha redacción definitiva aprobada polo Pleno da corporación na sesión que tivo lugar na data que se expresa no anexo a esta ordenanza, entrará en vigor o día 1 de xaneiro de 1999.

ANEXO

Primeiro.- Tarifa: a estrutura e contía desta taxa será a seguinte:

1. Ocupación da vía pública con entullos, terras, areas, materiais de construción, leña e calquera outro material, por metro cadrado ou fracción ao mes:

- En solo urbano: 1,23 €.

- Resto (solo rústico): 0 €.

2. Ocupación da vía pública con valados, cabaletes ou calquera outra instalación especializada, por metro cadrado ou fracción ao mes, calquera que sexa a súa categoría:

a) Até seis meses: 1,23 €.

b) De seis meses a un ano: 5,59 €.

c) A partir dun ano deberá solicitarse a renovación do permiso ou licenza.

3. Ocupación da vía pública con puntais, vigas e outros elementos de apeo, por cada elemento e mes: as mesmas que as do apartado anterior.

4. Ocupación ou reserva especial da vía pública ou terreos de uso público que fagan os industriais con materias ou produtos da industria ou comercio a que dediquen a súa actividade, así como a ocupación con guindastres:

a) Até 6 m² de ocupación: 31,98 €.

b) De 6 a 10 m² de ocupación: 47,41 €.

c) De máis de 10 m²: 62,85 €

Segundo .- Data de aprobación: en sesión plenaria de 2 de novembro de 1998, modificacións:

(BOP nº 298, do 30/12/1998)

(BOP nº 267 do 20 de novembro de 2003)

(BOP nº 299 do 31 de decembro de 2003)

(BOP nº 267 19/11/2004 e BOP nº 300, 31/12/2004)

(BOP nº 298, do 30/12/2005)

(BOP nº 293, do 23/12/2006)

(BOP nº 300, do 31/12/2007)

(BOP nº 298, 29/12/2008)