Vilasantar - Ordenanza fiscal núm. 12, reguladora da taxa polo subministro de auga

De acordo co previsto no artigo 20 da Lei 39/1988, do 28 de decembro, reguladora das facendas locais, na nova redacción dada polo artigo 66 da Lei 25/1998, do 31 de xullo, este Concello establece a taxa polo subministro municipal de auga, que se rexerá pola presente ordenanza.

Están obrigados ao pagamento do servicio público regulamentado nesta ordenanza os que se beneficien do servicio municipal de subministro de auga, dende o momento en que se inicie a prestación do servicio.

1. Son suxeitos pasivos contribuíntes as persoas fisicas ou xurídicas e as entidades ocupantes ou usuarios das fincas do termo municipal beneficiarias do servizo de subministro de auga, calquera que sexa o seu título: propietarios, usufructuarios, habitacionistas ou arrendatarios, incluso en precario.

2. En todo caso, terá a consideración de suxeito pasivo substituto do ocupante ou usuario das vivendas ou locais o propietario destes inmobles, quen poderán repercutir, no seu caso, as cotas satisfeitas sobre os respectivos beneficiarios do servicio.

1. Responderán solidariamente das obrigacións tributarias do suxeito pasivo as persoas físicas e xurídicas a que se refiren os artigos 38.1 e 39 da Lei Xeral Tributaria.

2. Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Mínimo ata 20 m3 bimestre: 2,52 €

>20<30 m3 bimestre: 0,55 €/m3

>30<40 m3 bimestre: 0,65 €/m3

>40<50 m3 bimestre: 0,77 €/m3

>50<100 m3 bimestre: 1,08 €/m3

>100 m3 bimestre: 1,63 €/m3

Conservación contador: 0,40 €

Conservación acometida: 1,00 €

A obriga de pago desta taxa nace desde o momento en que se inicia a prestación do servizo.

A taxa liquidarase bimestralmente salvo que por causa xustificada a xunta de goberno local decida variar os períodos de liquidación; a decisión será publicada no taboleiro de editos do Concello e nos puntos empregados habitualmente polo Concello en todas as parroquias.

O non pago do recibo significa a renuncia ao servicio. En calquera caso as débedas derivadas da taxa poderán esixirse polo procedemento administrativo de constrinximento, conforme ao Regulamento Xeral de Recadación

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 77 e seguintes da Lei Xeral Tributaria.

A presente ordenanza entrará en vigor e comezará a aplicarse ó día seguinte da súa publicación no Boletín Oficial da Provincia, permanecendo vixente ata que se acorde a súa modificación ou derrogación expresa.