Arteixo - Ordenanza fiscal reguladora da taxa pola ocupación da vía pública con postos para a feira semanal no concello de Arteixo

En uso das facultades concedidas polos artigos 133.2 e 141 da Constitución e polo artigo 106 da Lei 7/85, reguladora das Bases de Réxime Local, e de conformidade co disposto nos artigos 15 a 19 da Lei 39/88, do 28 de decembro, reguladora das Facendas Locais, este Concello establece a taxa pola ocupación da vía pública con postos para a feira semanal no concello de arteixo, que se rexerá pola presente ordenanza fiscal, atendendo súas normas ó disposto no artigo 38 da citada Lei 39/88.

Constitúe o feito imponible da presente taxa a ocupación da vía pública con postos e barracas con motivo da celebración da Feira semanal no Concello de Arteixo.

1. Responderán solidariamente das obrigas tributarias do suxeito pasivo toda-las persoas que sexan causantes ou colaboren na realización dunha infracción tributaria, así como os coparticipes ou cotitulares das Entidades recollidas no artigo 33 da Lei Xeral Tributaria, que responderán solidariamente en proporción ás súas respectivas participacións das obrigas tributarias da entidade.

2. Serán responsables subsidiarios ós administradores das sociedades e os síndicos, interventores ou liquidadores de crebas, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Tomarase como base para determina-la cota tributaria da presente taxa, a superficie da ocupación expresada en metros lineais.

O período impositivo coincidirá, para os postos con autorización, co ano natural. A taxa devengarase o primeiro día do período impositivo. Cando se trate de novas autorizacións, o período impositivo coincidirá co primeiro día do trimestre natural no que se conceda a autorización.

O período impositivo coincidirá, para os postos sen autorización, coa semana natural, devengándose o dia da feira municipal, sendo as cotas irredutíbeis polo período impositivo.

1. As licencias serán de carácter anual e renovables automaticamente, agás nos casos de extinción das mesmas ou de petición formulada polo interesado sobre tal extremo, que en todo caso deberá ser realizada cun mes de antelación.

2. As condicións dos titulares das licencias e a transmisión destas regularase segundo o disposto no Regulamento da Feira.

3. Coas solicitudes de licencia achegarase a documentación esixida no Regulamento da Feira , quen , logo do seu exame, resolverá, notificando á mesma ó peticionario da mesma. A denegación das licencias deberá ser sempre motivada.

4. Tódalas licencias concedidas serán consignadas nun Padrón que será elaborado anualmente. Para a determinación dos períodos de cobro, dito Padrón anual fraccionarase en dúas cotas semestrais.

Para os postos con licenza, esta entenderase prorrogada automaticamente, até que a baixa sexa solicitada polo interesado ou ben sexa declarada a súa caducidade.

As baixas producirán efectos a partir do trimestre seguinte a aquel en que se solicite, que de non solicitarse seguirá devengando a taxa.

Para os postos sen licenza o pago farase semanalmente o día da feira, no momento de ocupación do dominio público local.

5. A efecto do pagamento desta taxa, polo Concello pleno nomearase a un ou varios cobradores habilitados, que efectuaran o cobramento segundo recibos ou "tickets" confeccionados ó efecto, debendo os mesmos rendi-las contas ó tesoureiro municipal no seguinte día hábil posterior á celebración da feira.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 77 e seguintes da Lei Xeral Tributaria.