Ordes - ORDENANZA FISCAL Nº 7. -REGULADORA DA TAXA POR OCUPACIÓN DE TERREOS DE USO PÚBLICO LOCAL CON MESAS, CADEIRAS, TRIBUNAS E TABOADOS CON FINALIDADE LUCRATIVA.

En uso das facultades concedidas polos artigos 133.2 e 141 da Constitución e polo artigo 106 da Lei 7/85, do 2 de abril, reguladoras das bases do réxime local, e de conformidade co disposto nos artigos 15 a 19 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, este Concello establece a taxa por ocupación de terreos de uso público local con mesas, cadeiras, tribunas e outros elementos análogos, con finalidade lucrativa, que se rexerá pola presente ordenanza fiscal, atendendo as súas normas ao disposto no artigo 57 do citado Real decreto.

Constitúe o feito impoñible desta taxa o aproveitamento especial do dominio público local consistente na ocupación temporal de terreos de uso público con mesas, cadeiras, tribunas, taboados e outros elementos análogos, coa finalidade lucrativa.

Non terá tal consideración e, polo tanto, non estará gravada coa presente taxa a colocación dunha mesa, tonel ou artefacto coa finalidade de colocar unha papeleira e cinceiro, sempre e cando non exceda a ocupación dun metro cadrado.

Son suxeitos pasivos desta taxa, en concepto de contribuíntes, as persoas físicas e xurídicas, así como as entidades as que se refire ó artigo 35.4 da Lei 58/2003, do 17 de decembro, xeral tributaria, que se beneficien do aproveitamento que constitúe o feito impoñible.

1.-Responderán solidariamente das débedas tributarias as persoas ou entidades ás que se refire o artigo 41 e 42 da Lei 58/2003, do 17 de decembro, xeral tributaria.

2.-Serán responsables subsidiarios as persoas ou entidades ás que se refire o artigo 43 da Lei 58/2003, do 17 de decembro, xeral tributaria.

A base impoñible estará constituída polo número de metros cadrados de superficie de dominio público ocupado pola mesas, cadeiras, tribunas e taboados.

A cota tributaria será a que resulte da aplicación da seguinte tarifa:

a) Aproveitamentos mensuais:

As ditas tarifas serán por meses completos, non sendo en caso ningún rateables por períodos inferiores ao mes.

b) Mesas e cadeiras a maiores durante celebracións especiais (festas patronais, Expo Ordes, etc.):

Cunha tarifa mínima resultante de aplicar o valor/m² por un mínimo de 2,25 m².

En caso de que a ocupación ou aproveitamento se iniciase sen a preceptiva licenza municipal aplicarase, en todo caso, a tarifa anual a toda a superficie ocupada, fora cal fora o período efectivo de ocupación, sen prexuízo das sancións que houbese lugar.

 ANEXO A ESTA ORDENANZA INDÍCANSE AS CATEGORÍAS A APLICAR, EN FUNCIÓN DA SITUACIÓN

Devéngase a taxa, e nace a obriga de contribuír:

a) Coa presentación da solicitude de ocupación o aproveitamento, que non se tramitará sen que se efectuase o pago correspondente.

b) Dende o momento no que a ocupación ou aproveitamento se iniciase, se este tivese lugar sen a preceptiva licenza municipal.

c) Tratándose de aproveitamentos xa autorizados e prorrogados, devengarase periodicamente o día 1 de xaneiro de cada ano.

O período impositivo coincidirá co período para o cal se solicite a autorización, o cal terá lugar, en todo caso, por meses completos, salvo no caso de utilizacións diarias durante a celebración de celebracións especiais.

Este Concello poderá establecer convenios de colaboración con entidades, institucións e organizacións representativas dos suxeitos pasivos da taxa, co fin de simplificar o cumprimento das obrigas formais e materiais, derivadas de aquela ou os procedementos de liquidación ou recadación.

Cando por causas non imputables ó suxeito pasivo, o aproveitamento especial non se produza, procederá a devolución do importe correspondente.

Establécense dúas modalidades:

- Autoliquidación:

Coa solicitude de autorización de aproveitamento especial do dominio público, terá que acompañarse a folla de autoliquidación, ingresada na Tesourería Municipal ou entidade colaboradora do Concello.

- Declaración:

Coa solicitude de aproveitamento especial do dominio público, presentarase declaración polos interesados, na que se reflectirá a superficie a ocupar, para a súa liquidación e pago da cota, na Tesourería Municipal ou entidade colaboradora.

Efectuarase, o pago da taxa, tratándose de concesións de novos aproveitamentos, por ingreso directo na Tesourería Municipal ou Entidade colaboradora designada polo Concello, sen xustificante do cal non poderá retirarse a licenza. No caso de que a solicitude foxe denegada, total ou parcialmente, o Concello procederá á devolución da taxa ingresada en función do aproveitamento non autorizado.

Cando o aproveitamento especial leve aparellado a destrución ou deterioro do dominio público local, o beneficiario, sen prexuízo do pago da taxa a que houbera lugar, estará obrigado o reintegro do custo total dos respectivos gastos de reconstrución ou reparación e ó depósito previo do seu importe, segundo informe dos servizos técnicos municipais, sen o cal non será outorgada a licenza.

Se os danos foran irreparables, a entidade será indemnizada en contía igual o valor dos bens destruídos ou ó importe de deterioro dos danados.

A presente ordenanza fiscal, aprobada definitivamente polo Pleno do Concello de Ordes en sesión celebrada o 31 de xaneiro de 2013, comezará a aplicarse a partir da súa publicación no BOP, permanecendo en vigor ata a súa modificación ou derrogación expresa.

Para os efectos da presente ordenanza as rúas municipais cualifícanse nas categorías seguintes:

1. Primeira categoría:

- Rúa Alfonso Senra (desde a intersección coa rúa de Galicia até a intersección coa rúa de Carnota).

- Rúa do Recreo até intersección coa rúa de Campeiras.

- Rúa Parque municipal.

- Rúa do Muíño e rúa da Feira (Campo da Feira).

- Rúa dos Lagartos até intersección coa rúa Nova.

2. Segunda categoría:

- Resto do solo urbano da Vila de Ordes e solo urbano do Mesón do Vento.

3. Terceira categoría.

- O resto do termo municipal