Betanzos - ORDENANZA FISCAL Nº 6 REGULADORA DA TAXA POLA INTERVENCIÓN MUNICIPAL NAS COMUNICACIÓNS PREVIAS E NO OUTORGAMENTO DE LICENCIAS URBANÍSTICAS

Constitúe o feito impoñible da presente taxa a actividade municipal técnica e administrativa derivada da presentación das comunicacións previas, así como a tendente a verificar se os actos de edificación e uso do chan a que se refire a lexislación urbanística de ordenación urbanística que se vaian a realizar dentro do termo municipal se axustan ás normas urbanísticas, de edificación e policía previstas na normativa citada, así como a restante de aplicación neste municipio.

1. Son suxeitos pasivos contribuíntes:

a) Os solicitantes da respectiva licenza.

b) Executantes das instalacións, construcións e obras cando se procedera sen a preceptiva licenza.

2. En todo caso, terán a condición de substitutos do contribuínte os construtores e contratistas das obras.

3. Serán responsables solidarios cos suxeitos pasivos os propietarios ou posuidores ou, no seu caso, arrendatarios dos inmobles nos que se realicen as construcións, instalacións ou obras.

A base impoñible será a mesma que para o Imposto sobre construcións, Instalacións e obras e a cota tributaria determinarase de acordo coa seguinte tarifa:

4.1. Devindícase a taxa e nace a obrigación de contribuír cando se inicie a actividade municipal que constitúe o seu feito impoñible. Para estes efectos, entenderase iniciada dita actividade na data de presentación da oportuna solicitude da licenza urbanística, se o suxeito pasivo formulase expresamente esta, ou, en caso de presentación da comunicación previa, no momento mesmo no que comece a a revisión da documentación achegada polo/a interesado/a, entendendo esta no momento en que se dea traslado da documentación ao servizo que corresponda.

4.2. Cando se iniciaran ou executaran as obras sen obter a oportuna licenza, a taxa devindicarase cando se inicie efectivamente a actividade municipal conducente a determinar se a obra en cuestión é ou non autorizable, con independencia da iniciación do expediente administrativo que poida instruírse para a autorización desas obras ou a súa demolición se non fosen autorizables.

4.3. A obrigación de contribuír, unha vez nada, non se verá afectada de ningún xeito pola denegación da licenza solicitada ou pola concesión desta condicionada á modificación do proxecto presentado, nin pola renuncia ou desistencia do solicitante unha vez concedida a licenza. Así mesmo, non resulta tampouco afectada pola ineficacia da comunicación previa que no seu caso correspondera debido a incumprimentos formais ou de requisitos substanciais esixidos pola normativa vixente, imputables ao interesado/a.

4.4. No momento de presentación de solicitudes de licenzas urbanísticas, os suxeitos pasivos ingresarán por autoliquidación o importe das taxas que correspondan segundo o disposto no artigo 3

da presente ordenanza referido a base impoñible e cota tributaria, salvo que os técnicos municipais

xestores do servizo, por motivos debidamente xustificados, autoricen a súa autoliquidación nun momento posterior da tramitación do expediente.

Bonificacíón do 20% da cota tributaria no caso de licenzas urbanísticas de obra consideradas de rehabilitación polos servizos técnicos municipais, manténdose en todo caso o mínimo indicado para calquera liquidación.

A presente ordenanza entrará en vigor ao día seguinte da súa publicación íntegra no Boletín Oficial da Provincia e permanecerá en vigor ata súa modificación ou derrogación expresa.