Narón - ORDENANZA FISCAL Nº 14 REGULADORA DA TAXA POR SERVICIOS PRESTADOS POLO PADROADO DE CULTURA

O abeiro do previsto na Lei reguladora das facendas locais este concello establece a taxa pola prestación de servicios do Padroado da cultura, que se a rexer pola presente ordenanza.

Constitúe o feito impoñible da taxa a prestación dos servizos públicos do Padroado de cultura especificados nas tarifas contidas no artio 6 da presente ordenanza.

Son suxeitos pasivos da taxa, en concepto de contribuíntes, as persoas físicas e xurídicas, así como as entidades a que se refire o artigo 35.4 da Lei xeral tributaria, que soliciten ou resulten beneficiadas ou afectadas polos servizos do Padroado de cultura que constitúan o feito impoñible da taxa.

1. Responderán solidariamente das obrigacións tributarias do suxeito pasivo tódalas persoas que sexan causantes ou colaboradores na realización dunha infracción tributaria.

2. Os copartícipes ou cotitulares das entidades xurídicas ou económicas ás que se refire o artigo 35.4 da Lei xeral tributaria, responderán solidariamente en proporción ás súas respectivas participacións das obrigacións tributarias de ditas entidades.

3. Os administradores de persoas xurídicas que non realizasen os actos da súa incumbencia para o cumprimento das obrigacións tributarias daquelas, responderán subsidiariamente das débedas seguintes:

a) Cando se cometeu unha infracción tributaria simple, do importe da sanción.

b) Cando se cometeu unha infracción tributaria grave, da totalidade da débeda esixible.

c) En supostos de cese das actividades da sociedade, do importe das obrigacións tributarias pendentes na data de cese.

4. A responsabilidade esixirase en todo caso nos termos e de acordo co procedemento previsto na Lei xeral tributaria.

Non se aplicarán exencións, bonificacións nin reducións para a determinación da débeda tributaria que os suxeitos pasivos deban satisfacer por esta taxa.

1.- A contía da taxa determinarase aplicando as tarifas seguintes:

1. A xunta rectora do Padroado municipal da cultura de Narón fixará os períodos hábiles durante os cales os alumnos poden solicitar a súa matriculación nas disciplinas e cursos dos programas que respectivamente se impartan. Os alumnos pagarán, no momento de solicitar a súa matrícula, a taxa correspondente ao número de disciplinas e cursos polos que desexen recibir ensinanza.

2. A xunta do padroado poderá acordar a subvención ata o 100 % das tarifas previstas para estas taxas cando, en atención o carácter social, cultural, benéfico ós que se refire o apartado anterior, instaranos ó presidente do Padroado de cultura acreditando suficientemente as circunstancias que xustifican a súa realización.

O acordo que se adopte deberá ser motivado e conter os informes pertinentes.

3. As persoas ou entidades interesadas na obtención dos beneficios ós que se refire o apartado anterior, instaranos ó presidente do Padroado de cultura acreditando suficientemente as circunstancias que xustifican a súa pretensión.

4. O pago da matrícula correspondente a tarifa terceira poderá ser fraccionada en dous plazos do 50% cada un deles.

5. O pago da matrícula correspondente á tarifa primeira (apartado A.1) poderá ser fraccionada en dous prazos do 50% cada un deles cando na unidade familiar se realicen 3 ou máis matrículas.

6. Terán unha bonificación dun 70% e dun 85% das tarifas 4ª e 5ª contempladas na Ordenanza reguladora da taxa por servizos prestados polo Padroado da Cultura para o uso do Auditorio e do Pazo da Cultura polas entidades sen ánimo de lucro pertencentes a Narón e que estén inscritas no seu censo, e que así o soliciten, o que será autorizado pola Presidencia deste Padroado. A bonificación dun 70% será para actos nos que se cobre entrada e a dun 85% para actos públicos e gratuítos.

A presente ordenanza entrará en vigor o día da súa publicación no Boletín oficial da provincia, permanecendo en vigor ata a súa modificación ou derrogación expresa