Pobra do Caramiñal A - ORDENANZA REGULADORA DA TAXA POR EXPEDICIÓN DE DOCUMENTOS ADMINISTRATIVOS

En uso das facultades concedidas polos artigos 133.2 e 142 da constitución e polo artigo 106 da Lei 7/85, do 2 de abril, reguladora das bases de réxime local, e de conformidade co disposto nos artigos 15 e seguintes do RDL 2/2004, de 5 de marzo, polo que se aproba o texto refundido da Lei Reguladora das Facendas Locais, este concello establece a taxa por expedición de documentos administrativos que se rexerá pola presente ordenanza fiscal, que atende ó establecido no art. 57 do citado RDL 2/2004, de 5 de marzo.

Son suxeitos pasivos contribuíntes as persoas físicas e xurídicas e as entidades ás que se refire o art. 35.4 da Lei 58/2003, de 17 de decembro, Xeral Tributaria que soliciten u provoquen a tramitación do documento ou expediente de que se trate, ou que redunde no seu interese.

Gozarán de exención subxectiva aqueles contribuíntes que obteñan ingresos anuais inferiores ós que correspondan ó salario mínimo interprofesional.

A tarifa á que se refire o artigo anterior estructurarase nos seguintes epígrafes:

CONCEPTO: EUROS

Epígrafe 1º : Documentos relativos a servicios de urbanismos:

1.- Por cada expediente de declaración de ruína de edificios: 42,79 euros

2.- Por cada certificación de servicios urbanísticos que se expida, solicitada por instancia de parte.: 14,81 euros

3.- Por cada informe que se expida sobre características do terreo, ou consulta a efectos de edificación, por instancia de parte.: 14,81 euros

4.- Por cada plano de aliñación de rúas, ensanches, etc. Por cada m² ou fracción de plano.: 2,23 euros

5.- Por expedición de copias de planos obrantes no expediente de concesión de licencias de obras por cada m² ou fracción de plano.: 2,23 euros

6.- Consulta sobre ordenanzas de edificación: Gratuíto

7.- Obtención de cédula urbanística.: 14,48 euros

8.- Por cada copia de planos de contribución rústica ou urbana: 2,24 euros

9.- Por cada copia de documentos non especificados anteriormente: 0,65 euros

Epígrafe 2º :

Compulsa de documentos, por cada unidade: 0,33 euros

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 181 e seguintes da Lei 58/2003, de 17 de decembro, Xeral Tributaria.