Pobra do Caramiñal A - ORDENANZA REGULADORA DA TAXA POR EXPEDICIÓN DE DOCUMENTOS ADMINISTRATIVOS

En uso das facultades concedidas polos artigos 133.2 e 142 da constitución e polo artigo 106 da Lei 7/85, do 2 de abril, reguladora das bases de réxime local, e de conformidade co disposto nos artigos 15 e seguintes do RDL 2/2004, de 5 de marzo, polo que se aproba o texto refundido da Lei Reguladora das Facendas Locais, este concello establece a taxa por expedición de documentos administrativos que se rexerá pola presente ordenanza fiscal, que atende ó establecido no art. 57 do citado RDL 2/2004, de 5 de marzo.

1.- Constitúe o feito impoñible da Taxa a actividade administrativa desenvolveita con motivo da  tramitación, a instancia de parte, de toda clase de documentos que expida e de expedientes dos que entenda a Administración ou as autoridades municipais.

2.- Para estes efectos, entenderase tramitada a instancia de parte, calquera documentación administrativa que fora provocada polo particular e redunde no seu beneficio aínda que non mediara solicitude expresa do interesado.

3.- Non estará suxeita a esta Taxa a tramitación de documentos e expedientes necesarios para o cumprimento de obrigas fiscais, así como as consultas tributarias, os expedientes de devolución de ingresos indebidos, os recursos administrativos contra resolucións municipais de calquera índole e os relativos á prestación de servicios ou realización de actividades de competencia municipal e á utilización privativa o ó aproveitamento especial de bens de dominio público municipal, que estean gravados por outra taxa municipal ou polos que sexa esixido un prezo público por este Concello.

Son suxeitos pasivos contribuíntes as persoas físicas e xurídicas e as entidades ás que se refire o art. 35.4 da Lei 58/2003, de 17 de decembro, Xeral Tributaria que soliciten u provoquen a tramitación do documento ou expediente de que se trate, ou que redunde no seu interese.

1.- Responderán solidariamente das obrigas tributarias do suxeito pasivo as persoas físicas ou xurídicas ás que se refiren os artigos 38.1 e 39 da Lei Xeral Tributaria.

2.- Serán responsables subsidiarios os administradores das sociedades e os síndicos, interventores ou liquidadores de crebas, concursos, sociedades e entidades en xeral, nos supostos e co alcance que sinala o art. 40 da Lei Xeral tributaria.

Gozarán de exención subxectiva aqueles contribuíntes que obteñan ingresos anuais inferiores ós que correspondan ó salario mínimo interprofesional.

1.- A cota tributaria determinarase por unha cantidade fixa sinalada seguindo a natureza dos documentos ou expedientes que se tramiten, dacordo coa tarifa que contén o artigo seguinte.

2.- A cota da tarifa correspondinte á tramitación  completa de cada instancia, do documento ou expediente de que se trate, desde a súa iniciación ata a súa resolución final, incluída a certificación e notificación ó interesado do acordo recaído.

3.- As cotas resultantes por aplicación das anteriores tarifas incrementarase nun 50% cando os interesados solicitaran, con carácter de urxencia, a tramitación dos expedientes que motivaran a obriga de pagamento.

A tarifa á que se refire o artigo anterior estruturarase nos seguintes epígrafes:

Non se concederá bonificación ningunha dos importes das cotas tributarias sinaladas na tarifa desta taxa.

1.- A taxa ten obriga de pagamento e nace esta cando se presente a solicitude que inicia a tramitación dos documentos e expedientes suxeitos ó tributo.

2.- Nos casos os que se refire o número 2 do artigo 2ª, o inicio da obriga prodúcese cando teñan lugar as circunstancias que provean a actuación municipal de oficio ou cando esta se inicie sen solicitude previa do interesado pero redunde no seu beneficio.

1.- A taxa esixirase en réxime de autoliquidación, polo procedemento de selo municipal adherido ó escrito de solicitude da tramitación do documento ou expediente, nestes mesmos se o escrito non existira ou a solicitude non fora expresa.

2.-Os escritos recibidos polos conductos  a que fai referencia o ar. 66 da Lei de procedemento administrativo que non veñan debidamente reintegrados serán admitidos provisionalmente pero non poderá dárselles curso sen que se subsane a deficiencia, para o que se requirirá ó interesado para que, no prazo de dez días abone as cotas correspondentes co apercibimento de que transcorrido dito prazo sen efectualo teranse os escritos por non presentados e será arquivada a solicitude.

3.- As certificacións e documentos que expida a Administración municipal en virtude de oficio de xulgados ou tribunais para toda clase de preitos, non se entregarán nin remitirán sen que previamente se satisfaga a correspondente cota tributaria.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 181 e seguintes da Lei 58/2003, de 17 de decembro, Xeral Tributaria.

A presente ordenanza fiscal foi aprobada polo Concello pleno o día 4 de decembro de 1989 e modificada polo mesmo órgano o 16 de novembro de 1999, 26 de decembro de 2000, 8 de novembro de 2001, 11 de novembro de 2002, 30 de outubro de 2003 e 28 de decembro de 2004, permanecendo en vigor ata a súa modificación ou derrogación expresa.