Cerceda - ORDENANZA FISCAL Nº 13. -TAXA POLA UTILIZACIÓN DE PISCINAS, INSTALACIÓNS DEPORTIVAS E CULTURAIS E OUTROS SERVICIOS.

Este Concello conforme ó autorizado polo artigo 106 da Lei 7/85 do 2 de abril, reguladora das Bases do Réxime Local e de acordo co previsto no artigo 20.4.o) do Texto refundido da Lei reguladora das Facendas Locais, aprobado por Real decreto 2/2004, de 5 de marzo, establece a Taxa pola utilización de piscinas, instalacións deportivas e outros servicios análogos, que se regulará pola presente Ordenanza, redactada conforme ó disposto no artigo 16 do Texto refundido citado.

Exclúese a taxa pola entrada ó parque acuático de Cerceda, regulado nunca ordenanza específica.

Constitúe o feito impoñible deste tributo:

a) O uso das piscinas municipais.

b) O uso das pistas polideportivas.

c) Outras instalacións análogas

d) A prestación dos servicios de que están dotadas as transcritas instalacións.

e) O uso de instalacións culturais.

A obrigación de contribuír nacerá dende que se inicie a utilización, mediante a entrada ó recinto e previo pago da taxa. No caso de escolas deportivas dende o inicio da actividade. No caso de instalacións culturais será dende o primeir día de utilización, previo pago das taxas.

Son suxeitos pasivos as persoas físicas ou xurídicas que soliciten ou resulten beneficiadas das actividades que constitúen o feito impoñible desta taxa.

Tomarase como base do presente tributo o número de persoas que efectúen a entrada, así como o número de horas ou fracción de utilización das piscinas, pistas e demais instalacións e a participación en escolas deportivas.

As tarifas a aplicar serán as seguintes (en euros):

No caso das instalacións culturais:

- Ás asociacións veciñais, culturais, colexios e entidades de similar natureza domiciliadas no término municipal aplicaráselles o 50% das tarifas anteriores.

- O Concello, previa solicitude, poderá conceder unha bonificación de ata o 100% das taxas se se considera que a actividade a desenrolar é de interese xeral do municipio.

7.1.-Terán a consideración de abonados das instalacións aqueles que o soliciten ó Concello en instancia dirixida ó Sr. Alcalde, facendo constar idade e domicilio, acompañando dúas fotografías tamaño carnet. A calidade de abonado será outorgada pola Alcaldía, unha vez comprobado que a solicitude reúne tóda-las condicións esixidas e que existe cupo suficiente para a capacidade das mesmas, extendéndose neste caso o correspondente carnet que será persoal e intransferible.

A efectos de verificación dos datos da instancia, será necesaria a exhibición do Libro de Familia.

7.2.-Os abonados deberán satisfacer as súas cotas dentro dos primeiros cinco días hábiles de cada mes, trimestre ou ano, segundo corresponda, mediante domiciliación bancaria.

7.3.- Escolas deportivas: Entenderase por curso completo destas Escolas o período comprendido entre o 1 de outubre e o 30 de xuño, excepto as que se impartan na piscina de Cerceda, que se extenderán dende o 15 de septembro ó 30 de xuño. Establécese un pago único para toda a tempada que farase efectivo mediante ingreso bancario, segundo modelo facilitado nas oficinas do Concello que se acompañará á solicitude que se cita no apartado 7.1.

O pago poderá fraccionarse en dúas metades a aqueles que o soliciten na formalización da matrícula, abonando nese momento o 50% e o resto o 1 e 30 de xaneiro seguintes.

No caso de que varios irmáns participen na mesma actividade, o segundo abonará o 50% da cota e a partir do terceiro, será gratuíto. Esta situación acreditarase adxuntando á solicitude fotocopia do Libro de Familia.

Cada participante formalizará a matrícula na especialidade que desexe entre o 1 e 30 de outubre no modelo que se facilitará nas oficinas do Concello. A cota de matriculación é indivisible e independente das respectivas cotas do cursillo.

7.4-Os usuarios das instalacións culturais abonarán as taxas correspondentes previamente ó uso das mesmas e, en caso de abono mensual, dentro dos cinco primeiros días do mes. mediante domiciliación bancaria.

8.1.-De conformidade co disposto no artigo 9 da Lei 39/88 do 28 de decembro, non se recoñece beneficio tributario algún, agás os que sexan consecuencia do establecido nos Tratados ou Acordos Internacionais ou veñan previstos en normas con rango de Lei.

8.2.-Excepcionalmente concederase unha bonificación do 25% do custo dos cursos a persoas maiores de 65 anos.

8.3-Os usuarios en situación de exclusión social, entendéndose por tales os que teñan unha renda per cápita familiar inferior a 1.500 euros netos anuais, previo informe dos servicios sociais, poderán participar na utilización das instalacións e actividades deportivas e culturais de forma gratuíta.

En todo o relativo á calificación de infraccións tributarias e sancións, ademais do previsto nesta Ordenanza, estarase ó disposto nos artigos 181 e seguintes da Lei Xeral Tributaria e demais normativa aplicable.