Cerceda - ORDENANZA FISCAL Nº 13. -TAXA POLA UTILIZACIÓN DE PISCINAS, INSTALACIÓNS DEPORTIVAS E CULTURAIS E OUTROS SERVICIOS.

De conformidade co previsto no art. 57 e 20.4.o) do Texto refundido da Lei de Facendas Locais aprobado por Real Decreto Lexislativo 2/2004, este Concello establece a Taxa pola utilización de piscinas e das instalacións deportivas.

Constitúe o feito impoñible deste tributo:

a) O uso das piscinas municipais.

b) O uso das pistas polideportivas.

c) Outras instalacións análogas

d) A prestación dos servicios de que están dotadas as transcritas instalacións.

Están obrigados ó pagamento desta taxa as persoas naturais ou xurídicas que soliciten a utilización das instalacións deportivas e as entidades, organismos, asociacións, federacións, clubes, etc., en nome dos cales se solicita autorización para utilizar as instalacións.

As tarifas a aplicar serán as seguintes:

4.1 PISCINAS

4.1.1. Cerceda

Por día:

Menor de 18 anos: 1,50 euros

Adultos: 3,00 euros

Abonos:

Menores de 18 anos: 13,00 euros/mes

Adultos: 16,00 euros/mes

Abono familiar:

Titular: 15,50 euros/mes

Cónxuxe: 6,50 euros/mes

Cada fillo menor de 18 anos: 3,50 euros/mes

4.1.2. A Silva

Por día:

12 anos ou menos: 1,00 euros

Máis de 12 anos: 1,50 euros

Abono para 30 días:

12 anos ou menos: 18,00 euros

Máis de 12 anos: 30,00 euros

4.2. XIMNASIO

Entrada individual: 2,00 euros

Abono mensual:

Menores de 18 anos: 10,00 euros/mes

Maiores de 18 anos: 20,00 euros/mes

Abono conxunto ximnasio e piscina: 30,00 euros

4.3. CURSOS NATACIÓN

4.3.1. Abonados (precio por mes)

2 días adultos: 10,00 euros

2 días natación terapeútica: 14,50 euros

2 días nenos: 6,50 euros

3 días adultos: 13,00 euros

3 días natación terapeútica: 20,00 euros

3 días nenos: 10,00 euros

4.3.2. Non abonados (precio por mes):

2 días adultos: 20,00 euros

2 días natación terapeútica: 29,00 euros

2 días nenos: 13,00 euros

3 días adultos: 26,00 euros

3 días natación terapeútica: 38,50 euros

3 días nenos: 18,00 euros

4.4. POLIDEPORTIVO E PISTA MULTIDEPORTE

Por hora, sen luz: 9,50 euros

Por hora, con luz: 12,00 euros

4.5. CAMPOS DE FÚTBOL

4.5.1. Campo sintético fútbol 11:

Sen luz artificial:

1 hora: 60,00 euros

2 horas: 90,00 euros

Con luz artificial:

1 hora: 80,00 euros

2 horas: 110,00 euros

4.5.2. Campo de fútbol 7:

Sen luz artificial:

1 hora: 30,00 euros

2 horas: 45,00 euros

Con luz artificial:

1 hora: 35,00 euros

2 horas: 55,00 euros

4.5.3. No caso de que a utilización dos campos de fútbol supere as dúas horas, comenzará o cómputo de novo, como unha nova utilización.

4.6. Cando o Concello organice directamente algunha actividade de carácter especial, sexa ou non deportiva, poderá establecer unha cota de taquilla.

1. As persoas, clubes, entidades, federacións, etc., que desexan utilizar as instalacións deberán solicitalo por escrito, con, polo menos, tres días de antelación, ante o Concello, expresando os días e horas que desexan efectuar a utilización e demais circunstancias que estimen oportunas.

2. As solicitudes debidamente tramitadas serán resoltas polo Sr. alcalde-presidente ou pola persoa na que él delegue. No momento de comunicar a concesión do uso da instalación, deberá ingresarse nunha conta bancaria de titularidade municipal, o importe da taxa correspondente, sen que, en ningún caso, se proceda á apertura de ditas instalacións sen presentar a correspondente autorización e o xustificante de ingreso ante a persoa responsable.

3. No caso dos abonados, terán esta consideración aqueles que o soliciten ó Concello en instancia normalizada dirixida ó Sr. Alcalde, instancia que se poderá recoller, ademáis de na casa consistorial, nas propias instalacións municipais. Acompañando á instancia debidamente cuberta, xuntarase o xustificante de ter feito o ingreso da primeira cota na entidade bancaria correspondente. En ningún caso, se admitirán pagos en efectivo nas instalacións municipais.

4. Mensualmente, unha vez comprobado pola intervención municipal o ingreso da cota mensual correspondente, que deberá realizarse dentro dos cinco primeiros días de cada mes, expedirase un carnet persoal e intransferible, que terán o seu dispor nas instalacións deportivas.

1.-De conformidade co disposto no artigo 9 do Real Decreto Lexislativo 2/2004, non se recoñece beneficio tributario algún, agás os que sexan consecuencia do establecido nos Tratados ou acordos internacionais ou veñan previstos en normas con rango de Lei.

2.-Os usuarios en situación de exclusión social, entendéndose por tales os que teñan unha renda per cápita familiar inferior a 1.500 euros netos anuais, previo informe dos servicios sociais, poderán participar na utilización das instalacións e actividades deportivas de forma gratuíta.

A presente ordenanza entrará en vigor unha vez aprobada definitivamente e sexa publicada no Boletín Oficial da Provincia, e comenzará a aplicarse a partir do día seguinte ó da súa publicación, permanecendo en vigor ata a súa modificación ou derogación expresa.