Narón - ORDENANZA FISCAL NÚM. 12.- REGULADORA DA TAXA POR LICENCIA DE APERTURA DE ESTABLECEMENTOS.

Son suxeitos pasivos contribuíntes as persoas físicas e xurídicas e as entidades ás que se refire o artígo 35.4 da Lei Xeral Tributaria, titulares das actividades que se pretende desenvolver ou, no seu caso, se desenvolve en calquera establecemento industrial ou mercantil.

Os expedientes informados favorablemente pola Inspección Municipal de Sanidade, pasarán ó negociado de urbanismo quen procedera a propoñe-la liquidación dos dereitos correspondentes, á Comisión de Goberno e, unha vez aprobada, será notificada ós interesados na forma regulamentaria.

1.- Devengarase a taxa e nace a obrigación de contribuir, cando se inicie a actividade municipal que constitúe o feito impoñible. A este efecto, entenderase iniciada dita actividade na data de presentación da oportuna solicitude da licencia de apertura, se o suxeito pasivo formulase expresamente esta.

2.- Cando a apertura tivese lugar sen ter obtido a oportuna licencia, a taxa devengarase cando se inicie efectivamente a actividade municipal conducente a determinar se o establecemento reúne ou non as condicións esixibles, con independencia da iniciación do expediente administrativo que poida instruírse para autoriza-la apertura do establecemento ou decretar o seu peche, se non fose autorizable dita apertura.

3.- A obrigación de contribuir, unha vez nacida, non se verá afectada, en xeito algún, pola denegación da licencia solicitada ou pola concesión desta condicionada á modificación das condicións do establecemento, nin pola renuncia ou desistimento do solicitante unha vez concedida a licencia.