Negreira - Ordenanza fiscal reguladora da taxa por prestación de servizos deportivos municipais

No uso das facultados concedidas polos artigos 133.2 e 142 da CE e polo artigo 106 da Lei 7/1985. do 2 de abril, Reguladora das Bases de Réxime Local, e de conformidade co disposto no artigo 24 do RDL 2/2004, de 5 de marzo, polo que se aproba o Texto Refundido da Lei Reguladora das Facendas Locais, este Concello establece a taxa pola prestación de servizos deportivos municipais, que se rexerá pola presente Ordenanza fiscal, atendendo ás normas ó previsto no artigo 57 do citado RDL.

Están obrigados ó pagamento das taxas reguladas nesta Ordenanza as persoas ou entidade que utilicen as instalacións deportivas municipais ou sexan usuarias dos servizos deportivos abaixo citados.

1. A contía das taxas reguladas nesta Ordenanza será a fixada nas tarifas contidas no apartado seguinte para cada un dos distintos servizos ou actividades.

2. Tarifas para o exercicio 2009:

a. Entrada á piscina: 1,00 euros por persoa.

b. Abono mensual piscina: 10 euros por persoa.

c. Abono temporada piscina: 20 euros por persoa.

d. Cursillos natación: 6 euros por persoa.

e. Utilización pavillón polideportivo: 8 euros/hora.

f. Liga fútbol-sala (inverno): 250 euros por equipo.

g. Escolas deportivas: 40 euros por persoa; 35 euros por persoa cando haxa máis dun membro da mesma familia; 30 euros por persoa cando haxa máis de dous membros da mesma familia.

h. Ximnasia de mantemento: 50 euros por persoa.

i. Campamentos: 60 euros por persoa; 55 euros por persoa cando haxa máis dun membro da mesma familia.

j. Ximnasia da 3ª idade: 40 euros por persoa.

k. Utilización campo de fútbol de herba artificial de Cepelo: 50 euros/hora.

l. Utilización das pistas de tenis: 2 euros/hora.

1. Non están suxeitos a esta taxa aquelas utilizacións correspondentes a competicións organizadas ou patrocinadas por iniciativa do Concello de Negreira.

2. A Xunta de Goberno Local poderá conceder exencións ou bonificacións desta taxa no caso de utilización das instalacións para a celebración de actos organizados con fins benéficos.

As persoas ou entidades interesadas na obtención da devandita exención ou bonificación deberán solicitalas por escrito con anterioridade á celebración das actividades, acreditando abondo as circunstancias que concorran na súa pretensión.

No caso xeral de utilización individualizada das instalacións deportivas municipais fundiranse nun só intre procedimental as fases de devengo, liquidación e pago da taxa. Dito intre procedimental producirase cando a persoa manifeste a súa pretensión de utilizar as referidas instalacións.

No caso de solicitude por colectivos para a utilización nun momento posterior, o devengo e a liquidación produciranse coa autorización da Alcaldía. O pago, que se efectuará con anterioridade á utilización efectiva, realizarase na Tesourería municipal.

A presente Ordenanza entrará en vigor ó día seguinte o da súa íntegra publicación no Boletín Oficial da Provincia, perrnanecendo en vigor ata a súa modificación ou derrogación expresa.