Arteixo - Ordenanza nº 32, reguladora do prezo público pola prestación do servizo público da escola infantil municipal de Arteixo

De conformidade co previsto no artigo 127, en relación co artigo 41 ámbolos do Real Decreto Lexislativo 2/2004, do 5 de marzo, polo que se aproba o texto refundido da lei reguladora das facendas locais, , así mesmo conforme ao Decreto 70/2002, do 28 de febreiro, polo que se aproba o réxime de prezos dos centros de atención á primeira infancia dependentes da Consellería de Familia e Promoción do Emprego, Muller e Xuventude, este concello establece o prezo público por prestación do servizo público Escola Infantil Municipal de Arteixo, especificando as tarifas no artigo 4 e seguintes, que se rexerán polo presente texto normativo.

Están obrigados ao prezo público regulamentado nesta ordenanza os que se beneficien dos servizos ou actividades prestados ou realizados pola Escola Infantil Municipal de Arteixo.

3.1.- Enténdese por ¿renda per cápita mensual" o resultado de dividir polo número de persoas que compoñen a unidade familiar ou de convivencia o cociente resultante de dividir entre 12 meses a suma dos ingresos totais da unidade familiar ou de convivencia.

No caso de familias monoparentais, incrementarase nun 0,8 o número real de membros que compoñen a unidade familiar ou de convivencia ós efectos de cálculos da renda per cápita.

Pola condición de familia monoparental enténdese a formada pola nai solteira ou o pai solteiro que non manteña relación de convivencia ou situacións de separación, divorcio ou viuvez (acreditada mediante fotocopia compulsada do libro de familia e certificado de convivencia).

3.2.- Para os efectos desta Ordenanza, ten a consideración de ingresos a suma da parte xeral máis a parte especial da base impoñible previas á aplicación do mínimo persoal e familiar do imposto sobre a renda das persoas físicas.

Para as persoas non obrigadas a declarar, as bases impoñibles ás que se fai referencia obteranse como resultado de aplicar aos datos existentes na Administración os criterios da lexislación do imposto sobre a renda das persoas físicas.

3.3.- A efectos de aplicación desta Ordenanza, entenderase por ¿unidade familiar" a formada polos cónxuxes non separados legalmente e, no seu caso, os fillos e fillas menores con excepción dos que, con consentimento dos pais, vivan independentes destes e os fillos maiores de idade e menores de 26 anos cunha discapacidade superior ao 33% e os incapacitados xudicialmente suxeitos á patria potestade prorrogada ou rehabilitada ou os así declarados pola administración autonómica competente.

Nos casos de separación legal ou cando non existise vínculo matrimonial, a unidade familiar estará formada polo pai ou nai e tódolos fillos e fillas que convivan con un ou outro e reúnan os requisitos descritos no parágrafo anterior e, si é o caso, pola persoa que sexa parella de feito de calquera dos proxenitores que teña as fillas e fillos a cargo.

A efectos de aplicación desta ordenanza tamén se terán en conta as unidades de convivencia.

A determinación dos membros da unidade familiar ou de convivencia farase atendendo á situación existente a 31 de decembro de cada ano.

4.1.- Contías máximas dos servizos:

4.1.1.- MATRÍCULA / OUTROS GASTOS

(1) As tarifas por este concepto abonaranse no momento da formalización de matrícula cando a nena/o neno cause alta por primeira vez no centro e cada curso que renove praza no período que se estableza ó efecto.

4.1.2.- ASISTENCIA: según os distintos horarios ós que se opte, en contía mensual:

4.1.3.- SERVIZOS COMPLEMENTARIOS, en contía mensual:

4.2.- En aplicación do Decreto 70/2002, do 28 de febreiro, os tramos de ingresos para a aplicación das reduccións sobre a contía máxima son os seguintes:

¿ Para matrícula/outros gastos e asistencia

¿

¿ Para outros servizos complementarios :

4.3.- En aplicación dos apartados anteriores, as tarifas de aplicación son a seguintes:

I) TARIFAS SERVIZOS

4.4.- Situacións especiais:

4.4.1.- Para as nenas e os nenos que non empreguen habitualmente o servizo de xantar e que desexen utilizalo algún día con carácter solto o prezo será de 2 € /día.

4.4.2.- Para as nenas e os nenos que non empreguen habitualmente o servizo de almorzo e que desexen utilizalo algún día con carácter solto o prezo será de 1 € /día.

4.4.3.- Para as nenas e os nenos que non empreguen habitualmente o servizo de merenda e que desexen utilizalo algún día con carácter solto o prezo será de 0,50 € /día.

4.4.4.- Para as nenas e os nenos que, con carácter extraordinario, soliciten máis horas diarias de asistencia ao centro que as contempladas no horario do que é usuaria/usuario, a tarifa mensual que lle corresponde abonar incrementarase atendendo o número de horas que permaneza no centro.

4.4.5.- As nenas e os nenos que soliciten ingreso na Escola Infantil Municipal e non estean empadroados, aboarán a contía máxima estipulada para matrícula/outros gastos, asistencia no horario concedido e servizos dos que sexa usuario.

Segundo as circunstancias da unidade familiar ou de convivencia, sobre o prezo que resulte de aplicar o disposto nas táboas anteriores, aplicaranse os seguintes descontos para as situacións descritas:

Para a situación de irmáns nacidos en parto múltiple, o desconto aplicarase no primeiro ano (curso) de asistencia á Escola Infantil

Para a situación descrita no apartado 4.4.5. do artigo anterior, non será de aplicación ningún dos descontos estipulados

6.1.-Para as nenas e nenos que asistan os sábados en horario de mañá o prezo será de 50 € / mes aplicables sobre a tarifa que teñen concedida.

6.2. - Para as nenas e nenos que almorcen os sábados o prezo será de 4 € / mes.

6.3.- Para as nenas e nenos que xanten os sábados o prezo será de 8 € / mes.

6.4.- A estas tarifas non lles serán aplicables as reduccións e descontos previstos nos artigos 4.2 e 5.

6.5.- Se fose necesario atender casos puntuais remitidos con preceptivo informe dos Servizos Sociais do Concello, aboarase a cota correspondente a esa praza con cargo aos orzamentos de axudas sociais dos Servizos Sociais Municipais.

A obriga do pagamento do prezo público regulamentado nesta ordenanza nace desde o momento en que se preste o servizo.

Ao longo do curso poderase proceder á revisión da tarifa fixada inicialmente, cando concurran e se xustifiquen variacións socioeconómicas na unidade familiar referidas aos seguintes casos:

a) Modificación das variables que determinan as persoas que, convivindo no mesmo domicilio, teñen ingresos inferiores o salario mínimo interprofesional anual vixente.

b) Variacións nos seus ingresos, sempre que estes se sufrisen durante máis de catro meses consecutivos e mantivesen na data de revisión da tarifa unha disminución ou incremento de máis do 20% fronte aos ingresos declarados na solicitude de praza.

O beneficiario queda obrigado a comunicar calquera variación que se produzca na situación socioeconómica e familiar que dira lugar á concesión de praza e aplicación de tarifa.

A modificación da tarifa, se é o caso, será resolta pola mesa de baremación da escola infantil municipal.

No mes de decembro de cada curso, iniciarase, de oficio, a actualización dos datos económicos que constan no expediente de cada nena ou neno. No caso de que a súa tarifa se vexa modificada, esta será aplicable a partires do 1 de xaneiro.

Non se terá obriga de abonar a cota nos seguintes períodos:

§ Mes de vacacións da nena ou do neno.

§ Cando, por calquera motivo distinto ó período de vacacións anuais, o centro permaneza pechado por un período superior a 15 días.

§ Cando, por causa debidamente xustificada, a nena ou o neno deixe de asistir temporalmente ó centro. Neste caso, o suxeito obrigado ó pago estará exento de abonar a cota desde o primeiro día do segundo mes natural seguinte ó da data de ausencia ó centro. A suspensión da cota durará ata o día primeiro do mes natural que no que se produza a reincorporación da nena ou do neno. Se a reincorporación se produce con posterioridade ó día 15 do mes, a cota correspondente reducirase nun 50 % nesa mensualidade.

As solicitudes para acceder aos servizos que se prestan na Escola Infantil Municipal formalizaranse por escrito a través de instancias dirixidas á Alcaldía-Presidencia da corporación municipal entregadas no Rexistro Xeral do Concello, xuntando a documentación sinalada no artigo 30 da Ordenanza Reguladora da Escola Infantil Municipal de Arteixo.

Recibida a instancia xunto coa documentación, procederase polos técnicos responsables á comprobación dos datos aportados, avaliando as solicitudes ( segundo o anexo I da Ordenanza Reguladora da Escola Infantil Municipal ) e elaborando un informe posterior que será sometido a dictame da Comisión de Baremación da Escola Infantil Municipal de Arteixo. O mesmo elevarase á Xunta de Goberno Local, que será quen decida en última instancia.

En caso de urxencia motivada, e sempre que exista dispoñibilidade de praza, será a Alcaldía-Presidencia quen decida a concesión ou denegación dos servizos, dando conta na seguinte Xunta de Goberno Local que reúna.

O pagamento dos prezos das mensualidades farase por adiantado nos primeiros dez días de cada mes, segundo a factura expedida pola Escola Infantil Municipal de Arteixo, que incluirá, ademais do importe da mensualidade, o resto dos servizos que reciben as usuarias e os usuarios.

O pagamento da matrícula/outros gastos deberá abonarse no momento da formalización da inscrición.

O presente texto normativo regulador do prezo público pola prestación do servizo da escola infantil municipal de Arteixo, foi aprobado polo Concello Pleno en sesión celebrada o día vinte de xuño de 1997.

Foi modificado posteriormente polo Concello Pleno en sesión celebrada o día 1 de outubro de 2001, 30 de outubro de 2003 e 26 de marzo de 2009

A presente modificación foi aprobada polo Concello Pleno en sesión celebrada o día 26 de marzo de 2009.Entrará en vigor unha vez publicado o seu texto integro no Boletín Oficial da Provincia e teña trancorrido o prazo de 15 dias previsto no artigo 65.2 da Lei 7/85, de 2 de abril, reguladora das bases de réxime local, permanecendo en vigor ata a súa modificación ou derrogación expresas.