Arteixo - Ordenanza nº 34, prezo público pola prestación de servizos socioculturais, deportivos, recreativos e outros análogos

De conformidade co previsto nos artigos 41 e 127 do R.D. lexislativo 2/2004, de 5 de marzo, polo que se aproba o texto refundido da Lei reguladora das facendas locais e en exercicio da potestade regulamentaria recoñecida ao Concello de Arteixo, na súa calidade de Administración Pública Territorial, polos artigos 4, 49, 70.2 e concordantes da Lei 7/85, de 2 de abril, reguladora das Bases de Réxime Local, estabelecese o prezo público por prestación de servizos culturais, deportivos, de ocio e outros análogos

Están obrigados ao pagamento do prezo público regulamentado nesta ordenanza, as persoas físicas ou xurídicas receptoras dos servizos descritos ou que procedan á utilización das instalacións ou bens reflectidos no artigo seguinte.

1. A contía do prezo publico regulado nesta ordenanza será a fixada nas tarifas contidas no apartado seguinte, para cada un dos distintos servizos ou actividades.

2. As tarifas deste prezo público serán as seguintes:

1. O estabelecemento ou modificación dos prezos públicos corresponderá á Xunta de Goberno Local, respecto da determinación de que actividades e servizos quedan gravados por prezos públicos e as contias do gravame, en réxime de competencia delegada polo Pleno en uso das facultades previstas no artigo 47.1 do Real Decreto Lexislativo 2/2004, de 5 de marzo, polo que se aproba o texto refundido da Lei reguladora das facendas locais, en relación co artigo 23.2.b) da Lei 7/85, de 2 de abril, reguladora das bases de réxime local.

2. Toda proposta de fixación ou modificación dos prezos públicos deberá ir acompañada dunha memoria económico-financieira, que xustificará o importe dos mesmos, o grao de cobertura financieira dos custos correspondentes e, no seu caso, as utilidades derivadas da realización das actividades e a prestación dos servizos ou os valores de mercado que se toman como referencia.

3. No acordo de fixación de prezos públicos estabelecerase a data na que se empezará a esixir o prezo público novo ou modificado.

4. Os importes dos prezos públicos aprobados daranse a coñecer mediante anuncios no BOP e no taboleiro de edictos da Corporación.

1. As tarifas fixadas para a entrada no auditorio terán unha reducción do 25% para os colectivos de estudantes de ensinanzas homologadas; terceira idade e menores de 12 anos. Igualmente teran unha reducción do 20% se fora mercado un abono que incluirá como mínimo tres funcións por semestre. Se do resultado da anteriores operacións resultaran unha cantidade con decimais, redondearase até o seguinte decimal rematado en cinco ou en cero.

2. Cando os ingresos da unidade de convivencia non superen os que deseguido se detallan, os usuarios terán unha redución do 50% no importe dos prezos correspondentes ao apartado 3.2.1, do artigo 3, apartado segundo (Actividades extraescolares deportivas e educativas nos colexios públicos).

Para os efectos deste artigo, entenderase por unidade de convivencia aquela vencellada económicamente ao solicitante. Para o cálculo dos ingresos contabilizarase os dos familiares obrigados a prestar alimentos segundo o define o Código Civil.

1. O pagamento de dito prezo público efectuarase:

a) Para as tarifas sinaladas no artigo 3.2.1 (asistencia a espectáculos no auditorio municipal), no momento de retirar a entrada ou abono correspondente.

b) Para as tarifas sinaladas no artigo 3.2.2.1 (participación en obradoiros e actividades de ocio organizados pola Concellería de Cultura) e 3.2.3.1 (campamentos e intercambios organizados pola Concellería de Cultura), no momento de ter concedida a aceptación preceptiva, sempre con anterioridade ao inicio da prestación do servizo, autoliquidando o importe segundo modelo estabelecido ao efecto.

c) Nas actividades extraescolares deportivas e educativas impartidas nos colexios públicos (3.2.3.2.1), coincidirá co período de desenvolvemento da escola deportiva correspondente, podendo prorratearse o cobramento do prezo en tres períodos e nas porcentaxes seguintes:

- Mes de outubro....................... 40%

- Mes de xaneiro........................ 40%

- Mes Abril.................................. 20%

d) Cando se produza enfermidade ou imposibilidade física ou psíquica, debidamente xustificado, que impida ao alumno practicar a actividade, o prezo a abonar determinarase en función dos meses ou fracción dos mesmos, que asistiu ás actividades, prorrateándose o prezo sinalado no artigo 3.2.3.2.1, e procedendo á súa devolución se tivera abonado un período superior ao prestado.

e) Nas actividades contempladas nos artigos 3.2.3.2 (escolas deportivo municipais) e 3.2.3.3.(outros servizos relacionados coa práctica deportiva), agás as actividades extraescolares deportivas nos colexios públicos, os prezos prorratearanse proporcionalmente nos casos que o inicio da actividade teña lugar con posterioridade ao mes de outubro, facéndose o cálculo de xeito proporcional aos trimestres que restan para rematar o curso. Aos efectos deste cálculo, considerase incluído no prezo o trimestre que corresponda ao inicio da actividade. En calquera dos supostos anteriores, os prezos terán un incremento do 20% para aquelas persoas non empadroadas no Concello de Arteixo, agás para o contemplado no epígrafe 3.2.3.3.1. (torneo de fútbol sala Concello de Arteixo).

f) Nos obradoiros e actividades organizados polos Servizos Sociais, Xuventude e Educación (artigo 3.2.3.4) con anterioridade ao inicio do obradoiro ou actividade, debendo ingresar o importe do mesmo con anterioridade ao inicio da actividade, segundo recibo estabelecido ao efecto.

g) Para as tarifas da escola municipal de música, o pagamento realizarase trimestralmente. Así, do día 1 ao 15 de outubro de cada ano, no momento de formalizar a matrícula correspondente, deberá abonar o importe correspondente ao 1º trimestre. Os sucesivos trimestres deberán ser abonados nos últimos 15 días do trimestre anterior, utilizando a tales efectos, o modelo estabelecido polos Servizos Económicos.

As tarifas anteriores serán incrementadas anualmente na porcentaxe do I.P.C.

O presente texto normativo regulador do prezo público pola prestación do servizo da escola infantil municipal de Arteixo, foi aprobado polo Concello Pleno en sesión celebrada o día 26 de xuño de 2008, derrogando ao aprobado polo Concello Pleno en sesión celebrada o día 28 de decembro de 2006, baixo o título ¿Prezo público pola prestación de servizos culturais especiais".

Foi modificada posteriormente por acordo da Xunta de Goberno Local en sesión celebrada o día 5 de novembro de 2008..

A presente modificación foi aprobada pola Xunta de Goberno Local en sesión celebrada o día 22 de xullo de 2009, entrando en vigor, unha vez publicado o texto modificado no Boletín Oficial da Provincia e teña transcorrido o prazo de 15 dias previsto no artigo 65.2 da Lei 7/85, de 2 de abril, reguladora das bases de réxime local, permanecendo en vigor até a súa modificación ou derogación expresas.