Ares - ORDENANZA FISCAL REGULADORA DA TAXA POLA PRESTACIÓN DE SERVIZOS SOCIOCULTURAIS, DEPORTIVOS E DE LECER.

Consonte co previsto no artigo 57 do RD Lexislativo 2/2004 de 5 de marzo polo que se aproba o Texto Refundido da Lei 39/1988, de 28 de decembro, Reguladora das Facendas Locais, en relación co artigo 20 da mesma Lei, e en uso das facultades concedidas polos artigos 4 e 106 da Lei 7/1985, de 2 de abril, Reguladora das Bases de Réxime Local, e artigos 15 a 19 do xa citado RD Lexislativo 2/2004 ,este Concello establece a taxa pola prestación de servizos socioculturais, deportivos e recreativos.

1. Está constituído pola realización, por persoas físicas ou xurídicas, de actividades socioculturais, deportivas e recreativas tanto en instalacións municipais coma concertadas.

2. Aos efectos da aplicación da taxa, a obriga de contribuír nace dende o momento en que se formaliza a inscrición nunha actividade e até que remate a mesma, agás cando formalicen a súa baixa na actividade en cuestión nos termos establecidos nesta ordenanza.

3. A baixa nunha actividade hase solicitar no Rexistro Xeral do Concello e non eximirá do pagamento do período impositivo correspondente (día, mes ou cuadrimestre) á data de formalización da baixa.

Están obrigados ao pagamento da taxa por realización de actividades socioculturais, deportivas e de lecer:

1. As persoas físicas que formalicen a súa inscrición nas mesmas nos termos e condicións sinalados no artigo 2.2

2. As persoas físicas ou xurídicas que promovan a utilización dos locais municipais para calquera das actividades previstas nesta ordenanza.

Responderán solidariamente das obrigas tributarias do suxeito pasivo tódalas persoas que sexan causantes ou colaboren na realización dunha infracción tributaria. A responsabilidade esixirase en todo caso, nos termos e consonte co procedemento previsto na nova Lei Xeral Tributaria 58/03 de 17 de decembro.

1. SERVIZOS SOCIOCULTURAIS, DEPORTIVOS E RECREATIVOS

1.1. Escolas deportivas no Pavillón Deportivo Municipal:

1.1.1 Tarifas.

Establécese unha matrícula por alumno/a de Escola de 8,39 euros para os empadroados/as en Ares, e de 15 euros para os non empadroados. Asimesmo as taxas por escola e mes son as que seguen:

Concepto	Categorías	Total
Escola deportiva no Pavillón (1,5 h cada semana, durante 1 mes)	Menores	6,61 euros
	Adultos	9,92 euros
Escola deportiva no Pavillón (2 h cada semana, durante 1 mes)	Menores	8,82 euros
	Adultos	14,52 euros
Escola deportiva no Pavillón (3 h cada semana, durante 1 mes)	Menores	11,02 euros
	Adultos	16,53 euros

1.2. Escolas deportivas fóra do Pavillón:

1.2.1. Tarifas.

Establécese unha matrícula por alumno/a de Escola de 8,59 euros para os empadroados/as en Ares, e de 16,10 euros para os non empadroados. Asimesmo as taxas por escola e mes son as que seguen:

Concepto	Categorías	Total
Resto de escolas deportivas (2 h cada semana, durante 1 mes)	Menores	8,82 euros
	Adultos	13,22 euros

1.3. Escolas culturais:

1.3.1. Taxas.

Establécense unha matrícula por alumno/a de Escola de 8,59 euros para os empadroados/as en Ares, en de 16,10 euros para os non empadroados. Asímesmo as taxas por escola e mes son as que seguen:

Concepto	Categorías	Total
Escola Cultural (1,5 h cada semana, durante 1 mes)	Menores	6,61 euros
	Adultos	9,92 euros
Escola Cultural (2 h cada semana, durante 1 mes)	Menores	8,82 euros
	Adultos	14,52 euros
Escola Cultural (3 h cada semana, durante 1 mes)	Menores	11,02 euros
	Adultos	16,53 euros
Escola Cultural (4 h cada semana, durante 1 mes)	Menores	13,22 euros
	Adultos	18,74 euros

1.4. Cursos puntuais e actividades deportivas e culturais:

Concepto	Total menores	Total adultos
Curso ou actividade de menos de 10 h.	5,37euros	11,02 euros
Curso ou actividade de entre 10 e 20 h.	9,66 euros	15,43 euros
Curso ou actividade de entre 20 e 30 h.	12,88 euros	18,74 euros
Curso ou actividade de máis de 30 h.	16,10 euros	22,04 euros

No momento de efectuar a inscrición en calquera Escola Municipal ou actividade, deberá ordenarse a unha entidade bancaria a domiciliación do pagamento da taxa ou o pago por portelo mensualmente. Igualmente poderase autorizar o pago das taxas nalgún local destinado ó efecto previa autorización da Concellaría de Cultura e Deportes do Concello.

O abono familiar é unha modalidade de pagamento destinada a incentivar a participación dos membros da unidade familiar nas escolas deportivas municipais. Para elo establécense os seguintes reduccións:

Número de inscripcións	Desconto nas matrículas	Desconto na escola.
3 ou máis (unidade familiar)	50% en todas	50% na escola de menor importe.
Familia numerosa.	50% en todas	50% nas escolas.
Familias carentes de recursos económicos (previa comprobación por parte de Asuntos Sociais) ou casos particulares previo estudio.	100% en todas	100% en todas

Considéranse partidas falladas ou créditos incobrábeis aquelas cotas que non se puidesen facer efectivas polo procedemento de prema. Para a súa declaración instruirase o oportuno expediente, de acordo co establecido no vixente Regulamento Xeral de Recadación.

As infraccións e sancións en materia tributaria rexeranse polo disposto nos artigos 181 e seguintes da nova Lei Xeral Tributaria 58/03 de 17 de decembro e a súa normativa de desenvolvemento.

Naqueles supostos non previstos pola presente Ordenanza, será de aplicación a lexislación vixente.

A presente Ordenanza, que consta de 11 artigos, entrará en vigor ao día seguinte da súa publicación no Boletín Oficial da Provincia, permanecendo en vigor até que se acorde a súa modificación ou derogación.