Pobra do Caramiñal A - ORDENANZA FISCAL Nº 10, REGULADORA DA TAXA POR OCUPACIÓN DE TERREOS DE USO PÚBLICO POR MESAS, CADEIRAS E ELEMENTOS AUXILIARES CON FINALIDADE LUCRATIVA.

O art. 133 da CE sinala ca potestade orixinaria para establecer tributos corresponde exclusivamente ó Estado, mediante lei; e cas Corporacións locais poderán establecer e esixir tributos, de acordo coa Constitución e as leis. Por outra parte a mesma CE, no seu art. 142, di que as Facendas locais deberán dispoñer dos medios suficientes para o desempeño das funcións ca lei atribúe ás Corporacións respectivas e nutriranse fundamentalmente de tributos propios e da participación nos do Estado e das Comunidades Autónomas. A Lei 7/1985, de 2 de abril, reguladora das Bases de Réxime Local, no seu art. 106, preceptúa cas Entidades locais terán autonomía para establecer e esixir tributos de acordo co previsto na lexislación do Estado reguladora das Facendas locais e nas Leis que dicten as Comunidades Autónomas nos supostos expresamente previstos naquela; e ademais ca potestade regulamentaria das Entidades Locais en materia tributaria exercerase a través de Ordenanzas fiscais reguladoras dos seus tributos propios. Pola súa parte o art. 57 do RDL 2/2004, de 5 de marzo, polo que se aproba o texto refundido da Lei Reguladora das Facendas Locais, autoriza ós Concellos a esixir taxas pola utilización privativa do dominio público. Por último, as taxas ó ser tributos que poden ser esixidos polos entes locais de forma potestativa, é necesario aproba-las correspondentes Ordenanzas fiscais de conformidade ó previsto nos artigos 15 e ss. Do RDL 2/2004, de 5 de marzo.

Constitúe o feito impoñible da Taxa a utilización privativa do dominio público local mediante a ocupación de terreos de uso público por mesas, cadeiras e elementos auxiliares con finalidade lucrativa.

Son suxeitos pasivos da taxa, en concepto de contribuíntes, as persoas físicas e xurídicas así como as entidades a que se refire o artigo 35.4 da Lei 58/2003, de 17 de decembro, Xeral Tributaria que disfruten, utilicen ou aproveiten privativamente o dominio público local en beneficio particular, mediante ocupación de terreos de uso público por mesas, cadeiras e elementos auxiliares con finalidade lucrativa.

Están exentos da Taxa o Estado, as Comunidades Autónomas e as Entidades locais polos aproveitamentos inherentes ós servicios públicos de comunicacións que exploten directamente ou por tódolos que inmediatamente interesen á seguridade cidadá ou á defensa nacional.

1. A cota da taxa regulada nesta ordenanza será a fixada na tarifa contida no artigo seguinte, atendendo á categoría da rúa e en función do tempo de duración do aproveitamento e da superficie que sexa autorizada a ocupar en virtude da licencia, ou a realmente ocupada, se fora maior.

2. Nos supostos que se utilicen procedementos de licitación pública, o importe da taxa será o valor económico da proposición sobre a que recaia a concesión, autorización ou adxudicación.

1.- O devengo da taxa regulada nesta Ordenanza nace no momento de solicita-la preceptiva licencia.

2.- O pagamento da taxa realizarase por ingreso directo na tesourería municipal ou onde estableza o Concello, no momento de solicita-la preceptiva licencia. Durante os meses de verán, xuño, xullo, agosto e setembro, os obrigados poderán efectuar o pagamento da taxa, fraccionadamente por partes iguais en mensualidades, antes do día primeiro de cada un dos períodos naturais autorizados.

3.- No caso de denegarse as autorizacións, os interesados poderán solicitar deste Concello a devolución do importe.

1.-As cantidades esixibles de acordo coas tarifas liquidaranse por cada aproveitamento solicitado ou realizado e serán prorrateables por quincenas en función do período de instalación. O tempo autorizado será como mínimo de 15 días naturais e como máximo o ano natural. Excepto nos meses de xuño a setembro durante os cales o período mínimo autorizado será de 4 meses. Se ben, poderán solicitarse ocupacións do espacio público, superficie ou número de mesas, diferentes para cada un dos meses do verán, xuño, xullo, agosto e setembro. A Semana Santa serán os 15 días naturais dende o xoves anterior ao Xoves Santo ata o xoves posterior.

2.- As persoas ou entidades interesadas na concesión de aproveitamentos regulados nesta ordenanza, deberán solicitar, cunha antelación mínima dun mes ao inicio do período de instalación solicitado, a licencia e realizar o depósito previo do importe. Concretamente para o período estival o prazo para a presentación de solicitudes remata o 30 de abril.

3.- As solicitudes de licencia, presentaranse no Rexistro Xeral da Corporación. Nas instancias deberá facerse constar de xeito detallado o seguinte:

- Período de instalación solicitado.

- Superficie dos aproveitamentos e os elementos de mobiliario urbano que se pretendan instalar nas terrazas.

- Licencia de actividade e funcionamento do establecemento.

- Plano a escala da terraza que se pretende instalar con indicación dos elementos de mobiliario urbano, así como da súa clase, natureza, número, colocación destes e metros cadrados que pretende ocupar.

- Declaración xurada do interesado de estar libre de cargas e non ter débedas pendentes co Concello.

4.- Con anterioridade á concesión da licencia os servicios técnicos municipais de urbanismo informarán as solicitudes formuladas polos interesados, determinando o cumprimento da normativa urbanística.

5.- Os servicios técnicos económicos municipais comprobarán e investigarán as declaracións formuladas polos interesados, concedéndose as autorizacións se non se atopan diferencias coas peticións de licencias e sempre que o interesado estea libre de cargas e non teña débedas pendentes co Concello. Se apareceran diferencias, notificaranse estas aos interesados e xiraranse, de ser o caso, as liquidacións complementarias correspondentes, concedéndose as autorizacións logo de subsanadas as diferencias polos interesados e, se é o caso, realizados os ingresos complementarios que procedan. No caso de que o interesado non estea libre de cargas e/ou xurdan débedas pendentes co Concello durante o período autorizado a autorización será revogada.

6.- Non se consentirá a ocupación da vía pública ata que se aboe o depósito previo do importe e sexa obtida a correspondente licencia polos interesados. O incumprimento deste mandato dará lugar á non concesión da licencia sen prexuízo do pagamento da taxa e das sanción e recargos que procedan. Tampouco se concederá licencia de ocupación a quen non estea libre de cargas ou teña débedas pendentes co Concello.

7.- As autorizacións terán carácter persoal e non poderán ser cedidas ou subarrendadas a terceiros. O incumprimento deste mandato dará lugar á anulación da licencia.

8.- Esta taxa poderá esixirse en réxime de autoliquidación.

.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 181 e seguintes da Lei 58/2003, de 17 de decembro, Xeral Tributaria.

A limpeza dos espacios que se ocupen será por conta dos concesionarios, debendo manterse en debidas condicións de hixiene, e a estética responderá ó entorno onde se ubique, previa comprobación polos servicios municipais.

A presente ordenanza fiscal foi aprobada polo pleno do Concello o día 18 de febreiro de 1999, entrará en vigor o mesmo día da súa publicación no Boletín Oficial da Provincia e será de aplicación a partir do día seguinte, permanecendo en vigor ata a súa modificación ou derrogación expresas.

O Alcalde e se é o caso o Tenente Alcalde delegado, a través dos servicios municipais correspondentes, será o competente para controlar o exacto cumprimento das normas establecidas nas presentes normas,así como para a imposición de sancións, previa a instrucción do expediente sancionador por parte dos servicios municipais correspondentes.

As infraccións das normas contidas na presente Ordenanza e disposicións complementarias clasifícanse en graves e moi graves.

1 Faltas graves:

a) A falta de ornato e limpeza na terraza ou no seu contorno.

b) O deterioramento nos elementos do mobiliario e ornamentais urbano anexos ou colindantes ao establecemento, que se produzan como consecuencia da actividade desenvolta polo titular da licencia.

c) A ocupación de maior superficie da autorizada, cando o dito exceso non supere nun 10% a superficie autorizada.

d) A non exhibición das autorizacións municipais preceptivas aos inspectores ou autoridades municipais que o soliciten.

2 Faltas moi graves:

a) A reiteración de dúas faltas graves.

b) A desobediencia aos lexítimos requirimentos dos inspectores e autoridades.

c) Non desmontar as instalacións cando así fose ordeado pola autoridade municipal.

d) Instalar elementos de mobiliario non autorizados nin homologados polos servicios municipais.

e) Incumprir as condicións técnicas de instalación e dotacións sinaladas na licencia.

f) A ocupación de maior superficie da autorizada en mais dun 10%.

g) A ocupación da vía pública sen de ter aboado o depósito previo do importe da taxa e/ou sen ter obtida a correspondente licencia.

1. As faltas moi graves sancionaranse con multa de ata 300 €. En caso de reiteración na comisión dunha falta moi grave procederá á revogación da licencia.

2. A sanción correspondente ás faltas graves será de ata 150 €.